شُعَـــاع
شعاع من ضيك آلسمحه فتح طاقة غناي للنيل كتب فجراً منو البِمحا إذا صبحك سنا القنديل ؟! هواكِ القُدرَه للقمحه .. تقاوِم بيك عِِناد السيل بهاك آ قمرا لو لمحه .. يِفرتِك ،، فينا ،، أحلك ،، ليل.

01-19-2010, 04:41 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
رِجِيتِكـ .. في مباهج الشوق وفي المطر النزَل من فوق يبَـاصِر في يباس مشنُوق وفي شِق الشَقَا المشقُوق لقيتِكـ .. في مزيج الدم مؤكسَدَه بي نصيح النَم وفي القلب الرقد بالهم وفي حلق الفضا المطلوق رقد حُسنِك مليح مِنجَم يدوبي غناكِ هجعة ليل.

01-19-2010, 04:46 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
بشُوفِكـ .. في رُبوع أُم دُر شُعاعِك بلَّ شوق بحري غِشا ( الخرتوم ) وفي الحَـلاّل بسيطة الحال هوي ( الكُربَاب )* يغازل أم دوم. ___________ * مسقط رأسي

01-19-2010, 04:53 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
سمِح قولِكـ .. كما طولِكـ .. علي هامة الجروف مشتول عيون تريانه بي بلداً لِبِس تاج الغُنا المسدول شُتُولِك فارعه زي طولِك سمـَاح .. من قُمنا كان هُولِكـ وبي خُدَرة هواك مَجدُول نخيلِكـ .. سامي زي نيلِكـ يقالِد شُفعاً زينين برغم الضَلمَه و ( الدُودُو ) يكوُسُو اللمّه لي شليلِك.

01-19-2010, 04:58 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
و زي .. ما شِلتِي حيل جِنيات أكيد بِتشِدّو حيل شيلِك هواكـ .. البُوقَه والتربال تسُترِي الحال علي كيفِك . برغم الشيمه والشلاّل مرارة الحاله والأحوال برغم الغُربه والأوحال يقاسي سماكِ سيف صيفِك ومافِي البِذكُرِك بالشين لا في الفاتُو ولا الهسّه ولا بعدين.

01-19-2010, 05:06 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
سَماحِكـ .. يا عدِيلنا الزين نريدِك وإنتي : ( الليله وين لا وين يا عيني أنا وعجبوني كالو العين ) فيا عِزّاً مع التكوين حرِيرَتنا ودَميِرتنا عروستنا وأميرتنا خرزنا وسوطنَا .. سَيرَتنا ضريرَتنا وجبيرَتنا وعاوي الجَرتِق أب ضحوي بُشارة خيرنَا .. غِيرتنَا بُطان للركزَه بِتلاوي بلد بِترَاعي جِيرتنَا وإذا ما احتِرنَا في شِيتاَ براك بِتفِكـِي حيرتنا.

01-19-2010, 05:15 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
مِنو الغيرِك بِضارعِك طُول ؟!! مِنو البِقدر يزينِك قول ؟! شعاعِك عنو ما في عُدُول .. وَهَب فرضِك غُنا الجندول دهب أرضِك كمان شنقُول و شِن بِنقول ؟ وأيه بِنقول إذا عَرضِك بِسُترِك طول ؟ وأذا نيلِك عليك مسؤول يجيب خير التَسَاب مَنتول من الهضبه لا ( فَنقول ) * ______________________________ * قريه صغيره من قري شندي تنام علي جرف صخري بموازاة النيل.

01-19-2010, 05:22 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
مُـرُوةَ الزول ضُراع وآحِد وإنتي آ سمحه بي ضراعين ضُراع الأزرق العاتِي وساعد الأبيض أب وِزِين قصاد المقرن إتلاقوا كما الغايبين كما الراجعين من الغربه ومشتاقين دُغُش إطايبوا ومرَقوا سقوكِ العافيه والأمجاد كَسوك نيلين ونِجِض زرعِك علي فرعِك وإنتي المافي في شرعِك موت قندول .

01-19-2010, 05:34 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
بريدِك يا بلد مِن قُـم .. وريدتك فيّ عميق سَاسَـه أدوبِي اشجيك أنِم واشتُم أكوس لِك في الغنا كواسَه أجيك مسدار أجيك تُـم تُـم ومره الكلمه رَصّاصَه ما بَدَلنِي زُورن هُـم لا البَاعوك ولا الخانوك ولا السَاسَه لا أغراني فِكر الصُـم ولا الأحزاب ووسواسَه أريدِك نيل يفيض ويعُم جروف بلداً عُزاز ناسه أريدك ريد وبيك مكتول معاي في دمي وين ما احوم أشيل من كومي ازيدك كوم معايا في صحايا حتي النوم إذا فرحان وإذا مهمُوم نومي آ سمحه زَينه بتول وإذا نقصت وِسادتِك يوم أنا المسؤول.

01-19-2010, 04:45 PM

الطيب شيقوق

الطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
هييييييييييييييييع كع عافي منك عقب عقب عقب ومحل رهيفة تنقد

01-19-2010, 05:41 PM

رشيدة عثمان فقيري

رشيدة عثمان فقيري
تاريخ التسجيل: 08-09-2009
مجموع المشاركات: 666

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: الطيب شيقوق)
مزيدا من الجمال يا فاروق.

01-21-2010, 05:29 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: رشيدة عثمان فقيري)

Quote: مزيدا من الجمال يا فاروق.

يا مراحب بحرفك ووجودك
يا امرأة النهر والصولجان.

كل الجمال لك رشيده فقيري

مودتي

01-20-2010, 03:29 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: الطيب شيقوق)

Quote: هييييييييييييييييع كع عافي منك

عقب عقب عقب ومحل رهيفة تنقد

آطيب إت يا تك ؟

محل رهيفه أكتر من كدي وين

إن شاء الله ( تتلتق )

باقي ما فضلت فينا مُرُوه ( للرقيع ).

فترنا والبلد كمان فترت.

تحياتي

01-23-2010, 04:36 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
.

01-23-2010, 05:00 PM

Egbal Elmardi

Egbal Elmardi
تاريخ التسجيل: 04-08-2007
مجموع المشاركات: 1148

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)

Quote: .شعاع من ضيك آلسمحه

فتح طاقة غناي للنيل

كتب فجراً منو البِمحا

إذا صبحك سنا القنديل ؟!

هواكِ القُدرَه للقمحه ..

تقاوِم بيك عِِناد السيل

بهاك آ قمرا لو لمحه ..

يِفرتِك ،،

فينا ،،

أحلك ،،

ليل.

Quote: .مُـرُوةَ الزول ضُراع وآحِد

وإنتي آ سمحه بي ضراعين

ضُراع الأزرق العاتِي

وساعد الأبيض أب وِزِين

قصاد المقرن إتلاقوا

كما الغايبين

كما الراجعين من الغربه

ومشتاقين

دُغُش إطايبوا ومرَقوا

سقوكِ العافيه والأمجاد

كَسوك نيلين

ونِجِض زرعِك علي فرعِك

وإنتي المافي في شرعِك

موت

قندول .

ممتع .....

01-25-2010, 06:26 AM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: Egbal Elmardi)

Quote: ممتع .....

متعك الله بأطنان العافيه

كل التحايا يا إقبال.

كل الود

01-27-2010, 11:04 AM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
يا بت من قمنانكوسك .. لا غابت فينا ملامحك .. لا اتشتت ضي فانوسك ..

01-27-2010, 03:46 PM

ابو جهينة

ابو جهينة
تاريخ التسجيل: 05-20-2003
مجموع المشاركات: 22551

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: فاروق أبوحوه)
مرور بدون تعليق فالصمت في حرم الشعاع حق مشاع هواكِ القُدرَه للقمحه .. تقاوِم بيك عِِناد السيل تحياتي يا زول يا نيل

02-01-2010, 02:48 PM

فاروق أبوحوه

فاروق أبوحوه
تاريخ التسجيل: 07-26-2008
مجموع المشاركات: 2242

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: شُعَـــاع (Re: ابو جهينة)

Quote: مرور بدون تعليق
فالصمت في حرم الشعاع حق مشاع

هواكِ القُدرَه للقمحه ..

تقاوِم بيك عِِناد السيل

تحياتي يا زول يا نيل

يا شهقة الانفاس
يا آول الرشفه
يا اخر اللهفه
يالانقي والصافي
- يحي فضل الله -

يا ريس

وين إحتمال نلقاك فيك ..
أو فينا دميره ..
أو بعض عباب من حرفك.

شكراً يا زول
ما صمتك حرفو كلام.

كل الود

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]