|
|
 Re: الريموت كونترول !! (Re: صلاح أبودية)
|
وبعدما إنتهت دعايات الإسبيرات والبوهيه والشربات والعدس والصلصة (عاد هى ما صلصة) وطبخنا الحلة بزيت صباح زيت السرور شربنا الشامبيون وضربنا شاى الغزالتين
وعملنا مكالمة من سودانى لى سودانى (بنصف القيمة) والقيمة كم ما معروفة!
جابو لينا رجال كبار كده قاعدين يبكوا ويتمخطوا سألت الأولاد : الرجال الكبار ديل مالم؟
قالوا لى ده برنامج نجوم الغد !
مالم نجوم الغد .. ماتوا ؟؟
جارتنا إستغفرت وإتخارجت !
بعد داك جاتنا واحدة يدها زى الشجرة ختت لينا دهبها جنب علامة الباناسونيك
وقالت لينا فاصل ونواصل !
وإستمرت تعاين لينا وتعاين لى دهبها فى بلاهة لغاية ما المخرج جاء بنفسو وشالها من قدام الكاميرا !!
يا أولاد الجماعة ديل حا يجوا يفتحوا البكاء ده تانى !
|
|
  
|
|
|
|
|
| |
صلاح أبودية
فيس بوك
تويتر
انستقرام
يوتيوب
بنتيريست