|
يعني شنو " دهـم " التحول الديمقـراطـي ؟؟ !!
|
دهم من مداهمة يعني ولا شنو ؟؟
عنوان كبير مكتوب في واجهة المنبر ..
(( ملتقى أيوا لدهم التحول الديمقراطي ))
ايوا عرفناها والتحول الديمقراطي عرفناهو
دهم دي محلها من الإعراب شنو يعني ؟؟
يا جماعة والله ضرستونا عديل كده
حتى لو قلنا غلطة مطبعية .. موش ممكن تتصلح ؟؟
كمان لو دهم عملوا ليها معنى تاني ورونا
|
|
|
|
|
|
|
|
Re: يعني شنو " دهـم " التحول الديمقـراطـي ؟؟ !! (Re: عبدالله الشقليني)
|
عبد الله إزيك ..
الأخطاء واردة يا عبد الله .. لكن كمان مرات في غلطات شينة شينة لمن بهناك ..
أها زي الغلطات الشينة دي حقو الناس تسميها باسمها الحقيقي ..
الغلط الشين والفاضح والفادح زي القاعدين نشوفوا ده اسمو الحقيقي هو : البلادة
في غلطات بتاعت بلادة جد جد .. عشان ما كل مرة نقعد نظلم الكيبورد المسكين ده
وفي لغة هيروغليفية حايمة بي كرعينا في البورد ده ..
يعني لمن زول يكتب : "أحداث مؤسوفة" أو "أحداث يؤسوف لها" ..
دي ممكن تكون دقسة طباعية ولا دي اسمها بلادة راسا عديل ؟؟
في نماذج يندى لها الجبين صراحة
| |
|
|
|
|
|
|
Re: يعني شنو " دهـم " التحول الديمقـراطـي ؟؟ !! (Re: تبارك شيخ الدين جبريل)
|
يا تبارك ..
ما عاوز أقول ليك الجواب يكفيك عنوانه ..
لكن الكتب عنوان البوست بتاع "الدهم" داك خنقه وفطسه وجاب أجله من قولة تيت ، وضرسنا بالعنوان العجيب والمشاتر ده
من تشوف العنوان بجيك إحساس انو الشغلانة فارغة ساي، أو حاجة زي العوارة عوارة كده ..
غايتو إلا كان تخش البوست تشاطرهم النضال والكفاح الاسفيري من باب المجاملة ساي وفي النفس شيء من حتى !
| |
|
|
|
|
|
|
|