|
|
 مشاتر المغلوب على أمره يترشح للإنتخابات 00 !!!
|
هذا هو برنامجي الانتخابي
و هو ليس بالشعر ولا بالنثر
و لا هذا ولا ذاك 00
ولكن هذه دعايتي الانتخابية 000
و أصواتكم أنا عارفه
مضمونة ميه الميه 000
بس داير أقول
لإصحاب المقام العالي
و يا القاعدين في الحكم طوالي
و الله حيرتونا
و شتتوا أفكاري
داير أسالكم كمين سؤال
انتو لمن جيتو الحكم
شاورتونا ؟
و كمان لمن عملتوا الإنتخابات
هل أخدتو راينا أو كلمتونا ؟
يا كبار القوم
يا الدايرين
تترشحو
و تنططو
و ترقصو
ما سألتونا
نحن المغلوب على أمرهم
وأصحاب الوجعة الحقيقية
و الأغلبية
الموجدين في كل الدنيا
في الضهاري والفيافي
في البيادر و البوادي
في الموانئ و المراسي
في المرافي و المنافي
دايرين نسألكم عن حال
البلد الحدادي مدادي
و الكترو عليه الأعادي
و بدأت تمزقو الأيادي
و ليه إتفشت فيه
العنصرية و العرقية
و الطائفية و القبلية ؟
البلد الذي أنهكته الحروب
و الخوف باكر يكون بلا جنوب
دايرين نقول ليكم أصواتنا علينا عزيزة
و ما بنديها ساكت سليقة
الظاهر إنتو دايرين أصواتنا نحن الأغلبية ؟
عشان تدخلوا بيها البرلمان أو الجمعية
و باكر نحن ما نلقى حق الطعمية !!!
المرشح
مشاتر المغلوب على أمره
الدائرة رقم : مليون ميل مربع
|
|
  
|
|
|
|
عثمان سيد أحمد
فيس بوك
تويتر
انستقرام
يوتيوب
بنتيريست