|
Re: كان بدري عليك ..(دي أمال كنة) (Re: Ishraga Mustafa)
|
قلت لامال مرة بشأن الجندر, فى ملاحظاتى حول ما ارتكزت علية انتماءتنا الاولى - النقد والنقد الذاتى
Quote: لاى مدى نحنا فاهمين القضية صاح وفى اتساق مع واقعنا؟ ولاى مدى - حركاتنا النسوية- قادرة تشوف ابعد من لغتنا المشرزمة والى اى مدى شرزمة واقعنا السياسى رامى بظلاله على ازماتنا؟
هل نجحت هذه الحركات فى خلق لغة سياسية مشتركة؟ فى ارضية مشتركة وراسخة ومستمرة وقادة تتفاعل مع الواقع ومع نساء ليهن هموم غير؟ هل يمكن ان يكون هناك برنامج سياسى لكل الحركات النسوية والنسائبة فى السودان دون الرجوع الى قمة الاحزاب لاخذ الضوء الاخضر منها؟ الى متى ننتظر انفجار الازمة ثم نبدأ نجمع فى شتاتنا, يمنع الوالى النساء من العمل فى الفنادق ومحطات البنزين تتحرق سناء, قانون النظام العام, الخ وهل استمرت كل هذه الحركات التى قامت ام كانت بالونة حماس واتفرقت بحرقة عشان تعادل بنمبان الانظمة القاهرة؟ هل نحن قادرات على تجاوز الخاص وتجاوز جراحاتنا ووضعها فى حقل واحد تحت شمس الفعل المنجر لتبرأ؟ هل عطلت الاحزاب بيمينها ويسارها استقلالية هذه الحركات؟ هل يكفى النوع كسبب للتضامن؟ ام النوع نفسه بيرتكز على افق سياسى وشوف بعيد؟ هل وهلات كتيرات محتاجة الى بحث وتحليل علمى, مرتكز فى - حياده- على موقف ورؤية سياسية واضحة.. |
كانت هى همومى التى اشركت فيها آمال وقلة من نساء ورجال, قاسمنا المشترك حلم كبير حلم بيسندنا وبيرتكز على القرايات الواضحة والنقد الايجابى, حلم بيبعدنى كل مره خطوات وخطوات من النقة السياسية والكلام المنمق والانشاء الرنانة ويقربنى بنفس القدر الى روح العمل العمل على علاته وعلى احباطاته ولكن فى عمل نعمل ومانستنى زول يجى يقول ليك برافو انتوا اعظم الناس, اللى بيجوا يقولوا برافو ديل - برافواتهم دى- مابتقع لى مالم ينخرطوا فى العمل مافى تنظير من غير عمل, العمل هو الاساس اللى بترتكز عليهو كل نظرية
فى 2006 قدمت كورس عن الحركات النسوية فى القرن الافريقى وضعت اسئلة فرضية كنواة يشتغل عليها الطلبة والطالبات, مجموعة اختارت السودان, الورقة اللى قدمت يالنا كانت محزنة بالنسبة لى الطالبات والطلاب ماقدروا يشوف ابعد من - ختاننا- , جاش غضب جوايا وهزمتو بالنقر على تبريرات اقتصادية سياسية, الطهور ده مايهو السياسة وعضمها عندنا؟ رغم انو الشوف مختلف, شوفى للموضوع مختلف تماما...
هل هى محاولة الآن لمقاومة حزنى الخاص بفقد آمال؟ ربما..
-------------------- وكدى بنعزى بعض يالنا, ده كان ردى ليك هنا ليس وقتا مناسبا للمزاح يا آمال كنه.. يافقدنا الكبير!!!
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
كان بدري عليك ..(دي أمال كنة) | lana mahdi | 01-09-10, 10:18 AM |
Re: كان بدري عليك ..(دي أمال كنة) | Halema2 | 01-09-10, 11:56 AM |
Re: كان بدري عليك ..(دي أمال كنة) | Ishraga Mustafa | 01-09-10, 12:09 PM |
Re: كان بدري عليك ..(دي أمال كنة) | Ishraga Mustafa | 01-09-10, 12:12 PM |
Re: كان بدري عليك ..(دي أمال كنة) | Halema2 | 01-09-10, 01:06 PM |
Re: كان بدري عليك ..(دي أمال كنة) | نادية عثمان | 01-09-10, 01:22 PM |
Re: كان بدري عليك ..(دي أمال كنة) | Halema2 | 01-09-10, 01:56 PM |
Re: كان بدري عليك ..(دي أمال كنة) | Gaafar Ismail | 01-09-10, 01:57 PM |
Re: كان بدري عليك ..(دي أمال كنة) | Tragie Mustafa | 01-09-10, 05:02 PM |
Re: كان بدري عليك ..(دي أمال كنة) | lana mahdi | 01-10-10, 08:59 AM |
Re: كان بدري عليك ..(دي أمال كنة) | Tragie Mustafa | 01-10-10, 06:20 PM |
Re: كان بدري عليك ..(دي أمال كنة) | ادم الهلباوى | 01-11-10, 05:16 AM |
Re: كان بدري عليك ..(دي أمال كنة) | kamal kuna | 01-22-10, 07:44 PM |
|
|
|