الأخ عمر الفاروق ... قلمك لا يُجيد التفريق بين الحق والباطل!

Quote: عمر الفاروق سلامات يا رجل Quote: Quote: زي ما انتي ما رضيتي لي عمك ده فياخ ما ترضي لينا التصغير .. بالتأكيد ما بقبل ليك التصغير .. لكنك يا عمر صغرتني ووضعتني في موقف لا ِأحسد عليه!! أنا في المنبر دا من 2007 ... ما حصل دخلت في بوست بحمل إسم عضو ولا خلاف بين عضو وأخر .. لا بالخير لا بالشر ولا فكرت أعمل مشكلة مع أي شخص ! ولما أختلفت تراجي مع أبوي وشتمته ما أندفعت وتدخلت ووقفتها عند حدها .. مش لأني ما بعرف أعمل كدا ، لكن لأني عارف ومتأكد أنه هو قادر يردها بالحسنى وبطريقة أفضل من طريقتي! أنا ما عارف القصد من البوست دا رغم أني حاولت أجد ليك ألف مبرر بس صدقني لا أبوي ولا تراجي ممكن يكونوا مادة جيدة للبوست دا بسبب أعمارهم! أخيراً يا عمر ... عمر على حسن ما أكتسب إحترام الناس ولا إحترام اولاده عشان كان رئيس للهلال في يوم من الأيام ولا كان ضابط كبير في الشرطة الناس بتعمل ليهو الف حساب .... الراجل دا إكتسب إحترام الناس ليهو لانه محترم نفسه طول عمره ، وبالتالي أنا ما ح اقبل منك أنك تخليهو مادة للسخرية! أتمنى تقبل كلامي دا .. وأتمنى أنك ما تتخت في موقف زي موقفي دا! لك الشكر