|
Re: يوم لا يؤذن لهم فيعتذرون (Re: ناهد محمد الحسن)
|
دكتورة ازيك
ظانيتك انتي لي حسي ما عرفتي كيفن تكتبي عنوال للمنبر ؟.... شوفي اول حاجة تختاري عنوال كاااااارب ... وياريت لوفيهو غمزة واللا لمزة.... يا عاجبلك الناس الهنا ديل تلاتةارباعهم ناس فاوات ساكت يشوفو محل النضم الفارغ ويجارو عليهو.... ما تشوفي النضم الكبار كبار دا ..حافضنو من زمان لي عشرة سنين في المنبر دا وحات الله في زول كل مرة يجيني ناطي وخامي كلمة"كل اناء بما فيه ينضح"....ويدفقا لي في البوست ....ويمشي يملا كوزو تاني ويقعد يكوس لي... متحلني اضانك طرشا...وانا عارفو بقيت اخت لي جردل تحت البوست...مرة كتب لي بدل ينضح ينطح وحات الله اتكيفتا قلت زولي تراهو اتطور شوية نحمد ك يا الله... تاني حاجة اكتبي توجد صورة...... وختي اي صورة ...برضو قاعدين يريدو التصاوير....مرة كتبت بوست عن كديسة وكتبت توجد صورة... والله جاتني كترة امه وكترة ناس عشان يشوفو صورة الكديسة... ابدا نفر دا لاقاكي؟....نضمك الكتبتيهو دا سمح.... علا عنوالك دا ما بيجيب لك زبائن........ واوعك تبقي متل الناس المتفلهمين وتقولي كفاية الناس البيقروهو ..والداير يقراهو بيقراهو.... انتي وانا وكلنا ما نشر شي الا عشان يقراها اكبر عدد..... عشان كدي برضو بوستيكي ابقي فيهو عشرة قدر ما يدردق لي تحت اتلافيهو وجيبيهو فوق... اوعك تخجلي انا حسع مغسل وشي بي مرقة....
اخوكي البما فيه ينضح ُ/سجيمان
|
|
|
|
|
|