|
|
 Re: البشير و إدريس دبي ورئيس الحركة خليل إبراهيم سيصلون الدوحة للتوقيع على ما اتفق عليه!!!!!! (Re: Mohamed Suleiman)
|
| Quote: البشير و إدريس دبي ورئيس الحركة خليل إبراهيم سيصلون الدوحة للتوقيع على ما اتفق عليه!!!!!! |
يا جني ده كله تبادل أدوار واتفاقات طارئة .. زغاوة يدخلوا زغاوة يمرقوا .. والمحرك للعبة دي كلها أيادي خارجية تنقل الحركات كقطع الشطرنج .. واللعب حسب مصالح الكبار أصحاب المال والدعم والسلاح .. إن أرادوا يجبروا خليل والمعاهو للذهاب للخرطوم .. وإن لم يريدوا منعوه وإن تمنع لهم أزاحوه وجابوا غيره .. والحكومة عارفة إنو الحركات ديل قرارهم مرهون بالخارج ، وهي لذلك حبلها معاهم مخلياهو سلبة .. عاوزين مفاوضات ممكن تتفاوض معاهم إلي مالانهاية .. هي خسرانة حاجة؟ وقادة الحركات زاتهم ما خسرانين حاجة - قاعدين مرطبين وسط الأضواء ولابسين البدل والكرفتات في أوروبا وامريكا - وعز .. هم زاتهم ما مصدقين إنهم فيهو ..
فيازول ما تتخم بهذه الإتفاقات الطارئة - لأن السلام الحقيقي حتجيبه تغير الأوضاع علي أرض الواقع في مدن وبوادي دارفور - وهسة حتلاحظ إنو حتي لو خليل ابراهيم رجع لمراحه مع زمرة البشير سينتقل الدعم الخارجي لحركة الفور - ناس عبدالواحد - أو حتي يقوم مناوي يتذمر بأي سبب ويرجع للتمرد .. وهكذا دواليك ..
ياخي مش ملاحظ إنو زمان مناوي كان رأس الحربة و كان أقوي جيش ومهيمن علي الجماعة كلهم، وعندما وقع اتفاق ابوجا فجأة تخلت عنه القوي الداعمة والمنظمات واصبح مهمش لاحول له ولاقوة؟ وفجأة تضخمت حركة العدل والمساواة ونفخت فيها الروح وبقت أقوي حركة؟؟ والقاسم المشترك بين مناوي وخليل إنهم زغاوة تدعمهم حكومة الزغاوة في تشاد، بينما ناس عبدالواحد لا بواكي لهم ، لغاية ما مرقوها في اسرائيل ؟..
علي كل حال أنا شايف إنو الحكومة زاتها ناقشة الفلم كله، ولذلك مخلياهم علي راحتهم مفاوضات للطيش وكان للحرب مخلياهم في مناطقهم المحررة يأكلوا ويشربوا ويعذبوا أهاليهم فيها إلي أن يقضي الله أمراَ كان مفعولاً ..
| Quote: يا محمد سليمان زمان قلت ليك ستتفقون مع البشير وسيظل الجلابة يعارضونه من اجل وطن ديمقراطى يتسع للجميع! |
صاحبك محمدسليمان ما شغال كتير بمناوي أو عبدالواحد أو خليل، زولك ماسك قوي ومكنكش في أهل الجلد والراس .. ناس سيف دارفور !!! ..
|
|
  
|
|
|
|
|
| |
Munir
فيس بوك
تويتر
انستقرام
يوتيوب
بنتيريست