هل من المعقول أن تتزوج من امرأةٍ ثانية؟ .. دعوة للنقاش

Quote: الدكتور صلاح سلام والله انا بشكرك جدا على موضوعك واختيارك الموفق وما عارفة ابدا من وين وخايفة اكون كترته المحلبية زي ما بقولو عندنا هنا في ام درمان اصلو كلامك ده فيهو ريحة ام درمان على فكرة احنا مجموعة من البنات فينا العرست وفينا اللسه في الطريق وفينا تلاتة مننا معرسات راجل مرة انا واحدة منهم وانا طبعا الريسة كلامك انت وضيوفك قاعدين نقراهو كل يوم ونناقشه والعيد ده كلو سويناهو ناس دكتور صلاح قالو ناس دكتور صلاح فعلو ونصنا ما فارقه معاهن يعرسوا راجل مرة والنص التاني يحاحي لا عارفين يقبلو ولا عارفين يرفضو صدقني يا دكتور الموضوع ده ما بس الراجل البحددو المره الاولى ليها دور والمره التانيه ليها دور كمان كمان الظروف والاهل وحاجات كتيره وعشان اكون صادقه معاك المره الاولى كان زعلت ليها الف حق لانو الراجل لو بستحق الواحدا فينا تمسك فيه بايديها واسنانا حتى لو عرس اربعه واي مرة راجله يعرس فيها حقو تتريس قبل ما تاخد قرار تندم عليهو ولو الراجل بستحق تعيش معاهو رغم انو عرس فيها ما بقول ما تزعل ولا ما تبكي تعمل ده كلو لكن لازم تعمل الانا قلته اذا الرجل بستحق ولا لا انا عارفه ساعة الزعل بتعمى البصر والبصيره لكن لازم تشوف الحاجات الكويسه في الراجل ما تقرا كلامى ده تقول المره دي بتاعت هوا ساكت وكلام فاضي احنا برضو عندنا مشاعر وشايفين الراجل واحد صحيح ما نص راجل لانو لامن يكون معاي بنسه تمام انو عندو واحدة تانيه وهي كمان لازم تعمل كده تعال نضحكك يا دكتور الايام دي في توب جديد نزل واحده من الشله فقعتا ضحكه وقالت نسميه توب دكتور صلاح التانية قالت ليها قديمة دكتور صلاح دا اسم دقت غويشاتي ما تزعل مننا يا دكتور انت فيك ريحة ناس امدرمان ما تقول لى عرفتا كيف الكلام البتقول فيهو ده كلام ناس ام درمان وانا مشارطه عليه ما كدى يا دكتور كلمة اخيره عايزه اقوله لبعض من ضيفاتك شي طبيعي انكن تقولن ما دايرين مرة تانية وتختو المسئوليه كولها على الراجل لكن انتن بتتكلمن بدون تجارب كان متزوجات ولا لسه المرة التانيه دي ما بتعرفه الا المره الاولى والعكس صحيح انا انتن ما بتعرفني ولا انا كمان لكن احنا متعلمات زيكن والطريق اللي احنا فيهو مشيناهو باختيارنا وسعيدات والحمد لله ده ما معناه مافي مشاكل بتحصل بين الضراير لكن حكمتنا وحكمة الراجل معانا بتقعد كلو زول في علبو ما اطول عليك يا دكتور وعلى ضيوفك كمان ونش الله تكون زيارتنا خفيفة عليكم والشله كلها بتسلم عليك يا دكتور يا ود ام درمان ونش الله ما تخزلنى اختك ل . ف