|
Re: البوردابي كمال ادريس ـ طرف لندن ـ مبروك المولود الجديد (Re: عبد اللطيف السيدح)
|
ياسلالالالام ياعبود ياخ عقدتني عديل كده بالبوست ده
لانو زوارو زينة ونجوم اشكرك ان نورت دربي بهم ياصديق
* شكرا ياريس بكري وعقبال لما نحضر سماية ولدك الجديد
* سعادة العميد شكرا لتهانيك الباهية ... والصغير حيكون خواجه برضو.
* أمين يابلديات اشكرك على دعوتك السمحة
* يابروف انحني لمرورك الكريم وننتظر عزومة انضمام العيال لمانشستر.
* اختي ميادة تعرفي ام يوسف خذلت البنات ... كانوا بيتنوا اخت خامسة عشان يضمنوا لي الجنة ... شفت البنات كيف حنينات!!.
* شكرا ابو خزيمة ... راجع المسنجر... واكيد المحبة متبادلة ياصديقي.
| |
|
|
|
|
|
|
Re: البوردابي كمال ادريس ـ طرف لندن ـ مبروك المولود الجديد (Re: تاج السر محمد حامد)
|
ياعبود ... رب اخ لم تلده امك... لاتزال نجومك تترى
* الشقيقة حواء شكرا على الاهداء ... وعقبال وليداتك ... والسماية ديك عند الحبش بس الكزي لينا الزعيم,
* تسلم يا ابوبكر وعقبالك بتيمان حلوين.
* رفيق الدرب تيتا... شفت كيف (الفرع) لذيذة... تحياتك لجنابو وصلت... سلامي للعيال.
* ربي يهنيك بعيالك يا تاج وتبقي جد قريبا ونحضر السماية في جدة.
| |
|
|
|
|
|
|
Re: البوردابي كمال ادريس ـ طرف لندن ـ مبروك المولود الجديد (Re: راشد فضل)
|
* الزول الجميل مزمل شكرا ونجيك في الافراح يارب.
* صديقي الرائع أحمد الشايقي حننتظرك بالسماية ماتتأخر(دي دعوة لتكرار الزيارة).
* العزيز محمد ابراهيم اسعدني اهدائك وانشاء الله نبارك ليك التيمان.
* راشد يا حبيب ... والله صحبك يتلفت زي بتاع الغريبة وعامل فيها حريف والبرد ماهاميهو... تحياتى ومحبتي.
| |
|
|
|
|
|
|
Re: البوردابي كمال ادريس ـ طرف لندن ـ مبروك المولود الجديد (Re: Hisham Ibrahim)
|
* اخي ابو شيمة ممنون (ابو عمة) على تهانيك... و(اللفة) مجانية بهذه المناسبة ليومين بس.
* هارون ياولدنا بركة التبريكات الجابتك ... تحياتي للاسرة الكريمة.
* إيهاب بله نبارك ليك في العديل والزين يارب.
* جارنا وعمدتنا العوض مشكور ياخي وقسمتك من السماية بتصلك ... بس ماتنسى تباصي لمزمل.
* ههههههه ياعبد الدايم ياخ بالغتا ... ياحليل المطار القديم وزحمتو.. سلامي للصغار.
* ابو الطيب اوعدك في ابريل وقت الختان نجمع ليكم الخروفين سوا استجابة لمطالب بورداب جدة.
* يا أمير قروش الخرفان حولتها للمسؤول المالي للبورداب (طبعا انت عارفو) شكرا ياجميل.
* الزعيم السماني ممنون جدا للتبريكات ... جعل الله ايامك افراحا.
* أخي الاكبر الأمير محمد على ... تهانيك أبهجتنا... تحياتي للأولاد.
* العزيزة دوما خالص التقدير والامتنان على التهنئة ... ماعدمناك ياست الكل.
* شكرا هشام ياصديقي ... تلقى رقمي على البروفايل (يعني مافايتك برضو) تحياتي لكل اهل الحلفايا والدمام.
خالص الود لكم جميعا
| |
|
|
|
|
|
|
Re: البوردابي كمال ادريس ـ طرف لندن ـ مبروك المولود الجديد (Re: محمد عبد الماجد الصايم)
|
* ابو عبيدة ياصاحب ممنون والله ومشتاقون لعشرة ونسة.
* الحبيب الرفاعي عقابلك شقيق لمحمد يشد من اذره.
* العمدة والدفعة آدم شحوتاي لك الشكر والحمدلله اطمأنينا على قلبك الحنين.
* محمد حسن في الضباب بضبحوا دجاج بس، ههههه فلتنا منها السبعة... تحياتي للعيال.
* ود الصايم ... الضيف الا عبر الاسكايب ... ومصطفى متكيف وساكس القطن النازل من السماء... قال عايز يشيل ليكم شوية في كيس.
| |
|
|
|
|
|
|
Re: البوردابي كمال ادريس ـ طرف لندن ـ مبروك المولود الجديد (Re: كمال ادريس)
|
صديقي العزيز كيمو ...ألف مبروك المولود الجديد ويربى في عزكم إن شاء الله ... وحمداً لله على سلامة المبروكة أم العيال ... غايتو سماية في الرياض وسماية في لندن ... تب حقنا ما بنخليهو ... إن شاء الله عشوة في مطعم الخرطوم.
أخوك الأيام دي أموره ملخبطة شوية ... جري وطيران غلب النعام .. بس خليها على الله.
شكراً أخي عبود عبد الرحيم على هذا البوست الرائع ...
تحياتي
| |
|
|
|
|
|
|
| |