|
Re: الزول دا شكلو سودانى- ابطال جرائم ثلاثى السلب فى العاصمه - (Re: نصر الدين محمد شريف)
|
عبد الرزاق ما بعيد طبعاً فنحن لسنا خير أمة أخرجت للناس فمنا الصالحون ومنا الحرامية ومنا القتلة ومنا دون ذلك (ألوان طيف) مشكلة السوداني إن الذي يمثل زي (لبس) جلابيه/ عراقي/ سراول طويل/ وثوب بالنسبة للنساء وبالذات في دول الخليج ولما بقت جلابيتنا تصنع في الصين زيها وزي أى حاجه كانت في متناول الجميع من حيث السعر فأصبح المصري سوداني بالجلابية والتشادي سوداني بالعراقي ونساء مالي وبوركينافاسو وغانا سودانيات بالتوب الناس غالباً ما يتأثرون بالنظرة أو الإنطباع الأول First impression عشان كده أى واحد بعاين للصورة دي بيقول عليهم سودانيين وزي ما قلت ليك حتى لو كانوا سودانيين هي قطعاً ليست نهاية المطاف وليست غريبة خالص فنحن لسنا ملائكة حتى لا يكون بيننا المجرم ، تخيل واحده لابسه توب سوداني ودافره ليها راجل كضااااب عامل نفسو مشلول وقاعد في كرسي معوقين ولابس جلابيه سودانيه وبيشحدوا أها لمن جات ساعة الجد ولملمتم الجهةالمختصة بمكافحة التسول في تلك الدولة الراجل طلع أسرع من أبوبكر كاكي في الجرى والإثنين طعلوا ما سودانيين لكين البقنع ال89 شخص الشافوا القضية على الهواء مباشرة منو وال 89 ديل كم واحد فيهم حا ينقل القصة لي كم واحد والزيادات والرتوش الحا تحصل عليها وهلم. الله يحفظ السودان الوطن والسودانيين في الداخل والخارج
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الزول دا شكلو سودانى- ابطال جرائم ثلاثى السلب فى العاصمه - (Re: almulaomar)
|
صاحبنا زيكو زول متلقي حجج. كنت راكب معاه في عربيتو ايام كان التمباك يوديك السجن في جدة. ظهر امامنا شخص يلبس عراقي و سروال و اتنين سعوديين يكفتو فيهو. الزاكي شالتو الشلهمة طوالي وقف عربيتو على اليمين و قال لي لازم اشوف الناس ديل بيكفتو في السوداني دا ليه, والله ما اسيبهم. المهم انا قعدت في العربية انتظرتوا جاني بعد شوية كلام مع الشابين السعودين و يضحك. الحاصل شنو؟" "و الله الحاصل ديل بتاعين استخبارات و الزول دا صومالي و متهم في موضوع مخدرات و هسع انا عربيتي دي مليانة تمباك ان كان بس جو يفتشو انا و انت 6 شهور سجن وترحيل" الحمد لله اتخارجنا بي سلامتنا
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|