أسمحوا لي أن أقوم بنقل موضوعي أدناه والذي نشرته بالخطأ في منبر اليوم الحار للهندسة والمعمار فأنا راجل لا أصلح حتى أن أكون نجار
الأيام دي طبعاً الدنيا قايمة ولم تقعد بعد عندنا والسبب أن هناك عدد كراسي أقل من عدد الناس الواقفين وسوف يقعد البعض بطريقة أو بأخري على الكراسي المحدودة وسوف يقعد البقية الباقية أرضاً إن أرادوا أما إذا أخذتهم العزة بالإثم فسوف يفضلو واقفين دون شماعه تدعم وقفتكم أو حيطه. ومع تقديري لكل الذين يعانون من وجع الركب أو كروشهم تمددت بالقدر الذي لا تسمح لهم بالجلوس أم قللو أو من يعانون من أى عيب خلقي آخر مكتسب أقول لهم أنا لا ناقة لي ولا بعير في هذا الأمر لأنني مررت بالكثير من الإنتخابات بدء من الجامعة مروراً بالمجالس البلدية والمحلية والقروية ورئاسة الجمهورية وحتى الجمعية الخيرية في حينا لم أقترع في الكثير من تلك اللجان أو أدلي بصوتي ومع ذلك كنت أجد أن نسبة فوز فلان بالمقعد الفلاني تجاوزت المائة في المائة بقليل تخيلوا أليس هناك من يمتنع عن التصويت أو يصوت للإتجاه الآخر ولا الحكاية شكلية بالقدر الذي أصبحت عايره وأدوها صوت. دا كلو كلام خارم بارم في تقديري وأتحمل نتائج هذا التقدير البائس ، بس كنت داير أعرف شنو يعني حزب سياسي ، أها وحاتكم جريت جري على عمكم قوقل وقلت ليهو فضلاً حزب سياسي سيرش وبعدها إنتر أها ظهرت لي كمية بتاعت نتائج قلت أختصرها وأشوف ناس الويكيبيديا، الموسوعة الحرة أريتهم ناس السرور الخاتين قول لو كتبت ليهم شدر العشر يا ناس أو جردقه أصلو ما بقولو ليك ما بنعرف طوالي يرصو ليك المعاني لمن تتحير وما تعرف تختار شنو ، أها مره قلت أتحايل على قوقل وكتبت ليهو "شلعوها الخوالده" وقايل نفسي من جهلي إنتصرت عليهو ، قام قال لي يا عنزة يا وهم هذه قرية تقع في الجزيرة بالسودان وعيييييك ما فضل ليهو إلا يقول لي فيها كم بيت وكم دكان وآخر حفلة عرس تمت فيها متين. أها إتبومت وقلت أخير أعمل فلوستوب وسطر جديد. أها على ذمة الموسوعة الحرة فإن الحزب السياسي يعرّف كالتالي: الحزب السياسي هو تنظيم سياسي يسعى إلى بلوغ السلطة السياسية داخل الحكومة، وعادة من خلال المشاركة في الحملات الانتخابية. والأحزاب السياسية تمارس الديمقراطية في داخلها من خلال انتخاب أعضائها في أمانات الحزب المختلفة و صولا إلى انتخاب رئيس الحزب، و ترشيح أعضاء ينتمون للحزب لخوض الانتخابات . الأحزاب السياسية كثيراً ما تتبنى أيديولوجية معينة ورؤى، ولكن يمكن أيضا أن تمثل التحالف بين المصالح المتباينة. في العلوم السياسية توجد عدة تعاريف للأحزاب السياسية. تقليديا ركز علماء السياسة على دور الأحزاب السياسية، باعتبارها أدوات للترويج ترشح في الانتخابات للمناصب العامة يعرف الأحزاب السياسية على النحو التالي : "حزب سياسي هو جماعة منظمة رسميا أن يؤدي وظائف وتثقيف الجمهور لقبول النظام فضلا عن الآثار المباشرة أكثر من اهتمامات السياسة العامة، ويشجع الأفراد لتولي المناصب العامة، والتي تشمل وظيفة الربط بين الجمهور ومتخذي القرارات الحكومية. أها يا جماعه أحزابكم ينطبق عليها التعريف دا ولا شايتين ضفاري قبل أن ندلي بصوتنا ولا أقول ليكم كان ما غنيتو لي الأغنية بتاعت أى صوت ما حا أصوت ويمكنكم أخذ صوتي بالقوة زي الكثير من إنتخابات دول العالم الثالث صوتو بيهو ورجعوهو لأنني أجاركم الله أعاني من أعراض تشابه أعراض H2O أقصد h1n1 بس الكويسه دي بالإسمول ليترز يعني ما فيري كريتيكال
والله يا الملا عمر جيت اعتل ليك بوستيك ده من غياهب الجب البوردي ولقيتو يا كافي البلا فاقد الصحبة و متكول زي برش الصلاة في المسيد المهجور ... كان أخير تخليهو قبلو محل درعتو قبيل احتمال كان زول هببو ليك، مافات كتير رفعناهو ليك علشان يسقط تاني جمبلغ بسبق الاصرار و الترصد ... لا تسأل عن اشياء ان تبد لك تسوءك و تسود عيشتك و تقول ليتني بجهلي كنت راضي ... هب انك عرفت وجا زول حزبي و فسر ليك الماء بعد الجهد بالماء حتعمل شنو؟ قرض على دي " الأحزاب السياسية كثيراً ما تتبنى أيديولوجية معينة ورؤى، ولكن يمكن أيضا أن تمثل التحالف بين المصالح المتباينة" و ابحث عن مخارج لروحك في حتة المصالح المتباينة لانها في النهاية بتجيك انت في اسفل السلم الاجتماعي كمواطن في هيئة سعر السكر و نسبة المسرطنات في العيش و مدى لايقة الكسرة في غداك الساعة خمسة ... متابعة الانتخابات و السواطة السياسية كالتدخين يقتلك ببطء فلا تسرع فالموت اسرع و خبر النهاردة بقروش بكرة ببلاش وقت جو حكمونا كانو حزب؟ ما سعوهو وقت تبدلت المعادلات و شهيد عرس الشهيد صبح فطيس ....
01-31-2010, 04:55 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
الرائع جلال بن داؤود يا أخي إنت بالذات أبعد عن هذه الناقلة عشرة أقدام فأنت زول بتكتب بكلتا يديك وبصراحة خليك في الأدب لأنه بعض السياسة قلة أدب ويقيني بأنك أرفع من هذه المنازل تحياتي يا رائع يا جميل وشوف لينا غور نسبره معاك
02-01-2010, 09:35 AM
almulaomar almulaomar
تاريخ التسجيل: 07-08-2002
مجموع المشاركات: 6485
شكراً عزاز على تكبدك مشاق العتاله برغم ما فيها من مخاطر في أدناها تلقي ليك دبيب في برش الصلاة المتكول في المسيد المهجور ، فالناس في سوادها الأعظم أصبحت تصلي جمعاً وقصراً هذا إن فعلت. كلامك كلو في محلو والحال كذلك سوف أعمل بالنصيحة ولن أتعاطى السياسة ، وما دفعني على هذا الفعل القبيح هو الحالة العامة التي يمر بها المنتدي العام المساير للأوضاع السياسية في البلاد. عزاز أنا كنت راكب الموجه وخائض مع الخائضين وهأ انذا أنزل واخلي الباقي للكمساري كمان. شكراً مرات ومرات
02-01-2010, 09:43 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
almulaomar
Abdel Aati
ابو جهينة
محمد سنى دفع الله
طارق جبريل
فيس بوك
تويتر
انستقرام
يوتيوب
بنتيريست