|
|
 مستشفـى البصيــرة ام حمــــد
|
ي زول يشاوروهو في حل مشكلة و يحلها ليهم حل يصوطا زيادة لا شك انو البصيرة ام حمد... او جابوهو فزع وبقى وجع... او جا يكحلها عماها... قالوا" الله يكفينا شر قالو وقلنا" والله مكجّن القوالة في بلد الله....قالوا البصيرة أم حمد دي... قصتا أصلو .. كان في عجل العجل عطشان.. وجا دخّل راسو في قُلة موية عشان يشرب... دخل راسو وما قدر يطلعو تاني.... ناس الحلة اتلمو وقدر ما حاولو يمرقو راس العجل دا من بطن القلة,, ما قدروا... قالوا يجيبوا البصيرة أم حمد، و أكيد ح يلقو عندها الحل الشافي ... جات البصيرة أم حمد و وقفت على العجل، و بعد ما غزّت كوعها و فكرت ملياً... قالت ليهم جيبو سكين و اقطعوا رأس العجل... جابو سكين و قطعوا رأس العجل ... بعد شوية قالت ليهم اكسروا القلة و أمرقوا رأس العجل... كسروا القلة ومرقوا رأس العجل... يعني الجماعة لا لموا في العجل ولا لموا في القلة... يا ربي عندنا كم بصيرة أم حمد في السودان... و نحن أمورنا كلها في إيدهم يباصروا فيها بصارة أم حمد... و أنا ما رضيان أقيف اكتف إيديا و أعاين و أتلوم في البلد... كمواطن حقو ادخل ايدي في الصواطة دي... و قطع شك رأيي ما ح يكون أكعب من رأيهم .. رأيهم و فهمهم البشوف فيهو دا...عندك على انو.. في المستشفيات....مرا متقدمة في السن شوية عندها حبيبة قامت ليها في واحد من شطورا.. رقدوها مستشفى... دكاترة تمشي ودكاترة تجي .. و نضم كبار بالإنكليزي و بالعربي ... قرروا يشلوا الشطر ويقطعوهو ليها... وقطعوا الشطر.. وبعد فحص عينة من أنسجة الثدي.. لقو إنو الحبة دي لا سيلطان ولا حاجة.. وممكن بشوية حبوب ودهان كانت تتعالج... و منعاً للحرج الدخلوا فيهو الدكاترة و كنوع من الجمجرة نضم معاي واحد فيهم قلت ليهو يا اخي هي عمرها كم ؟ قال لي فوق الستين قلت ليهو طيب يا اخي يعني هي ما ح تحتاج للشطر دا... قال لي ايوا ... قلت ليهو خلاص ما دام هي ما محتاجة ليهو ... أهلها زعلانين فوق كم؟.. ..... و انا بنضم معاهو كدي جات سيستر مطيّرة عويناتا وقالت ليهو يا دكتور نسينا مقص في بطن البيشنت بتاع شنو كدي ما بعرفوا... برضو دخلت خشمي وبجمجرة أشد .. قلت ليهو: نسيتو المقص جوا بطنو يا دكتور؟.... قال لي يس"نعم"... قلت ليهو انتو مش عندكم مقصات كتار و ما أظن تحتاجوا للمقص؟ قال لي ايوا... قلت ليهو .. خلاص يا اخي سيبوهو.. بدل تقومو تفتحو بطن الزول تاني و تكوسو المقص و يا عالم تلقوهو واللا ما تلقهو.... خلوهو والعند الله ما بتروح ... وبعد شوية فكرت قلت ليهو يا دكتور انا عندي ليكم فهم ... قال لي فهمك شنو؟ قلت ليهو تجيبو مغنطيس.. وتربطوهو بي خيط و تدخلوهو في بطن الزول العيان دا المقص بيتشعلق في المغناطيس وبجي مارق! و رسمت علي وجهي بسمة طويلة عريضة بسمة المنتصر .. فكر الدكتور شوية وبدت علي وشيهو علامات المحنة وقال لي ندخلو بي وين لكن؟... قلت ليهو... اصلو ما بصعبها عليكم البكان البريحكم!
|
|
  
|
|
|
|
|
| العنوان |
الكاتب |
Date |
| مستشفـى البصيــرة ام حمــــد | سجيمان | 02-23-10, 10:28 AM |
| Re: مستشفـى البصيــرة ام حمــــد | سجيمان | 02-23-10, 11:01 AM |
| Re: مستشفـى البصيــرة ام حمــــد | طلال جبير جابر | 02-23-10, 11:37 AM |
| Re: مستشفـى البصيــرة ام حمــــد | سجيمان | 02-24-10, 08:39 AM |
| Re: مستشفـى البصيــرة ام حمــــد | سجيمان | 02-25-10, 05:03 PM |
| Re: مستشفـى البصيــرة ام حمــــد | المر | 03-13-10, 08:28 AM |
| Re: مستشفـى البصيــرة ام حمــــد | طلال جبير جابر | 02-23-10, 11:37 AM |
| Re: مستشفـى البصيــرة ام حمــــد | سجيمان | 02-23-10, 04:35 PM |
| Re: مستشفـى البصيــرة ام حمــــد | سجيمان | 02-27-10, 06:52 PM |
| Re: مستشفـى البصيــرة ام حمــــد | طلال جبير جابر | 02-23-10, 11:37 AM |
| Re: مستشفـى البصيــرة ام حمــــد | سجيمان | 02-24-10, 10:17 AM |
| Re: مستشفـى البصيــرة ام حمــــد | سجيمان | 03-20-10, 08:27 PM |
| Re: مستشفـى البصيــرة ام حمــــد | سجيمان | 02-24-10, 07:09 PM |
| Re: مستشفـى البصيــرة ام حمــــد | Hayat Hussien | 02-24-10, 09:08 PM |
| Re: مستشفـى البصيــرة ام حمــــد | سجيمان | 02-25-10, 08:36 AM |
| Re: مستشفـى البصيــرة ام حمــــد | جلال جبريل | 02-25-10, 08:48 AM |
| Re: مستشفـى البصيــرة ام حمــــد | سجيمان | 02-27-10, 12:31 PM |
| Re: مستشفـى البصيــرة ام حمــــد | Hayat Hussien | 02-27-10, 07:17 PM |
| Re: مستشفـى البصيــرة ام حمــــد | abdulhalim altilib | 02-28-10, 06:16 AM |
| Re: مستشفـى البصيــرة ام حمــــد | سجيمان | 03-01-10, 07:37 AM |
| Re: مستشفـى البصيــرة ام حمــــد | سجيمان | 02-28-10, 10:56 AM |
| Re: مستشفـى البصيــرة ام حمــــد | Hayat Hussien | 03-01-10, 07:38 PM |
| Re: مستشفـى البصيــرة ام حمــــد | حمد محمد احمد | 03-01-10, 07:48 PM |
| Re: مستشفـى البصيــرة ام حمــــد | سجيمان | 03-02-10, 11:13 AM |
| Re: مستشفـى البصيــرة ام حمــــد | حمد محمد احمد | 03-02-10, 01:40 PM |
| Re: مستشفـى البصيــرة ام حمــــد | سجيمان | 03-03-10, 11:03 AM |
| Re: مستشفـى البصيــرة ام حمــــد | سجيمان | 03-02-10, 05:30 PM |
| Re: مستشفـى البصيــرة ام حمــــد | حمد محمد احمد | 03-03-10, 03:33 PM |
| Re: مستشفـى البصيــرة ام حمــــد | Alrayah Senhuri | 03-03-10, 04:20 PM |
| Re: مستشفـى البصيــرة ام حمــــد | Hayat Hussien | 03-03-10, 10:06 PM |
| Re: مستشفـى البصيــرة ام حمــــد | سجيمان | 03-04-10, 07:16 PM |
| Re: مستشفـى البصيــرة ام حمــــد | سجيمان | 03-04-10, 08:01 AM |
| Re: مستشفـى البصيــرة ام حمــــد | حمد محمد احمد | 03-04-10, 06:13 PM |
| Re: مستشفـى البصيــرة ام حمــــد | سجيمان | 03-10-10, 11:05 AM |
| Re: مستشفـى البصيــرة ام حمــــد | حمد محمد احمد | 03-12-10, 09:08 AM |
| Re: مستشفـى البصيــرة ام حمــــد | حمد محمد احمد | 03-12-10, 10:25 AM |
| Re: مستشفـى البصيــرة ام حمــــد | المر | 03-13-10, 08:58 AM |
|
| |
سجيمان
فيس بوك
تويتر
انستقرام
يوتيوب
بنتيريست