|
|
 Re: عمدة المشجعين عضو مجلس الهلال .. أضحك .. (Re: خالد عبد الله محمود)
|
طلوح ازيك
ومشتاقين والله
بس خلينى الحق خلودى دا ما ياكل طحنيتك دى ويمشى الحوادث
Quote: طلــــوح ..
والله أنا الهلالابي ده أول مرة أسمع باسم سعد العمدة !!!!
الحق يقال يا طلحة بروفسير شداد كان مقنعاً في كثير من الأراء و القرارات التي أتخذها رغم إخفاقه في بعضها فهو في النهاية بشر ..
ذهاب شداد من الإتحاد العام سيكون خسارة للكرة السودانية بالنظر للبدائل التي يمكن أن تأتي بعده .. |
خلودى
انتا عارف طلوح دا بيتكلم عغن شنو ؟
والا جيت شايت ضفارى ساى
طيب انا انورك
فى برنامج فى قناة ابوظبى الرياضيه اسمه المدار
استضاف هذا البرنامج السيد سعد العمد مساعد رئيس الهلال ورئيس بعثة الهلال المشاركه
فى دورة بنى ياس فى الامارات ومعه ابراهومه لاعب الهلال السابق وكان الحديث عن الكره
السودانيه والمنتخب القومى واستضاف البرنامج عبر الهاتف البروف كمال شداد رئيس
الاتحاد السودانى , وفتحة خشم المذيع الاماراتى قال ليهو نحنا قاعدين نناقش فى شنو
كدا ماعارف والاخ سعد العمده قال .. وعينك ما تشوف الا النور .. انفعل البروف بلا
مبرر واضح وبدءا قال للمذيع سعد العمده دا منو ؟ انا ما بعرف واحد بالاسم دا
مما اضطر المذيع الاماراتى والذى بدت الدهشه واضحه عليه .. قال ليهو ياخ سعد العمده
دا مساعد رئيس الهلال السودانى وعضو مجلس ادارته .. الهلال الذى تعرفه كل افريقيا
والعرب وكيف انت رئيس اتحاد عام ولا تعرف اعضاء مجلس ادارات الانديه التى تتبع لك
ليس هذا بل قمة الانديه التابعه لك
طبعا يا خالد كلام طلوح دا خليهو
شداد شتم سعد العمده على الهواء مباشرة كدا , قال ليهو انتا منو وبتعرف شنو
ولا يمكنك ان تعرف وكلام مغتغت كدا كتير ووالله ما فضل ليهو الا يقول ليهو انعل
ابوك يا ود الكلب
والبروف بعد داك دور كلام خارم بارم , المريخ والهلال بيضربوا تلفونات لللاعبين
فى معسكر الفريق القومى يقولوا ليهم ما تلعبوا شديد واعملوا حسابكم من الاصابه
وبيحرضوا اللاعبين على المنتخب .. وعييييك كلام كتير خارم بارم
والمذيع بقى داير يحصل برنامجه الملاهو ليهو البروف هواء ومويه
وشويه كدا المذيع الاماراتى زاتو عمل فيها شايقى من الشكينيبه ودخل فى البروف شمال
ورشاهو ليك لمن البروف عرف حاجه , وقال ليهو لو الكلام دا كلو حاصل انتا كان دورك
شنو , يعنى سلمت الرسن للانديه وقعدت تتفرج , وعييك رش كتير كدا اسع انا نسيتو
ورغم ذلك كلو يا خالد , تعال لى اكلمك عن سعد العمده
اريتو ولدك الجاء من صلبك يا خالد
انا طبعا اول مره اشوف سعد العمده دا او اسمعو وهو بيتكلم
طبعا شخصيه كدا يا خالد عكس كلام طلوح الفوق دا , انسان محترم للحد البعيد ياخالد
بارد ومرتب ومنظم الافكار , اول شئ قال لى شداد تهامك لادارات الانديه وللاخوين صلاح
ادريس وجمال الوالى مردود عليك , فهم اكثر وطنيه منك وقد قدموا للرياضه فى السودان
مالم تقدمه انت وقد ضحوا بمالهم ووقتهم وراحه عائلاتهم من اجل الرياضه فى السودان
وقد جلبوا المدربين على مستوى عالى ومحترفين ساهموا فى النهوض بالناديين وحققوا
معهم نتائج باهره واستفدت انت من كل هذا بان وجدت لاعبين جاهزين ومؤهلين اصبحت
تجمعهم من الناديين دون ان تصرف عليهم بالاعداد والمعسكرات والمباريات الوديه
فقط تجمعهم وتشارك بهم
وقال ليهو كيف تعرف انت سعد العمده طالما انك لا تدخل مباريات كرة القدم التى يديرها
اتحادك ولا تقرأ الصحف الرياضيه التى تصدر فى بلادك وتجاهر انت بذلك وتفتخر
وقال له انت من الغيت المراحل السنيه والغيت جهاز الاشبال فى البلاد واصبحت تعتمد
على اللاعب الجاهز من هلال مريخ
دا كلو يا خالد والرجل رابط الجاش ومحترم ومرتب , وكل شويه يعتزر للمشاهدين عن
مداخلة رئيس اتحاد السودان لكرة القدم
والكلام كتير لكن دا بس المتزكره اسع
وما تسمع كلام طلوح دا , طلوح دس ليك السم فى الطحنيه
وانتا اكلتها بى مزاج 
|
|
 
|
|
|
|
|
| العنوان |
الكاتب |
Date |
| عمدة المشجعين عضو مجلس الهلال .. أضحك .. | طلحة عبدالله | 02-09-10, 01:47 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-09-10, 01:53 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-09-10, 01:57 PM |
| Re: عمدة المشجعين عضو مجلس الهلال .. أضحك .. | خالد عبد الله محمود | 02-09-10, 02:34 PM |
| Re: عمدة المشجعين عضو مجلس الهلال .. أضحك .. | على محمد على بشير | 02-09-10, 03:46 PM |
| Re: عمدة المشجعين عضو مجلس الهلال .. أضحك .. | على محمد على بشير | 02-09-10, 03:53 PM |
| Re: عمدة المشجعين عضو مجلس الهلال .. أضحك .. | على محمد على بشير | 02-09-10, 03:54 PM |
| Re: عمدة المشجعين عضو مجلس الهلال .. أضحك .. | خالد عبد الله محمود | 02-09-10, 04:13 PM |
| Re: عمدة المشجعين عضو مجلس الهلال .. أضحك .. | الصادق صديق سلمان | 02-09-10, 04:36 PM |
| Re: عمدة المشجعين عضو مجلس الهلال .. أضحك .. | على محمد على بشير | 02-09-10, 06:25 PM |
| Re: عمدة المشجعين عضو مجلس الهلال .. أضحك .. | الصادق صديق سلمان | 02-09-10, 08:06 PM |
| Re: عمدة المشجعين عضو مجلس الهلال .. أضحك .. | على محمد على بشير | 02-10-10, 10:19 AM |
| Re: عمدة المشجعين عضو مجلس الهلال .. أضحك .. | الصادق صديق سلمان | 02-10-10, 11:41 AM |
 Re: عمدة المشجعين عضو مجلس الهلال .. أضحك .. | طارق الكوتش | 02-09-10, 07:30 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-09-10, 08:57 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-09-10, 09:10 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-09-10, 09:44 PM |
| Re: عمدة المشجعين عضو مجلس الهلال .. أضحك .. | طلحة عبدالله | 02-10-10, 08:43 AM |
| Re: عمدة المشجعين عضو مجلس الهلال .. أضحك .. | طلحة عبدالله | 02-10-10, 09:00 AM |
| Re: عمدة المشجعين عضو مجلس الهلال .. أضحك .. | على محمد على بشير | 02-10-10, 09:30 AM |
| Re: عمدة المشجعين عضو مجلس الهلال .. أضحك .. | سامى عبد الوهاب مكى | 02-10-10, 10:33 AM |
| Re: عمدة المشجعين عضو مجلس الهلال .. أضحك .. | على محمد على بشير | 02-10-10, 10:30 AM |
| Re: عمدة المشجعين عضو مجلس الهلال .. أضحك .. | طلحة عبدالله | 02-10-10, 10:44 AM |
|
| |
على محمد على بشير
فيس بوك
تويتر
انستقرام
يوتيوب
بنتيريست