|
أنزل أغنية كيف .. الله يقطع الجهل وأيامو
|
كل مرة بتفزعني يا ناذر الخليفة زمان وربتني كيف أنزل الأغاني من اللينك بتاع بكري تحميل الأغاني والفيديو وكيف أنزل صورة برضو من لينك بكري تحميل الصور وبقيت بعرفهم كويس ومشى الحال أها ديل أختفن مني لما افتح صفحة سودانيزونلاين
أسوي شنو وعيني في الناس بتنزل في الصور والأغاني
متوفع فزع من من لهم فكرة في هذا الموضوع والرجاء الشرح الموفي عشان المخ تقيل أنا أبلد من سلمى سلامة في هذا الموضوع
تحياتي ومودتي للكل
|
|
|
|
|
|
|
|
Re: أنزل أغنية كيف .. الله يقطع الجهل وأيامو (Re: حافظ حسن ابراهيم)
|
Quote: خالد سلامات ... يا خي عليك النبي لو عرفت بنزلوا الاغاني كيف تنزل لي (ما هو عارف قدمو المفارق) و بصوت سيدها ( لو كانت عندك الاغنية دي خلاص و الا الحليفة بتكون سقطت بالعدم ,,,, لكن برضو الحليفة قايمه لاي زول بخش من هنا بس ينزل لي اغنية ماهو عارف قدمو المفارق) |
ابشر بالخير هسي معاي فيصل بوري فيني كان فهمت خلاااس وكان مافهمت بخلي يشرح لي سلمى سلاااامة ان شاء الله تفهم هي
تحياتي ومودتي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
سلاااااااااام يا خالدا,, إنت وبوباى وفيصولى دا لما تتلمو!!!!!!!! يبقى فى إنقلاب قريب,, بس أوعو من الكومر
رغم بعدى برسل سلامى,, والله يقطع الجهل وأيامو ويقطع الغربة وسنينا,,
غايتو كان عندك غنية إلا تنزلا فى بوست تانى ...
مودتى,,
(عدل بواسطة أيمن الطيب on 01-31-2010, 06:50 PM)
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: أيمن الطيب)
|
Quote: سلاااااااااام يا خالدا,, إنت وبوباى وفيصولى دا لما تتلمو!!!!!!!! يبقى فى إنقلاب قريب,, بس أوعو من الكومر |
أيمن أنت في الكومر ولا في الأغنية دي نزلتها لينا مباشرة وأخوك إتعلم بسرعة ونزل واحدة انت أكيد عندك المقدرة على أن تجعل الأغنية تشتغل بطريقة غير مباشرة لما يفتح البوست
لانو لو مشيت لي فيصل يوريني كيف اسويها... الحلفاوي دا بقوم يكسر رأسي
وانت عارف زهج الحلفاوين
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
منال ازيك
اولاَ تنزيل الاغنية
1- لازم الاغنية المعنية تكون عندك في الجهاز
2- اضغطي على رد في البوست العني
3- بيفتح معاكي المكان القاعدين ننزل فيهو كلامنا
الخرام برام القاعدين نكتبوا في البوستات
فوق بتلقي مستطيلات صغيرة مكتوب فيها
ارشادات (تلوين الكلمة وحجم الكلمة..........)
في نفس الصف على شمالك بتلقي مكتوب تحميل الاغاني
تضغطي عليها بيفتح معاكي صفحة التنزيل هناك بتلقي
( لرفع الفيديو الذى ترغب فى تحميله من جهازك أضغط Browseأختر االفيديو من جهازك ثم اضغط زر - تحميل )
وبعد ما الرفع يتم بنجاح في خيارين
الخيار الاول فيهو امكانية التشغيل بفعل فاعل
و التاني اوتومتيكلي
تعملي copy للنك و تنزليها راساً في المساحة الفاضية القاعدين نكتب فيها
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: فيصل محمد خليل)
|
Quote: منال ازيك
اولاَ تنزيل الاغنية
1- لازم الاغنية المعنية تكون عندك في الجهاز
2- اضغطي على رد في البوست العني
3- بيفتح معاكي المكان القاعدين ننزل فيهو كلامنا
الخرام برام القاعدين نكتبوا في البوستات
فوق بتلقي مستطيلات صغيرة مكتوب فيها
ارشادات (تلوين الكلمة وحجم الكلمة..........)
في نفس الصف على شمالك بتلقي مكتوب تحميل الاغاني
تضغطي عليها بيفتح معاكي صفحة التنزيل هناك بتلقي
( لرفع الفيديو الذى ترغب فى تحميله من جهازك أضغط Browseأختر االفيديو من جهازك ثم اضغط زر - تحميل )
وبعد ما الرفع يتم بنجاح في خيارين
الخيار الاول فيهو امكانية التشغيل بفعل فاعل
و التاني اوتومتيكلي
تعملي copy للنك و تنزليها راساً في المساحة الفاضية القاعدين نكتب فيها |
منال لو مافهمتي كلام العجمي دا كلميني في اضاني بشرحو ليك
ماقلت ليك انا عارفو عربي تك
تحياتي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: أحمد الصديق)
|
Quote: خالد سلام وتحية بارك الله فيك أخي فكلنا في الهم شرق وأسمح لنا أن نقيل هنا لنتعلم وضع الوشوش والأغاني. وأيضاً السماح بالتجربة إن أمكن. شكراً فيصل بن خليل. |
أحمد الصديق ونصدقك تحية طيبة سلااااام
من فيسلوف نتعلم يا أحمد
الوشوش سوف يشرحها بعد شوية هو معاي في الماسنجر بنتكلم
تحياتي ومودتي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: Magdi Ahmed Elsheikh)
|
فاما الصور يا منال تنزيلها كالاتي
تمشي على الصور او الشكل الضاحك
و بالماوس تقيفي في نصالصورة او الشكل الضاحك
و تضغطي على الزر الايمن من الماوس
بيفتح معاكي نافذة و تحت في اخر النافذة بتلقي مكتوب
Property اضغطي عليها
بيفتح معاكي نافذة
ومن النافذة دي تختاري
http://..
واعملي copy للنك دا
وتعالي في البوست المعني و اضغطي رد
ثم اضف صورة
وقومي بوضع اللنك في النافذة التفتحت
و اضغطي على Ok
اللنك بنزل تحت
وبعدها اضغطي على اضافة رد
مع تحيات استديو وادي حلفا
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
Quote: بس دا بعتبرو زي بيتي وبقول ليك سلااام انت مالك ومال سلمى ؟ هسي بهب فيك والله ما أخلي فيك إلا عصبة الطنبور
لي هسي زعلان منك وأصبري سااااكت كراع البقرة جيابا والعرجا لي مراحا |
زعلك دا أبدلو ليك كيف؟؟ حيرتني والله محل ما أقبل ألقاك شايل حالي بس ضربني بكا وسبقني إشتكى وبعدين تعال هنا انا عرجاء؟؟؟
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: انعام عبد الحفيظ)
|
Quote: زعلك دا أبدلو ليك كيف؟؟ حيرتني والله محل ما أقبل ألقاك شايل حالي بس ضربني بكا وسبقني إشتكى وبعدين تعال هنا انا عرجاء؟؟؟ |
زعلي بس خلي بس ما أقلاقيك ولسه زعلان
أنا الضربتك الضرب التلفون ودا المزعلني
أنت ما عرجاء وحاشاك بس الزعل بخلي الزول يقول عوراء كمان
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
فعلاً يا خالد الجهل مصيبة .. بس مع الايام بتتعلم
العبد لله من ما أشترك هنا كان ما ناقش أي شي.. اهو بعد ثلاثة شهور من الاشتراك حتن أتعلمنا كودات بكري الصعبة دي . __ __ _ _ __ __ __ __ ____ __ ___ _ _ ___
بس عندي ملاحظة .. حجم الاغنية لازم وعلي ما أعتقد يكون أقل من 6 ميقابايت لو أكثر من كده ألا تحملها في مواقع خارجية.
في موقع خارجي بالعنوان دا www.g5g5.net وممكن تحمل فيهو غناء وفيديوهات بي أي حجم كبير .. وفي رابط هناك أسمو رابط مباشر:: بعد ما تتم عملية التحميل هناك .. أنسخ الرابط المباشر .. وجيبو هنا .. وقبل ما تجيبو .. بكري عندو كود في صفحة الكودات أسمو وضع مسجل ... يعني أنسخ وصلة الكود المباشر من الموقع الخارجي وجيبها مع كودي بكري.
وأنشاء تنجح معااااااك .
علي فكره البوست بتاعك دا فيهو غنيتين شغلات في نفس الوقت .. ومتحيرين نسمع ياتو فيهم..
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: احمد محمد بشير)
|
Quote: علي فكره البوست بتاعك دا فيهو غنيتين شغلات في نفس الوقت .. ومتحيرين نسمع ياتو فيهم.. |
الأخ أحمد محمد بشير
تحية طيبة سلااااام
اولاً شكراً كتير على المعلومات الحلوة دي
دا أيمن الطيب أنا يادوب علموني جيت فرحان ألصق الأغنية جانا أيمن الطيب من بعدو ويحمل سلامو اها البوست بقى زي أكشاك الليمون والبارد في سوق شندي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
Quote: معليش اتاخرت يا خالد لكن يبدو انو الامور زبطت معاك
تسلموا شباب |
بوبا ما بتقصر لكن فيسلوف ما قصر طبعاً دوما هو معلمي في حركات الحاسوب دا
عليك الله شفت الحلاوي دا غتتو ماورنا كيف ونزل لي أغنية يعني بها أهي دي قدامك أقدر سوي واحدة زيها
خلاص أشرح لي منال دي كيف بسوو الوشوش دي لانو شرح فيصل دا ماعرفت منو طوط من سبحان الله
الزويل ماعجمي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
دى طريقة ..وهناك طرق أخرى
يمكنك تحميل الفيديو و الاغانى من نوع mpg ,mpeg,WMV,mpeg4,wav,avi,ra,ram - يجب ان يكون حجم افيديو حوالى 8 ميغابايت
الخطوة الأولى
الخطوة الثانية تفتح صفحة جديدة تلقائيا
الخطوة الثالثة
الخطوة الرابغة
الخطوة الخامسة
الخطوة السادسة
تشيل الكود الفوق دة كوبى اند بيست فى الموضوع أو الرد
والله أعلم
---------- رفعنا ليكم الخطوات بس أضيفوا الشرح النصى حتى تعم الفايدة...
(عدل بواسطة ombadda on 01-31-2010, 03:24 PM) (عدل بواسطة ombadda on 01-31-2010, 03:28 PM) (عدل بواسطة ombadda on 01-31-2010, 03:31 PM)
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: Magdi Ahmed Elsheikh)
|
Quote: ايمن ما بالغت ياخي ... خالد المدرب قال ليك في خيارات.. اتوماتك وبفعل فاعل... كدي عدل للخيار التاني... |
سلامات يا مجدى,, والله يا دكتور أنا متلوم معاك لوم شديد,,وبينا أكبر تلفون قريب,, الخزين دا حقى وبراى لازم ابرمج بيهو شوية,, والخزين زولا بالحيل مبروك.. وبعدين الليلة كمان معاهم ضيوف شايف فيسولى متجلى,, ومفحط فى العالم جارى القزاز,,, لنك حفظ شنو يا دكتور!!! أكبر DHL يوصلك فيهو إتنين طن موسيقى حتى تستغيث.. رسل لى عنوان اإستلام وحا تستمتع,,
مودتى يا حبيب,,,
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: أيمن الطيب)
|
Quote: سلامات يا مجدى,, والله يا دكتور أنا متلوم معاك لوم شديد,,وبينا أكبر تلفون قريب,, الخزين دا حقى وبراى لازم ابرمج بيهو شوية,, والخزين زولا بالحيل مبروك.. وبعدين الليلة كمان معاهم ضيوف شايف فيسولى متجلى,, ومفحط فى العالم جارى القزاز,,, لنك حفظ شنو يا دكتور!!! أكبر DHL يوصلك فيهو إتنين طن موسيقى حتى تستغيث.. رسل لى عنوان اإستلام وحا تستمتع,,
مودتى يا حبيب,,, |
الحبيب الحبوب ود الطيب..
الشوق مطر والريدة كتاحة..
يازول لوم شنو ات بلوموك ولا بتعرف اللوم..
فنان وبتنكت من بيت الكلاوي ..
غايتو لحدي ما اجيك متلب بيقادي ..
صبرنا شوية من الكنوز العندك..
ومنتظرك ياالعشا ..
في الخاص !!
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: ممدوح أبارو)
|
Quote: يا حلاوي إنت دا موسم التعديلات ولا شنو؟
وينك يا معلم عامل غمران |
سلام يا ابارو.. أولا مشتاغووووووووووون وكان لابد من تعديل طفيف حتى نخرج من موقف باصات شندى كما وصفه به الرباطابى,,
أصحابك الإتنين يتراجفو زى عربيات الباسطة
غمران وغرقان كمان,,
ابقى بارز..
الحاصل شنو زى ما قاليك شيقا الشى ,,,,..
مودتى
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: ممدوح أبارو)
|
طيب أها دا كلو عرفنا,,
إنتحال (الشخشية) شنو فينا,,
غايتو حركات أولاد مدنى دى أسسسسسسسسسسسسسلو ما بخلوها,,Quote: قربنا كلها شهرين يا عمك |
وإلى ذلك الحين!! كان عندك باقى فنجطة أحسن تفنجطا هسة لأنو بعد ما الزول الجاى دا يصل حا تقول ودونى الضل خاااااااسة لو ولد!!
هاك توتوماتا دا
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: منال)
|
Quote: الحقنى بحصة الوشوش ولا بدك البوست كلو.... |
أفو أفووووووووووووو يا فيسولى,, الزولة دى قالت ليك دككككككككككككك!!!
مالى أراك عامل رايح!!!
سلامات ياأخت منال,, بالله رجاءا سوقى الزول دا وديهو التكينة عشان يشوف الخرتييت البرّىأو البرمائى أو كما إتفق,,
تحياتى,,
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: أيمن الطيب)
|
Quote: غايتو حركات أولاد مدنى دى أسسسسسسسسسسسسسلو ما بخلوها,, |
قاليك أولاد مدني بجلوا المخاواه (علي زمة ود البشري)
Quote: كان عندك باقى فنجطة أحسن تفنجطا هسة لأنو بعد ما الزول الجاى دا يصل حا تقول ودونى الضل خاااااااسة لو ولد!!
|
ياخ فنجطت شنو مع الغبار دا؟
وابن الكلب دا التقول جاي ترزي بالله شقال في أمو شلاليت ألف
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: ممدوح أبارو)
|
كتب ايمنQuote: مالى أراك عامل رايح!!! |
تراني عصي الدمع شيمتي الصبر (أمـا للهوى نهـي عليـك ولا أمـر)كتبت العزيزة منال
Quote: ولا بدك البوست كلو.... |
اجي يا الحصان
منال نفس الحركات بتاعت تنزيل الصور
هي نفس حركات تنزيل الوشوش
يا ايمن هنا اللفة بتاعكم فقر
بكتبني مع المهرجلين وفلقة في نهايات الحصص
لذا تراني عامل رايح
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: هند محمد)
|
Quote: مبروك اخونا خالد نزول اول اغنية ليك ومحو اميتك بكودات بكري
العقبي عندنا في المسرات
تحايا |
الشاعرة والشعراء مس دواءنا في المحن
اللــه يبارك فيك
شوفتي الجهل كلفنا كيف ؟ وألذ شئ معلمنا العجمي فيسلوف
تحياتي هند ومنا لك أجمل التقدير
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
Quote: سلام يا ابارو.. أولا مشتاغووووووووووون وكان لابد من تعديل طفيف حتى نخرج من موقف باصات شندى كما وصفه به الرباطابى,,
أصحابك الإتنين يتراجفو زى عربيات الباسطة |
موقف شندي هههههههههههههههههههه برضو أنا الرباطابي ؟ والله يا أيمن فتحت البوست لما سمعت الأغاني كل واحدة شغالة بي جهة طفر هذا الأحساس وتذكرت اكشاك البارد
وياحليل ربوع شندي
وياقلبي السراري وفيك دافن أسراري حبيبتك أبعدوها وسكنوها البراري
ها قصرت معاك
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: خالد علي محجوب المنسي)
|
تقفي بالماوس على الوش المطلوب
و تعملي كليك بالزر الايمن بيفتح عندك
نافذة طويلة و في نهاية النافذة بتلقي مكتوب
Property اضغطي عليها
بيفتح عندك نافذة
اها في النافذة دي بتلقي لنك (رابط )
http://.. www.
تعملي copy للرابط دا
وتجي في البوست و تضغطي رد
بيفتح معاكي النافذة بتاعت سودانيزونلاين
المعروفة دي
علي يدك الشمال قبل النهاية كدا بتلقي مكتوب
اضف صورة قومي اضطغي عليها بيظهر ليك فوق
نافذة لصقي اللنك العملتي ليهو copy داك
واضغطي ok
بقوم اللنك بيزل تحت
وبعد داك اضغطي اضافة رد
و شخارم بخارم وشك بيظهر ما وارم
ياخي تعالي بهناك انا رطاني العربي دا بيهد حيلي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: فيصل محمد خليل)
|
Quote: شفت بركاتى يا خالد اهو اتعلمت ليك صنعة وحات شيخى كان ما قلت اسمى ما كان فى زول عبرك وتانيا مالك مع صحبى الطيب وحات الله كان قبلنا عليك"نسخطك" نحنا اولاد شيوخ ومانى دايرة تعليم بعد دا نحنا ناس بقينا حبوبات يا معلم اقعد عافية
دى ما شكلة حركة بث |
قالت حبوتي وحات شيخي تور الجريف أب عنقريباً طار وركا عند بسبار بتعرفي بسبار أبةالعونية ياسلمى ؟
غزلية ويا سلمان ودالعوضية غزلية ويابسبار أبوالعونية وجانا مسرح القادرية ذكرني مرقة بدر عصرية
ولو أسمك ماجات الناس دي داخلا
بتقدري تاني تشاكليني بعد أن مضينا هدنة لمد سنتين وبعدها حرب ضروس
والله تجي تسأليني يوم انزل أغنية كيف ما أوريك أقري كلام فيسل دا كويس
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: انعام عبد الحفيظ)
|
أها يا ناس سوعال تاني
؟؟؟؟؟؟؟؟ لما تغيب من بوست أنت فتحته وتجي تلقى ناس كُتار دخلوا وعاوز ترد علي كل واحد تحت مداخلته كلما أعمل رد تحت مداخلة الزول ألأقى رد السجم جا في أخر الصفحة ولما أمشي أشوف بوستات المسنوحة أنعام عبدالحفيظ دي ألقى المسنوحة زابطا لكل زول رد تحت مداخلته .. المسنوحة دي بتسويها كيف
أها يا ناس أشرحوا لينا دي
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: انعام عبد الحفيظ)
|
بت الشيخ
Quote: وحات الله كان قبلنا عليك"نسخطك" |
وحاة الله عافي منك دنيا واخرة - اها آ سجم الرماد خليتك لبت الشيخ براهاااااا خليها تقبل عليك تملا خشم بيت امك براطيش -
فيسل هليل
احسن ليك ترعى بقيدك اكان اتلفت عليك هسع علالك بعكل في السماء
هييييييييييييييييع
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: عبدالعزيز الفاضلابى)
|
Quote: ودعمى العريريب المسنوح ده كان دايرو يفارق دربك قول ليهو يحكى ليك : التومة قالت. وكان حقر بيك اشبكوا فى سلمى التطلبها منو. والرطانى كان داير تشغلوا قول ليهو قول: لاحول الله. |
الفاضلابي حبابك وحباب الجابك قهرتا العرريب وأب عوينات
دابي الهجيمة يحقر بي بي منو يا أخوي بعرفني زي جوع بطنو أيام الدندر والهملة في محاكم سنجة بي بدلة وشبط وكرفتا مدينا من بتاع أستديو الفونج عمك الشريف
الرطاني أٌول كيف ؟ لا حول الله ولا لا هولا الله
| |
|
|
|
|
|
|
Re: أنزل أغنية كيف .. الله يقطع الجهل وأيامو (Re: فيصل محمد خليل)
|
Quote: أها يا ناس سوعال تاني
؟؟؟؟؟؟؟؟ لما تغيب من بوست أنت فتحته وتجي تلقى ناس كُتار دخلوا وعاوز ترد علي كل واحد تحت مداخلته كلما أعمل رد تحت مداخلة الزول ألأقى رد السجم جا في أخر الصفحة ولما أمشي أشوف بوستات المسنوحة أنعام عبدالحفيظ دي ألقى المسنوحة زابطا لكل زول رد تحت مداخلته .. المسنوحة دي بتسويها كيف
أها يا ناس أشرحوا لينا دي |
دا السؤال يا فيسل
| |
|
|
|
|
|
|
|