بعد ان شاهد نشيد الوطن النوبي وبدون ما يفهم كلمات الاغنية قال لي صديق سوداني انتو ناس عنصرين وعاوزين تنفصلو. قلت ليهو الناس بيتهمونا باننا عنصرين لانو دائما بنكون مع بعض خارج الاراضي النوبية ودائما ما نعمل اندية وجمعيات تلم النوبيين تناقش فيها كل القضايا وقلت له ان النادي النوبي في الخرطوم من اقدم الاندية الاقليمة وكل هذه التجمعات دائما كانت اجتماعية ثقافية ورياضية والان سياسية كمان. اما موضوع الانفصال قلت ليهو ان النوبيين كانوا اكثر من يؤمنون بوحدة السودان .كان معظم قيادات الاحزاب الكبيرة في السودان من النوبيين حتي لدرجة انهم كانوا قيادات في احزاب قومية عربية. ولكن بعد الحصل في السودان وبعد قيام احزاب كثيرة في كل اتجاهات السودان منها الانفصالية ومنها الوحدوية ومعظمها تحمل السلاح لتحيق ما يريدونه من تقسيم عادل للسلطة والثروة .كان لا بد للنوبيين ان يتحركوا في هذا الاتجاه وقامت احزاب نوبية مثل الحزب النوبي وحركة كوش والتجمع النوبي والتحالف النوبي الذي يشمل كل هذه الاحزاب .سكت صديقي عن الكلام المباح وقلت له ربما يكون هنالك دولة نوبية خاصة اذا انفصل الجنوب واختلط الحابل بالنابل ونحلم بسودان موحد نتمتع بحكم لا مركزي في اقليمنا علي حسب ما نص الدستور السوداني الاخير
العنوان
الكاتب
Date
هل نحن النوبيون نسير نحو الانفصال؟...يوجد فيديو لنشيد الوطن النوبي وصورة للعلم النوبي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة