|
Re: خذوا الحِكْمة من أفواه المجانين !!! (Re: صبري طه)
|
Quote: الحبيب صبري .. تحياتي .
خليني اتفلسف شوية ... ناس الطب النفسي قالو مافي مرض اسمو الجنون (madness ) ، وقالو دا تعبير ادبي واجتماعي ساكت .. والصحيح عندهم انو المرض النفسي يا ذهان (psychosis ) يا عصاب (neurosis ) ، والفرق بين الاتنين انو الذهان سيدو بيكون منفصل عن الواقع وعايش في عالم تاني ، زي ناس انفصام الشخصية ، اما العصاب سيدو بيكون مرتبط بالواقع لكن مشكلتو بتكون مرتبطة بي سلوك نفسي ما طبيعي زي ناس الوسواس القهري (obcessive neurosis ) .. والشاعر العظيم ادريس جماع كان مصاب بالذهان علي حسب ما سمعنا من المهتمين بي شعرو ، لكن كتير من الباحثين في تجربة جماع قالو انو ما كتب شعر بعد اصابتو بي مرض الذهان دا الا مرات قليلة ..
في الفنون عامة ، في عقيدة بي انو المبدع دا زول ما طبيعي ، وفي دراسات كتيرة حول الموضوع دا ، يمكن هسي ما اقدر اكتب عنها كتير ، بس الموضوع مرتبط بي الحساسية العالية للمبدع وشوفو المختلف عن الآخرين .
(لقيتني كيف عليك الله ؟ ) . مع فائق محبتي . |
|
|
|
|
|
|