|
Re: المريخ العظيم: بطل الكاسات المحمولة جواً (Re: أبو عبيدة البصاص)
|
وعبيدة سلامات فترة طويلة شايف الصهاينة ماسكين في موضوع الستة كاسات المحمولة جواً زي مسكة الصهاينة اسياد الاسم في عدد ضحيا المحرقة النازية وتضخيمه. كنت عاوز أسأل وملاوز، قلت يا ود يمكن في غيبتك عن البلد ديك ناس المريخ لقطوا كاسات إفريقيا لمن بقن ستة. فجأة تذكرت العارف بالأخبار شيخنا قوقل فسألته، فإذا بي أفاجأ بكاسات –ما خلا كأس الكؤوس- ما أنزل المجد بها من لمعان!! كم مرة كأس سي مين كدا ما عارف وكم مرة كاسات one night stand زي كاس بني ياس دا ياخ دي كاسات وسخ خشم ساكت الأندية السودانية ما عندها إنجاز بطولي يذكر غير حصول المريخ على كأس الكؤوس الأفريقية المشكلة انو الرشاشات دخلوا في خط "الكاسات المحمولة جواً" دي وبدوا يعدوا!
| |
|
|
|
|
|
|
Re: المريخ العظيم: بطل الكاسات المحمولة جواً (Re: Ashraf el-Halabi)
|
اشرف
طيب خلونا نستمتع زيهم كم سنة,,وبعدين نشطبهم دا ما جديدنا
يحكى ان احد رجالات الهباتة,,ان ابنه سرق ليه حمل من طرف الحلة,,اها اهل الخروف المستقبلى جاءو لوالد الشافع مطالبين برجوعه,,قال ليهم امشوا الزريبة وشيلو بداله خاروف كبير دا جديد ولدى ما بديكم ليه,,, اها دحين قول للصهاينة دا جديد الهلال,ما بنشطبو قريب ,,سنظل نحتفل به سنين بريمة التى ترك فيها الكورة
بس احسب معانا 1-..محمول جوا
| |
|
|
|
|
|
|
Re: المريخ العظيم: بطل الكاسات المحمولة جواً (Re: abuguta)
|
Quote: يحكى ان احد رجالات الهباتة,,ان ابنه سرق ليه حمل من طرف الحلة,,اها اهل الخروف المستقبلى جاءو لوالد الشافع مطالبين برجوعه,,قال ليهم امشوا الزريبة وشيلو بداله خروف كبير دا جديد ولدى ما بديكم ليه |
هههههههههههه الهمباتي طلع بتاع ثوابت يا بو لدن لو عدينا ليكم دا كاس يبقى ضمنينا وافقنا على عدد ضحايا المحرقة حسب التعداد الصهيوني, (أخير ليكم قولوا باص) بالتالي الاستاندرد حا يكون داوون شديد وزي ما بقولوا سقف التطلعات حا ينخفض, تقوموا بعد يومين تلقطوا ليكم عتود من طرف الحلة وتركبوه الطيارة ويبقى اسمه الكاس التاني جواً, وهم يجيبوا السابع من نفس المراح وهكذا. لكن لو أصريتوا يبقى مافي حل غير نشتغل بنظرية الإزاحة يعني أول جديدكم دا يزيح ليه سخلة من هناك, فبدل 6/1 يبقى العدد 5/ صفر, وهكذا لغاية ما المراح ينضف ويكون جاهز لاستقبال التيران أبان زنود
كدي شوف جدنا كافور قال شنو
Quote: "كان كافور الإخشيدي وصاحبه عبدين أسودين، فجيء بهما إلى قطائع ابن طولون، صاحب الديار المصرية وقتئذ، ليباعا في أسواقها، فتمنى صاحبه أن يباع لطباخ حتى يملأ بطنه بما شاء، وتمنى كافور أن يملك هذه المدينة ليحكم وينهى ويأمر، وقد بلغ كل منهما مناه… فبيع صاحب كافور لطباخ، وبيع كافور لأحد قواد المصريين فأظهر كفاءة واقتداراً. ولما مات مولى كافور قام مقامه، واشتهر بذكائه وكمال فطنته حتى صار رأس القواد وصاحب الكلمة عند الولاة، وما زال يجد ويجتهد حتى ملك مصر والشام والحرمين. مرّ كافور يوماً بصاحبه فرآه عند الطباخ بحالٍ سيئة، فقال لمن معه: لقد قعدت بهذا همته فكان كما ترون، وطارت بي همتي فكنت كما ترون، ولو جمعتني وإياه همة واحدة لجمعنا عمل واحد." |
| |
|
|
|
|
|
|
Re: المريخ العظيم: بطل الكاسات المحمولة جواً (Re: Ashraf el-Halabi)
|
اشرف
انت معترف بكأس الكؤوس الافريقية ( مانديلا 89) للزعيم المريخ...... اوكىّ !! طيب و الكأس ده جاء للسودان محمولا بطائرة اى جواً ؟؟؟ رجاء لما ( الهليل) يجيب بس ( كوؤيس) واحد زى بتاع الزعيم ده ، يمكنناعندها فقط ان نسمع لك اما سياسة ( التبخيس) التى تنتهجونها ( بنو زرقان) فما عادت ذات قيمة فى هذه الايام عندك انجاز انت صاحب صوت عالى ..... ما عندك انجاز ( الزم الجابرة)
| |
|
|
|
|
|
|
Re: المريخ العظيم: بطل الكاسات المحمولة جواً (Re: Ashraf el-Halabi)
|
سلامات يا كوستا
Quote: طيب و الكأس ده جاء للسودان محمولا بطائرة اى جواً ؟؟؟ |
هي القيمة في الطيارة والا في البطولة وقوة الفرق المنافسة؟ دي عاملة زي لما واحد من الفراشة في السوق ينادي على بضاعته الكاسدة "جايبنه بالطيارة وبايعنه بالخسارة" يا مان لستة المريخ دي كلها ما فيها غير كأس الكوؤس ولستة الهلا لا زالت بيضاء من غير سوء
| |
|
|
|
|
|
|
Re: المريخ العظيم: بطل الكاسات المحمولة جواً (Re: Ashraf el-Halabi)
|
Quote: ولستة الهلا لا زالت بيضاء من غير سوء |
سلامات ياشرف
يا مان طالمالستة الهلال لا زالت بيضاء من غير كأس ( و اشكرك على التعبير المعدل ..طبعاً التعبير الحقيقى هو الصفر الدولى الكبير) يبقى عليكم بان ( تلزمول الجابرة .. و تختوا الكورة واطة) و أسال الله ان يسوّد صحيفة الهلال البيضاء من غير سوء بسوءة كاس ( اقصدبنقطة حبر)
تحياتى
| |
|
|
|
|
|
|
|