|
يا ريّس .... رجّع لينا ود البشرى بالله...
|
...
تداعيات فترة الإيقـ ...- آآآآ .. احم - ضياع الباسويرد وتعليقات على مواضيع ومداخلات ما لقيت طريقة ليها في حينها وفضح لأكاذيب و جرس وعرفان لأصدقاء و صديقات افتقدونا وافتقدناهم ووحكاوي عن ومن السودان و طعم اول عيد اضحية في السودان بعد سنين عددا وتحايا لبورداب التقيناهم للمرة الأولى و كم سعدنا بهم وتشرفنا وشكر لإخوة كرام وونسات لم تجد حظها ايامها وترحيب باعضاء جدد شرفوا البورد - عسى ان يعذرونا إن تأخرنا وقصص و احاديث وفك خرمة وما إلى ذلك ...
يتبع ... ياقول تنظير
_________________________________________ تبيه .. الولولة داخل البوست - او خارجه - على مسؤولية المولول
|
|
|
|
|
|
|
|
Re: يا ريّس .... رجّع لينا ود البشرى بالله... (Re: السيد أحمد إبراهيم)
|
هلا ابو السيد Quote: االبوست ده رقم كم كده ما عارف |
رقم أربعة ... ماهو عشان كدا بقول (ياقول تنظير) حيث يتبع تنظير غير
_________________________________________________ شوية فلسفة ...
ماذا يعني لك البورد ؟ سؤال طرحته من قبل في بوست ما ح اعيد صياغته كالآتي : ماذا تعني لك صورتك في البورد؟ وهل تستحق الكذب لأجلها ؟ أفهم ان البورد عالم تخيّلي ينتهي بمجرد الساين آوت وقد افهم اضطرارك للكذب لتحقيق منفعة تعود عليك في حياتك في الواقع أو دفع ضرر قد يقع عليك أيضا في الواقع لكن ما الفائدة او الضرر هنا - في عالم تخيلي للدرجة التي تضطرك للكذب
| |
|
|
|
|
|
|
Re: يا ريّس .... رجّع لينا ود البشرى بالله... (Re: محمد البشرى الخضر)
|
سلام م ب خ
Quote: وقد افهم اضطرارك للكذب لتحقيق منفعة تعود عليك في حياتك في الواقع أو دفع ضرر قد يقع عليك أيضا في الواقع لكن ما الفائدة او الضرر هنا - في عالم تخيلي للدرجة التي تضطرك للكذب |
اراك اكثرت من التأمل في فترة الايقاف اسف ضيعان الباس وورد
التوقيع
موديل 2009
| |
|
|
|
|
|
|
Re: يا ريّس .... رجّع لينا ود البشرى بالله... (Re: محمد إبراهيم علي)
|
سلامات يا ود البشرى,,
الحاصل شنو يازول,,
ما تكتب عديل!!!
تقعد تغوص فى فلسفات ناتجة عن كميات الخواء المتوافر بكثرة هنا ,,
تلحق السمحين,,
أرخى أعصابك وألعب براحة,,
مداخلتى حسب حسب فهمى
مودتى,,
| |
|
|
|
|
|
|
Re: يا ريّس .... رجّع لينا ود البشرى بالله... (Re: haroon diyab)
|
أخونا محمد ابراهيم علي كيفك يا عمك وعساك بخير , ماها قصة تأمل بالحيل لكنها اسئلة أو خواطر من زمان و تخرج للعلن احيانا - ساعدنا بالأجوبة و التحليل ما أمكن
حموودي .. حباب كل الاخوان من 2009 و ماقبل كلهم ضيوف في البوست و القعدة ما قاعدين نفرز - غالبا قلت ليك يا عمك اني جدا سعدت بملاقاتك وما خذلت توقعاتي للصورة الكنت راسمها ليك خصوصا بالنسبة للكرش وكدا
أبو يمن .. اميتاب ياااا كيفك و كيف الاولاد لا ما في شي حاصل اهو بنتونس و نقضي وقت لا في اعصاب مشدودة ولا لعب برة الرواق نحمد الله و الكتابة عديل راعي الضأن في الخلا يفقه كنهها - الضان طبعا ما محسوب تصدق لو قلت ليك نسيت المصلاية يومتها
كع يا عمك ... كيفك بركة اللحقتك قبل تفتح البوست ياخوي .. كرهتي في الدنيا البوستات الزي دي
سرور بت عمي ... شنو الحكاية يعني تلبسي البورد كلو عمم ما قلنا حاجة وتداعياتي دي تقيفي لي فيها ع الواحدة حمدالله ع السلامة
دكتورة داليا .. احنس منو يابتي ؟ هو في شنو؟ الإيقـ - آآآآ ضياع الباسوورد شي عادي جدا و بحصل في أرقى العوائل وعادي ناس كتيرة من غير ذنب باسويردها ضاع فما تكبري الموضوع ساكت بعدين هو يا يمة ابوحتوت ياسويردو ضاع , تاني شنو؟
(يا خوانا بعد كل تعليق اعلاه في تلاتة اربعة وشوش خدرا بتضحك وتتعولق بس فتران اختها)
__________________________________________________________________________
شوية تثاقف * ونقد ذاتي
قبل فترة غشيت المكتبة إثر زهجة من المنبر العام حال كان تسعين في المية من الصفحة الاولى عن موضوع واحد لا اذكره الآن المهم دخلت المكتبة واخدت جولة في مواضيع قديمة بصراحة هالني ما قرأت من مواضيع و مداخلات لا ادري وات ذا هيل آي واز ثينكينك لما كتبتها مستصحبا نظرية عمك عن ان البورد من اهدافه التوثيق للاجيال الجاية توثيق شنو الله يهديك في بوست زي دا وهبة ... دقيقة باللاي يعني بعد خمسين ستين سنة يستفيد شنو المتصفح او الباحث السوداني لما يعرف انو في العقد الاول من الالفية وهبة كان بسف مثلا وحموودي بفك حصره اينما و كيفما تيسر ريلي آي ديس ابوينتد و المؤسف اني قلبتها يمين شمال بحثا عن بوست يستحق ان يوثق للاجيال الجاية او كما قال فما لقيت ولو مداخلة واحدة خليك من بوست كامل ما لقيت خلي بالك احنا بنضيع زمنا وزمن القراء معانا في ونسات و كااااكات وما إلى ذلك الشي الغريب وبعد النقة دي كلها انا جدا مرتاح لتضييع الزمن بالطريقة دي و عندي النية اواصل على كدا (وش اصفر بتضاحك و يتعاور)
* من مثقفاتي ما مثقف
| |
|
|
|
|
|
|
|