|
14 مارس ثمانية سنين بالبورد
|
البوست بوست احتفال
طبعا الفترة اطول من كده بس بكوري حسدنا على كم سنة كده
على العموم باركوا لينا او قولوا كفارة زي ماقالتها الاخت العدوة السنة الفاتت
تحياتي
زاتووووو
|
|
|
|
|
|
|
|
Re: 14 مارس ثمانية سنين بالبورد (Re: ALZOLZATOO)
|
حبيبنا الزول ذاتو
الفين سلام يا سيدى
والله ليك وحشة
ثمانية سنين .. تجربة وزاد ؟؟؟؟
بعمر السنين والله كثيرة خلاص ياخى
تعرف فى الثمانية سنين دى فى ناس غنو من المنتديات دى
وفى ناس عملوا امبراطورية كاملة وباعوها بملايين الريالات
ونحن الغريبة قاعدين مكانك سر ...
مرات ننشط ومرات نحرد نخلى المنتديات كلها ...
سلام يا سيدى
وارجو ان تكون احتفالية مستحقة وما تكون كشف حساب
لانه خسران اكيد ....
يديك العافية يا سيدى
| |
|
|
|
|
|
|
Re: 14 مارس ثمانية سنين بالبورد (Re: قرشـــو)
|
العمدة قرشو
كانت لنا ايام زي ماقال الفنان على الرحمة
ياخي نحن من شفناك قربت تتم الثمانية سنة برضو والله ايام كانت جميلة وانت كنت متواجد بي كثرة رغم عرسك الكتير لووووووووولز ونتذكر السمك والاشياء المشابهة بالمناسبة الجعلي وين ياخي
انا شخصيا ماعندي مشكلة عادي ممكن نعمل منبر ونحاول نعمل قروش في الخمسة سنة القادمة ومابنختلف في الاسم ممكن نسميهو قرشو الزول او الزول قرشو وفي الحالتين انت ضايع لووووووولز
تحياتي الاكيدة
زاتوووو
| |
|
|
|
|
|
|
Re: 14 مارس ثمانية سنين بالبورد (Re: عبد الدائم سيد أحمد)
|
Quote: لالالا نعمل ليهو لقاء منبرى نشوف لينا واحدة صحفية تسألو كم مرة غيرت باسوردك وكم مرة اتهكرت وكم مرة اتهنيت ( جاية من التهنئة ) والفوائد والسلبيات
وكلمة اخيرة .....
عقبالنا يارب |
والله ياعبد الدائم يا اخوي في واحدة جميلة كده بوردابية زمااااااااان اسمها انسانة كانت بتعمل لقاءات مع الاعضاء اها يوم عملت معاي مؤتمر صحفي زمن الشباب
ابشرك ياحبيبنا الاسم ده انا شغال بيهو من زمن الجات روووم بس بعد مرات كان في واحد بيغير في الاسامي يعني الزول بعد الال يخت رقم واحد ويبدا ينبز ليك في الناس هههههههه طبعا مافي زول ح يلاحظ الفرق المهم انت تقوم توريهم بعدين السجل الانتخابي بتاعي في البورد نضيف جدا ماحصل يوم اتفصلت لي سؤ السلوك او جاني ايميل تحذيري ياخي نحن المؤسسين زاتووو اسع لو كنا في اروبا والدول المتقدمة كان جانا نصيب من الارباح
لايوجد تهكير ولا سحب باس وورد ياخي انا العضوء المثالي في بورداب الشرقية ههههههههه ناس مشاغبين شديد تصدق الرئيس بتاعناعوض هارون كل يوم في القسم فاكي ليهو واحد بي ضمان
بالمناسبة دي ياخي ماتجدعنا بي قميص ماشين نزور لينا واحد مقامو عالي
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: ندى عثمان حسن)
|
Quote: يازااتو
نعمل ليك حفلة مشتركة مع عمو غريبة؟
ولاصعبناها عليك؟ |
كده ياندى
مافي مشكلة حفلة مع غريبة بس يدخل بدون كاميرا لانو طال عمرك المعازيم عايزين ياخدو راحتهم ممكن كمان يشرفنا دينق اصلو هو وغريبة حبايب
عقبال بيك نفرح يازينة وعامك الاول شكلو ح يجي لافق مع الضحية يعني ح تاكلينا في خروف ساكت
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: Hassan Makkawi)
|
Quote: حبيبنا زاتو
مبروك
__________________
غريبة إنك تكون دفعة غريبة........ |
مبروك بس كده حاف انا اسع قلت الزول ده ح يشوف لينا كاميرا ديغتال كده ويجدعها بالسنارة لا دي اتش ال ولا يحزنون شنو انتقعطت كده
ياخي غريبة قديم انا بعرفو من قبل حبوبتو ماتقلب مؤتمر وطني
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: محمد صلاح)
|
Quote: مبروك التمنية سنوات بس غريبة ماعندك 3300 صديق وصديقة في الفيس بوك |
محمد صلاح ياصديق
الله يبارك فيك عقبالك بالاسم الجديد كمان انا الاصدقاء والصديقات بختهم في booklet الفيس بوك ده غواصة كبيرة
لكن معقول الرقم ده حقيقي ولا مضروب طيب ماتنزل انتخابات في دائرة الفيس بوك بتفوز بي ارتياح
ياخي انا عندي زي 80 نفر في الماسنجر كلما الاقي واحد نقعد نتعارف من جديد تقول لي 3300
ولله في فيس بكه شئون
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: GamarBoBa)
|
قصيدة بمناسبةبلوغ الزول زاتو الثمانية
قصيدة فجائية : بقلم ابو القاسم قور
ا يا سعدها ،
الخيل عندك والمال،
والثمانية قد بلغتها..
عاديات تصهل فى المدى
راياتك الضحوك
والبوردابية فرّحتها.
حانية اليك الكتابة
بعد أن بشرتها ،
ويا سعد الثمانية
قد بلغتها !!
| |
|
|
|
|
|
|
Re: 14 مارس ثمانية سنين بالبورد (Re: Abuelgassim Gor)
|
ابو القاسم قور
والله قصيدتك دي هي الاخرتني من الرد على المداخلات لانو بي صراحة ماعارف اقول شنو
لانو دي اول مرة واحد يكتب فيني شعر اول حاجة شاكرين مرورك وتاني حاجة شكرا للقصيدة المعبره
ان شاء الله ربنا يقدرنا نشارك افراحك بس قصة الخيل والمال دي كتيره شوية بعدين كل مانملك في هذه البسيطة شفرولية بالاقساط ودي بتخيل لي بتخرب القافية لو دخلت على اي قصيدة لووووووووووووولز
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: ALZOLZATOO)
|
يا الزول زاتوو يوم 25 يونيو يكون مر علينا زواجنا 20 سنة عشرين سنة استعمار استيطانى عاوزكم تعملو لينا حفلة وتمنحونا أنا و(البرتقاله) المدام جائزة الازواج المثاليين .. عشرين سنه لما ريحتنا بقت طير..طير زاتووو
| |
|
|
|
|
|
|
Re: 14 مارس ثمانية سنين بالبورد (Re: تيسير عووضة)
|
يا الزول زااتووو،، غايتو عجبنى ليك، 8 سنين من العمل الدؤوب و الكفاح المستمر،،
بتستحق ليك كم نيشان كدة،
معليش اقبلهم مننا المرة دى، المرة الجاية (نحاول) نعمل الجوائز دهب،،،
نبارك ليك و نهنيك، و عقبال المئوية،،،
| |
|
|
|
|
|
|
Re: 14 مارس ثمانية سنين بالبورد (Re: Hala Hassan)
|
Quote: يا الزول زااتووو،، غايتو عجبنى ليك، 8 سنين من العمل الدؤوب و الكفاح المستمر،،
بتستحق ليك كم نيشان كدة،
معليش اقبلهم مننا المرة دى، المرة الجاية (نحاول) نعمل الجوائز دهب،،،
نبارك ليك و نهنيك، و عقبال المئوية،،، |
هالة بت حسن
حمد الله على السلامة
ياخي والله جيتك مع الامتحانات دي زي الضبحتي لينا
بعدين تصدقي البت الدهب بيعمل ليها حساسية شكلها كده ح يخطبوها من المتوسطة كعروس غير مكلفة
بعدين الدهب مع الشعب المنقب سعرو ما انخفض شوية ههههههههه
عندنا صاحبنا قال اشترى جهاز كشف عن المعادن من الحراج ( الدلالة ) اها قال كلما يصفر يحفر يلاقي ليهو صفيحة او علبة لبن ههههههههه
عشان كده قلنا راتب مضمون ولا سبيكة مجهجهة
عقبال مانفرح بي نجاح الاولاد
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: فادية اليمني)
|
Quote: يا زاتو
انا غايتو بقول ليك حمدلله على السلامة
انه التوم هييى قصدى التور الهائج ده ما هبشك... لوووول
وكل عام انت وبوستاتك بخير |
يابت اليمني
انت قايلة الهكر ده شنو مازول بعدين هو مشكلتو مع سيد الشئ زاتووو لكن مع الاعضاء الغلابة ماعندو مشكلة بعدين اخوك ماببيخاف من التيران لانو ماتادور المشكلة الجواميس لووووووووووولز
كل سنة وانت بالف خير
اللهم جنبناالهكر مابطن منه وماظهر
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: GamarBoBa)
|
Quote: انت مش كان في سنين خدمة قبل 2002 ولا انا ناسي عموما كل سنة وانت طيب والقابلة علي الاماني |
ياقمرنا
الله يبارك فيك والله ماعارف السر بتاع بكوري كل الجماعة جابهم في 2002 لي شنو ان شاء الله لمن نفرح بالسنة الجاية يكون عندك ولد قول امين بس
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: المسافر)
|
Quote: تجي نشترك في قائمة أصدقاء غريبة
وبالتالي يبقى لينا 3333 أصدقاء |
المسافر ياخوي السلام سنة بعدين اصدقاء غريبة ملحوقين
بعدين المثل بيقول quality is better than quantity
اسع عليك الله الزول ده بيتواصل مع العالم دي كيف
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: ندى عثمان حسن)
|
Quote: مااااااايستوى طال عمرج ,
لحدى الوقت داك بكون عملت لى كريدت كويس , هنا وفى الفيس بوك , عليه الحبايب ح يقوموا باللازم |
برضو خليهو يجي بدون كاميرا لانو الضحية فيها شربوت وكده بعدين بالنت ماممكن نشم الريحة ده شربوت ولا حاجة تانية عشان كده ابعدي من غريبة وغنيلو غريبة الدنيا غريبة الدنيا وكم عاشق صبح حيران
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: محمد عبد الماجد الصايم)
|
الحبيب ود الصائم
ياخي خليك واضح وصريح ماتتكلم بالالفاز في البوست بتاعي ده
قالوا لي يوم الجمعة المدام بلعتك الغداء قاطع ليها نومة الصباح وتشيل وتطبخ وتجي بي دم بارد تقول ليها الزول ماجاء
انت عايز تستكرد في اليوم العالمي للمراة ههههههههههههههه
ح نتصل بيهو البنحلم بيهو يوماتي
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: هشام المجمر)
|
Quote: مبروك بس كده حاف انا اسع قلت الزول ده ح يشوف لينا كاميرا ديغتال كده ويجدعها بالسنارة لا دي اتش ال ولا يحزنون شنو انتقعطت كده
|
حبيبنا زاتو
لما تصحى متأخر يوم الجمعة شيك مس كولاتك ياخ....!!!!
بوتك طربتو الشمس....
فى الإنتظار لترتيب الجمعة القادمة إنشاء الله
| |
|
|
|
|
|
|
Re: 14 مارس ثمانية سنين بالبورد (Re: ABUHUSSEIN)
|
ابو حسين الحبيب
الله يبارك فيك شايفك عملت حفل تدشين للحملة الانتخابية لرمزالقندول لووووووووووووولز انا افتكرتها في البداية محل فهو تنزيلات
وماخليت لينا دعوة مادعيتها لينا
ربنا يمتعك بالصحة والعافية وييك طولة العمر
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: Dalal Ezzaldin)
|
دلال الجميلة
تصدقي مداخلتك كانت رقم 888 تلاته تمنيات وفجاة اتغيرت ماعارف تكوني عملتي مداخلة تانية والشغلانة بتتغير اوتوماتيك
اكيد بكرة احلى طالما انتو موجودين عليك الله رائك في الحنك السنين ده شنو
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: الفاتح ميرغني)
|
Quote: ALZOLZATOO كل سنة وأنت طيب وعقبال اليوبيل الذهبي في البورد.
مودتي |
حبيبنا الفاتح ميرغني
الله يبارك فيك باقي ليك للزمن داك الهاكر مابيكون استلم السلطة والثروة او بكوري يزهج من الناس دي ويقوم يبيع المنبر بي ناسو لوووووولز
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: Hassan Makkawi)
|
حسن مكاوي الحبيب
هو ده انت بالله طيب جاني برايفت نمبر لي شنو انا افتكرتها واحده بتعاكس
بالنسبة للبوت ختو في كيس ودخلو الفريزر مع البتاع بالنسبة للكاميرا خليها في العربية عشان التلاجة بتبوظها ياخي ماتحاول الخميس الجمعة دي زمنها ضيق شوية
خلينا الويك اند ده نكون بين البوت والعنكبوت هههههههههههههه
اسف والله شديد مع انو مواعيدك معانا كانت الخميس بالليل
تحياتي لي عبد الجبار
زاتوووو
| |
|
|
|
|
|
|
Re: 14 مارس ثمانية سنين بالبورد (Re: هشام المجمر)
|
الحبيب هشام المجمر
الله يبارك فيك
التابيدة اخدناها خلاص تصدق الواحد مامتعود يخش اي موقع غير سودانز اون لاين لانو مامتعود
صاحب موقع وريف قدم لي دعوة عشان اسجل في الموقع بتاعو تصدق دخلت وماعرفت محل التسجيل وين ده يسموهو شنو اتجاه واحد لا ادروب ولوف
المشكلة انها محبة من صايد واحد بكوري ماشغال بالعضوية القديمة الشغلة وزع للناس مكتبات ماشفنا منو حاجة اتوسطنا لي ناس برضو ماعبرنا غايتو الشكية لي اب ايدا قوية
زاتوووو
| |
|
|
|
|
|
|
Re: 14 مارس ثمانية سنين بالبورد (Re: ندى عثمان حسن)
|
ياندى
انا وسائل الضغط دي ما بستخدمها الحاجة يا تجي وفقا للنظم او القوانين شغل الواسطات والتحت تحت ده مابينفع معاي
بعدين بيني وبينك كده انا زاتي ماعندي مواضيع تستحق ليها مكتبة لانها كلها بوستات وليدة اللحظة يعني الاجيال الجاية ما ح تستفيد منها شئ لوووووووووووووولز
تحياتي
زاتوووو
| |
|
|
|
|
|
|
Re: 14 مارس ثمانية سنين بالبورد (Re: حبيب نورة)
|
Quote: الزول
ربنا يديك العافية
مزيداً من العطاء |
حبيب نورة
الحبيب الكتاباتو سمحةوعاجباني من زقاقات القاهرة لي شرم الشيخ
الله يبارك في ياخي واسف على تاخير الرد عليك لاسباب اجتماعة
بعدين بيني وبينك كده امبارح شفت فيلم كنج كونج هذا الفيلم عند عرضه في الخرطوم دخلت مع مجموعة من الصبية في الحي وكان صف السينماء زحمة شديدة اها وحاتك واحد معانا عصروهو في الصف قال ياحوااااء
بعد انتهاء الفيلم نكر نكران مبين انو صرخ باسم امه قال يمكن ده فلان وفلان هذا برضو امو كان اسمها حواء وتصدق هم جيران حيطة بالحيطة لووووووووووووووووووووولز
تحياتي
زاتوووو
| |
|
|
|
|
|
|
|