|
|
 Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة (Re: منصوري)
|
مساخة: الشئ المسيخ يعني غير حلو.. ممكن تقول الشاي ده مسيخ.. أو الشربات دي مسيخة.. اي سكرها ناقص... أي اقرب للحامض من الحلو... وعندنا بلهجة المناصير المحلية نقول( مقق) اي لاهو حلو ولاهو مر.حاجة مسيخة كدة.. وشاعر المديح حاج الماحي.. قال في قصيدته( من عنا ليك وانسرق.. ياام قلة دووب... الحسارك لي حرق) يقول فيها( بي تفلو كم حل المقق) اي الرسول صلى الله عليه وسلم إذا تفل في ماء ملح أجاج يصير حالي.. ومعروفة في السيرة معجزة الرسول عليه السلام في قصة البئر والجيش لمان عطشوا ولم يجدوا ماءا فوجدوا بئرا مالحة للغاية فتفل فيها عليه السلام فصارت عذبة.. فشرب منها الجيش حتى روي.. فحاج الماحي هنا يرمز لهذا البيت..
يقول ليك روحي يا بت يا مسيخة.. هنا مسيخة موش يقصد بها في اللهجة السودانية حلاة البنت بقدر ما يرمز لها لأخلاقها..
( والله مسيخة جنس مساخة)
( يا بت بطلي مساخة)
( بلاش مساخة وقلة أدب)
يعني باردة.. يعني مختلة الصفات الجيدة... يعني مصهينة.. وبني صهيون نفسهم سموهم صهاينة ليه؟ عشان بيصهينوا من الشئ.. برود
ذكرني مرة أنا جاي من الخرطوم وكنت ساكن الثورة الحارة الأولى الدنيا رمضان والناس صايمة وكان هنالك محل بيع تلج قرب العدني في سوق أم درمان.. واحد جاي صايم عطشان .قال ليهو لوح التلج بي كم؟ قال ليهو جنيهين؟ قال ليهو
ماعندك تلج ابرد من ده؟
قال ليهو 0 لا عندي تلج ابرد منك؟)هنا يقصد برود الأخلاق والصفات
|
|
 
|
|
|
|
|
| العنوان |
الكاتب |
Date |
| لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-26-10, 05:30 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | Farahat Sayed | 01-26-10, 06:48 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | Yousif A Abusinina | 01-26-10, 07:19 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-26-10, 08:10 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-26-10, 04:45 PM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-27-10, 07:53 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-28-10, 05:49 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-28-10, 07:08 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-29-10, 04:38 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | ihsan fagiri | 01-29-10, 05:42 AM |
| Re: لماطة معجونة بموية مساخة معطونة في غتاتة منقوعة في حلة حسادة بصلصة حماقةورظالة على نارشلاقة | منصوري | 01-29-10, 06:03 AM |
|
| |
منصوري
فيس بوك
تويتر
انستقرام
يوتيوب
بنتيريست