|
|
 افراح اجمل البنات ( صوركميات)
|
بدأت مراسم زواج نعومه
بالعديل والزين
وسط زغاريد الاهل والاحباب وعلي انغام الدنقر تم افتتاح دق الريحه لبتنا الجميله انعام
|
|
 
|
|
|
|
|
|
|
 Re: افراح اجمل البنات ( صوركميات) (Re: معتصم الطاهر)
|
ماما دوما مشتاقين,
كان يوم "دق الريحه" يوم ولا في الأحلام,
يوم معبق بالتراث والأصاله,
وانعام كانت ملكه,
ربنا يتم ليها السعاده ويديمها ليها نعمه,
عشنا تفاصيل يوم نسائي جميل وفرحنا مع "نعومه" في أجمل لمه لبنات البورد الحلوين :)
بس كنا فاقدينك يا حبيبه :)
| |
|
|
|
|
|
|
|
|
Re: افراح اجمل البنات ( صوركميات) (Re: SHIBKA)
|
مبرووووووووووووك من ابوحراز والأسرة
حقيقة خبر سعيد ياخالتو دوما
اشتقنا والله للكلمة الطيبة دي { خالتو دوما}
المنبر بقى ليهو مدة بدون خالة الطاعمة دي
النسوان الظهرن أخيراً لو الواحدة قلت ليها ياخالة تصر ليك وشها لحد نهاية البوست
الله يحفظ ليك ابنائك وكل العائلة
اها الصين كيف
عايزين نتاجر في آخر عمرنا
صراحة شفنا الناس الأصغر مننا والكانوت ريالتهم سايلة راكبين جيبات البرادو
انا قنوع ياخالة وبشوف الحاجات دي وبمشيها وبقول الحمد لله
لكن الطامة الكبرى وين لمن تكون ماشة معاي { ست النفر }
مما تشوف واحد سايق لاندكروزر أو كامري او برادو تبقى تتحسر وتلعن حظها مع ابوحراز
ويوصموك بالفشل
بجانب النقة الكتيرة
اها قلنا نتاجر في الصين أو ماليزيا
ورينا انسب الطرق عشان نشتري برادو
| |
|
|
|
|
|
|
|
|
|
Re: افراح اجمل البنات ( صوركميات) (Re: ابوحراز)
|
Quote: اها الصين كيف
عايزين نتاجر في آخر عمرنا
صراحة شفنا الناس الأصغر مننا والكانوت ريالتهم سايلة راكبين جيبات البرادو
انا قنوع ياخالة وبشوف الحاجات دي وبمشيها وبقول الحمد لله
لكن الطامة الكبرى وين لمن تكون ماشة معاي { ست النفر }
مما تشوف واحد سايق لاندكروزر أو كامري او برادو تبقى تتحسر وتلعن حظها مع ابوحراز
ويوصموك بالفشل
بجانب النقة الكتيرة
اها قلنا نتاجر في الصين أو ماليزيا
ورينا انسب الطرق عشان نشتري برادو |
حباب ولدي السمح اب حراز حبابك يا دخري الحوبه
يا ولدي ست النفر دي الا صابتها عين وحاه الله
البرادو شن بتدوربها ؟؟؟!!
ما كفاها ريدك انت من ريد الحديد .
و ان بتدور تتاجر عندي ود اختي في قوانجو
بديك علوانو ان درت تشاورو وان درت الجيه تب بجيهك
وعلي ضماني انا دهب احمر
| |
|
|
|
|
|
|
|
|
|
Re: افراح اجمل البنات ( صوركميات) (Re: ذواليد سليمان مصطفى)
|
يا سلام على الأخبار المفرحة , ياخى انعام دى تستاهل كل الخير
لأنها انسانة راقية وحنينة وتحب الخير لكل الناس , أسأل الله
أن يجعل كل أيامها أفراح وسعادة , آلاف التبريكات يا انعام
وربنا يتمم ليك وزوجك الكريم على خير وبركة .
شكرا ستنا دومة على الخبر الجميل .
| |
|
|
|
|
|
|
|
|
|
Re: افراح اجمل البنات ( صوركميات) (Re: مهيرة)
|
دوما حبيبتي الغالية
ونعمومة صديقتي الحبيبة
الف مبروك
وتهاني واماني
واحتراماتي الندية
شوق من غير حدود
فرح كبير ومعزة وايامك سعيدة ونتمنى حضور الأفراح
فاتتنا دق الريحة نحضر باقي المراسم والطقوس
سلام
| |
|
|
|
|
|
|
|
|
|
Re: افراح اجمل البنات ( صوركميات) (Re: كمال ادريس)
|
احلى البنات وستهن
الف مبروك
الف مبروك يا اصيلة
يا جميلة
الف مبروك بالعديلة تقدمك تبراك
الف مبروك
يا نعومة يا سلام
فرحانة ليك
ولو بايدى
انزل نجوم تغسل يديك
واجيب قمر يضوى ليك
واجمل غنا اكتبو ليك
يا قمر يا اجمل من كل قمر
مبروك عليك
| |
|
|
|
|
|
|
|
|
|
Re: افراح اجمل البنات ( صوركميات) (Re: نيازي مصطفى)
|
حباني السمحين بلا فرز حبابكم الف
في فاتحه افراح البت السمحه نعومه
البت الهديه ورضيه
كان جيتا طالب المستحيل
بتقول ليك مقضيه.
و عريسنا مهله وخريف سهله
كل شئ بالكثير دا بس اول الفلم
تاني عندنا يوم الحنه
لو ما ناس الانقاذ البحددوا زمن الحفلات كان حفلتنا صباحي
ومن اسه بقدم الدعوه لكل البنات
المتموم حلوهن والفي الطريق جايات
يوم 29 الحنه
ويوم 2 اربعه العقد
كل رجال البورد اعمامها واخوانها لازم يكونوا حاضرين
حضروا العمم و الجلاليب والعبايات
والبدل والقمصان
وواليوم مفتوح
من صباح الرحمن لي عند منتصف الليل
تتم بهجتنا بزفاف الاميره
نواره الفريق نعومه لعريسها اب شلعه الخاتي الضلعه
وانا ام العروس نمره اتنين
الما بواجبني في عرس انعام
كان عرس ما بجيهو لا بواجبو .
والحاضر يكلم الغايب.
مشغوله حال ام العروس ايدي في كمين شغله
ومطروشه انطراشه ام العروس
بجيكم صاده
ابقوا لي داخل
انتوا اسياد بيت
ماكم معازيم
| |
|
|
|
|
|
|
|
|
|
Re: افراح اجمل البنات ( صوركميات) (Re: doma)
|
ياسلام يا زينب يا شقيقة دا يوم سعيد ربنا يتم لبتنا انعام
انعام تستاهل كل جميل وربنا اسعدها وبالرفا والبنون
اولادك الليلة فقدوك ولكنك في اعز مكان ودائماسباقة فرحا وترحا
تحياتي وتقديري
| |
|
|
|
|
|
|
|
|
|
Re: افراح اجمل البنات ( صوركميات) (Re: doma)
|
Quote: ياسلام يا زينب يا شقيقة دا يوم سعيد ربنا يتم لبتنا انعام
انعام تستاهل كل جميل وربنا اسعدها وبالرفا والبنون
اولادك الليلة فقدوك ولكنك في اعز مكان ودائماسباقة فرحا وترحا
تحياتي وتقديري |
حباب اخوي السمح بالحيل ود البوش
وحات ربي انا فاقداكم بالكثير
مفتاح الاسكايب راح مني
وقدر ما سجيت فيهو
ما عرفت ليهو سهمه
الختره مشيت نمت.
يتباركن ايامك
والعقبال عندك
في فرح اريج ووليداتي السمحين .
| |
|
|
|
|
|
|
|
|
|
Re: افراح اجمل البنات ( صوركميات) (Re: حليمة محمد عبد الرحمن)
|
Quote: حمورة يا اهل عجنا .. جينا ليكم .. نخرف وندرت قبلنا..
العديلة تقدمك يا نعومة وتبراك .. تبقالك غطا ..وتقعد حداك..
مبروك نعومة.. مبروك ازهري..
عقبال سوزانا يا زينوبة..
بالمرة كدا كنتوشة مختفية مالها؟ |
حلوم قليله اللوم عاد يا بت امي ما سمعتي بمقوله
بعد كان في الكرعين بقي في الوشي
والله خجلانه منك تب
وداخله في ضفوري
| |
|
|
|
|
|
|
|
|
|
Re: افراح اجمل البنات ( صوركميات) (Re: دينا خالد)
|
Quote: هسه دى انعام ولا دا ريجيم ؟؟؟
عرسوها خلاس ؟ ولا بتقيس فى هدوم العرس ؟
دوما عليك الله جيبى الخبر كويس !! |
لووووووووووووول دندونه يا بت يافهم يا عيون نعسانه
التفاصيل دي كلها بقولها ليك بعدين
بينا تلفون باكر
| |
|
|
|
|
|
|
|
|
|
Re: افراح اجمل البنات ( صوركميات) (Re: محمد المسلمي)
|
| Quote: ياماما دوما بت حيمورة عزيزة علينا والله يتم ليها ويجمع بينهما بخير(اليومين ديل انا قرييب منك في كوريا ورينا العرس بيتين عشان نمشي نحصلو البنت دي عزيزة علينا شديد) |
حباب محمد المسلمي
كوريا متشرفه بيك وكان عرفت موبايلك بناغمك يا حبيب
عرس نعومه يوم اتنين اربعه باذن الله
تتم فرحتها بحضوركم انتم اخوانها وحبانها
| |
|
|
|
|
|
|
|
|
|
Re: افراح اجمل البنات ( صوركميات) (Re: doma)
|
ايووووووووووووووووووووووووووووووي
يوي
يوي
يوووووووووووي
الف مبروك لانعام وربنا يتمم علي خير..
بيت مال وعيال يا رب العالمين..
مبروك لي انعام يا دوما..
ــــــــــــــــــــــــــــــــــ
يا اماني الامين..بلاي الوصية يوم العقد ..قرصة كاربة في ركبتا عشان نحصلا في جمعتا..
| |
|
|
|
|
|
|
|
|
 Re: افراح اجمل البنات ( صوركميات) (Re: doma)
|
الاخت العزيزة دومة
مبروك للحبيبة الغالية نعومة انشاء الله ربنا اتمم ليها عل خير
وربنا اسعده ويهنيها انعام راقية وطيبة وتستاهل كل خير
انا سعيدة ومبسوطة جدا بهذا الخبر وزعلانة لانى ما حضرت
قلوبنامفعمة بى حبك ودعواتنا ليك يا اصيلة
التهنئة لكل الاسرة وأخواتها وصديقاتها وكل البحبوها
وشكرا كتير الاخت دومة
| |
|
|
|
|
|
|
|
|
|
Re: افراح اجمل البنات ( صوركميات) (Re: عثمان دغيس)
|
| Quote: افراح اجمل البنات ( صوركميات) |
ياخالتو ,, إزيك ,, أنا قريت العنوان وفهمت
إنك بتقصدى بأجمل الجميلات ( أفراح عصام ) وعندك
ليها صور كميات ,, جيت داخل توش قلت إتفرج وأشاغل
صحبى صديق الموج شويه وأعمل إنصراف .
لكن لقيتك عامله مفاجأه من العيار التقيل , فحقيقة
إنعام أجمل الجميلات خلقا وأخلاقا ,, من كل قلبى
أتمنى لها زواجا مباركا وسعيدا وتهنئه بلا حدود ,,
وتستحق أن يشد لها الرحال من الدوحه للخرطوم
لمشاركتها هذا المهرجان والذى لن يكون عرسا تقليديا
بالتأكيد ,, فإنعام لو تعلم المعارضه لأختارتها مرشحه
ضد البشير وقطعا كانت سوف تكتسحه بأصوات المدعويين
فقط .
التهنئيه لكل أفراد أسرة حيموره وللصديق علاء ولكل
بورداب الخرطوم .
وطبعا ليك يا أحلى خاله .
| |
|
|
|
|
|
|
|
|
|
Re: افراح اجمل البنات ( صوركميات) (Re: كمال سالم)
|
:
:
مبروك عليك الليله يا نعومه
يا حليل ناس ديل الزمان بجونا
:
:نعومه
إن جلست مع نديداته حالي طَعَمْها
وان نطقت مع العارِف يزيدو فَهَمْها
عِنتيل العناتِل يصغي سارّو نَغَمْها
أزهري تَف خَتَف لي نعومه واتلايمها
:
:
ويا دوما الله يبشرك بالخير
| |
|
|
|
|
|
|
|
|
|
Re: افراح اجمل البنات ( صوركميات) (Re: محمد فضل الله المكى)
|
يا سلااااااام الحبيبة دوما
خازنة الفرح من يوما
فيك سمح الخصال ملمومه
فى فرح الجميع قيدومه
وعند الوجع مهمومه
جبتيلنا الليلة
فرح الحنينة نعومه
ست اللهيج السكرى
والبسمة كيف مرسومه
من قلبى ليها تهانى
وعقبال السمح يا دوما
الف الف مبروك مارقة من الجوف يا نعومة
والريد نيلين يا ستنا يا دوما
تبارك الله وما شاء الله وعينا باردة
صلوا على النبى يا اخوانا
وقولوا دقر العين وتبارك الله وما شاء الله
ربنا يحفظك يا نعومة
وتهنئة خاصة جدا لماما حنانة وجميع آل حيمورة وبيضاب
بالسودان وعمان وكل مكان...
| |
|
|
|
|
|
|
|
|
|
Re: افراح اجمل البنات ( صوركميات) (Re: soma)
|
أهل الفرح يديهم الله الفرح
فرح الاخوان بيهم
وفرح الاخوات
وفرح دوما غير
لي انعام البت ( الغير ) ..
فرحان لها فرحي لأحب شقيقاتي ..
ربنا يسعده ويسدد خطاها ويحفظه من كل شر
قادر يا كريم ..
انعام حيمورة ذات السحر الجميل
مليار دشليون مبروكـ من قلبي يا انعام
| |
|
|
|
|
|
|
|
|
|
Re: افراح اجمل البنات ( صوركميات) (Re: عمران حسن صالح)
|
Quote: يا سلااااااام الحبيبة دوما
خازنة الفرح من يوما
فيك سمح الخصال ملمومه
فى فرح الجميع قيدومه
وعند الوجع مهمومه
جبتيلنا الليلة
فرح الحنينة نعومه
ست اللهيج السكرى
والبسمة كيف مرسومه
من قلبى ليها تهانى
وعقبال السمح يا دوما |
الف الف مبروك حبيبة الكل نعومة و جميع الحموراب
و أم العروس التانية أم قلب دهب كأبنتها..
ربنا يتمم على خير و يهنيكم و يسعدكم.
| |
|
|
|
|
|
|
|
|
|
Re: افراح اجمل البنات ( صوركميات) (Re: soma)
|
Quote: لاخت العزيزة دومة
مبروك للحبيبة الغالية نعومة انشاء الله ربنا اتمم ليها عل خير
وربنا اسعده ويهنيها انعام راقية وطيبة وتستاهل كل خير
انا سعيدة ومبسوطة جدا بهذا الخبر وزعلانة لانى ما حضرت
قلوبنامفعمة بى حبك ودعواتنا ليك يا اصيلة |
تسلمي يا ناجيه يا جميله ان شاء الله في فرح طارق .
مشارق الارض ومغاربها تشارك نعومه فرحتها
ليها كل الاماني الجميله وصافيه
جمال روحها و صفاء نفسها
ونقاء سريرتها .
مبروك عليك يا نعومه
دا اليوم الدايرنو ليك
يا الملكه مبروك عليك
| |
|
|
|
|
|
|
|
|
|
Re: افراح اجمل البنات ( صوركميات) (Re: doma)
|
بفرط من الهناء ... وكل الجمال.
عجبني ليك يا إنعام, ولم يؤخرني من
الدخول إلى هنا غير عدم وجود إسمك
في مطلع البوست, والعتبى لدوما حتى
تفيق من فرحها بك.
أمنياتي لك بحياة زوجية سعيدة, مستفيضة
بكل جينات المحبة وجنياتها. فأنت ممن
يتوقف عندهم الأدب حتى ينتفي ضده, وأنت
ممن يلوكون الصبر حتى تشتمل الراحة, وأنت
ممن يقومون حتى يجلس الآخرين.
عرفتك من غر صباك إلى مترع إمرأة آهلة
بالمسئولية ومتقدمة على الأزمة ما حلت.
فكيف تواصيت على هذا النضج الباكر... للآن؟
أبقي طيبة ... وتحياتي للعريس وكل أسرتك
الكريمة.
مع جزيل شكري للأخت دوما
| |
|
|
|
|
|
|
|
|
 Re: افراح اجمل البنات ( صوركميات) (Re: doma)
|
ساره علي:
Quote: ايووووووووووووووووووووووووووووووي
يوي
يوي
يوووووووووووي |
لقيتك زغراده ياعسل :)
| Quote: يا اماني الامين..بلاي الوصية يوم العقد ..قرصة كاربة في ركبتا عشان نحصلا في جمعتا.. |
كويس الذكرتيني,
انعام حيموره عندك قرصتين واحده حقتي وواحده حقت ساره علي,
أي واحده تاني عايزه تدفع,
بس ساره علي ال بالمجان ههههههه
| |
|
|
|
|
|
|
|
|
|
Re: افراح اجمل البنات ( صوركميات) (Re: doma)
|
الف مبروك لعروسنا أنعام، ربنا يتم على خير، ويابورداب الخرطوم ضرورى نقل الاحتفالات لنا مبشرة بالصورة والفيديو لو أمكن لنعيش الفرحة معكم، أنعام تستاهل كل خير فهى أنسانة فريدة فى كل شىء ربنا يسعدها بقدر ماأسعدت الكثيرين .
| |
|
|
|
|
|
|
|
|
|
Re: افراح اجمل البنات ( صوركميات) (Re: محمد عبد الماجد الصايم)
|
بت حلتنا
وجارتنا
وعروسنا السمحة
ناعومي حيمورة
الف الف مبروك
ولكل آل حيمورة
وخاصة صديقي الجميل علاء حيمورة
يعني اليومين ديل الحلة مهججة
يا حليلنا نحن البعاد
كان لازم نحضر
ونفرح بيك زي ما فرحنا ليك
وتسلمي من عين الحساد
وربنا يتمم على خير
بيت مال وعيال
وشكرا العزيزة دوما
كأننا كنا معاهم
وننتظر المزيد من الصور
| |
|
|
|
|
|
|
|
|
|
Re: افراح اجمل البنات ( صوركميات) (Re: Hayat Hussien)
|
مبرووووك
للاخت الكريمة انعام و الاخ ازهري
وعديلة وزين
مجرتقة بدعاء الوالدين
انعام الانسانة و الهميمة وست القلب الكبير
لها مني كل الدعوات الطيبات..بحياة زوجية سعيدة,وبيت مليان محنة والفة وحب واحترام
ويا ماما دوما...
مبروك عليك لبتك انعام..
وعقبال كل الناس و خاصة الزينا كده...لوووووووول
______
يا باشمهندس بكري...علق لينا البوست ده في أسوار البورد
ياخي انعام تستاهل وزيادة
| |
|
|
|
|
|
|
|
|
|
Re: افراح اجمل البنات ( صوركميات) (Re: اميمة مصطفى سند)
|
ماشااااااااااااااء الله
عثل عثل عثل
والله والله ما عرفتها
ربنا يخفظها ويغطيها
غايتو يا بورداب الخرطوم اتسيكتو بعد إنعام ما تعرس
ابو الزهور بختك ربنا يتم على خير
من الأعماق بقول مبرووووووووووووك
وإن شاء الله العرس يصادف إجازتنا عشان الفرحة تكون 1000
مودتي
شكراً دوما
جزولي - جدة
| |
|
|
|
|
|
|
| |
doma
Ishraga Mustafa
saif massad ali
محمد الجيلى
معتصم الطاهر
SHIBKA
مامون أحمد إبراهيم
Gaafar Ismail
ابوحراز
ذواليد سليمان مصطفى
محمد البشرى الخضر
مهيرة
احلام وهبي
شمائل النور
lana mahdi
الصادق ضرار
وجن
Osama Mohyeldin
طارق جبريل
Dalal Ezzaldin
baha eassa
تيسير عووضة
GamarBoBa
دينا خالد
كمال ادريس
سلمى الشيخ سلامة
شول اشوانق دينق
حليمة محمد عبد الرحمن
عزيز عيسى
سيف عبد العزيز
Yassir Tayfour
Mohamed Foto7li
عمر ادريس محمد
نيازي مصطفى
امل كرار ابراهيم فرح
بكري عباس علي
عبدالله ود البوش
BAKTASH
Munir
Nasr
Zakaria Joseph
سيف الدولة كامل
سناء عبد السيد
محمد المسلمي
الفاتح ميرغني
بدر الدين الأمير
عماد الدين عبدالله
سارة علي
مجدي عبدالرحيم فضل
Elawad
كمال سالم
محمد فضل الله المكى
عمران حسن صالح
saadeldin abdelrahman
محمد النيل
HAYDER GASIM
هاشم محمد الحسن عبدالله
حسين نوباتيا
محمد عبد الماجد الصايم
جمال السنوسي
هواري نمر
خالد حامد الجزولي
خالد عبد الله محمود
فيس بوك
تويتر
انستقرام
يوتيوب
بنتيريست