|
Re: سودانير ومطار الخرطوم بين المحسوبية والامبالاة (Re: صديق عبد الجبار)
|
الكابتن صديق عبدالجبار صاحب أجمل وأروع هبوط وأقلاع
لك تحياتي
Quote: الأخ الفاضل عبد العزيز .. تحية طيبة وكل عام وأنت بخير ...
أولاً : لا أعتقد إن الإياتا هي الجهة التي ستنصفك.
ثانياً : أعلم أخي أن تذكرة الطائرة التي قمت بشرائها هي في الأصل (عقد منفعة) يسري عليه كل ما يسري على (العقود القانونية) .. عليه أرجو منك القيام بقراءة ما هو مكتوب خلف التذكرة باللغة الإنجليزية ، وأن تعتمد على الله وعلى هذا العقد وتتوجه فوراً لأقرب محامي شاطر ..!! |
عارف من الأسباب البتدفعنا نركب سودانير أنو بقودوها أمثالكم وبنأمنهم على أرواحنا مطامنين واثقين منكم بس مع الأسف ادارة سودانير ما همها إلا الربح لا مرعاة لسمعة الوطن ولا أمن وحياة الركاب أو الخسارة الببذلوها يا كابتن الغرض من تصعيدي ليس التعويض وهو أيضا حق من حقوقي الغرض الأساسي هو تنبية وقرص اذن سودانير لتعرف واجباتها وتنضبط وتبقى حاجه ولو في طريقة يا كابتن الناس ديل بين إيديهم أرواح ناس واطفال والناس برضه عندها التزامات وحقوق سودانير ما ممكن تعمل فيهم كدا
بمناسبة التذكرة حكومة الإمارات الزمت سودانير بالتذاكر الألكترونية وأظن كنت من أوائل الركاب البسافرو بالتذكرة الالكترونية ومشيت حجزت ودفعت قيمة التذكرة موظف التذاكر اداني ورقة بيضاء مطبوع عليها الحجز قال لي دي تذكرتك وهو صادق من الإمارات سافرت عادي جداً جيت مطار الخرطوم قعدت نصف ساعة أقنع الجماعة في البوابة أنو أنا مسافر بتذكرة الكترونية مرروني بعد ما زهجو مني المشكلة التانية في رسوم المطار وكانت عبارة عن استيكر صغير بثبتوه في التذكرة اها انا ما عندي تذكرة تخيل الموظف المسؤول من تحصيل الرسوم قال لي شنو أمشي جيب ليك تذكرة من سودانير أو ما تسافر قلت ليه شيل قروشك وأديني الاستيكر وفي لحظات امتعاضي وقرفي أتذكرت أنو اليوم السابق لم مشيت ااكد الحجز شلت ورقة مطبوعة صغيرة وعليها الحجز ورقم الرحلة وختم سودانير حمدت الله قلت ليه اها ياها دي التذكرة يلا ختها هنا رفض مشيت لجأت لضابط الصالة أتفهم الموضوع اقنع الراجل مشيت لي كاونتر سودانير ورفعت أمتعتي في الميزان وقدمت ليه الورقة الفيها الحجز قالو لي اطلع اعمل لينا تأكيد للورقة من مكتب سودانير بره يا جماعة انا عفشي في الميزان اطلع برة المطار ما عندكم مراسلة واحد ورى الموظفة فتح فيني كلام فارغ (نحنا شغالين عند أبوك يازول بطل حقارة عوك عوك) من غير سبب والله كان ما وقفته وأتلاسنت معاه كان جا ضاربني المهم مشيت طلعت برة مكتب سودانير البقولوا عليه الكنترول مافيه زول قعدت نص ساعة جا موظف تخيل موظف مسؤول في كنترول روم شركة خطوط ما عارف يعني شنو تذكرة اللكترونية وجيت راجع من غير ما أعمل حاجه المهم اقنعت الموظفات بالكذب أنو أنا عملت اللازم وناس الكنترول قالوا امشي طوالي الغريب الموظفات اقتنعن وكلمن اجراءتي لكن لقيت المراسلة الكان زعلان رمي لي عفشي في اخر الصالة
يا كابتن والله غرضي اوصل الموضوع للأياتا زي ما ذكرت للأخ عشان يضغطوا سودانير وتنضبط زي بقية شركات الطيران لأنو هسع هي متسببة في كوارث كتيرة للركاب ولو خلوها عايرة كدا حا تعمل كوارث اكبر
|
|
|
|
|
|
|
العنوان |
الكاتب |
Date |
سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 05:56 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 06:31 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 07:06 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 07:45 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 08:00 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 09:36 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-20-10, 09:41 AM |
Re: سودانير ومطار الخرطوم بين المحسوبية والامبالاة | Hisham Amin | 01-20-10, 09:18 PM |
Re: سودانير ومطار الخرطوم بين المحسوبية والامبالاة | صديق عبد الجبار | 01-20-10, 09:40 PM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-21-10, 04:39 AM |
Re: سودانير ومطار الخرطوم بين المحسوبية والامبالاة | عبدالعزيز حسين عبدالرحيم | 01-21-10, 05:05 AM |
Re: سودانير ومطار الخرطوم بين المحسوبية والامبالاة | ابراهيم عدلان | 01-21-10, 05:14 AM |
Re: سودانير ومطار الخرطوم بين المحسوبية والامبالاة | bob | 01-21-10, 07:22 AM |
Re: سودانير ومطار الخرطوم بين المحسوبية والامبالاة | bob | 01-21-10, 07:56 AM |
|
|
|