|
|
 Re: نجوان ...الراب فعلا بقى (هابط) (Re: PLAYER)
|
سلام دانيا..
فعلاً الممنوع كتير بيكون مرغوب...
تحياتي
________________________________
العزيز بلير..
أنا متأكدة انو الناس مذاهب و أذواق..أنا ما قلت اني بكره الراب..لكن أنا ما بحبو شديد.. لأنو بالنسبة لزول زيي بتأثر فيني الكلمة أكتر حتى من اللحن..بيصعب علي هضم غالبية الراب..
بس بشكل عام مع كل أنواع الغناء...بما فيهو الراب و الريقي (برضو ما من هواة الريقي مع انو المفضل لدى زوجي) إذا أحببت الكلمات فلا أهتم في أي قالب موسيقي تأتي !
و دا ما معناه انو الموسيقى عندي ما مهمة..في فيلم ريتشارد جير (Unfaithful) كان في الخلفية في بيت خصمو الفرنسي صوت عجبني جداً و قلت لخالد زوجي الأغنية الفي الخلفية دي جميلة..قال لي دا ساليف كيتا
بعد كم يوم أهدى لي سي دي لساليف كيتا ..و من أكتر من سبعة سنوات ..و أنا بسمع كيتا بدون ما أفهم كلماتو فقط لأن صوته و موسيقاه آسرتين..
....
موضوع الأولاد و الممنوع دا موضوع كبيييييييير و أنا حقيقي مهتمة جداً بالنقاش في الحتة دي..بس زمني هسة ضيق و يمكن مجال البوست برضو ينحرف..
لكن صدقني ما حصل قلنا لا لشيء بدون شرح أسباب..و مبررات المنع و حتى نعم يرافقها شرح للايجابي و السلبي..
مرة كنا بنتفرج في برنامج ياباني.. استضافوا فيهو فرقة بنات مراهقات.. لابسين ملابس مدرسة .. هبة بتي بتحب الموسيقى أول ما شافتهم قعدت بانتباه..
بعدين البنات بدأوا يغنوا.. الأغنية كلماتها بتقول (عايزة أكون فري.. و أطلع من البيت زي ما أنا عايزة..مرات أمي بتكون فاكراني نايمة في اوضتي..و أنا بكون بايتة مع صاحبي..و كنت أرغب في النوم مع صديقي (الكلمات الحقيقية أكثر فجاجة)..أطلعي يا بت و عيشي حياتك فري..!!!) دا المتذكراه من الكلمات ..ما قصرت مش؟؟
كنا كل الأسرة حول التلفزيون.. و أطفالنا 10 و 8 و 6 سنوات..حسن أبو عشرة كان بيهز في راسو و بيقول دا كلام ما كويس.. هبة و هديل الصغار كانو مستوعبين انو الأغنية بتتكلم عن انو البنات غاشين أهلهم ..يعني في كذب..و الابتسامة اختفت من وشوشهم و هم بيسمعو.. بس ما أعتقد انهم كانو فاهمين أكتر من كدا..خليناهم اتفرجو و سمعو الأغنية كلها للآخر..و بعدين دورنا نقاش حول الموضوع.. و حتى بت الستة شاركت و أدلت بدلوها فيهو..
الحاجة البيشوفوها أو يسمعوها بالصدفة بتفرق عن انونحن نجيبها ليهم.. أو نقبل انها تصل ليهم عادي..يعني إذا كان هم ما بيعرفو يضاربو أو يشتمو بعض.. حتى زي كل الأخوان البيتشاكلو..بتبقى كلمات زي الفي معظم أغاني الراب دي قفزة (للأسفل) صعبة عليهم في سنهم دا..
و مع كدا أبداً ما مطمئنة .. و دايماً بتساءل إذا كنا مقصرين في شيء..و بصراحة أحياناً بأحس انو مربينهم مثاليين جداً لعالم غير مثالي ..و دي أكتر البيخوفني عليهم..
تحياتي و مودتي يا بلير ..
و حكمة اليوم..
اليدو في الموية ما زي اليدو في النار :))
|
|
 
|
|
|
|
|
| العنوان |
الكاتب |
Date |
| نجوان ...الراب فعلا بقى (هابط) | smart_ana2001 | 01-26-10, 10:47 PM |
| Re: نجوان ...الراب فعلا بقى (هابط) | النصرى أمين | 01-26-10, 11:18 PM |
| Re: نجوان ...الراب فعلا بقى (هابط) | smart_ana2001 | 01-26-10, 11:37 PM |
| Re: نجوان ...الراب فعلا بقى (هابط) | smart_ana2001 | 01-26-10, 11:41 PM |
| Re: نجوان ...الراب فعلا بقى (هابط) | Kostawi | 01-26-10, 11:49 PM |
| Re: نجوان ...الراب فعلا بقى (هابط) | النصرى أمين | 01-27-10, 00:16 AM |
| Re: نجوان ...الراب فعلا بقى (هابط) | smart_ana2001 | 01-27-10, 00:32 AM |
| Re: نجوان ...الراب فعلا بقى (هابط) | smart_ana2001 | 01-27-10, 00:44 AM |
| Re: نجوان ...الراب فعلا بقى (هابط) | Kostawi | 01-27-10, 00:49 AM |
| Re: نجوان ...الراب فعلا بقى (هابط) | Dania Elmaki | 01-27-10, 01:28 AM |
| Re: نجوان ...الراب فعلا بقى (هابط) | Emad Abdulla | 01-27-10, 02:06 AM |
| Re: نجوان ...الراب فعلا بقى (هابط) | Omayma Alfargony | 01-27-10, 02:43 AM |
| Re: نجوان ...الراب فعلا بقى (هابط) | doma | 01-27-10, 08:12 AM |
| Re: نجوان ...الراب فعلا بقى (هابط) | smart_ana2001 | 01-27-10, 08:18 AM |
| Re: نجوان ...الراب فعلا بقى (هابط) | smart_ana2001 | 01-27-10, 08:37 AM |
| Re: نجوان ...الراب فعلا بقى (هابط) | smart_ana2001 | 01-27-10, 08:40 AM |
| Re: نجوان ...الراب فعلا بقى (هابط) | نجوان | 01-27-10, 10:15 AM |
| Re: نجوان ...الراب فعلا بقى (هابط) | هواري نمر | 01-27-10, 10:37 AM |
| Re: نجوان ...الراب فعلا بقى (هابط) | اساسي | 01-27-10, 11:40 AM |
| Re: نجوان ...الراب فعلا بقى (هابط) | Emad Abdulla | 01-27-10, 11:47 AM |
| Re: نجوان ...الراب فعلا بقى (هابط) | نجوان | 01-27-10, 11:52 AM |
| Re: نجوان ...الراب فعلا بقى (هابط) | doma | 01-27-10, 05:26 PM |
| Re: نجوان ...الراب فعلا بقى (هابط) | smart_ana2001 | 01-27-10, 06:48 PM |
| Re: نجوان ...الراب فعلا بقى (هابط) | PLAYER | 01-27-10, 07:32 PM |
| Re: نجوان ...الراب فعلا بقى (هابط) | smart_ana2001 | 01-27-10, 07:59 PM |
| Re: نجوان ...الراب فعلا بقى (هابط) | Omayma Alfargony | 01-27-10, 07:21 PM |
| Re: نجوان ...الراب فعلا بقى (هابط) | Raja | 01-27-10, 08:23 PM |
| Re: نجوان ...الراب فعلا بقى (هابط) | smart_ana2001 | 01-27-10, 09:29 PM |
| Re: نجوان ...الراب فعلا بقى (هابط) | Omayma Alfargony | 01-27-10, 09:53 PM |
| Re: نجوان ...الراب فعلا بقى (هابط) | bob | 01-27-10, 10:36 PM |
| Re: نجوان ...الراب فعلا بقى (هابط) | PLAYER | 01-28-10, 00:32 AM |
| Re: نجوان ...الراب فعلا بقى (هابط) | smart_ana2001 | 01-28-10, 01:30 AM |
| Re: نجوان ...الراب فعلا بقى (هابط) | Sana Khalid | 01-28-10, 02:32 AM |
| Re: نجوان ...الراب فعلا بقى (هابط) | Dania Elmaki | 01-28-10, 02:49 AM |
| Re: نجوان ...الراب فعلا بقى (هابط) | smart_ana2001 | 01-28-10, 07:10 AM |
| Re: نجوان ...الراب فعلا بقى (هابط) | PLAYER | 01-28-10, 07:37 PM |
| Re: نجوان ...الراب فعلا بقى (هابط) | Sana Khalid | 01-29-10, 05:40 AM |
|
| |
فيس بوك
تويتر
انستقرام
يوتيوب
بنتيريست