أدق وصف للحزب الشيوعي السوداني ممكن يكونوا شله أو جماعة معارف متواصلين مع شلل تانية في الجامعات أو باقي الأقاليم
واحد صاحبي أنا مسميه السياسي الصامت لأنو بفهم في السياسة وما بتكلم ولا بفتي فيها بس بلخص الواقع قال (ديل مرتابين والشعب أذكى منهم) في أول وصفة للمظاهرات الأخيرة وسرد لي قال لي قامت مظاهرات في أمدرمان بسبب الموية الشيوعين انتبهو لي أنو الشعب لسه قوي وقادر وما عارفين أنو الشعب قوي وأذكي منهم جات حكابة لبني زي ما بقول أستغلوها قال لي كانوا بديروها بالمسجات مع بعض الشعب ما فاتت عليه القصة مرقوا براهم وجاطوا قال لي كل المرقوا مع لبنى كانوا شيوعين والمتعاطفين معاهم ومعارفهم وهم الكبروا القصة بالجد كلامه صاح (امشوا راجعو صور المظاهرة وشوفو منو الطلع مع لبنى) والشارع رايه شنو وأسالوا اي زول عادي عن موضوع لبنى
جا موضوع مظاهرات باقان وعرمان (تسميتي الخاصة) برضه الشيوعين وكنت حاضر اليوم داك الناس كلهم مبسوطة من الإجازة البعد العيد وكل زول مشى قضى غرضه وفي ناس عرفوها الضهر بعد ما أنتهت لانو مع الأسف الشيوعين والمتعاطفين معاهم نسوا يرسلوا المسجات لعموم الشعب السوداني مافي زول مرق معاهم ولا في زول فاضي ليهم حتى الجنوبين
الشعب ذكي وعارف متين يقوم وعارف مصالحة وكيف ياخد حقوقة ما غنم يسوقوهم
ما عارف ليه الشيوعين لمتين الشيوعين وغيرهم مازالوا مفتكرين الشعب دا غنم وقطيع ممكن يسوقوه رغم أنو الأكبر منهم بقية الأحزاب بقت عاقلة وانتبهت لذكاء الشعب بعدين الشعب دا زاته كان بقى غنم هم ما مؤهلين يقودوه ولا حا ينقاد للشيوعين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست