|
Re: كالعادة: زولنا لحس كلامه والشمس حية (Re: rani)
|
سلاما راني
تصدق البوست دا ما فتحتوا غير مرة واحدة أول ما كان طازة بعد داك بشوفو في الصفحة الأولى دائماً لكن المداخلة بتكون ما باسم عمر عثمان فبعرف انو المباحث لسة بتقترب عشان كدا بكبر منو اللفة
لكن السواها عمر (عمر الكبير ما عمر عثمان) رقدت مقالة
| |
|
|
|
|
|
|
Re: كالعادة: زولنا لحس كلامه والشمس حية (Re: abuguta)
|
الغريبة المذيعة سألت أحد الكيزان (لا أذكر اسمه) عن ماذا يعني هذا الكلام..... تقصد كلام اللحس طبعا
قال ليها لقد فهمتم كلام الريس غلط !
قالت ليه يعني غلط كيف والكلام واضح والريس بيقول
(حتي ولو تم تأجيل الانتخابات لا قدر الله لكن ستظل تشكيلة الحكومة كما هي)...... فكيف نكون قد فهمنا غلط والكلام بهذا الوضوح؟
صاحبنا ...تأتأ...... ثم فأفأ........ ثم مأمأ
| |
|
|
|
|
|
|
Re: كالعادة: زولنا لحس كلامه والشمس حية (Re: أيمن الطيب)
|
Quote: ناس الجزيرة قالو شنو ؟؟ |
ناس الجزيرة ما قالوا أي حاجة يا أيمن بس جابوا فيديو لي زولنا الكان يرغي ويزبد ويوزع في المرارة أمس وكان ما أخاف الكضب لابس نفس لبسة أمس جابوهو (ومن غير كواريك) قال: "لو قدر الله وتأجلت الانتخابات ستستمر حكومتنا حتى موعد الانتخابات الجديد" يعني لحسن كلام أمس بتاع عدم التأجيل ومسك في رفض اقتراح المعارضة بتسليم السلطة لحكومة قومية حتى موعد الانتخابات عصرة تانية وحا يقول "لو قدر الله ومسكت السلطة حكومة قومية البقول لينا غيروا رمز الشجرة حا نقطع نخرته" وهكذا
| |
|
|
|
|
|
|
Re: كالعادة: زولنا لحس كلامه والشمس حية (Re: Ashraf el-Halabi)
|
سلامات عاطف
Quote: الغريبة المذيعة سألت أحد الكيزان (لا أذكر اسمه) عن ماذا يعني هذا الكلام..... تقصد كلام اللحس طبعا
قال ليها لقد فهمتم كلام الريس غلط ! |
في الوقت داك أنا كنت كاتب البوست وعاوز أرسله لمن سمعت جملة عمك بتاعت الفهم الغلط دي قلت الحمد لله ما استعجلت ورسلت وقدرت انو البوست مات جنين في رحم صفحة الوورد فإذا بعمك بعد جملته الكبيرة دي يدخل بحمد ويمرق بخوجلي!
| |
|
|
|
|
|
|
Re: كالعادة: زولنا لحس كلامه والشمس حية (Re: Ashraf el-Halabi)
|
Quote: فإذا بعمك بعد جملته الكبيرة دي يدخل بحمد ويمرق بخوجلي! |
خلوهو اليمرق بخوجلى , لو قعد وركز فى الواطة دى نجيب ليو رقاب وانوف من وين عشان يقطعا؟
والله إلا كان يقطعا فى حشاهو ويموت بيا.
اظن "انو فى ناس بتختار للبشير البسات البيظهر بيا فى كل لقاء جماهيرى" - شايفو مواكب للمكان وحالة المخاطبين, بالمرة ياأخوانا فيكم الخير ذاكرو ليو خطابتو الجايطة دى الله يرضى علينا وعليكم ياخ,
| |
|
|
|
|
|
|
Re: كالعادة: زولنا لحس كلامه والشمس حية (Re: ندى عثمان حسن)
|
سلامات ندى
Quote: اظن "انو فى ناس بتختار للبشير البسات البيظهر بيا فى كل لقاء جماهيرى" - شايفو مواكب للمكان وحالة المخاطبين, بالمرة ياأخوانا فيكم الخير ذاكرو ليو خطابتو الجايطة دى الله يرضى علينا وعليكم ياخ, |
اللبس دا المفروض شغل ناس المراسم لكن عاوزين نعرف عدم مراجعة الخطابات والتهبيل دا شغل ياتو جهة!
مين بيحفر هناك؟
| |
|
|
|
|
|
|
Re: كالعادة: زولنا لحس كلامه والشمس حية (Re: د.فاروق ابوكساوي)
|
كل تعابير تحت جزمتى كانت على الهوا
مقتل عشره الف فى دارفور على الهو
طرد منظمات الغاثه على الهوا
طرد مراقبى الانتخابات على الهوا
عدم تاجيل الانتخابات على الهوا جدع الانوف والقاب على الهوا
لا حوار مع العدل والمساواه على الهوا
ما فى عدل ومساواه يبيت فى بيتو على الهوا
..................................
..................................
لحد ما الهوا قال الروب
اذا صادفته على الهوا
Stay Tuned
| |
|
|
|
|
|
|
Re: كالعادة: زولنا لحس كلامه والشمس حية (Re: د.فاروق ابوكساوي)
|
سلامات د. أبو كساوي
Quote: استنجد المؤتمر الوطني بجهاز الامن بعد ان تأكدوا من سقوطهم في غالب الدوائر . وجاءت توصية الامن بالتأجيل |
الحاجة الما منتبهين ليها الناس انو الجماعة ديل داخلين الانتخابات دي بفهم يا نفوز يا نقلبها تاني كوز وديمقراطية موية وزيت نو هارموني هيير
| |
|
|
|
|
|
|
Re: كالعادة: زولنا لحس كلامه والشمس حية (Re: هشام المجمر)
|
Quote: صرح قبل كده فى لقاء انو لو فى بوريه ازرق دخل دارفور حيسيب الرئاسة وابقى مجاهد ضمن المجاهدين ضد القوات الاممية!!!!
فى كم بوريه ازرق اليوم فى دارفور؟ |
بس كلام البوريهات الزرق دا لحسه بعد كم يوم يا مجمر يعني بعد ما برد شوية وكم زول نسوه لكن بتاع تأجيل الانتخابات دا لحسه من نارو
| |
|
|
|
|
|
|
Re: كالعادة: زولنا لحس كلامه والشمس حية (Re: وليد شريف)
|
سلام الغريبة التلفزيون المسمى قومي والشروق الكيزانية في نشرتهم يحرروا الخبر بالقول (البشير يجدد رفضه لتأجيل الانتخابات) ثم تعرض الصورة المصاحبة والبشير يقو (لو الانتخابات اتأجلت - لا قدر الله - حتستمر لحكومة بنفس تركيبتها الحالية وما في حكومة قومية) أين المهنية من هولاء شذاذ الآافاق وناس دعوني أعيش..
سؤال: ناس مكنكشين 21 سنة وقالوا ضامنين الفوز ليه خائفين من التأجيل لأي سبب كان؟؟؟ ما توصلوها حدها..
الخلاصة: هذه النتخابات حتى لوفزتم بها الآن أو بعد التأجيل لن تكسبكم الشرعيةولن ترفع عنكم تهمة حمايتكم للفساد يا بشير ولن تكف عنك العدالة الدوليةز. أخرها: الحل النهائي لو كنت حريصاً على الشعب السوداني يا بشير تنحى عن السلطة ولا تجعل نفسك درعاً لحماية الفسد والمفسدين الذين يحيطون بك ولا تجعل الشعب تحت الحصار الدولي لاجل غير مسمى وتحرمه من علاقات متوازنة مع العالم وتحرمه من التكنلوجيا التي حرم منها فصارت حتى طائراتنا تقع بسبب عدم توفر الاسبيرات كمقال مستشارك الطفل المعجزة مصطفى عثمان..
| |
|
|
|
|
|
|
Re: كالعادة: زولنا لحس كلامه والشمس حية (Re: عثمان جلال الدين)
|
سلامات وليد وعثمان
Quote: الغريبة التلفزيون المسمى قومي والشروق الكيزانية في نشرتهم يحرروا الخبر بالقول (البشير يجدد رفضه لتأجيل الانتخابات) ثم تعرض الصورة المصاحبة والبشير يقو (لو الانتخابات اتأجلت - لا قدر الله - حتستمر لحكومة بنفس تركيبتها الحالية وما في حكومة قومية) أين المهنية من هولاء شذاذ الآافاق وناس دعوني أعيش.. |
يعني يا عثمان عايزهم يقولوا "وفي تطور جديد لموقفه الرافض لفكرة تأجيل الانتخابات: تراجع السيد المشير عمر البشير عن جعجعة أمس ديك كلها، وقام بلحس وعيده وتهديده زي كل مرة"!!
| |
|
|
|
|
|
|
|