|
رابطة معجبى دينا خالد ,,
|
Quote: رايكم شنو في رابطة معجبي دينا خالد ؟ بشرط واحد تبقوني الرئيس حقها
اها قلتو شنو ؟ . . اول مثني ح ابقيهو نائب الرئيس كسارين التلج من الرجرجة و الدهماء اليبايعو ساي و المعارضة ( المؤثرة ) على نفسها ولو كان بها خساسة اليشيلو سلاحم ساي و يواجهونا |
هذه المداخله كتبها الأخ قيقراوى فى أحد بوستاتها .
|
|
|
|
|
|
|
|
Re: رابطة معجبى دينا خالد ,, (Re: كمال سالم)
|
سعادة الرئيس قيقراوى أين أنت يارجل ؟ تعال يأخ ,, على الأقل عشان تحول بين ود الصائم وأشباهه من الحاسدين .
تعال ياسعادة الرئيس ودعنى أتفرغ لكتابة النظام الأساسى للرابطه .
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
ديباجه : ـــــــــــــ 1/ من هى دينا خالد 2/ لماذا الدعوه لتكوين رابطه بمعجبى دينا خالد 3/ مساهمات دينا خالد فى المنبر وأثرها على القراء 4/ مدرسة دينا خالد المتفرده فى الكتابه 5/ دوبلوماسية وسماحة دينا خالد فى كتاباتها 6/ ترفع دينا خالد عن محاولة البعض هنا من التحرش والإساءه إليها 7/ القيم والمفاهيم التى رسختها دينا خالد فى هذا المنبر 8/ روح المرح العاليه التى تصاحب بوستاتها 9/ سرعة البديهه عند دينا خالد 10/ تحديد موعد لأول لقاء حى للبورداب مع دينا خالد
| |
|
|
|
|
|
|
Re: رابطة معجبى دينا خالد ,, (Re: سلمى الشيخ سلامة)
|
اها ودا تالت عضوية نسائية في الرابطة بعدين تعالوا قولوا لينا ما بنديكم الا الامانة الاجتماعية ودي انا وصاحباتي الاتنين السجلو ما بنقدر عليها باقي دي دايرة ليها بوردابية داخل عشان موضو اللقاء دا وكدا
سلام وتقدير لصاحب البوست وصاحب فكرة الرابطة وللدينا طبعاً
| |
|
|
|
|
|
|
Re: رابطة معجبى دينا خالد ,, (Re: سلمى الشيخ سلامة)
|
Quote: كمال السمح ياسلام عليك شخصيا احترم هذه الانسانة احتراما لايحد اكتبنى معاك فى الرابطة بعد بنيتى مريم بت الحسين
يا دينا بحبك جدا |
أم العروس الحبوبه سلمى ,,
يأخى ماتعملى لينا معاها لقاء صحفى كارب , النشأه والمولد والمراحل الدراسيه وفنانها المفضل ,, ووووووو وغيره من نوع شغلكم بتاع الجرائد ده .
وكده بتكونى حليتينى من الورطه الفى رقم عشره دى !!
| |
|
|
|
|
|
|
Re: رابطة معجبى دينا خالد ,, (Re: نجلاء قرافي)
|
Quote: عندها لغه مبهره البنيه دي وتخش القلب عليك الله ياكمال شفته بتاعت جلطة نافع ديك قويه كيف؟ |
جلطة نافع براها يانجلا ء !! يأخى دى عندها جلطات جلطتنى بيها لمن أدمنت الجلط ذاتو !
| |
|
|
|
|
|
|
Re: رابطة معجبى دينا خالد ,, (Re: عزاز شامي)
|
العزيز كمال سلامات..
غايتو أنا وللضمان كده وعشان خاطر ضحكة ود الصايم "الساحرة" دي والناس العايزين يكونوا في الـ سيف سايد. حأنشئ (رابطة معجبات دينا خالد)*
* دينا يا عسل طبعا إسهاما في جهجهة الجماعة:))))
| |
|
|
|
|
|
|
Re: رابطة معجبى دينا خالد ,, (Re: Raja)
|
ماف كلام يا كمال دينا عندها كتابة سلسة وفيها ذكاء كبير عندها مشكلتين 1. لما تكتب في القانون كتابتها بتكون متماسكة شوية 2.لما ترفع بوست الجمعة من بيت حبوبتها ما بتخضع لرقابة النشر..
__ انتو ما شفتو دينا؟؟ انا غايتو قبل فترة في بنية كانت لابسة نضارة سودا وسايقة هوندا في اشارة شارع 15 قلت دي دينا خالد..وخلاص كدة
| |
|
|
|
|
|
|
Re: رابطة معجبى دينا خالد ,, (Re: على محمد على بشير)
|
Quote: وبما انك اخى كمال ما طمعان فى منصب نائب الرئيس انا بثنى وبطمع فى منصب نائب الرئيس |
قال ما طمعان !!! يأخ أنا طمعان فى أى شئ ولولا المؤسسيه الرابطه دى كنت أكون رئيسها وسكرتيرها وأمين مالها( وراجلها ذاتو ) . لكن لعن الله القوانين المقيده للحريات !!
بعد ساعتين يامحمد على حتلقانى أصدرت بيان الإطاحه بالرئيس .
| |
|
|
|
|
|
|
Re: رابطة معجبى دينا خالد ,, (Re: GamarBoBa)
|
Quote: رابطة معجبي (رأي) دينا خالد!! |
لكن يا ود الصائم كبت الدم عديـــــــــــل كدا..
شايفة في المنبر العيامات دي في اتجاهات لوصمنا بالغيرة وكدا ، اها في كل الاحوال يا دينا يا خالد ويا كمال يا سالم
انا معجبة
و
بالحيل كمان
| |
|
|
|
|
|
|
Re: رابطة معجبى دينا خالد ,, (Re: شمائل النور)
|
والله والله اصلوا البوست دا كلو حليفة يا قمر بوبا انت وداعيه يا اخبارك من مصادر موثوقة
يا كمان .................
ــــــــــــــــ هجمتنى يا بوبا عديييل كدا .. والله اتهجمت
| |
|
|
|
|
|
|
Re: رابطة معجبى دينا خالد ,, (Re: دينا خالد)
|
Quote: تعرف لما قريت رقم 6 الاخيرة دى صحكت ضحك شديييييد والله يا كمال ضحك جد جد عجبتنى شديد !! ذى ما بقول واحد صاحبى عجبتنى طريقة تفكيرك لووووووووووووووووووول |
.. والله انا برضو ضحكته يا ديدو .. لكن ما شديد نمرة ستة دي يا كيموو .. اضف ليها كمان دمها الشربات عامل ليها حصانة دبلوماسية وحق (فيمتو) ما فيتو .. يعني عادي ديدو ممكن تاكل وتقش في طرف توبك ..
صاح يا ديدو ..؟
التسجيل وصل كم يا جماعـة ..؟
| |
|
|
|
|
|
|
Re: رابطة معجبى دينا خالد ,, (Re: tmbis)
|
Quote: ممكن تصحيح يا عمكـ: رابطة معجبي (رأي) دينا خالد!! |
لا يا عمك.......دا المقصود
Quote: رابطة معجبى دينا خالد |
Quote: [10/ تحديد موعد لأول لقاء حى للبورداب مع دينا خالد |
هو لحدي حسي ما شفتوها........
حكمة اليوم والقلب يعشق قبل العين أحيانآ
| |
|
|
|
|
|
|
Re: رابطة معجبى دينا خالد ,, (Re: PLAYER)
|
يا دينا والله والله والله دي هرطقات اسفير ساي (بوست حلايف جد) ده شغل فوركاستنق ساي الله لا كسب تفاصيل المهنة لانو Quote: يا كمان .................
|
دي طوالي بتتقري انو انا ضابط استخبارات أو هكر فلازم اوضح. المهم دي مزحة ساي...ونعتذر لانزعاجكم...لانو انا شخصيا بحترم البرايفسي جدا وبكتب بإسم مستعار.وأقدر حجم الانزعاج الممكن تسببه تحليلات زي دي.
لكن هذا لا ينفي انو انا شفت البنية ديك
| |
|
|
|
|
|
|
Re: رابطة معجبى دينا خالد ,, (Re: PLAYER)
|
ياجماعه دايرين نعرف حق العضوبه فى الرابطه دى ممكن يمنح للمواليد الجدد ولا بنط ود الصايم يقول مواليد 2009 ماتدوهم؟ صراحه انامن اكثر المعجبين بكتابة دينا خالد وشكرا كتير لكمال سالم ودينا تستاهل كل القلوب
| |
|
|
|
|
|
|
Re: رابطة معجبى دينا خالد ,, (Re: فتحية شامي)
|
تمبس ! سجل سجل ما تخجل ..
عرس وعرست تانى ح يعملوا ليك شنو يعنى .... قالوا فى واحد محكوم اعدام اتشاكل مع العسكرى الحارسهم الجماعة بقولو لى ياخ ما تعمل لينا مشاكل ياح .. قال ليهم بعملها يعنى ح يودونى الشرقيات !!! لووووب
| |
|
|
|
|
|
|
Re: رابطة معجبى دينا خالد ,, (Re: وليد محمد المبارك)
|
Quote: يبدوا اني ساصرف نظر |
تصرف نظر عن التسجيل فى الرابطه ياوليد ؟ ولا تصرف النظر عن الترشيح للإنتخابات . فهمنا عليك الله ,, أنا عايز أفهم ودندون عايزه تفهم والجمهور عايز يفهم . وبعدين إيه الأمثال البلدى دى ؟ فريك وشريك وأم قيردون ؟
أصرف ياويلى أصرف ,, أصلو إنت وعادل عثمان أنا عايز لى سبب أطفشكم بيهو . ياجماعة بمناسبة ( دندون ) التى وردت أعلاه أين فيصل نوبى ؟ يعنى رابطة دندون دى ماعاجباك . تعال يأخ صيغ لينا النظام الأساسى . وإختار المنصب الدايرو فى الرابطه .
| |
|
|
|
|
|
|
Re: رابطة معجبى دينا خالد ,, (Re: دينا خالد)
|
Quote: عرس وعرست تانى ح يعملوا ليك شنو يعنى .... |
منو الح يعملوا ليك يا ديدو ..؟ إنت القطر فات بيك ..؟ الواحد يسجل تشبكيهو عرس .. ما يسجل برضو تشبكيهو عرس .. إنت دا تسجيل زواج جماعي ؟؟
عارفه يا ديدو لو ما متعود إنك طوالي بتفتحي موضوع الزواج دا معاي .. كان قلت ليك تاني ما تفتحيهو لانو بقيتيهو بايخ .. ودا كدا بينقص ليك من كريات الدم الحمراء الراشة فيها كم رطل سكر ديك. ما تستهلكي من حق (الفيتمو) .. أنا جيت اسجل بس .. ما جيت تبع السيرة ..
| |
|
|
|
|
|
|
Re: رابطة معجبى دينا خالد ,, (Re: tmbis)
|
Quote: يعني عادي ديدو ممكن تاكل وتقش في طرف توبك .. |
غايتو ياتمبس جنس طيبتك ماشفتها ! دندو البتاكل وتقش فى طرف توبها دى مش ياها نفسها دينا خالد الكان بينك وبينها كبرى وبرضو ماجات لعرسك ؟
عافى منك ياداليا ,, شايفك ولا هببتى ليها ,, إنتو يا النسوان ما صعبات فى الحاجات دى . مصيرك تلاقيهم يادينا ,, حتودى وشك وين ؟
| |
|
|
|
|
|
|
Re: رابطة معجبى دينا خالد ,, (Re: Raja)
|
Quote: العزيز كمال سلامات..
غايتو أنا وللضمان كده وعشان خاطر ضحكة ود الصايم "الساحرة" دي والناس العايزين يكونوا في الـ سيف سايد. حأنشئ (رابطة معجبات دينا خالد)* |
إستوب بالله يارجاء وما تعملى لينا فركشه . كفايه رابطة الرياض لهسه ماعارفينها صحفيين ولا إعلاميين ؟
بعينك نائب رئيس ,, أصلو أنا ناوى أشيل الرئيس بره . سيادتو نائم لهسه ! وحأبقى أنا الرئيس ,, رئيس شنو ده البنوم اليوم كلو ؟ وكمان بخليك تحضرى المؤتمر الإعلامى الأول بتاع الرابطه فى الحرطوم . بس أوعى تفركشيها عليك الله .
| |
|
|
|
|
|
|
Re: رابطة معجبى دينا خالد ,, (Re: عزاز شامي)
|
Quote: اللستة دي تُقرأ من تحت لفوق خلي بالك لوووووووووووووول |
خلاص ياعزاز البند رقم عشره ده عشان يتقرى صاح ,, وبما إنى نائب للرئيس فلقد أوكلت لك مهمة تنفيذ ذلك اللقاء .
| |
|
|
|
|
|
|
Re: رابطة معجبى دينا خالد ,, (Re: Amin Mahmoud Zorba)
|
(*)
أنا كمان حا أعمل رابطة منافسة (منشقة) حا أسميها (رابطة معجبي دينا _ القوى الثورية) أو رابطة معجبي دينا _ القيادة العامة أو رابطة معجبي دينا _ الأصل أو التغيير أو ..
المهم أنا وكمال سالم ده في أمر دينا مابنتفق _ بعدين لو سمحت ياكمال سالم _ إسمها (الست دينا) مش دينا حاف ..
______________________________________________________ والله الموفق ..
| |
|
|
|
|
|
|
Re: رابطة معجبى دينا خالد ,, (Re: كمال علي الزين)
|
Quote: ماف كلام يا كمال دينا عندها كتابة سلسة وفيها ذكاء كبير عندها مشكلتين 1. لما تكتب في القانون كتابتها بتكون متماسكة شوية 2.لما ترفع بوست الجمعة من بيت حبوبتها ما بتخضع لرقابة النشر.. |
ثلاث مشاكل ما إتنين ياقمر بوبا ,, دائما ناسيه ليها حرف , وبعدين التماسك فى الكتابه مالو ,, عيبو لى ,,
إنت ياقمر بوبا بتكون قاصد ( جافه ) . بعدين كتابتها فى القانون دى ماضمن الوصايا العشره .
(عدل بواسطة كمال سالم on 02-18-2010, 03:21 AM)
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
سلامو لصاحب البوست
لكل المتداخلين
وللست دينا
هى بنية تخلى الواحد يفتخر أنو من بنات جنسها
ذكية ولمّاحة , وكتاباتها عميقة ومستفزة
وأكتر مايعجبنى فيا , لسانا سليط فى أدب
اها مادايرين, سكرتيرة؟
كل المحبة يادينا
| |
|
|
|
|
|
|
Re: رابطة معجبى دينا خالد ,, (Re: ندى عثمان حسن)
|
Quote: هى بنية تخلى الواحد يفتخر أنو من بنات جنسها
ذكية ولمّاحة , وكتاباتها عميقة ومستفزة
وأكتر مايعجبنى فيا , لسانا سليط فى أدب
اها مادايرين, سكرتيرة؟ |
غايتو ياندى عليك جنس حساده ! يعنى ما لقيتى غير العمق والإستفزاز وسلاطة اللسان عشان توصفى بيهم صاحبة المقام !!
دايرين حنانه !
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
قلت لها ذات مرة ما معناه
" كنت دوماً أعجب بمقدرتك العالية على توصيل آرائك العميقة جداً بالأسلوب الذي يجمع مئات القراء في لحظات . مختطة بذلك الطريق الثالث الذي حار في الوصول إليه الكثيرون الذين يشكون ( وهم محقون ) أن مواضيعهم الجيدة لا تجد رواجاً ." ****
ترفعها عن الخصومات التي لا طائل من ورائها سوى رفع الضغط والسكري والبلاوي التانية . كأنها صاحب رسالة يريد إيصال رسالته وكفى المقدرة على دعم فكرتها بالطرفة المناسبة للموقف المناسب . ومش أى طرفة كما قالت د. نجاة طرف ( شرامية ) جد جد كأنها تربت في حى واحد مع أبو ساندرا
تسجيل بدون منصب
________________________
**** ما يجيني زول/ة يقول لى قلت ليها متين ووين ولاقيتها كيف ؟؟؟؟
| |
|
|
|
|
|
|
Re: رابطة معجبى دينا خالد ,, (Re: عاطف عمر)
|
Quote: المهم دي مزحة ساي...ونعتذر لانزعاجكم...لانو انا شخصيا بحترم البرايفسي جدا وبكتب بإسم مستعار.وأقدر حجم الانزعاج الممكن تسببه تحليلات زي دي. |
خوفتك يابوبا ,, عفيت منك يادينا ,,
راجع الفقره رقم خمسه فى الديباجه يابوبا ,,
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
دينا خالد زولة كتابتها بتشبه القمر المتاوق من سماء
_________________________________ دايرين انتخابات يا كمال وبالذات في فرع الدوحة واي تاخير في الانتخابات حنسوي شغب وحنحرق لساتك اسفيرية... وحذاري من التزوير في نتيجة هذا الانتخابات حتي لا نعلن حرب كونية اسفيرية ثالثة
| |
|
|
|
|
|
|
Re: رابطة معجبى دينا خالد ,, (Re: وليد محمد المبارك)
|
سجلني ياكمال طوالي
Quote: انتو ما شفتو دينا؟؟ انا غايتو قبل فترة في بنية كانت لابسة نضارة سودا وسايقة هوندا في اشارة شارع 15 قلت دي دينا خالد..وخلاص كدة |
البت ام نضارة دي ياقمر بوبا عندها فلجة وللا لا لوما عندها فلجة دي ما هي
خالص الود
| |
|
|
|
|
|
|
Re: رابطة معجبى دينا خالد ,, (Re: محمد الجزولي)
|
Quote: أنا غايتو مُعجب إنشاء الله يكون عندها جلحات زاتو .. |
بالله ده حنكك
خلاس بله موسى كتاب وعندو جلحات ... بقضيك
اتخارج لينا من هنا
نحن في انتظار الصور ولا حا نضيفك يا كمال لزمرة بتاعين الجاكات
| |
|
|
|
|
|
|
Re: رابطة معجبى دينا خالد ,, (Re: وليد محمد المبارك)
|
المعجبين والمعجبات الجميل كيكى .. الرائع محمد الجزولى البنات الحلوات شمايل اخت حرم النور وندوية وفتحية البهية .. وليد المبارك ياخ ما اتفتف ياخ ومالو ؟ شكرا امانى الامين ايصا لوووووول . شكرا لكم ..
ــــــــــــــ غايتو يا كمال لازم ترسل لى قميصى داك كلو ما بعفيك !!
| |
|
|
|
|
|
|
Re: رابطة معجبى دينا خالد ,, (Re: وليد محمد المبارك)
|
ياخي في كمية بلنتيات حا تحصل هنــا !!! مُوبااااالغة .. وأي زول عايز ( ينجر ) ياخد رااااااحتو .. صدقوني القاعد ( لوج ) بشوف كل القدامو .. والقاعدين تحت في درجة ( شعبي ) إلا يلووا رقابم عشان يشوفوا القاعد في ( اللوج ) ده منو .. أها رقابكم حا تتكسر وبتاعة اللوج دي شايفاكم كوووووووولكم
_____________________ تشمو قدحة شوفة دينــا
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
كيمو
Quote: منو القال يابلير ماشفناها ؟ يمكن فى بعض الناس ماشافوها لكن أمبارح القريبه . |
كلامك جاني في الجرح....كدي اخد منها صورة ونزلها عشان نشوفها ونحدد موقفنا من الأنضمام لرابطة المعجبين ولا البقاء مع غير المعجبين.... حكمة اليوم البعض يشوف عبر الكلمات وأخرون يقرؤن الصور
| |
|
|
|
|
|
|
Re: رابطة معجبى دينا خالد ,, (Re: PLAYER)
|
Quote: أنا كمان حا أعمل رابطة منافسة (منشقة) حا أسميها (رابطة معجبي دينا _ القوى الثورية) أو رابطة معجبي دينا _ القيادة العامة أو رابطة معجبي دينا _ الأصل أو التغيير أو ..
المهم أنا وكمال سالم ده في أمر دينا مابنتفق _ |
كمال الزين بالله سريع أطلع من هنا إنت زول منشق . وبعدين قلتها بخشمك إنو أنا وإنت ولا صحن سلطه مابلمنا فى أمرها .
بعدين هى ذاتها قالوا ليك بتفتف وعندها جلحات وبتسف وزبونة الدنقلاوى !
| |
|
|
|
|
|
|
Re: رابطة معجبى دينا خالد ,, (Re: عاطف عمر)
|
Quote: قلت لها ذات مرة ما معناه
" كنت دوماً أعجب بمقدرتك العالية على توصيل آرائك العميقة جداً بالأسلوب الذي يجمع مئات القراء في لحظات . مختطة بذلك الطريق الثالث الذي حار في الوصول إليه الكثيرون الذين يشكون ( وهم محقون ) أن مواضيعهم الجيدة لا تجد رواجاً ." **** |
أبو الزفت ! عربيك ده مالو معسم كده ياعاطف ! ياخ ده بوست خفيف وبتاع ونسه ,, ماتصعب اللغه كده ..
لكن مابالغت يا عاطف ! يأخ مالقيت غير أبوساندرا ؟ أبو ساندرا ساكن فى الديم , عليك الله كتابة دينا دى هسى كتابة زول ساكن فى 200 متر ؟
| |
|
|
|
|
|
|
Re: رابطة معجبى دينا خالد ,, (Re: Sabri Elshareef)
|
Quote: دينا خالد زولة كتابتها بتشبه القمر المتاوق من سماء |
كتابتها ولا هى ياكيكى البتشبه القمر ؟؟ حدد.. الكتابه دى عمرنا ماسمعنا بشبهوها بالقمر !
أما من ناحية متاوقه فأنا معاك إنها ( تواقه ) . هى دينا غير المتاوقه عندها شنو !
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: ارفعوا لينا الصور هنا بعد داك نتفاهم
يمكن عوره ؟ او عندها صلعة ؟ يمكن لقبها ظاهر وبتفتف في الكلام ؟
الصور اول شي يا كمال
ما تخمونا حنك ساكت |
ياوليد خليك زول طموح ! صور شنو يأخ ,, أنا بقول ليك عايزين نعمل معاها لقاء حى ومباشر ,, تقول لى صور ! سجل فى الرابطه أولا عشان تقدر تحضر اللقاء .
| |
|
|
|
|
|
|
Re: رابطة معجبى دينا خالد ,, (Re: Emad Abdulla)
|
Quote: سجلني ياكمال طوالي |
وسجججججججججججججل عندك واحد نائب برلمانى وصلحو ,,,
سعادة النائب البرلمانى ياسر بيناوى سعيدين نحن بإنضمامك للرابطه والله . بس عليك الله دينا دى بعدين تشوف ليها كشك فى سعد قشره .
| |
|
|
|
|
|
|
Re: رابطة معجبى دينا خالد ,, (Re: Sabri Elshareef)
|
Quote: موضوعية وصاحبة قضايا ولها سرعة بديهة وحسن عقل ورجاحة |
.. هي كذلك يا صبري بدل ما تسجل كمعجب .. أنا بنصحك تسجله معاك في الجمعية المناهشة للهوس الديني وبالمرة سجلني معاك بس ما عندي طريقة بتاعت دفع اشتراكات .. سجلنا وادفع من عندك .. إن شاء الله دفع رباعي .. دفع رباعي بمعنى أنا وإنت وهي .. وشوف ليك رابع .. . .
Quote: تمبس قال ليكم : حييييييييييييي انا . ........ تمبس حاقد . |
.. بقيت كمان تزور الانتخابات يا عماد ..؟ احييي أنا دي ليك إنت على وجـه التحديد .. ومعاها وجه باسم بسنون ناصعة البياض أو كما قال
والله ما حاقد يا عمدة .. لكن جيت اعاين بس .. اصلو من ما قمته قاعد احب الروابط دي بموت موووت في الرابط دي كدي عليك الله اعمل ليك رابطـة .. شوف اجي افرتقه ليك كيفن ..
| |
|
|
|
|
|
|
Re: رابطة معجبى دينا خالد ,, (Re: tmbis)
|
Quote: أنا غايتو مُعجب إنشاء الله يكون عندها جلحات زاتو .. |
ينصر دينك يامحمد الجزولى ,,
قلنا كده حسين ملاسى طلعنا ( خفاف ) ! بأخى معقول تبقى تقيل العمر كلو ؟
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: Quote: وأنا أثنى بشده ليس طمعا فى أن أكون نائبا للرئيس فقط ,, بل لأنها تستحق . |
وبما انك اخى كمال ما طمعان فى منصب نائب الرئيس انا بثنى وبطمع فى منصب نائب الرئيس |
التحية لنائب الرئيس - و الله تفرفر دي ذاتا نسحبا منك - امش ذاكر و تعال " الشرقيات " ما بتعرفا ؟! . . و بعدين تسأل المحتفى بها ذاااااااااتا ، ياخ دا ما تخطي مراجع عديل كدا !!
ما تدي سحس فرقة يا سعادة النائب
يا علي بشير يا طماع ! الطمع خلاك تفط فقط دي و تعكس رغبة النائب ؟! تشمها قدحة
عاطف يا اخوي لما تشكر صاحب الفكرة و صاحب البوست افرز ما تلحقا بـ " الاخ / كمال سالم " ياخ نحن نفكر سااااااي و الشكر لكمال ؟ . . ياخ هو التفكير دا ساهل انت قايلو ؟ دي بالذات كلفت معانا ياخ ! . . عاوز تلصقا لزول تاني ، ادينا حقنا خلينا نتخارج نشوف لينا ناس تاني نفكر ليهم في رابطة . الرابطة دي " حقانية " و عاملنها عشان " الحقانية " . . فكل الحقوق محفوظة
هذا ما لزم التنويه اليه حتى الآن
---- -
ترقبوا البيان رقم 1 بدون اي موسيقى عسكرية و بالله ما دايرين اي غاغ او انشغاغ يا شباب
| |
|
|
|
|
|
|
Re: رابطة معجبى دينا خالد ,, (Re: قيقراوي)
|
Quote: التحية لنائب الرئيس - و الله تفرفر دي ذاتا نسحبا منك - امش ذاكر و تعال " الشرقيات " ما بتعرفا ؟! . . و بعدين تسأل المحتفى بها ذاااااااااتا ، ياخ دا ما تخطي مراجع عديل كدا !! |
بالله ؟؟!!
دى مكنتك ؟
التحيه لنائب الرئيس ؟
بل قل الرئيس ياحبيب !
إنت الآن مجرد عضو ساى .
بوست ليهو شهر وإنت رئيسوا
وتتحاوم يمين وشمال بجنبوا , وجاى برضو ترأسو ؟
ست الرابطه ذاتها أول زول طالب بعزلك .
لكن مامشكله ,, حجزنا ليك وظيفة مصور فى الرابطه .
جيب كمرتك وتعال صور يوم اللقاء الحى .
أهو برضو يكون ليك شرف إلتقاط أول صوره ,, وعندك
الحق تفتح بوست بعنوان ( دينا خالد ,, توجد صور )
وعييييييييييييييك تعال شوف بعد داك .
حتبقى نجم النجوم .
مش بالله أحسن ليك من رئيس ؟
الشرقيات !! والله يطرشنى ماسمعت بيها قبل كده ! المحتفى بها باين عليها زوله (مقرمه) وبتفهم فى لغة قاع المدن ,, أسوى ليها شنو أنا ؟ أشرحها لى إنت .
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: الشرقيات !! والله يطرشنى ماسمعت بيها قبل كده ! المحتفى بها باين عليها زوله (مقرمه) وبتفهم فى لغة قاع المدن ,, أسوى ليها شنو أنا ؟ أشرحها لى إنت . |
يا سعادتك " الشرقيات " اسم محل قراصة في كوبر ياخ !! *
و الله اعلم
---------------
دينا كان بتعرف الشرقيات دي ، او مشت بهناك ، ما بي موية و كملت ! يبقى وااااااااا شماتة سحس فيك يا ريس . . يا انقلابي
و الله البوست دا يعميني فيهو و يطرش ست الكسرة الجمبنا . . الا كان الليلة ساااي بالصدفة
* ياخ الرياسة شيلا ذاتا ما سمحة - اسألني انا جربتها قبل دا - اسي مداخلتي الفاتت قطعت الضحك في حناني ساي ، قلت التزم بسلوك رئاسي يليق بـ ( الرابطة ) . . ياخ هو ذاتو في رئيس بعمل وشوش مدردقة ؟!
| |
|
|
|
|
|
|
Re: رابطة معجبى دينا خالد ,, (Re: قيقراوي)
|
Quote: يا سعادتك " الشرقيات " اسم محل قراصة في كوبر ياخ !! |
شكيتك على الله يادينا !! إنتى البخليك تعرفى الحتات دى شنو؟ ؟!!
عليك الله ماعندهم قراصه بالروب ,, والله بموت فيها .
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: المعجبين والمعجبات الجميل كيكى .. الرائع محمد الجزولى البنات الحلوات شمايل اخت حرم النور وندوية وفتحية البهية .. وليد المبارك ياخ ما اتفتف ياخ ومالو ؟ شكرا امانى الامين ايصا لوووووول . شكرا لكم ..
ــــــــــــــ غايتو يا كمال لازم ترسل لى قميصى داك كلو ما بعفيك !! |
لا لا لا ,, كده ماكويس يادندون ,,, يعنى عايزه تأكدى كلام عمران ,,, قاعده فى البلكونه فوق وتقولى ( طيب ما ياكلو باسطه ), حاشاك أن تكونى زى مارى إنطوانيت ,, فأنت علمتينا إنك تكونى دائما وفيه لشعبك ( أقصد جمهورك ) أنزلى من علاك الفوق ده وتعالى شاركينا همومنا دى . مش إنت السبب فيها ,, ولا كمان حندى أصواتنا لعمر البشير. وماتنسى كمان فى روابط كتيره قيد الإنشاء .
يأخى جننتينى القميص القميص ,, أنا لاقيتك عشره مرات ,, وفى كل مره كنت بكون لابس قميص جديد ,, إنتى بتقصدى ياتو قميص؟؟ المخطط بتاع أوزون ,, ولا الكاروهات بتاع مطعم الساحه ,, حددى . غايتو أمانى الأمين ما هببتوا ليك ,, أصبرى يا أمانى !
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: ياخي في كمية بلنتيات حا تحصل هنــا !!! مُوبااااالغة .. وأي زول عايز ( ينجر ) ياخد رااااااحتو .. صدقوني القاعد ( لوج ) بشوف كل القدامو .. والقاعدين تحت في درجة ( شعبي ) إلا يلووا رقابم عشان يشوفوا القاعد في ( اللوج ) ده منو .. أها رقابكم حا تتكسر وبتاعة اللوج دي شايفاكم كوووووووولكم
_____________________ تشمو قدحة شوفة دينــا |
عمران ياحسن ياصالح ياقاعد شعب . كتر خيرى القلت أسوى ليكم رابطه عشان المساكين الزيك ديل يشوفوا دينا خالد عيان بيان وكمان يتصوروا معاها ,, لكن تقول شنو ! مرمى الله مابترفع ,, خليك زى ما إنت قاعد فى المساطب الشعبيه , وأوعى أشوفك فى برج الفاتح يوم 6 أبريل , يوم اللقاء الجامع , يوم الفرح الأكبر ,, ( بالله إيه رأيك فى الزمان والمكان ) .
تشموا قدحه قال !!
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: عليك الله ماعندهم قراصه بالروب ,, والله بموت فيها . |
يا ريس ما تلخبت ياخ ! الاف بي لبن رايب ديك حقت الامريكان . . و ما بياكلوها !! هي البتودي الناس جنس شرقيات ( كوبر ) واشطن دي سي ؤ كدا مسئولين من الخير . . انتو ( كوبر ) اسمها شنو بالانقليزي ؟
-----------
اسمع ياخ محتاجين لينا امنجي نفكو في معارضين الرابطة لا تهاون مع المعارضين يا ريس اها خم و صر هدي الرئاسة العاجباك دي !!
| |
|
|
|
|
|
|
Re: رابطة معجبى دينا خالد ,, (Re: قيقراوي)
|
Quote: كمال سالم خليك محايد ياخ هسة الاتهرش منو عليك الله |
عاجبك كده ياقمر بوبا ؟؟؟ شفت كمية الإساءه الجابتها سطرينك دى ؟؟
قالوا على خفيف وبكاى ومؤتمر وطنى كمان !!
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
Quote: جاااااااااااااااكم |
تجيهوا الكشه ياوليد ,,
حسين بالله ماتجى هنا تانى . ده بوست حملان,, الثعالب يمتنعون,,
بعدين أنا لاقدرك ولا لحم سدرك ,, بالله ياوليد شوف كلام زمان ده حلو كيف ؟ لكن ما أظنك سمعت بيهو ,, ده زمان أوى .
| |
|
|
|
|
|
|
Re: رابطة معجبى دينا خالد ,, (Re: كمال سالم)
|
قمربوبا قرررربت من حيث الوصف بيد انك اخطات في وصف العربية
الواحد شعر انو المحظوظ الوحيد الشاف المواطنة دينا خالد عشان كده وحفاظا علي البرايفسي القالها قمربوبا No comment
ــــــــــــــــ شعبيتك وسعت ما شاء الله وتستاهلي تتذكري كلامي بتاع الجمعة الفاتت؟
| |
|
|
|
|
|
|
|