للجميع سؤال كبير و خطير ... عن طائفة الاقباط بمدينة شندى ... !!!

Quote: الاقباط في السودان لديهم لوبي اقتصادي قوي جدا .. مكنهم من انتزاع حقوقهم بدون انتقاص .. ( حاول تتعرف علي رموز الاقتصاد السوداني ) ..

اظن يا حميده وان بعض الظن اثم .. اظن ان الاخ صاحب البوست اراد تحقيق شهرة في هذا الجو المكهرب ..
هو زاتو الناس صراحه في البورد ده شليقين ..
كملو المواضيع كلها فتحوا بيها بوستات ..
فنوع صاحبنا ده بكون مشي فتش في الكوشه ما لقي حاجه (ودي عندها قصه براها بحكيها ليك)
فقام شاف ليه حلبي حايم في الشارع قال اكيد الزول ده ما عنده جنسية ولو عنده جنسية ما كان بشتغل بتاع سراير ..
قام فتل الموضوع في راسه وجانا بيه طاير ..وكتب عاجل ..وطرشو لينا هنا
ياخ انا قريت عاجل دي قلته الاقباط بتاعين نجع حمادي جو كاسرين بي هنا وقضو علي العيش الفي شندي والطعمية ..
ياخ في ناس هنا بالجد عينه قوية ..وما برمشو ..يكضبو ويصدقو ولمن يزرزروهم يقولا حسب معرفتنا المتواضعه ..
ياخ انت وكت ما عارف بتهبش مالك ..
بالله يا حميده رسل لينا 4 كيلو لوبي اقتصادي عشان نبلها ونشرها هنا للزول ده ..
وحاول جيب اللوبي الدقاق زي ناس ايوب بتاع البوهيه وكده ..
اي واحد ثروته اكتر من 100 مليون دولار خليه لوكت تاني

كامل التضامن مع الاقباط الطول عمرهم منسترين ومحترمين وجا زول ما عنده موضوعه داير يلعب باسمهم