|
Re: معقوله بوست للجكس والكسير (Re: willeim andrea)
|
أندريه ونحن أناس لا تكسر بيننا لنا الجكس دون العالمين أو القبر مع الإعتذار للشاعر أبو فراس الحمداني في قبره أندريه الكسير هو حالة كده لم يتفق ناس علم النفس على تسميتها بعد خاصة وأن المُكسر والمُكسر فيه أو به شخصيه تتمترس من وراء حجاب وربما تكون العكس تماماً في النوع ما بقيت سايبيرية يعني الواحد يقول ليك مثلاً دولي تقوم تتريح وتتصلح وتتنحنح وتكب الحنان ظناً – والظن في الحته دي بالذات إثم (وفعل) – أنك تخاطب دلال ، وتتفاجأ و قد لا تفعل بحسب صبر أيوب لدى الطرف الأغر (عفواً الآخر) وممارسته للعبه أريكا ، عمياء إلى أن تعفص الخط وتنتهي اللعبة بخسارتكم للمنافسة ، أها إتخيل دولي دي تطلع ليك واحد لابس ليهو نضارات والرأس نصف رأس أو قل خمسة وعشرون بالمائة والباقي صحراء جرداء والشنب نص رباط المهم حاجه تحير وتغير إتجاه الزول. هنا يمكن أن تحدث العديد من الصدمات في أدناها الصدمة العاطفية التخلي الواحد يمرق من النت. يا أخي خليهم يكسروا ويتكسروا ويتدشدشو ديل ناس بشوفو في المرأة شكلها لا عقلها. واحد جمبي سخيف كده قال لي سمعت ليك شاعر غني لي عقل إمرأة مش كلهم العيون والسنون والنهود والشعر والمش عارف إيه. أندريه ودعتك الله يا أخوي الزول دا كان ما قام من جنبي حا يقدني بي دخان سجارتو البرنجي دي
|
|
|
|
|
|
|
العنوان |
الكاتب |
Date |
معقوله بوست للجكس والكسير | willeim andrea | 01-17-10, 06:13 PM |
Re: معقوله بوست للجكس والكسير | محمد زكريا | 01-17-10, 06:16 PM |
Re: معقوله بوست للجكس والكسير | willeim andrea | 01-18-10, 03:10 PM |
Re: معقوله بوست للجكس والكسير | almulaomar | 01-21-10, 09:58 AM |
Re: معقوله بوست للجكس والكسير | willeim andrea | 01-22-10, 12:53 PM |
Re: معقوله بوست للجكس والكسير | almulaomar | 01-23-10, 07:45 AM |
Re: معقوله بوست للجكس والكسير | willeim andrea | 01-23-10, 09:38 AM |
Re: معقوله بوست للجكس والكسير | محمد عبد الماجد الصايم | 01-23-10, 09:44 AM |
Re: معقوله بوست للجكس والكسير | عفاف الصادق بابكر | 01-23-10, 09:49 AM |
Re: معقوله بوست للجكس والكسير | willeim andrea | 01-23-10, 09:56 AM |
Re: معقوله بوست للجكس والكسير | willeim andrea | 01-23-10, 10:00 AM |
|
|
|