|
|
 Re: ذكــريات واعتـرافات عن ضـــرب الأطفـــال ..!! (Re: جمال الباقر)
|
الأخ جمال الباقر:
Quote: طبعا نحن زمان انضربنا ضرب غرايب الابل من الجميع غير الوالدين طبعا ... الخال ... العم ... المدرس ..
تصوروا كان بنت عمن لينا ما فلت واحد من يدها من جيلنا من اولاد الاهل ... |
دي حقيقه ..
الأسر السودانيه بتشترك في تربية الطفل بجميع أفرادها ..
دي بالتأكيد ظاهره عندها ايجابياتها وعندها سلبياتها,
شخصيا بفتكر التربيه مسئولية الأم والأب في المقام الأول,
الأسره الكبيره اذا كانت ايجابيه وحاولت تنتبه لدور الأم والأب وتكميله فدي محمده كبيره,
وواجب بيقوموا بيهو تلقائيا, من خلال السلوكيات اليوميه اللي بيشاهدها الطفل في بيت الأسره الكبيره,
وبالتأكيد بيتأثر بيها وبيتطبّع بيها ..
أمّا التدخل السلبي فبيشوّش علي عقل الطفل أحيانا ويربكه,
عن نفسي خاله وعمّه, ماحصل اتدخلت في تربيه بمعني تربيه,
لكن بحاول أكون صديقه, بمعني بتعمّد انهم يتعاملوا معاي كجزء منّهم,
عشان يثقوا فيني ويحكوا لي وبالتالي لو في مشكله أنبّه ليها الوالدين,
أو مرّات بحلّها براي, بمنتهي الصداقه ..
والطفل علي عكس ما يعتقد الراشدين بيفهم وبيستوعب جدا ..
| Quote: مرات في ناس كتير بتقول انو لو ما جلدونا ما كان اسي دا حالنا ؟؟ تقول يعني حالنا بسر ما ياهو مجتمعنا السوداني مليان علل من جيلنا ومن القبلو .. اكيد الهبت الهبتوا للناس دي ليهودور في العلل دي |
كلامك سليم تماما ..
الأسر نادرا ما تنتبه لسلوك الطفل الأصلي وتنميهو,
دايما بكون في توجيه وقمع بيلغي شخصية الطفل,
وبيخليهو نسخه مشوّهه لما يحاول أمه وأبوه أن يكون ..
النتيجه لا حيكون الحاجه الهم عايزنّها ولا حيكون نفسه ..
مجتمعنا السوداني حقيقي فيهو علل ومشاكل اجتماعيه كبيره,
كلّها بترجع للتربيه في الطفوله ..
نقاطك غايه في الأهميه ..
شكرا جزيلا ..
|
|
  
|
|
|
|
فيس بوك
تويتر
انستقرام
يوتيوب
بنتيريست