|
|
 حميد - مرشح بالدائرة 28 مروي
|
أعلن الشاعر - محمد الحسن حسن سالم حميد عن ترشحه
بالدائرة 28 مروي (مستقل)
ياما شايلك فيني حايم
لا الليالي المخملية
لا العمارات السوامق
لا الأسامى الأجنبية
تمحى من عيني ملامحك
|
|
 
|
|
|
|
|
|
|
 Re: حميد - مرشح بالدائرة 28 مروي (Re: عبدالحافظ سعد الطيب)
|
الأعزاء - ودالزين/نجم/أبوالحسين/سري/عبدالحافظ
السلام والإحترام
============================================
الرجعة للبيت القديم
ـــــــــــــــــــــــــــــــــــ
أنا ماشي ...
راجِع ...
لي بِيُوت
تفتح لِي أدُقْ
أو
ما أدق
من غير تقول
الزول مِنُو
ولا حتَّى
علّ الداعي خِير
لا مالَك
الجابك شِنُو
لي بيوت بجِيهن
في أيِّ يوم
إن جيتا ليل
إن جيت دغُشْ
طوَّالي
أدفْر الباب
وأخُشْ
| |
|
|
|
|
|
|
|
|
|
Re: حميد - مرشح بالدائرة 28 مروي (Re: حمزاوي)
|
يا حمزاوي يا صديق .. وإت ماك عارف راشد لمن يطنطن
كل الدنيا الفيني تطنطن
ربي يهون ربي يهون
================================================
--------------------------------------------------------------------------------
نورة والحلم المدردح
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكي لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
حَارْ علينا
بعد طراوة ...
وبين
عيون أحباب
تقيّة
نبقى
في كتمة
وشقاوة
وبين
أرَاذِل
و
أرزقيـ…ـة
كفاك
شكية !!
كفاك
شكية !!
يا التّشرِّكْ
لي غمامك ...
وتحتَك
الأنهار
قويَّة
ما انسرق
ذات ليل
سنامَك ...
لو قبــيل
كُسْتَ
الحوية
كفاك شكية !!
| |
|
|
|
|
|
|
|
|
|
Re: حميد - مرشح بالدائرة 28 مروي (Re: عفاف علي ميرغني)
|
ثقتي في فوز الشاعر كبيرة
لان ثقتي في وعي ابناء مروي لا تحدها حدود
فحميد ابنهم وشعره يعبر عنهم
ويشرح واقع البلد بالكامل ويدعوهم للتغيير
وقد ان اوان التغيير
فقط مطلوب حملة انتخابية مدروسة
وحراسة على مدار الثانية للصندوق
| |
|
|
|
|
|
|
|
|
Re: حميد - مرشح بالدائرة 28 مروي (Re: محمد صلاح)
|
قال الاخ محمد صلاح:
Quote: ثقتي في فوز الشاعر كبيرة
لان ثقتي في وعي ابناء مروي لا تحدها حدود
فحميد ابنهم وشعره يعبر عنهم
ويشرح واقع البلد بالكامل ويدعوهم للتغيير
وقد ان اوان التغيير
فقط مطلوب حملة انتخابية مدروسة
وحراسة على مدار الثانية للصندوق |
الاخ محمد صلاح - تحياتي، قال حميد:
والبتشوفو
من أطلال ..
دي كانت
ذات وطن
حَلاّلْ
بيوت ناساً
كُرام وعُزاز ..
سَوا سَوا
في رخا
واملاق
منطقوا
لوعة الإخفاق ..
ـ قدر ما ظنّو
في الجايين ـ
تمطّقو
روعة الإنجازْ
( حويش × حويش ..
سكنّا الدّيشْ ..
أوضنا
بقت نقاط تفتيشْ)
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
هادي المخالِيق
مؤمِنا
بسماحة الدنيا
الِهِنِا
كم تأمنك
يوم تأمَنا
ولا فرقِ بين الضيف
وأنا
غير كم كليمِة ملوَّنة
بالإلفة ..
هلِّيج ..
اعتناء ..
هادي البيوت
مطمِّنا
ودايماً قريبِِة
من البعيد
ذي مو غريبِِة
على الدَنا
ماها المريبِِة
وماب تكيد
مفتوحه طيبِة
محاننة
زولاً يجيها
في كل فجر
ولاَّ إن يتم
كمين سنة
تتلقَّى
ذي أم الجَنا
وترشع سحابات المُنى
بالصحة ..
بالعز ..
بالهناء ..
ينجيك من أولاد الحرام
يحفظ
يغطِّيك ربنا
| |
|
|
|
|
|
|
|
|
|
Re: حميد - مرشح بالدائرة 28 مروي (Re: عفاف أبو حريرة)
|
بلا { تكالب } أو تأويل سياسي, فدعو هذا الرجل
يفوز بهدؤ... فهو فائز في الأصل بضمائرنا
وخلجات مشاعرنا حين أشعر... وما يزال.
فيا زول كل الناس,
الله إقدرك على السياسة.
شكرا ... عبدالجليل وضيوفك الكرام.
... ولي قدام
| |
|
|
|
|
|
|
|
|
|
Re: حميد - مرشح بالدائرة 28 مروي (Re: HAYDER GASIM)
|
حميد....شاعر الوطن....وشاعر الناس القاعده فى الجابريه راجية الفرج......
.....لا يستحق من كتب الجابرية إلا أن يفوز فى الكرسي كما تربع قبلها على كرسي القلب .....
ففي هذه القصيدة وعى سياسي عميق....ونقد بسيط ومعقد فى آن واحد لتاريخ السياسية السودانية.....
الجابرية....عليك الله يا محمد اكتبها لينا هنا.......ملحمة حياتيه يوميه....ووصف بالغ البساطة والدقه لوجوه الطفيليين
والانتهازيه.....وصوت من قلب الحلال البعيدة والمهمشه ...وشارة قوية لضعف التوزيع العادل للثروة فى السودان......
...
....معا لإنجاح حملة حميد الانتخابيه...فهو حتما يحتاج دعمنا ...ووقفتنا....ماديا وإعلاميا......!!
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Salwa Seyam)
|
الشاعر الصديق الانسان محمد الحسن حسن سالم (حميد)
كان وعبر تاريخه صوت من لا صوت له،
كان (ميكرفون) ناطق باسم عم عبدالرحيم، وبلسان السرة بت عوض الكريم حكى
ونطق بخشم حمتو ووو
حكاية الجـــابريـة .. ونـــــاس الحيكومة
كان ضحوية ...وكُنَا نسنِّد في المحروت
وفجأة يهّوي مَكبر صوت
قال : الريس مار بي فوقنا
من شغلتنا قلعنا عِروقنا
فكَينالُو حبل وآسوقنا
وإنماسكنا يطمّن روقنا
قمنا جميع الحلي مَرقنا ...
البيشوفنا.. يقول وآآ شوقنا
كان ضحوية ... وكانت عين شمس الله قوية
وكان الريس في عَربية ...
واقف طولو.. تحت شمسية
هللّنّالو ... هلّجنّالو ...لوّحنّالو بالطورية
فرَّ عبايتو.. وهزَّ عصايتو ...
وهزوا بنادقن الضابطية
صفقنالن.. صفقة قوية
زغردنالن ... يويا أيويا
هدّن عندنا خمسة دقائق
قدمنالو كتاب الله ...درقة وسيف ... تبروقة هدية
.. قـُـفّة تمودة .. وفاس دهبية
وكنا قبيل بيّتنَا النية ...
بين بتين علّينا اليافطة ...
اليافطة أم زيق الدمورية
وانعبينا هتافاً واحد :-
الجابرية تحيّي الثورة ...
دايرين بوسطة ومدرسة وسطى
الشفخانة وسوق منضبطة
قام الريس.. روّح باسم
وقام خاطبنا بنهج الثورة الصارم وحازم
أمّن.. لازم من شفخانة ومدرسة وسطي
والتعمير بالعون الذاتي
إلا البوسطة .. دي ينظر فيها
أما السوق ... السوق منضبطة
للتُجَار الأسعار واضحة
وللمستهلك باينة وواضحة ...
جاملتوهن تبقى الغلطة
وإنكفّينا
رفعنا إيدينا ...هزيناهن بالتأييد:
لا تفريط في قوت الشعب ...
سحقاً سحقاً للرجعية
الجابرية ضراع الثورة ...
بالإنتاج حنبني بلدنا
كانوا في جيهة .. وإحنا في جيهة
هن ينهبّبّوا بالكابات ...
وما همّانا الصيف وعَرقَنا
فات الريس وإنفّرقنا
إنفرتقنا على الجابرية
كنا ببنضم وما صدّقّنا
بالجابرية تجيها البوسطة
الشفخانة ومدرسة وسطى
قلنا يا ريت لو وصلوا فطور
وإنحزّمنا ضبحنا التور
كُنا أقلا ضِمّنِا النور
أو يا ريت لو زدنا الصفقة ..
وعاش ويسقط ويويا أيييويا
كُنا أقلا ضِمنا الموية
كنا بننضم بي إيدينا ...
دا أحسن ريس مَّرّْ علينا
ومن الله خَلقنا وشفنا خِلقنا ...
دا أول ريس زاتو يجينا
وكونو يجينا
يقنّب بينا...
يشوف البينا .... كفاية علينا
آ الجابرية يجوكي الحُكَما
آ الجابرية تواصلي البرة
آ الجابرية ولادِك تقرا
نمشي الليلة نصاقر الرادي
نمشي الليلة نحضر النشرة
وكنا نرجِِّع في كلماتو
إلا في ستة من الجابرية ...
قالوا :- تعبكم خارم بارم
يذهب حاكم خلف الحاكم
والجابرية تظل في حالها ...
حِلّة حياتا تسُر الظالم
صُدفة تموت وتحَيا اطفالا
لا جلكوز لا تقرا رسالة
ولا .. راح يطلع منها عالم
ما بينصفكم إلا ضراعكم
عّبّوا ضراعكم يا رجّالة
وخَلّوا بصركم دغري وسالم
حُكم العسكر ما بينشكر
كلو درادر ... كلو مظالم
وما هو قدركن تَحيو همالة
مقصودين والقاصد فاهم
وقاطعناهن ...
حاربناهن..
تميناها البينا شتائم
حالتُن أحسن ناس في الحلة
إيدا نزيهة ... عقولا نبيهة
قلنا بَعرفوا ... وقلنا فواهم
يطلعوا فالصو.. وقٌطّاع رحَمة
عينة شماتة وخارم بارم
وإحنا القُصّر واثقين فيها
وقطّعناها معاهم جملة .. وقاطعناهم
صاروا في جيهة ... ونحن في جيهة
ومر اليوم ... الشهر ... الحول
والجابرية بلد في حالا
قواسي شيوخا ... مآسي أطفالا
عذابات ناسا
من القُرّاصة ولي قَرّاصا ...
... حلة تعافر ومقطوع راسا
عشرين كيلو من الجابرية ...
صِبية تساسق بي كراسا
آ الجابرية عذابك فينا ...
لاكي القرية.. ولاكي مدينة
وفد في وفد يقوم ويجينا
... دايرة دراسة وإجراءات
عون أمريكي وقرض ألماني وحاحاءات
وحد ما نشوفلنا مسعولين ...
مسعولين أو خواجات
نجري نلم قدحاتنا عليها ....
ترطن ترجع زي ما جات
الشفخانة وعايزة دراسة ...
مدرسة وسطى وإجراءات
ولما المطوحة طالت بينا
إنذكرنا العون الذاتي
إنحزمنا وقلنا برانا ... نبني نقوم للشفخانة
طوبة في طوبة في طوبة وقوّمناها
ويوما التمت .. جات السلطة ...
عربي وعجمي ومرة رطانة
الشفخانة دا ماهو بكانا
هاك يا تلتلة هاك يا ورطة
وغصباً عنك يا الجابرية ...
وغصباً عنك يا أحوالا
وحُميّاتا وموت أطفالا
وحُمرة عينكن يا رجّالة
قوة انشكت بين النقطة
وفي الجابرية تحوم الشرطة
هووا كلاب الحلة وصنو
ومن يوم داك ما شفنا الستة
وفد الحلة السافر جانا ...
قال إنأكد شاف الخرطة
ونحن بدل نبني الشفخانة ...
إنسرعنا بنينا النقطة
الشفخانة دا ماهو بكانا ...
وكانت غلطة انقلبت ورطة
إنفاهمتو مع المسعول ؟؟ ؟؟؟
إنفاهمنا مع المسعول
وقال حا يقوم للشفخانة
أو يدفعلنا حق اطيانا
مع إنو النقطة وكت بُنيانا ...
قوَمتوها بلا زنزانة
وفي تقديرنا كلام معقول
كونو يقوَم لي الشفخانة
حاجة تضحك
محرقة هانة
إنتو تقيفوا مع المسعول
وألا الكنتو تقيفوا معانا؟
قلنا:-
خفنا نفقِد الجاي ...
خفنا نفشّل باقي الخطة
هو فضل جاي ؟ ... هي فضلت خطة؟
وانفرتقنا على الجابرية ....
وانعلقنا
تجينا البوسطة ومدرسة وسطى
والشفخانة قصاد النقطة
تجينا ... تجينا ... وما أنيقننا
ناس إنولدو ... وواحدين ماتوا
لما الريّس ودوشتو فاتوا
بعد خراج أرواح وعذاب
فاتوا العسكر وجو الأحزاب ...
ونفس الوجع اتجدد تاني
ونفس الحلم الراح تحتاني
حتلناهو ... جمعنا رفاتو
نفس اليافطة في نفس الحتة :
الجابرية تحيي الشعب
دايرين بوسطة ومدرسة وسطى
والشفخانة بديل النقطة
فينا انكلم شيخ الحلة
صنقع ...دنقر ... صلي وسلم
وكانوا كلاب الحلة يهووا
وقال كلمتنا تكون فد واحدي ...
شان ننقوى وما ننزلا
شان مشهادنا وعدل الحلة
نحن نفوّز شيخ البلة
وزاد هوهيو ... كلوب الحلة
وبعضنا عارض ... رده وفاوض
شيخ الحلة القام حمسنا ...
بلة الحمش الزول ما دلة
أول فاهم.. وقبلو ولدنا ...
وراح يحكملنا بشرع الله
هو .. هو ... هووا كلابنا
لما أستغرب شيخ الحلة
وإنفرقنا على الجابرية
إنفرقنا ويوم الليلة انجمعنا عموم الحلة
شيخ الحلة قرأ القرآن ...
صنو كلاب الحلة وهووا
وبلة إنقدم سمَّ وصلَّى ...
صنو شوية ... وهو هو هووا
قام وإنكلم ... عن ينكلم كان ينقسم
النسوان الجاي تتهامز
الصبيان الجاي تنغامز
وكان ينبسم ... وكانو كلاب الحلة يهووا
شكَّر وشتَّم ... هو هو هووا
حلَّل وحرَّم ... هو هو هووا
هوَّد وسابنا ... وفات ودانا الآخرة وجابنا
قاطعناهو وصوتو إنوطَّا
أصلاً واطي وتاني إنوطَّا
دايرن بوسطة ومدرسة وسطى ...
والشفخانة بديل النقطة
التموين وزيادة الحصة ....
كهربة موية وسوق منضبطة
بلة انبرع وقال ببنيهن ...
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا ...
وبي إذن الله يضوى الحلة
هتف الشيخ وهتفنا وراهو :
لا تبديل لشرع الله .... هو هو هو
لا ولاء لغير الله ...... طاء طاء طاء
عاش الفارس أمل الحلة
بلة الطاهر علي حسب الله
عاش الفارس أمل الحلة
بلة الطاهر علي حسب الله
.....
بلة الطاهر علي حسب الله
كبَّر فينا وقام إندلي ...
ولسة كلاب الحلة يهووا ...
وزاد هوهيون كبشا ضاع
من مرحاتو وصاقع باع
بلة الطاهر علي بلاّع
بلة الطاهر علي بلاّع
كانت أول مرة نشوفو ...
يومنا الشفنا اللاندكروزر
اللونا مخطط
والبنوت الراسا مربط ....
التنبوبر
لوري مكوَّش أقمشة ..سكر ...
حتى الفوفو ... وعتل تؤجر
وأمحي المنكر بي معروفو
بلة الطاهر علي بلاع ...
أكرمناهو .... أكرمن ضيوفو
يشبه مرت الشيخ في وشيهو ...
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برانا نغيير قولنا
إلا كبار الحلة بقولوا ...
بلة دا هولنا
بلة دا أصلا من ها الحلة
إلا أنربى وقرأ في الخارج
ورافق جدو الفتح التركي
وسيرتو انقطعت في المهدية
ومرة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول في امرو
زول غرقان في الدين من عمرو
ستة سنين قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصارو جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا غما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجينا دا ما منظور
وزيادة الحصة ... الزول زول سوق
زول من جدو يلف ويدور
ويا الجابرية دا مطلب عادل ...
كونو تطيبي ... تكتبي تقري
ضوك يشلع ... دشك يرشع
ونحن دفعنا ضرايب بدري
ولسه بندفع ... لسع ... لسع
بس يا جماعة ... إن قضينا حياتنا تباعة
صنيت رادي ... وقول في الفاضي
خوفنا نقوم ما نلقى أراضي
ونحن أساسنا وراسنا زراعة
والجابرية إن دايرة شفاعا
ما بيشفعلها إلا ضُراعا
عبو ضراعكن آ رجالا ...
وخلو بصركم دغري وسالم
عبو ضراعكن آ رجالا ...
شيخ الحلة أضلَّ وضلَّ
وأسألوا بُرَّة وحاجة السُرَّة
عن التيبان وحكاية الصُّرة
شن لمه بلة وشيخ الحلة مع شرع الله
والناس ديل العارضين برة
جربناهن كمين مرة
تاني نجرب شان ننضرَّ؟!
ويا الجابرية معاكي سلامة ...
كان الفوقك ما فات مرة
كان كلماتن ناشف ريقا ... وكانت مرة
إلا حقيقة ... غلبنا نطيقا ...
وين في الصرمة ... وقل القدرة
وسكتناهن بس ما صنو
وقاطعناهن تاني المرة
وما من واحد فيهن ترا
وبلة
كان هو طريق الناس وخيارا
فوزناهو وجانا زيارة
كرمنالو التور وعرضنا ...
وخليناهم برة الدارة
دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة
وصدو كلاب الحلة يهووا ...
ينضم بلة يهووا معاهو
نهتف نحن يزيد هوهيوا
مافي شهر جاتنا الخرسانة ...
جانا السيخ ... الطوب ... الرملة ...
جا الأسمنت شكارة شكارة
عديناهن ألف شكارة وكرمنالن خيرا جانا
وكل كلاب الحلة الهوَّن ...
طفشناهن بالجبخانة
وفي صنانا تدودي الزانة
إنغالطنا كتير في بعضنا ...
أولى المدرسة واللا البوسطة ؟
أولى المدرسة
والشفخانة ؟؟؟؟
الشفخانة محل النقطة
ونان النقطة؟..
.نحن أهالي ... وودنا صافي
بيننا معزَّّة جرائم مافي ...
وما بنحتاج لي شرطة ونقطة
تحصل علة في شيخ الحلة
ونان النقطة؟؟؟؟
نحن الإيدنا بنت للنقطة ...
والجيرنا زبالة أطيانا
ناس السلطة إن دارو النقطة ...
تمشي بكان أرض الشفخانة
وما طالبانا خلاف زنزانة
مدرسة بوسطة ... مدرسة بوسطة
ستين طلبة وعشرين أوسطى
شغالين ما ملو سخانة
مدرسة بوسطة ...
وقلنا غُنانا:-
يا الجابرية الله أدّانا...
حاج البلة المبروك جانا
جاب المدرسة جاب البوسطة
وبكرة يرجّع للشفخانة
نصحى نصابح موية الدُّش
نمسي نلاقي الضوْ عمّانا
مدرسة بوسطة ... مدرسة بوسطة
وتاوق ... وتاوق ... وتاوق ...اخ
وفجأة تبين تتضخ الخرطة
وكب تنتصب الميضنة ...أخ
أخ من حظك يا الجابرية
سابع جامع في الجابرية
وصدوا كلاب الحلة يهووا ...
أخ يا الناس الحالن قطا
في البلدان الحظها فاجع
بق يا الصاح الماك متراجع
وحرِّق دبش الدنيا الغلطة
بق وانفرق في الجابرية
بق في أرحامنا في شافع نافع
ترفعو أمو في حيطة الجامع
يكتب .. يسقط دجل السلطة
ويسقط بلة وشيخنا التابع
كشّفناك وكشفنا الخطة
تحيا كلابك يا الجابرية
ويحيا ضراع الزيتن طالع
والبيصارع مُر الواقع
تحيا ترابك والطورية
الجابرية تحيي الشارع
دايرين كهرباء دايرين موية
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
دايرين بوسطة ومدرسة وسطى
والله بنعبدوا في ايت حتة
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Salwa Seyam)
|
سلام عليكن كلكن .. مداخلاتكن تبسط .. كلها
وبنزل الجابرية يا شيراز الجابرية تحي الثورة ..
الجابرية تحي الشعب .. دايرين بوستة ومدرسة
أوسطى .. على مهلي على مهلي .. لأني لست
كالكبريت أضيء لمرة وأموت ولكني كنيران المجوس
أضيء من مهدي إلى لحدي .. على التاريخ أن
يمشي كما نملي (إن صدق منا العزم)
يا سوسي كأنك ما بتعلم
بي شتلة تقرب تتكلم
يا حال البتألم وساكت
يا حال الساكت وبتألم
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
الجابريه
كان ضحوبه وكنا بنزرع في المحروت
فجأه يدوي مكبر صوت
قالوا الريس مار بي فوقنا
من شغلتنا قلعنا عروقنا
وفكينالوا حبل واسوقنا
وقمنا جميع الحله مرقنا
البشوفنا يقول وا شوقنا
كان ضحويه وكان عين شمس
الله قويه وكان الريس فوق عربيه
واقف طولوا تحت شمسيه
هللنالوا ولوحنالوا بالطوريه
وصفقنالوا صفقه قويه
الجابريه
تحي الثوره
دايرين بوسته
ومدرسه وسطي
الشفخانه
وسوق منضبطه
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
الجابرية
محمد الحسن حسن سالم (حميد )
كان ضحوية .
وكنّا نسنّد في المحروت
فجأة يدوي مكبر صوت
قال الريس مار بي فوقنا
من شغلتنا قلعنا عروقنا
إن شغلتنا بلا ماروقنا
فكّينالو حبل واسوقنا
وإنماسكنا يطمّن روقنا
قمنا جميع الحلة مرقنا
البيشوفنا يقول وا شوقنا
كان ضحوية
وكانت عين شمش الله قوية
وكان الريس في عربية
واقف طولو تحت شمشية
هللنالو وهلجنالو ..
ولوحنالن بالطورية
فرّ عبايتو وهزّ عصايتو
وهزّو بنادقن الضابطية
صفقنالن صفقة قوية
زغردنالن ..
وهّدن عندنا خمسة دقائق
قدمنالو كتاب الله
درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة
اليافطة ام زيق الدمورية
وانعبينا هتافاً واحد :
( الجابرية تحي الثورة
دايرين بوسطة ومدرسة وسطى
والشفخانة وسوق منضبطة )
روح باسم
قام خاطبنا
بنهج الثورة الصارم وحازم
أمّن لازم من شفخانة والتعمير بالعون الذاتي
أمّن لازم من شفخانة ومدرسة وسطى
والتعمير بالعون الذاتي
إلا البوسطة دي ينظر فيها
اما السوق .. السوق منضبطة
وبالتأكيد .. للتجار الأسعار واضحة
للمستهلك باينة وواضحة
وإن جاملتوهن تبقى الغلطة
إنكيفنا .. رفعنا إيدينا وهزيناهن بالتأييد :
( لا تفريط في قوت الشعب
سحقاً سحقاً للرجعية
الجابرية ضراع الثورة
بالإنتاج حا نبني بلدنا )
وكانوا في جيهة ونحنا في جيهة
هُن إنهببو بالكابات ..
وما همانا الصيف وعرقنا
فات الريس وانفرتقنا
انفرقنا على الجابرية
كلنا ننضم وما صدقنا
بالجابرية تجيها البوسطة
الشفخانة ومدرسة وسطى
قلنا يا ريت لو زارنا فطور
وانحزمنا ضبحنا التور
كنا اقلاّ ضمنّا النور
أو ياريت لو زدنا الصفقة وعاش
ويسقط ويوية اليوية
كنا أقلاّ ضمنا الموية
كنا بننضم بي إيدينا
( ده أحسن ريس مرّ علينا )
من الله خلقنا وشُفنا خلقنا .
ده أول ريس ذاتو يجينا
وكونه يجينا يقنّب بيننا ..
يشوف البينا .. كفاية علينا
آ الجابرية يجوكي الحكماء
آ الجابرية تواصلي البرة
آ الجابرية ولادك تقرا
نمشي الليلة نصاقر الرادي
نمشي الليلي نحضر النشرة
كنا نرجع في كلماتو
إلا في ستة من الجابرية
قالوا تعبكم خارم بارم
يذهب حاكم خلف الحاكم
والجابرية تظل في حالا
حلة حياتها تسر الظالم
صدفة تموِّت وتحيا اطفالا
لا جلكوز لا تقرا رسالة
لا راح يطلع منها عالم
ما بينصفكن إلاّ ضراعكن
عبّو ضراعكم يا رجّالة
وخلو بصركن دغري وسالم
حكم العسكر ما بينشكّر
كلّه درادر .. كلّو مظالم
ما هو قدركن تحيو همالة
مقصودين والقاصد فاهم
وقاطعناهن .. حاربناهن
تمّيناها البينا شتائم
حالَتُن احسن ناس في الحلة
إيدا نزيهة .. عقولا نبيهة
وقلنا يفرزوا وقلنا فواهم
يطلعوا فالصو وقطاع رحمة
عينة شماتة وخارم بارم
وإحنا القصّر واثقين فيها
وقطعناها معاهم جملة وقاطعناهن
وصاروا في جيهة ونحنا في جيهة
مرّ اليوم .. الشهر .. الحول
والجابرية بلد في حالا
قواسي شيوخا .. مآسي أطفالا
عذابات ناسا .. حلة تعافر ومقطوع راسا
من القُرّاصة ولي قَرّاصا
حلة تعافر ومقطوع راسا
عشرين كيلو من الجابرية
صبية تساسق بي كرّاسا
آ الجابرية عذابك فينا
لاكي القرية ولا كي مدينة
وفد في وفد يقوم ويجينا
عايزة دراسة واجراءات
عون امريكي قرض ألماني وحاحاءات
وحد ما نشوفلنا مسعولين
مسعولين أو خواجات
نجري نلم قدحاتنا عليها
ترطن ترجع زي ما جات
الشفخانة وعايزة دراسة
ومدرسة وسطى وإجراءات
لما المطوحة طالت بينا
إنذكرنا العون الذاتي
إنحزمنا وقلنا برانا
نبني نقوم لي الشفخانة
طوبة في طوبة .. وقومناها
ويوما التمت جات السلطة
عربي وعجمي ومرة رطانة
الشفخانة ده ما هو بُكانا
هاك يا تلتلة هاك يا ورطة
وغصباً عنك يا الجابرية
غصباً عنك يا أحوالا
وحمياتا وموت أطفالا
وحمرة عينكن يا رجالة
قوة إنشكت بيننا النقطة
وفي الجابرية تحوم الشرطة
هووا كلاب الحلة وصنّوا
ومن يوم داك ما شفنا الستة
وفد الحلة السافر جانا
قال إنأكد شاف الخرطة
ونحن بدل نبني الشفخانة
إنسرعنا بنينا النقطة
الشفخانة ده ماهو بُكانا
وكانت غلطة إنقلبت ورطة
إنفاهمتو مع المسعول ؟؟؟
إنفاهمنا مع المسعول
وقال حا يقوِّم للشفخانة ؟؟؟
أو يدفع لنا حق الطين
مع إنو النقطة وكت بُنيانا
قومتوها بلا زنزانة
في تقديرنا كلام معقول
كون يقوِّم لي الشفخانة
حاجة تضحك .. محرقة ... هانة
انتو تقيفو مع المسعول
واللا الكنتو تقيفوا معانا
وقلنا وخفنا نصد الجاي
خفنا نفشل باقي الخطة
فضلت جايي .. هي فضلت خطة
وانفرقنا على الجابرية
وانعلقنا تجينا البوسطة
ومدرسة وسطى
والشفخانة قصاد النقطة
تجينا .. تجينا .. تجينا ... تجينا
وما إنيقنّا ..
ناس إنولدوا وواحدين ماتو
لمّا الريس ودوشتو فاتو
فاتو العسكر .. وجو الأحزاب
ونفس الحلم إنجدد تاني
نفس الوجع الراح تحتاني
حتّلناهو جمعنا رفاتو
نفس اليافطة في نفس الحتة :
( الجابرية تحيي الشعب
دايرين بوسطة ومدرسة وسطى
والشفخانة بديل النقطة )
فينا إنكلم شيخ الحلة
صنقع .. دنقر .. سلم وصلّى
وكانوا كلاب الحلة بهووا
وقال كلمتنا تكون فد واحدي
شان ننقوى ما ننزلا
شان مشهادنا وعدل الحلة
نحن نفوِّز حاج البلة
وزاد هوهيو كلُّوب الحلة
وبعضنا عارض .. ردّ وفاوض
شيخ الحلة القام حمسنا
بلة الحمش الزول ما دلة
أول فاهم وقبلوا ولدنا
وراح يحكملنا بي شرع الله
هو .. هو .. هووا كلابنا
لمّا استغرب شيخ الحلة
وانفرقنا على الجابرية
انفرقنا ويوم الليلة إنجمعنا عموم الحلة
شيخ الحلة قرا القرآن
صنّوا كلاب الحلة وهووا
وبلة إنقدم سمّ وصلّى ..
صنّوا شوية .. وهو هو هووا
وقام إنكلم .. وعند إنكلم كان بينقسم
النسوان الجاي تنهامز
الصبيان الجاي تنغامز
وكان بينبسّم
وكانو كلاب الحلة بهووا
شكّر وشتّم .. هو هو هووا
حلّل وحرّم .. هو هو هووا
هود سابنا .. وفات ودانا الآخرة وجابنا
قاطعناهو وصوتو إنوطّا
اصلاً واطي وتاني إنوطّا
دايرين بوسطة ومدرسة وسطى
والشفخانة بديل النقطة
التموين وزيادة الحصة
كهربا موية وسوق منضبطة
بلة انبرع وقال ببنيهن
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا
وبي إذن الله يضوّى الحلة
هتف الشيخ وهتفنا وراهو :
لا تبديل لشرع الله .. هو هو هو
ولا ولاء لغير الله .. طاء طاء طاء
عاش الفارس امل الحلة
بلة الطاهر علي حسب الله
بلة الطاهر علي حسب الله
كبر فينا وقام إندلّى
ولسة كلاب الحلة بهووا
وزاد هوهيون
كبشاً ضاع .. من مرحاتو وفاقع باع
بلة الطاهر على بلاّع
كانت أول مرة نشوفو
يومنا الشفنا اللاندكروزر
اللونا مخطط .. والبنوت الراسا مربط .. التنبوبر
لوري مكوش أقمشة .. سكر .. حتى الفوفو
وعتِّل تؤجر .. وامحى المنكر بي معروفو
بلة الطاهر علي بلاع
اكرمناهو .. اكرمنا ضيوفو
يشبة مَرَتْ الشيخ في وشيو
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برّانا نغير قولنا
إلا كبار الحلة بقولوا
بلة ده هولنا
بلة ده أصلاً من ها الحلة
إلا إنربّى وقرا في الخارج
ورافق جدو الفتح التركي
وسيرتو انقطعت في المهدية
ومرة سمعنا استوطن برة
وقام إنزوج من مصرية
جابت علي ..
علي جاب الطاهر
حتى الطاهر خلّف بلة
جدو اشيطن اخير ما لانا
وبلة انسركن جاء وبرانا
أقرب واحد لي حاج بلة
أقرب واحد شيخ الحلة
بلة الطاهر علي حسب الله
أول مرة يصلي معانا
قدمناهو وقام أمانا
صوتو مرخرخ لمن يقرا
يقرا ويقطع زي البطرا
لامن يركع جسمو متختخ
عند السجدة سجودو ممخمخ
شيخ الحلة يقول عن امرو
زول غرقان في الدين من عمرو
ستة سنين قابض في جمرو
ما فكاهو طريق الله ..
صوتو وِدِرْ من كترة ذكرو
وجسمو التختخو شدة صبرو
قلنا حقيقة .. الزول بي عذرو
وفتنا قناعة .. ومانا قناعة
إلا الستة الصارو جماعة
قالوا ده زول ترباتو مياعة
ما بيشبهنا ورفعو وضاعة
زول زول دنيا ودنيا صياعة
قصة دينة ودقنو بضاعة
واحنا اصواتنا .. يا إما مضاعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ومدرسة وسطى
والشفخانة وموية نور
كونو يجينا ده ما منظور
وزيادة الحصة
الزول زول سوق
زول من جدو يلف ويدور
ويا الجابرية ده مطلب عادل
كونو تطيبي تكاتبي وتقري
ضوك يشلع .. دشك يرشع
واحنا دفعنا ضرائب بدري
ولسه بندفع .. لسع .. لسع
بس يا جماعة ..
إن قضينا حياتنا تباعة
وصنّيت رادي
وقول في الفاضي
خوفنا نقوم ما نلقى أراضي
ونحنا أساسنا وراسنا زراعة
والجابرية إن دايرة شفاعة
ما بيشفع لها إلا ضراعا
عبو ضراعكن يا رجالة
وخلو بصركم دغري وسالم
عبو ضراعكن يا رجالة
شيخ الحلة أضلّ وضلّ
واسألوا بُرّة وحاجة السُّرة
عن التيبان وحكاية الصُّرة
اللمّ البلة وشيخ الحلة مع شرع الله
والناس ديل العارضين برة
جرّبناهن كمين مرة
تاني نجرب شان ننضرّ
ويا الجابرية معاكي سلامة
كان الفوقك ما فات مرة
كان كلماتن ناشف ريقا
وكانت مرة
إلا حقيقة .. غلبنا نطيقا
وين في الصرمة وقل القدرة
سكتناهن بس ما صنّوا
وقاطعناهن تاني المرة
وبلة طريق الناس وخيارا
فوزناهو وجانا زيارة
كرمنالو التور وعرضنا
وخليناهن برة الدارة
دايرين بوسطة ومدرسة وسطى
موية وكهربا والشفخانة
زيادة الحصة وسوق منضبطة
وصدوا كلاب الحلة يهووا
ينضم بلة يهووا معاهو
نهتف نحنا يزيد هوهيوا
مافي شهر جاتنا الخرسانة
جان السيخ .. الطوب .. الرملة
جا الأسمنتى شكارة شكارة
عديناهن ألف شكارة
كرمنالن خيراً جانا
وكل كلاب الحلة الهوّن
طفشنالن بالجبخانة
وفي صنانة تدودي الزانة
انغالطنا كتير في بعضنا
أولى المدرسة ؟ واللا البوسطة
أولى المدرسة والشفخانة
الشفخانة محل النقطة
ونان النقطة .. نحنا أهالي
وودنا صافي
بينا معزة جرائم مافي
وما بنحتاج لي شرطة ونقطة
تحصل علة .. في شيخ الحلة
وناس السلطة
نحنا الإيدنا بنت لي النقطة
والجيرنا ********** اطيانا
ناس السلطة إن دارو النقطة
شي بُكان أرض الشفخانة
وما طالبانا خلاف زنزانة
مدرسة بوسطة
ستين طلبة وعشرين اوسطى
شغالين ما ملو سخانة
مدرسة بوسطة .. وقلنا غُنانا
يا الجابرية .. الله أدانا
حاج البلة المبروك جانا
جاب المدرسة .. جاب البوسطة
وبكرة يرجع للشفخانة
نصحى نصابح موية الدُّش
نمسى نلاقي الضو عمانا
مدرسة بوسطة .. مدرسة بوسطة
وتاوق .. تاوق .. تاوق ..تاوق .. تخ
وفجأة تبين في السطح الخرطة
وكب تنتصب الميضنة أخ
أخ من حظك يا الجابرية
سابع جامع بالجابرية
وصدوا كلاب الحلة يهووا
أخ يا الناس الحالُن قطّ
هو .. هو .. هو .. هووووا
في البلدان الحظها فاجع
بق يا الصاح الماك متراجع
حرِّق دبش الدنيا الغلطة
بق وانفرق في الجابرية
بق في ارحامنا في شافع نافع
ترفعوا امو في حيطة الجامع
يكتب يسقط دجل السلطة
يسقط بلة وشيخنا التابع
وكشفناك وكشفنا الخطة
تحيا كلابك يا الجابرية
يحيا ضراع الزيتُن طالع
غُلب يصارع مر الواقع
يحيا ترابك والطورية
الجابرية تحيي الشارع
دايرين كهرباء دايرين موية
دايرين سلطة وسوف منضبطة
دايرين هسة زيادة الحصة
الشفخانة بديل النقطة
دايرين بوسطة ومدرسة وسطى
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
Quote: بلا { تكالب } أو تأويل سياسي,
؟؟؟؟؟؟؟؟؟؟؟؟؟؟ |
سلوى صيام ... تسلمي,
قصدت إعفاء حميد من إستقطاب سياسي محتمل,
خاصة وأنه إختار أن يكون مرشحا مستقلا.
وكان في خيالي المراوحة في تاريخ حميد بين
اليسار ومنبر الشمال. فقط قصدت إحترام خيار
الرجل, دون أن أشف أو أستبطن رأيا فيما تيسر
من مداخلات... وأعذريني إن لم أوفق في التعبير
عما كنت أرمي أليه.
وتقبل تقديري
| |
|
|
|
|
|
|
|
|
|
Re: حميد - مرشح بالدائرة 28 مروي (Re: HAYDER GASIM)
|
طيبه
كل ما تباعد بيننا عوارض ..
كل ما هواك يا طيبة مكني
تلد الغربة القرب الواحد ..
بيك أسمي الشوق وأكنّي
لما أفوتك من دون خاطر ..
أو دون خاطر مني تفوتي
بلقى حبايب فى كل حتة ..
وكل بيوت الفقراء بيوتي
لا غيرت وراك الجتة ..
لا بدلـت ملامح صوتى
لا غافلنى وهادن فنى ..
رمل المدن الما عرفتنى
تبن الشوق الصبرو مصوبر ..
للارياف الكم وفتنى
وللاطفال الناشفة ضلوعها ..
ونازفة بغنى
أطّمن روعها واهدّى دموعها ..
ببسمة بكرة الماها تمنى
ولا مصنوعة
أغنى لشعبى ومين يمنعنى ..
أغنى لقلبى إذا لوعنى
مخير دربى اللي ما رجعنى ..
إذا طلعنى نخلة القر
ولا الغربة الكدرومية ..
تنزل غنوتى بقمرية
أو وقعنى فى بطن الجب ..
يطلع يوسف بألاغنية
أغنى الناس الما بتسمعنى ..
المنى بعيده المبعد عنى
النادى نشيدها وكنت المعنى ..
الأيدى فى إيدها..
وإيدها بتبنى
فى دنيا جديده
اليوم راح تبنى ..
واريت غنواتى فى ناس شغالة ..
تكون سندالة
وعود طورية ..
ضراع رجالة ..
كتاب أطفاها ..
وجملة فالها الما مكرية
سدة مالها وبقة فالها ..
فى ليلة الدخلة على إسمى قضية
حبيبة قلبى يا سودانية ..
يا أسمى معانى فى زول بيعانى
يا ود ضكران يا بت دغرية ..
وانا إن سامعانى فضلت
أغانى غبش فقرية وروح ماليانى ..
هويتك منك يا دافعانى
..براحة يدى كما الأشواق
ويا جابدانى برفق على
وما بتحير بين الفوق ..
وبين الناس التحتانية
إلا مغير ولا عقوق ..
ولا كفيف الإنسانية ..
ومنك وين يا كاشفة عيني ..
بنور الإلفة ضي الحنية
وحلم العالم ناس تتسالم ..
والبني آدم صافي النية
للاطفال الناشفة ضلوعها ..
بطمن روعها وتبدا تغنى
غناوى البكرة الكم مسموعة ..
حسيس طنبارة مع نقارة
صفقة حارة ودارة تغنى ..
فيا حلتنا عليك ترابك
وأنت شبابك زينة الجنه ..
أحلى عروس البلد إلتنا
ولا الغبش الرابة تهنى ..
ولاهدير المدن التصحا
وتمحى ظلام الحاصل عنى
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
النخلة ما بتقدر تخون الأرض .. ما بتقدر تكون غير المراح
لي همبريب يغشى البيوت .. عند الصباح
نص النهار .. عند المغيب .. عز الرياح
النخلة تتجاسر تصون عش الطيور البينا .. تفرد للجناح
ما ليها غير تطرح تمور .. تملا الشواويل والقفاف
ينتمّ زين .. ينحلّ دين .. يطلق ضهر زولاً بسيط ..
واقف على حد الكفاف
| |
|
|
|
|
|
|
|
|
|
Re: حميد - مرشح بالدائرة 28 مروي (Re: كمال سالم)
|
ولك أخي كمال - شكرا على المرور
============================
باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربي يهون
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Amjed)
|
| Quote: حميد يا قيثارة صدق الشعب |
أمجد .. تحياتي،
ومن ركة الرزق المتاح ..
رزقو المعلق في السبيط ..
ينزل كما الطير الخفاف ..
يقدل نشيط ..
يخضرّ زي شتل الضفاف ..
كل ما النشاف بدا في السبيط
والنخلة لو عنف الرياح ..
الصاعقة ..
أهوال الفصول ..
آفة الذبول ..
قدرت على ساقا الهطيط
تقع آ بتموت
تلقاها خشت في البيوت
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
شكرا نادوس لانزالك الجابرية على وجه السرعه...وشكرا محمد لمزيد من الجابرية التى لا تنتهى.....
.....وشكرا حميد على الجابرية وطيبة ونورا وست الدار وعلى صوتك الذى يحل مكان السكون....!!
.....وإيد على غيد تجدع بعيد.....
فى اللجه من راس ميضنه....
حيكومة الفقر الدمار...الكضبن والصهينه....
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Shiraz Abdelhai)
|
د. شيراز - صباح الخير .. حميد واقف على أقدامه
يواصل الغناء ..
====================================================
آه يا غُبُشْ
ما عندي ليكم غير نغيم ..برجوه ينفُض
لي غبار زمن القسا ..الكتّاح
يهِزْ عرجون نخل صبر الغلابة الطالْ ..
يحِتْ يخرِتْ ..تباريح الأسى الممدودة فوق نور الدُّغُشْ
يا نورا آه ..
يحرَد كنائسنا المسيح ..يعرش مدارسنا الصّدى
ييبس .. يباس حلق العصافير الوديعة من البُكَا
يندَرْدَرْ الصّوت البعيدْ .. أسيان يصُد من دون صدى
ينكَفْرَنْ الفجر الصّبوح .. يحمي الزهيرات الندى
تختا الدراويش الضّريحْ .. يسكن خلاوينا الجنون
يهجر جوامعنا الإله يا نورا آه ...
تطرح غيوم الشوق تئِنْ .. تشرَقْ تموت
خيل .. كلمة الحق التّناهِدْ في الشِّفاه
تعقِر بسيمة الصِّحْ مع لوبي الجّروفْ
تغرِزْ ضريعات الحروفْ ينشف مُرَاح الأمسيات ..
تتمطّق الأرضة المروق والأغنياتْ
اللّي الشّروق .. والأرضوالحب والمطر تضْهَب تتوه ..
وكتين يضيع عرق الجِّباه الشُّم ..
شمار في مرقة آه يا نورا آه ...
من دّرْبِكْ التّور نَفَس خيل الصّبُر ..
فَتّر خطاوي الشّوق وراه يا نورا آه ...
ساعة الشّموس الغُرْ .. تهضلمْ
تلحق الصِّح في المغاربْ تدفر الضو الكهاربْ
في وشيّكْ تذفر المدن الضّبابية
السّرابية ... الكآبة
وحائط التيِّه والطّشَاشَات
فوق قِفيِّكْ يا أم عوارض .. مو دعاشة ..
ماها شبّورة وتقيفْ
جايي ليك يا نورا غيمة .. تملا ماعونك خريفْ
يملأ عينيك ويفضِّلْ .. يروي جوّاك ... العطاشة ..مو دعاشة
يا مطر عِزْ الحريقْ يا مصابيح الطّريقْ
يا المراكبية البتجبِدْ من فَكْ الموج الغريق
يا الجزاير النتحويبا .. لما إنشعوز بحرنا
جينا ليك والشوق دفرنا
يا المراسي النتحويبا .. لما إنشعوز بحرنا
يا نشوغ روحنا ودمرنا
يا المحطات الحنينة ... القصّرَت مشوار سفرنا
يا ما شايلك بيني حايمْ أيوة شايلك .. بيني حايمْ
في الأرِضْ تكوين قضيّة .. !!! في السّمَا الأحمر .. غمايمْ
بي برِدْ نغما السّلامِي . ..رَطّبَتْ حلق الحمائمْ
طنبر النّخل التبلدي .. راقص الأبنوس وصَفّقْ
سَوّتْ الصقرية موجة خَلّت النِّيل هاجلو هوجة
بشّرت بالخير بلدنا .. شالت الشّبَال نسائمْ
جدّدَتْ زلفي القديم ..أمشي بي الماشيبو أقاوم
لا بتكَبِّر راسي فورة .. لا بتصغِّرني الهزائمْ
جِنْس يا نورا ابن آدم ..حلمو في عالم مسالِمْ
لا اللّيالي الماها ليّا .. لا الشّمَاتات العليّ
لا البنوك المخملية لا تفاهات الحضارة ..
لا عفاريت المدينة .. لا العمارات السّوامِق ..
فوق ضَهَر ناساً فقارى لا الهتاف الفاوة ضارى
غطى بالي من الفوارق .. لا الألوهة الطوطمية
لا البرندات الوسيمة .. ولا الأسامي الأجنبية
بتمحى من عيني ملامحِكْ .. وإنتي جاية المغربية
جايي دايخي المغربية .. وشِّك المقبول مكَنْدَكْ ..
سامسونايتك زمزمية
كونشبر ..مرزبة..مقطع ريشة فانوساً مدَرْدَحْ
قلت بيهن لي زمانك .. يا زمان الحاجة عندكْ
يا زمان الآفة حدّكْ .. لا تطا الوردة الصبية
يا نفس فجر القصائد .. يا بلادي
القَطَع قلب الرّوادي باللُّواج الجاي وغادي
ده ما هو صوتِكْ .. لاها صورتِكْ
دي البترقش ناديي فوق صدر الجرائد ..
ماها صورتك !!!! لا هو صوتك ..لاها صورتك !!!
إنتي يا الفي إطْن الصّحَارَى شُفّع العرب الفتارى
البَفِنّو الشايلا إيدُنْ .. ويجرو كابسين القطارة
يجرو باريين القطارة
لا سراب الصّحراء موية ..لا حُجار سلّوم موائدْ
إنتي في الغابة اليصارِعْ .. جوفو للآهات تلكِّي
ياما دفّقْ غيم رجاهو ..لكن الأيام كركِّي
في خلا حالنا اليمحِّن .. ويملأ بالسُّهد الوسائدْ
إنتي غيمة ..شديرة ..خيمة ..
إنتي جاهنا .. والتّقَا الطّلَقَت وشينا ..
فرّقَت غُمّة جباهنا فرّجت في الحارّة ضيقنا
فرّحَت شُفّع فريقنا والمواعين الحزينة ..وإتجاهنا
يا النغيم البقّ فينا .. وشدّ لي وتر إنتباهنا
يا تباشير يا بشارة إنتي يا ضرعاً تَكَرْمَشْ ..
شان يرضِّعني الجسارة
إنتي في منفاي رفيقة .. وفي حشا الأشواق حرارة
يا هُدَى النّاس الحيارى يا ندى الفجر اليبلِّلْ
صور عوينات الفقارى
جاي ليك .. آه جاي ليك .. جاى ليك يا نورا آفة
آفة للسوس الجا ينقُرْ ..عود عشيماً داخرو فيكْ
وأصلي لمن أدور أجيك .. بجيك
لا بتعجِّزْني المسافة لا بقيف بيناتنا عارِضْ ..
لا الظُّروف تمسك في إيدي ولا من الأيام مخافة
يا نفس فجر القصائد .. ما ضِهِبْ في بُعدي عنِّكْ
واصلي متغرِّب عشانك .. راضي بالبيجيني منِّكْ
ما بكيت شُحْ اللّيالي لا شكيت نُحْ .. شلتو حالي
رغم إنو الحال بيفسَخْ .. إلا كُت في الحارة بصرخ
يا وطن عِز الشّدائدْ ... يا وطن عِز الشّدائدْ
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
هيْ .. أقيفِنْ ..
نورا فِيكِنْ ؟ . ؟
نورا ... نقّاحة الجِّروفْ ..
نورا ... حَلاّبة اللِّبيني ..
للصغيرين والضِّيوفْ
نورا ساعة الحَرْ يولِّعْ ..
تنقلِبْ نسمة وتطوفْ
تَدِّي للجيعان لقيمة
وتَدِّي للعطشان جغيمة
والمَخَلِّي الحال مَصَنقِرْ ..
في تَقَاة اللّيل تَندْقِرْ ..
تدِّي لي باكر بسيمة
تَكْسي للماشين عَرَايا
وفوقا ينقطّعْ هديمه
.........
ما عِرفتِنْ ... نورا إنْتِنْ .. ؟؟؟
قولِنْ إنتن شِنْ عِرفْتِنْ ؟؟؟
نورا بِتْ الواطة
أخيتي ..
نورا اخُتْ كُلّ الغلابة
نورا حاحاية الشّقاوة ..
نورا هَدّاية الضّهابة
الأراضي اليَاما أدّتْ ..
نورا ... بقّتْ من تُرابه
وماشي في الأعماق سحابه
مشتهنِّها .. والله جابه
الله جابه ... الله جابه
للجنوب طبلاً يَهَدْهِدْ ..
ليل مشاعر ناس تعابة
وللشّمال طنبور يَسَكِّتْ ..
دمعة الميتين كآبة
........
ما عِرِفْتِنْ نورا إنتِنْ .. ؟؟؟
قولِنْ إنتن شِنْ عِرِفْتِنْ ؟؟؟
....
نورا ....
عايز تقرأ .... قالتْ
فوقا حيطة الدِّنيا مَالتْ
خَتّتْ الكرّاس وشَالتْ
منجلاً .... صَالَتْ بو جَالَتْ
لامِنْ إنجرحت بو شالَتْ
لي التراب فوق إيده كَالَتْ
..........
ومَرّة يوم في الدُّونْكَا لِدْغَتْ
جاء الفقير بالليل حَوَاهَا
ويوم ملاها الهم قطايع ..
جاء البصير بالنّار كَوَاهَا
ونورا ... ما قِدْرَتْ تمانع ..
تقنع النّاس المعاها
مرة شافت في رؤاها ...
طيرة ... تاكل في جناها
حيطة تِتمغّى وتفلّعْ ..
في قَفَا الزّول البناها
في جنينة سيدي سِمْعَتْ ..
شتلة تصقع لي الوَرَاها
الأرض ..
لابُدَّ
ترجع ...
للتِّعِب فوقا ورعاها ...
غيمة ... والنِّيل موجو لاها
والعطش شقّقْ شفاها
الشّمس طَبَقت ضُحَاهَا
الخليقة لقت إلاها
نار ....
عقاب إنسان مكسّر ..
فوق تَلَكِّيات متاهة
وضَوْ من الله .. رهاب مكتّفْ
في وتيد اللّيل معاها
بين ربوع حَضَره وخلاها
فَسّرَتْ لي النّاس رُؤاها
وقالوا .... جَنّت .... ومو براها
ونورا زادت فوق شقاها
و صَدّتْ الأيام .... تحُشْ
تبني لي عصفورة عُشْ
في السّواقي تشوف عزاها
لما شوقه يسوِّي .. أُشْ !!!
تملا ... تزرعْ
ترعى .. تقرع
للنهار في الليل تخُشْ
عِرْفَتْ الشّقَا والشّقَاوة
إلاّ ....
ما عرفت تغُشْ !!!
........
شايلة طولة البال من الله ..
ومن أراضينا الإثارة
وماشي تكدح طول نهاره
وترجى لما الليل يَفلِّلْ ..
تسرِق ألمي عشان خداره
عشان صغاره ..
عشان خداره
عشان صغاره ..
ولما ترجع لي دياره
تنزف أحلام الفقارى
من عويناته الحيارى
..........
لي غُبار الحال تقُشْ
فوقو لي الآمال ترُشْ
نورا ....
تقعد
صاحيي تحلم ..
بي بيوت بي نور ودُشْ
وبالمحبة تشُق دروبه ..
ولي قلوب الكل تخُشْ
نورا ...
تحلم بي وجود
ما مشت بينو القيود
أفضل أفضل بي الكتير ..
بي وطن من غير حدود
........
نورا تحلم بي عوالم
زي رؤى الأطفال حوالم
لا درادر ..
لا عساكر ..
لا مظاليم
لا مظالم
.............
نورا تحلم ..
ولما تحلم ..... نورا ترجِفْ
ولما ترجف .... نورا تحلم ..
ولما ريح الواقع المُرْ ..
لي عشيش أحلاما ينسِفْ
نورا ..... تنزِفْ
وفي الوجود .. وجدانه يهتفْ
حالة .. تقرِفْ ..
حالة تكسِفْ ..
حالة تكسِفْ ..
حالة تقرِفْ ..
وتبدا تقضِفْ ..
ولما تقضِفْ
بالا يهتِفْ ..
وتملا باله أحلام بتلصِفْ
يوم حا تنصِفْ
يوم حا تنصِفْ
نورا ..
لسّه بعيد ..
هناكَ ..
وتبدأ تحلم ..
ولما تحلم نورا ترجِفْ
ولما ترجف نورا تحلم
صاحيي تحلم..
وصَاحْ بتحلَمْ
صاح بتحلَمْ
بتحلم صاحْ ..
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
سوقنى معاك يا حمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
سوقني محل ماالمحنة
وأيادي تقطر سلام
سماحة الحياة فوق أهلنا
وبلادي تقرقر وئام
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا نرميهو قام
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
فيابا خرابا الحرابة
وخرابة فكر سوسي سام
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
أب آمنة
لقد وفق من رشح سلطان زمانه الأستاذ محمد الحسن سالم حميد سواء كانت مبادرة منه أم توصية من جهة أخرى. على الأقل لن يتكبد عناء صياغة برنامج لهذا العملاق!! فحمدو في بطنو! عندما أقرأ شعر حميد لا يساورني شك في أن هذا الزول الرائع لديه رؤى واضحة وموقف ثابت من هذا العالم لا يتزحزح. الشعر في اعتقادي بالنسبة لحميد موقف فكري/سياسي/فلسفي متكامل وهذا ما جعل حميد يبهرك بقدرته الفريدة على إلقاء قصيدة بحجم الجابرية دون أن تصاحبه الورقة!!
غايتو لو فعلا الناس في السودان لديهم الإيمان الراسخ والحقيقي بالديمقراطية زي حميد دا يفوز بالتزكية ويجب أن يتوارى منافسوه خجلا إذ مجرد مقارنتهم به يجعلهم مجرد أقزام!!!
كانت بعض المدن الإغريقية تخصص مقاعد عشوائية للعامة كما يحلو لهم تصنيفهم في ذلك الوقت لتخفيف العيب العضوي في العملية الديمقراطية ألا وهو سيطرة النخبة "الأثرياء" عليها بما لهم من نفوذ اقتصادي واجتماعي وسلطوي.
ناس الدائرة 38 ديل مفروض يسجلوا سابقة فمثل حميد قد يضفي على البرلمان على أي مستوى نكهة جديدة وحيخلينا نتابع الجلسات عشان نتحرى مداخلات حميد التى ستكون قطعا مدوزنة ومموسقة ومرتبة!!!!
شكرا يا محمد عبد الجليل والمتداخلين على هذه الأخبار والأشعار التي تملآنا تفاؤلا وغبطة بل أملا في بكرة وبعد بكرة !!
خالد عبد الباقي
| |
|
|
|
|
|
|
|
|
|
Re: حميد - مرشح بالدائرة 28 مروي (Re: خالد فضل)
|
خالد يا صديقي .. عبرت عن ما عجزت عنه فلزت بما ببعض ما
كتب حميد:
قال في رثائه لصديقه المصطفى الراحل المقيم:
قول للبلاد..
الطولحت عينيها
فى دمع السواد
قول الله فى
قوليها
ماغنى الاسف
تتاسفى؟
لاحض نمو على الحداد
تتكتفى؟
عد عودو وماودع شهيد
انقريفى
فى السكة...يوت,,,
فى شهيد جديد
لايام جداد
هيا انزفى
لما الشوارع تكتفى
وينهض جوادة المنكفى
وتتكيفى!
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
مساء أمس الأربعاء 3 مارس 2010م .. هاتفت حميد .. أبلغته
تحيات المحيين في هذا الخيط .. وعدني بتزويدي عاجلاً
بـ بروشورات حملته الإنتخابيه، وسيتم إنزالها هنا فور
إستلامها
==================================================
هيي أقيفن نوره فيكن
نوره عرفت كل شيء
إلا ما عرفت تغش
نوره تحلم بى بيوت
بى نور ودش
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
...
وطن
...
واحتمل
وطن
…
واحتلم برجع الحبيب
من متاه الضني
...
في ناساً عزاز
مشتهنَّك رزاز
في ناس الرزاز
مشتهيهن هِنا
يغيض الحراز
حين يفيض البحر
عشان يذدهر
طول فصول السنة
قوانين تجوز
حتي في الأزمنة
هو الضد يكون
سكون في الغضب
غضب في السكون
هو المستقيم
هو المستدير
هو اللولبي
هو المنحنى
هي الكائنات
...
في الطيور مسكنة
وتستخف بالصقور
والحِدَي إن دنا
بالصراخ بالضفور
بالجناح اليفور
عِند تفقَّع جنا
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
...
وطن
...
واحتمل
وطن
…
واحتلم برجع الحبيب
من متاه الضني
...
في ناساً عزاز
مشتهنَّك رزاز
في ناس الرزاز
مشتهيهن هِنا
يغيض الحراز
حين يفيض البحر
عشان يذدهر
طول فصول السنة
قوانين تجوز
حتي في الأزمنة
هو الضد يكون
سكون في الغضب
غضب في السكون
هو المستقيم
هو المستدير
هو اللولبي
هو المنحنى
هي الكائنات
...
في الطيور مسكنة
وتستخف بالصقور
والحِدَي إن دنا
بالصراخ بالضفور
بالجناح اليفور
عِند تفقَّع جنا
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
امونة الصباح .. قالتو النعال والطرق إنهرن ..
ما قالتو جيب ..
شيلن يالحبيب غشهن النقلتي والترزي القريب
بس يا ام الحسن طقهن ما بفيد
وانطقن زمن وان طق الزمن لازمك توب جديد
بي أي تمن ...
غصبا للظروف والحال الحرن
عشان يوم الرحوم ما تنكسفي يوم...
لو جاراتنا جن مارقات لي صفاح ..
او بيريك نجاح ..
دا الواجب اذن ..
وايه الدنيا غير .. لمة ناس في خير او ساعة حزن
عم عبد الرحيم ياحر ماك حر
ياريت التمر ياريت لو يشيل كل تلات أشر
ولا ايام زمان كانت ما تمر
كان ما جاك هوان ما لاقاك ضر
كان لا ضقت ضيق .. لا انغرغر الصبر لا شابيت غريق
لا طوح فقر ..
وكان ما كان وكان كان اكسيك در ..
حيكومات تجي وحيكومات تغور
تحكم بالحجي بالدجل الكجور
مرة العسكري كسار الجبور
يوم بإسم النبي تحكمك القبور
تعرف ياصبي مرة تلف تدور
ولا تقول بري او تحرق بخور
هم يالفنجري يالجرف الصبور
كل السقتو ما باقي على التمور
وارضك راقدة بور..
لا تيراب وصل ..
لا بابور يدور ..
والماهية اف عيشة هاك وكف
في هذا الزمن تف يا دنيا تف
يالعبد الشقي ما اتعودت شكي
لكن الكفاف فوقك منتكي
والسوق فيك يسوق حالاً ما بتسر
الا كمان في ناس فايتاك بالصبر
ساكنين بالايجار ... لا طين لا تمر
واحدين بالايجار ما لاقين جحر
سلعتهم الضراع والعرق اليخر
عمال المدن .. كلات المواني .. الغبش التعاني ..
بحارة السفن .. حشاشة القصوب .. الجالبة الحبال ..
الفطن الفرن .. الشغلانتو نار والجو كيف سخن ..
فرق شتى بين ...
ناساً عيشا دين ...
مجرورة وتجر
تكدح بالاجر ومرة بلا اجر
عيشهم كمهو وديشهم هان قدر
وناساً حالا زين ..
مصنع مصنعين
طين في طين وين
ما مرابا مر بارد همها
لا بعرق جبين ولا وشا يصر
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
حميد ينادي بصحة البيئة
وصحة الناس والتعليم والنور والدش كما حلمت
نوره .. ولا يعود عم عبدالرحيم مهموماً يلقطه
القطار وهو ساهم في قضايا مطلوبات الحياة
الضرورية ..
ينادي بصحة العقول والأبدان والوجدان لنبدع
وطن واحد .. وطنا الحن مو الطارد
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Magdi Is'hag)
|
حميد يستاهل
ومن ظن انه مرشح الحزب الشيوعي المموه فهو مخطئ
حميد الآن مختلف
وهو شاعر الغلابى نصير الحق وابن الارض بامتياز
يكفي ان نستمع الى مؤلفاته من على منصة البرلمان
فكلها مطالب وحقوق وانتقادات
______________
اللهم اجعله صوتا للحق ولو على حساب نفسه واهله وماله
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Magdi Is'hag)
|
كتب مجدي إسحاق:
الأعزاء
فلننفض عنا هذا الإحباط القاتل
فلنسمع للأحزاب صوتنا.
فلنكتب ولنجمع التوقيعات فمعركة الإنتخابات ستصبح مهزلة معلومة
النتائج إذا لم تسمع الاحزاب لصوت الشعب والشعب ينادي بأن تتوحد
القوي والجهود حول قائمة واحدة لإسقاط الديكتاتوريةةولبناء دولة
الديمقراطية والوحدة والسلام
الاخ مجدي - تحياتي
لا شيء ثابت حيث هو .. كنا وين وبقينا وين .. السودان لا يمكن أن
يكون إلا ديمقراطياً .. كل الوجوه في مرآة المليون ميل وإلا
فما علم الناس وذاقوا .. لا زالت القوى السياسية مسكونة بأهوال
السنوات الماضية فجاءت للإنتخابات بنفس يوتره الهلع ولكنها
على حالها وضعت قدمها في أول طريق التحول الديمقراطي الشائك
حميد مرشح بالدائرة 28 مروي - مستقل
من كان يحلم بهذا قبل الآن
عشرين عاماً لم يغرد حميد في أجهزة إعلام الوطن
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
Quote: شاعر الغلابى نصير الحق وابن الارض بامتياز
يكفي ان نستمع الى مؤلفاته من على منصة البرلمان
فكلها مطالب وحقوق وانتقادات |
الاخ - محمد عبدالقادر سبيل - تحياتي،
ياهو حميد القديم
الذي ينادي يا خرطوم وينك وينك؟!!
نوره شافت في رؤاها
طيره تاكل في جناها
حيطه تتمطى وتفلع
في قفا الزول البناها
000000000000000000000
كان بوشنا في حش التمور
الليله دوشنا مع اللقيط
00000000000000000000
وطن واحد
وطنا وبس
في جوفنا اندس
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
من حقي أغني .. أغني لشعبي .. ومن حق الشعب عليّ
لا بي إيدك تمنع قلبي .. ولا قلبي كما بايديا
علمني أغني .. الطين .. المخرطه .. والطورية
الناس الصابرة .. سنين بالحالة .. الما دغرية
القابضة الجمرة في إيدا .. والجمرة تلهلب حية
لا قادرة الجمرة تقيدا .. لا قادرة تولع هيّ
يا قلبي بلاش نستعجل .. في الدرب شوية شوية
واصلين الما بتأجل .. لليوم الشمشو قوية
علمني الشوق نترجل .. نستحمل وجع الجية
لا القش بيهاب المنجل .. لاطب .. النار .. الكيه
يا صقر الآه يا ريح .. لا تنفض عش قمرية
من حقو يغني صريح .. ذرية ورا ذرية
ومن حقي أغني العالم .. إبداع وعلم حرية
إنساني شعوب تنسالم .. تنسالم بي حنية
على نخب الود نتنادم .. لا جنس ولا لونية
لا عِرق لا آه نتقادم .. سكتنا بياض النية
مش كلنا جينا من آدم .. مش آدم ابو البشرية
السجن إذاً يترايم .. نبنيها قلاع ثورية
عقبال الخير يترادم .. والدنيا تمش دغرية
مد كفك يا بني آدم .. حرية سلام حرية
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
وطنا
محمد الحسن سالم حميد
وطنا حبيبنا رغم البيك
هي الأشواق
حنينا إليك زين يازين
يظل دفاق
ما حوجتنا ونديك
وغيمنا إليك دوم ساساق
يلاقى البينا من واديك
اناقى غزيرة ماها فراق
نحبك من طرف من جم
برغم قطائع الإملاق
ما بتنذم علاقة دم
وفا وتاريخ على الإطلاق
إذا ما الغربة لمتنا
على ذات الخلق واخلاق
وطن وين كان في ذمتنا
فكيف يبقى الزمن فراق
هي الأشواق
وما بين السما والأرض
مدي الأشواق
ما طال المطر بيصب
طبيعي انه البحر ما راق
كما انه العكار من طين
كمان من طين يجى الرواق
صحيح انه المطر رايق
ولكن السحاب قد ضاق
خبارو الريح بشن سايق
وكت كبد التراب مشتاق
إذا ما العشق منسابق
ومطابق على الأعماق
كذلك حضره العشاق
مع غيبوبة الأشواق
وطنا الزين لا تنضرا لا تنعاق
نظل في حبلك الواحد
حبيبين ما في بينا فراق
وهيط شايلنا شيله السيبى
سعن الباشا والمعلاق
لا فينا الضلالي العاق
ويا حاسب سكاتنا رضاك
أمانة بضونا ماها غراق
صدورنا على البعادى زقاق
ضهورنا إلى المنادى رقاق
رضينا بلا قرن ننساق
وحين نحرن جبل يا ساق
الجرب يطير ما بيمشى
لو حرت عليه الأشواق
ومن قولب لهيب الشمش
ما كوش من الرقراق
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Samer Osman)
|
Quote: لمثل هؤلاء ترفع القبعات
حميد الشاعر الوطن
وطن الشعر
يا بخت الدائرة 28 مروي بممثل زيك
ويا بخت البلد بزول نزيه زيك
يا مجرب |
الأخ - Samer Osman - تحياتي،
كتب حميد:
يا جاي مارق من دخول الغيث
شرايين التراب السايفة أوردة الوطن
قشرا اليباب ... نشرا العطش
كل ما سرت قطرات درب الرحمة...
في جوفو أرتعش حال الشجر
بال العصافير الخيالها مع الدغش
مشدوه متل خاطر طفل
من ضل ضهر راكوبة فوق حافة حجر
واقع سجر ...واقف يعد نقط المطر
ويستنشق إحساس السحاب
بين لهفة الطين والشمس
لمت وراء ضهر الجبال
في عبها المهتوك شفق
آخر رمش في الدنيا من جفن النهار
والليل ملقيلا الطرف
سعف النخيل مال منتعش
بال الطفل يرقد على ضهر الرعد
يجمع مصابيح السماء التامنة ويطش
لو يلقى راس رسن الزمن
ديك لحظة ما كانت تمش
شان يندهش
يتمطق الحلم البعد قرب يوافينا ابتعد
لو مدت إيد كان أنجبد
يا الدنيا بي ريحة الدعاش لو تنعرش
أو تنفرش تحت الفراشات بالبرد
فوقها الوعد صادق يمش
يا غادي منك فوت كلام الشوق
من القلب الخشم بابو البلد
شقيش مستف وحدتك
سايب بنات الحلة يا كمين ولد
تسترسل الأيام بحر
قبال يقالد القيف شرد
مالك رحيلك دون وداع زي الحرد ؟
| |
|
|
|
|
|
|
|
|
|
Re: حميد - مرشح بالدائرة 28 مروي (Re: نورالدين بابكر بدري)
|
يا ولد كل القبيلة-- لها ماديلا الضرع
ما تبيت شاه عليلة-- ديمة نجداتك سراع
البلد تحتك كتيلة --ليـــش تأجل للصراع
كل الأمنيات بالتوفيق لشاعرنا محمد الحسن سالم حميد
===============================================
تحياتي لك نورالدين بابكر بدري .. لا معنى لتأجيل
الصراع والحال كذلك ..
آه يا غُبُشْ
ما عندي ليكم غير نغيم ..برجوه ينفُض
لي غبار زمن القسا ..الكتّاح
يهِزْ عرجون نخل صبر الغلابة الطالْ ..
يحِتْ يخرِتْ ..تباريح الأسى الممدودة فوق نور الدُّغُشْ
يا نورا آه ..
يحرَد كنائسنا المسيح ..يعرش مدارسنا الصّدى
ييبس .. يباس حلق العصافير الوديعة من البُكَا
يندَرْدَرْ الصّوت البعيدْ .. أسيان يصُد من دون صدى
ينكَفْرَنْ الفجر الصّبوح .. يحمي الزهيرات الندى
تختا الدراويش الضّريحْ .. يسكن خلاوينا الجنون
يهجر جوامعنا الإله يا نورا آه ...
تطرح غيوم الشوق تئِنْ .. تشرَقْ تموت
خيل .. كلمة الحق التّناهِدْ في الشِّفاه
تعقِر بسيمة الصِّحْ مع لوبي الجّروفْ
تغرِزْ ضريعات الحروفْ ينشف مُرَاح الأمسيات ..
تتمطّق الأرضة المروق والأغنياتْ
اللّي الشّروق .. والأرض والحب والمطر تضْهَب تتوه ..
وكتين يضيع عرق الجِّباه الشُّم ..
شمار في مرقة آه يا نورا آه ...
| |
|
|
|
|
|
|
|
|
|
Re: حميد - مرشح بالدائرة 28 مروي (Re: امبدويات)
|
الاخ - أمبدويات - تحياتي،
آمل أن يكون لديك أأي إضافات عن
البرنامج الإنتخابي لحميد لتنزيلها
هنا .. خليك قريب
هُو أنا إيه أكون غير إني واحد العاشقين
الكل ما ضمّوا
الجفون
ضموها فاتحين العيون
على غيمة الحلم اليصح في بكرة
والحاصل يهون
والدنيا تصحى وكلُّو صِح..
يا أهلي
هُوي
إزيَّكم
إن عش قريِّب
منَّكم
وإن مت غريِّب
فليكُن
ياناس طيابة
بغلبكم
بنصاح ضراعكم
وقلبكم
بكفاح صراعكم
وحزبكم
برياح شراعكم
أحبكم
بسماح شعاعكم
ألبَّكم
لصباح ينور
دربكم
..
لهلب جمير الشوق
وقد
وأنا يا بلد
نعّس قواديسي
الشجن
والتور من السيسيق
حرَن
وغير الدرادِر
ما حصد
..
يابحر أحمر
ياسفن
يا جلود مهرّبة
يا عقول
يا صمغة
سمسم
فول
قطن
..
أنا ماشي
من قرف المدن
أنا ماشي
يا هادي الحزن
من لا نِي منك
لا نفد
من لا نِي واقف
لا قعد
ماشيبي بالفي
للأبد
زي غصن وردِ
جريح
وحيد
وين ما يلاقي الطين
قبض
أو فرع حنّة
طفشبو ريح
وبعيد بعيد
والشوق نبض
في أحلى إيد بت ناس قبض
أنا ماشي
لا خوف لا جُبُن
لكني راجع
في زمان
لا آهة فيهو
ولا غبن
وما بيني بين الحلم
سد
والدنيا ماها
ملي بُطن
بس ماشي أهلنا
أهلنا جد
هيي
يا عصافير النزيف
التمرق الخير
والسعد
للغير ويجنيها النكد
يا قانقرد
صبر الرجال
يا طيرة
صقر الرأسمال
أنوسد أعشاشها
ورقد
ما أنحاشا قزقز
بالعيال
عقبان
حمد
سيدو
وغمد
يلاكي
ماك ماشي
البلد
أم قلتي لي
أحدٌ أحد
حتَّى الطراوة
أو اللحد
لا بدَّ وإن طال
الأمد
يختا البصيرات
الرمد
طرِّق صراعك
يا ولد
غرِّق ضراعك
تلقى حد
للآفة والحال
الموهو
ضد العوارض
كون جلِدْ
ظل مركب الطوفان
ونوح
بحر الفجائع
عدُّو عد
يا ابن الغلابة
المتعبين
شقِّيش تروح
ياها البلد
سيْ ياولد
أحدٌ أحدْ
حتى الطراوة
أو اللحدْ
...
...
مطرِك متين ؟
مطرَك
متين الأرض
ضاقت بالخبوب
واستنفرت غيمة
الهبوب
من وين ووين
يحرق عروش
الظالمين
والعيشتو واقفِة
على الحروب
ما يخلِّي فيها
من الضلالي
فرد دقين
بعدين
مع الدغش
أب ندايةً
بيضا زي نية الشعوب
ينبت طيابة
مسالمين
وخُدر قلوب
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
كل الطيور متأفّفة
من طيرة خانت جنسهـا
وباعت معزّة نفسها
وبرت الصقـور المترفـة ..
شقّيش تطير تنضنّبا .. وشقّيش ترِك
ينجيني من وحل السقوط
عشقاً سمابِك ونزّهك
يا بت في أيّام تنتهك
حلم الفقـــاري وتسفهك ..
شان إنحيازك للغبُش
عشقك شعاعا الوين يخش
شايل بشارات الدُغش
بي أي حتّة بتشبهك
يا أم الحقيقة الفي النهار
ميلك علي التِحِت (الكتار)
فوق خلّي (قِلّة ) بتكرهك ..
حمّيد يشبه أهله بنوري .. وبطول البلد من حدّها ولي حدّها ...
موفّق بإذن واحد أحد ..
__
تحيّاتي يا أخي محمد عبدالجليل ..
| |
|
|
|
|
|
|
|
|
|
Re: حميد - مرشح بالدائرة 28 مروي (Re: طيبان)
|
د. طيبان - تحياتي لك .. هسع أنا بسأل
من البرنامج الإنتخابي .. عليك الله في
برنامج إنتخابي أحسن منأبياتك دي:
يا أم الحقيقة الفي النهار
ميلك علي التِحِت (الكتار)
فوق خلّي (قِلّة ) بتكرهك
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
في ناساً عزاز
مشتهنَّك رزاز
في ناس الرزاز
مشتهيهن هِنا
يغيض الحراز
حين يفيض البحر
عشان يذدهر
طول فصول السنة
قوانين تجوز
حتي في الأزمنة
هو الضد يكون
سكون في الغضب
غضب في السكون
هو المستقيم
هو المستدير
هو اللولبي
هو المنحنى
هي الكائنات
...
في الطيور مسكنة
وتستخف بالصقور
والحِدَي إن دنا
بالصراخ بالضفور
بالجناح اليفور
عِند تفقَّع جنا
،،،
فَنِمّ..حين تهم
هِمّ وإدلهم
عليك الصدام
سرَّة المأمنة
عليك الكلام
الجديد
الحديد
| |
|
|
|
|
|
|
|
|
|
Re: حميد - مرشح بالدائرة 28 مروي (Re: بخاري عثمان الامين)
|
الاخ - بخاري - تحياتي،
قول يا خيالي وماك فسل
أطهر وزيزينا يعوم
في النيل مع الصير منشغل
والله اليقوم يوم بعد يوم
يغسل دمومو عديل غسل
والله الوطن قال ما بنوم
إلا الفجر يا ليل يهل
===================
لازم يهل .. حتما يهل
| |
|
|
|
|
|
|
|
|
|
Re: حميد - مرشح بالدائرة 28 مروي (Re: أبو الحسين)
|
ما طال فى بحرك فى مى
وتمرك مفدع بالجريد
شدرك امد حد السمى
طينك معتق بالطمى
نبنيك اكيد هوا
نبنيك اكيد سوا سوا
منو وجديد نبنيك جديد
يا ايد ابوى على ايد اخوى
على ايدى انا
على ايد وايد تجدع بعيد
موفق يا حميد يا مشحون بينا ومشحونين بيك
سعاد بيومى
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
إنتهت
كل الخفايا
وقلتَّ
أكوسلِك
في الخطايا
لمّا
في ذات لُقيا
حَرّ ..
وزاد هواكي
على
هوايا
وقمتي
خنتيني
..؟
..؟
معايا ؟؟
اشتكيتِك
لى القمرْ
لمّه
أنسام السِّحرْ
الرياحين
والزهرْ
شهدوا ليّا
عليك
يا
أخيّة
جاء القمر
سوّاك بريّة
وباعتزاز
بى نبرة حيّة
صاح في جمعنا
يا بريّة
من يكن
من غير
خطيّــ
؟؟
؟؟
؟؟
وقُمْ
رميتِك
بالتحية
من اللِّي
فيّا
فيا ....
وفيّة
يا معاكي تغيبينا ..
يا تعالي
وأبقي
جيَّة
للبعيشو
غَصِب
عشانِك ...
والبموتو
بحسن نية
| |
|
|
|
|
|
|
|
|
|
Re: حميد - مرشح بالدائرة 28 مروي (Re: Mohamed Abdelgaleel)
|
Quote: ما طال فى بحرك فى مى
وتمرك مفدع بالجريد
شدرك امد حد السمى
طينك معتق بالطمى
نبنيك اكيد هوا
نبنيك اكيد سوا سوا
منو وجديد نبنيك جديد
يا ايد ابوى على ايد اخوى
على ايدى انا
على ايد وايد تجدع بعيد
موفق يا حميد يا مشحون بينا ومشحونين بيك
سعاد بيومى |
يا سلالالالالام عليكم
| |
|
|
|
|
|
|
| |
Mohamed Abdelgaleel
عاطف مكاوى
wadalzain
Nejmuddin Hassan
أبو الحسين
سرى بخارى
عبدالحافظ سعد الطيب
عفاف علي ميرغني
معاوية عوض الكريم
يوسف السماني يوسف
Osman Musa
MOHAMMED ELSHEIKH
عفاف أبو حريرة
HAYDER GASIM
Shiraz Abdelhai
nadus2000
كمال سالم
Amjed
خالد فضل
محمد عبدالقادر سبيل
Samer Osman
Research In Motion BlackBerry 9300(1600x1200).JPG)
نورالدين بابكر بدري
امبدويات
بخاري عثمان الامين
فيس بوك
تويتر
انستقرام
يوتيوب
بنتيريست