|
غســـلوا عند يوســـف .. !!
|
يوســـف ..
شاب اسمر في مقتبل العمر .. يعاني من عاهه جسديه قديمه .. لم يستخدمها كي يستجدي بها ملاليم قليله .. بل شرع يمتهن مهنه شريفه .. يغسل سيارتك .. بضع جنيهات تعطيها له دون ان (تقاول) .. يأخذها منك ومعها ابتسامه عريضه .. وشكر برائحه عرق شريف ...
يوســـف .. لا يريد منا مساعده اواعانه .. دعواتكم الصالحه .. بس غسلــــــلوا عندو ...
|
|
|
|
|
|
|
|
Re: غســـلوا عند يوســـف .. !! (Re: khaleel)
|
Quote: هو في الغسييل
زي يوسف
والعجيبة كمان يمتاز بعفة وخلقة
وراجلا فنان
|
يا سلاااااام يا خليل (يا صاحب كيكي) .. يوســف د شاب مريح بشكل غريب .. والله علاء وانا متكيفين منو جنس كيف .. عليك الله تغــسل عند يوسف يا خليل ,, انت وكل من تعرف ..
--- اكلك بسيط
| |
|
|
|
|
|
|
Re: غســـلوا عند يوســـف .. !! (Re: saif massad ali)
|
الاخ سيف مساعد .. حمد لله على السلامه وعودا حميدا ..
Quote: اها والله انا زول علي قدر حالي ماعندي سيارة(يعني بالعربي مابسوق ) |
كفايه مرورك هنا وتشجيعك .. والغر من البوست انو نشجع امثال يوســف رفعك للبوست في حد ذاتو مكسب .. برضو كلم كل البتعرفهم في السودان يغســلوا عند يــوسف ..
--- تحياتي من شمس تقلى الحبه
| |
|
|
|
|
|
|
Re: غســـلوا عند يوســـف .. !! (Re: داليا الكباشى)
|
يوســف ..
يجلس كل يوم (من صبــاح الرحمـن) قباله الجامع الكبير .. في قلب السوق العربي ..
ابحثوا عنــه ,, وعن ابتســامته الدافئه الممتنه ..
غســلوا عندو ..
اغســل سيارتك عند يوســف ,, تكون اعنت اسره, وشجعتوا على الاستمرار , وكفيتوا شر السؤال, ولميت اجر.
وكمان غسلت عربيتك .. موش مبالغه ..؟؟
| |
|
|
|
|
|
|
Re: غســـلوا عند يوســـف .. !! (Re: داليا الكباشى)
|
لان تعلمني كيف اصطاد السمك خير من ان تعطيني سمكة كل يوم . شكرا داليا علي تشجيع يوسف علي ان ياكل من عرق جبينه ,, واكيد من يساعده بان يغسل عربيته وهو متاكد من اخلاقه سيكون مرتاح علي عربيته .. قلتي لي القاه وين عليك الله ياداليا يوسف ده ؟؟؟
| |
|
|
|
|
|
|
Re: غســـلوا عند يوســـف .. !! (Re: عمران حسن صالح)
|
Quote: اغســل سيارتك عند يوســف ,, تكون اعنت اسره, وشجعتوا على الاستمرار , وكفيتوا شر السؤال, ولميت اجر. |
داليا سلامات .. وللمرة المليون .. مليون مبروك! والله ما عندي سيارة عشان أغسله عند يوسف ، أنا زول مواصلات ساي ، لكن شوقتينا نلاقي الراجل ده .. ونقيف معاهو .. ونشد من أزرو .
لكِ التحية وسلامنا لي العريس علاء ..
| |
|
|
|
|
|
|
Re: غســـلوا عند يوســـف .. !! (Re: محمد عبدالله مختار)
|
الاخ محمد عبد الله مختار .. تحياتي وربنا يبارك في عمرك انشالله وعقبال اولادك يا رب ..
يوســف .. موجود ومتوفر قدام الجامع الكبير كل يوم الصباح حتى المساء ما عدا يوم الجمعه .. حتى لو لقيت طريقه تغشاهو تسلم عليهو ساي يكون جميل جدا وتشجيع بيديهو دفعه لي قدام .. لانو زول فــارس وجدع ..
--- تحياتي اليك اخــوي محمد , عـلاء وأنــا ..
| |
|
|
|
|
|
|
Re: غســـلوا عند يوســـف .. !! (Re: داليا الكباشى)
|
Quote: تسلم انشالله , ربنا يديك الف عافيه , وما تنسى تغســل عند يوســف .. مكانو هنا ,,
|
داليا..حبابك...وحباب يوسف الزول النظيف مثل غسيلو....وجميل ان يعيش ألأنسان من عرق جبينه ولايستجدى ألأخرين
أنا حاجز بأذن الله الله مكان تمبس الفى الصورة ..وأغسل عند يوسف....والله يوسف لقاها إعلان بالمجان...
| |
|
|
|
|
|
|
Re: غســـلوا عند يوســـف .. !! (Re: ياسر بيناوي)
|
الريس القادم ياسر بيناوي .. تمشي من دربك تعمل زياره تشجيعيه لي يوسف , ودا في حد ذاتو كفايه ,, ومنها زاتو حمله تروجييه لي الرئاسه اللي ماشي عليها بي قوه ,, لوووووووووووول ,,
تحياتي بيناوي وربنا يوفق مساعيك لما فيه خير ,,
| |
|
|
|
|
|
|
Re: غســـلوا عند يوســـف .. !! (Re: عمر صديق)
|
عمر صديق صباحك خير .. بس معقوله الوصيه ما يبقى عليها عشره .. ؟؟ (لووول) بالمناسبه , عـلاء هو اللي اكتشف يــوسف دا , غسلنا عندو عربيتنا مره وبعدها طوالـي علاء قال لي تاني نغسل عند الزول دا طوالي , لانو بالجد زول شريف وكافح , وما استغل الاعاقه حقتو عشان يتسول بيها ,,,
--- انت لسه ما وقفوك ؟ (وش غامز)
| |
|
|
|
|
|
|
Re: غســـلوا عند يوســـف .. !! (Re: ismeil abbas)
|
المحترم اسماعيل عباس ...
كلامك جميل , وكما عهدتك دوما شيال تقــــيله ,, يديك العافيه و يوســف في انتظاركم جميعا عشان تغســــلوا عندو ,,
---- صاحبــك لو مدد تاني يكون بالغ موش (وش مستهبل) ..
| |
|
|
|
|
|
|
Re: غســـلوا عند يوســـف .. !! (Re: الكباشى البكرى)
|
داليتنا عروستنا الجميلة ذات الروح الطيبة ربنا يديك كل جميل في الدنيا ويزيدك من فضله ويخلي ليك العريس (شبهينا وإتلاقينا) ويحفظه.
الفقر في أجزاء من بلادي يقطع أنياط القلوب .. وأنت في غمرة أفراحك الخاصة لم تنسين أحدا تكبرين في قلوبنا كل يوم .. تطولين وتزدادين شبرا
نشوفك أخصائية قلب كبيرة كقلبك (بلا ربة منزل معاك ) لتسعدي وتشفي الكثيرين .. يا عروستنا العثل
ألف مبروك وبيت مال وعيال وعافية وعلم
| |
|
|
|
|
|
|
Re: غســـلوا عند يوســـف .. !! (Re: Hadeer Alzain)
|
سلامات يا داليا عنوان بوست جميل و معبر و يخلو من روح الاستعلاء او الاستجداء البتكون دايما مطاردة البوستات المن النوعية دي
وعد، اكلم الناس البعرفهم في الخرطوم، يغلسو عند يوسف و كل من سار علي نهج يوست
-------------- روحك جميلة يا داليا زي خلقتك ما شاء الله، ربنا يحفظك
| |
|
|
|
|
|
|
Re: غســـلوا عند يوســـف .. !! (Re: esam gabralla)
|
هووووووووووووووي يا ود جبر الله ..
زمان كنت بخاف منك ولو سمعت بي اسمك ساي ولا قريتو في بوست بقوم جايه طوالي لاني عارفاك شكال وبتاع لبط .. لكن الحمد لله الله اداني سيد اللبط زاتها لوووول , يعني بالعربي كده كلامك دا لو ما سحبتوا في مده اقصاها عشره ثواني ابتداء من اول امبارح حا اخليك واقف في البرد في نص مطار الخرطوم وافاك يئمر عيش ,, ---- الترجمه : قفاك يقمر عيش .. بس كيف ما عارفه .. لووول .. رسل زمن الوصول ياكيشه ..
| |
|
|
|
|
|
|
Re: غســـلوا عند يوســـف .. !! (Re: مزمل خيرى)
|
داليا العروس تحياتى ليك وللاخ علاء ....
ياخ الزول دة انا بعرفو زى جوع بطنى وبعرف كل غسالين العربات فى المنطقة دى بحكم عملى فى برج البركة 9 سنوات وكتير منهم حضرت مناسباتم وبينى وبينم ملح وملاح فهم فعلاً يستحقون هذا البوست ومساعدتهم ... يالك من جدعة ونادرة !
| |
|
|
|
|
|
|
Re: غســـلوا عند يوســـف .. !! (Re: ابراهيم عوض عمر)
|
الاخ ابراهيم عوض عمر ..
يا سلام عليك .. شهد شاهد من اهلــلها .. شفت يوسف دا زول مهذب كيف ..؟؟
المهم في الموضوع دا انو لازم لازم لازم انت وكل الناس الهناك تغسلـــلوا عند يوسف اتفقنا ..؟؟
تحياتنا اليك , عـلاء وانـا ..
| |
|
|
|
|
|
|
Re: غســـلوا عند يوســـف .. !! (Re: مزمل خيرى)
|
مزمل خيري (الزواغ) ..
لازم تمشي تغســل عند يوسف , وتدينا رايك , واهم حاجه تسوق الاميره جوان معاك .. ياخ البنيه دي فترتها من قعده البيت .. ما بتجيبها معاك ليه ..؟؟
--- فــالح تزوغ بس (ههههه)
| |
|
|
|
|
|
|
Re: غســـلوا عند يوســـف .. !! (Re: خالد المحرب)
|
عمو خالد المـحرب .. تحياتي ,,
تسلم على الكلام الجميل وربنا يديك الف عافيه .. مرورك في البوست شرف كبير لي ..
تحياتي لي خالتو عفاف المرأه الاميره .. تحياتي للبنات وللاموره منــه ..
| |
|
|
|
|
|
|
Re: غســـلوا عند يوســـف .. !! (Re: Hadeer Alzain)
|
هدوره الاموره .. والله كلامك الجميل دا خجلني وما عارفه اقول ليكي زاتو شنو .. غايتو ربنا يديكي على قد لطفك الفنان دا .. وبعدين تعالي هنا .. وينك انتي لينا فتره طويــيله ما تلاقينا في بوست ..؟؟ لوووووووووووول ..
زي ما قلتي في ناس بالجد محتاجين لكن نفسهم عفيفه .. ودي صفات الفرسان التي لا يمتلكها الكثير من الناس ..
تحياتينا اليكي ,, عــلاء وأنـا ,,
----- برضو احى حاجه المراه تسويهاانها تكون ست بيت ..(وش غامز)
| |
|
|
|
|
|
|
Re: غســـلوا عند يوســـف .. !! (Re: الكباشى البكرى)
|
الكباشي البكري .. ود عمي الاسفيري ..
يوسـف شغلو مكرب , وامين جدا واخلاقو عاليه , وعلى ضمانه تمبس (ما عندنا نسوان بيضمنوا لووول) (اسي الجندريات يجوني طايرين لوول) منتظرين عقدك الاحترافي لي يوســف , انشالله مرتين في الاسبوع , عشان ما يفقد زباينو الهناك ,,
تحياتي يا اخوي وتسلم ..
| |
|
|
|
|
|
|
Re: غســـلوا عند يوســـف .. !! (Re: عبدالله ود البوش)
|
عمنا ود البوش , النيه زانله سيدا ابوي انا ودي اهم حاجه , وانا الله اداني راجل نيتو زي اللبن والله .. يديهو الف عافيه , والشغل دا كل من صميم افكارو والله على ما اقول شهيد .. ربنا ادان الوسيله البنسمع بيها صوتنا للناس , لو كل فتره وفتره ساعدنا لينا زول زي دا , اكيد ربنا بيفتحها في وشنا , بالدعوات الصالحات وبي محبه الناس النضيفين الزيكم ..
تحياتي للاولاد ,, انشالله امورهم تمام .؟؟
| |
|
|
|
|
|
|
Re: غســـلوا عند يوســـف .. !! (Re: داليا الكباشى)
|
داليا بتي وتمبس ولدي والله خائف عليكن زي جناي من يوم ما ربنا لماكم وانا ادعو الله ان يحفظم انت قائلة الناس البسو الخير ما محسودين
Quote: وانا الله اداني راجل نيتو زي اللبن والله |
تمبس لايحتاج شهادة من مخلوق تمبس شاهد ليهو رب العالمين
ربنا احفظمهما بين غاب قوسين اذا الليل وغب من شر حاسد اذا حسد واجعل من ينظر اليكم بعين الحسد كوتد خيمة نصفه في الارض وعنقه في الحبل وراسه للسندال العيال طيبين يا داليا ومنتظركن عشان افرحو بيكم تحياتي للود علاء
جمعة مباركة يا عيال
عمكم مختار
| |
|
|
|
|
|
|
Re: غســـلوا عند يوســـف .. !! (Re: khaleel)
|
داليا برافو عليكي اول حاجه مبروك و الف الف مبروك و بيت مال و عيال ان شاء الله
ويا ريت لو كل زول يقدر يتبنى ليه مشروع لي زول محتاج.... يبقى الحال بينعدل
معاكم بيبقى الزمن حاضر و احلى تحياتي للعريس
| |
|
|
|
|
|
|
Re: غســـلوا عند يوســـف .. !! (Re: BitAlhana)
|
بت الهنا .. بت المنى ..
تحياتي اليكي يا ملكه وربنا يبارك في عمرك انشالله .. يوســــف تكلمي بيهو اي زول بتعرفيهو في الخرطوم عشان يغسل عندو ,, اتفقنا ..
تحياتنا اليكي ,, عــلاء وأنا ..
| |
|
|
|
|
|
|
Re: غســـلوا عند يوســـف .. !! (Re: khaleel)
|
الأعزاء..أصدقاء صديقنا يوسف المفارقة العجيبة .. من خلال تجوالنا .. في الخرطوم مرت نماذج كتيرة منها المضحك والمبكي والمفرح والمحبط ما لفتأ انتباهي وداليا موقف موازي لفكرة يوسف المكافح .. صادفني في الطريق .. شخص في عنفوان شبابه لا أحسده على نعمة الصحة والعافية ولاجميل هندامه ولا طلعته البهية أو استفزاز عطره وتسريحته بل استفزتني طريقته الغريبة في لفت انتباهي وهو في مواجهتي بابتسامه غريبة ومفردة اولاد الحلة التي استعملها بمهنية لشد انتباهي ثم مباغتتي بسيناريو اعتقد انه اجتهد كثيرا في الوصول إلى أعلى مستوى فيه يتطور حسب اختياره لضحيته: والله يا أبو الشباب أنا جاي من سفر وقروشي قط ...... قطعت حبل احتياله بعبارة سريعة وفي بالي يوسف الذي كنا قبل لحظات قليلة وعلى بعد خطوات وهو يصارع الاعاقة بثبات وعزة نفس عالية منعته حتى من كشف اعاقته الجسدية .. وسحب قدمه اليسرى ليثبت بها طرف (الفوطه) المتدليه من (ابتسامته) الجميلة.. يا الله .. هكذا تضع الجمال في عبادك ... وتمنحنا القوة؟؟ شكرا يا داليا على التشجيع بفكرة البوست .. وفكرة اتاحة الفكرة على مستوى أوسع وشكرا للزميل الصديق .. محمد عبد القادر في الرأي العام لتشجيع نموذج يوسف .. بنشرها في الصفحة الاخيرة صباح اليوم .. شكرا كلكم ولو لا ضيق الوقت .. كان رديت ليكم واحد واحد .. الاجازة قربت تنتهي طبعا ..
http://www.rayaam.info/Section.aspx?pid=499&sec=13
| |
|
|
|
|
|
|
Re: غســـلوا عند يوســـف .. !! (Re: doma)
|
ماما دوما تسلمي انشالله على الكلام اللطيف ..
يوسـف يستحق منا انحناءه جميعا .. اخلاقه وطبعه وطيبته لا مثيل لها والله ..
--- تحت تحت كده , علاء صحتو تمام التمام , وصلني بنفس الوزن دا , لكن شكلك شفتي الصور الزمان اللي قبل العمليه , ومن ناحيه طبيه وصحيه لازم كان ينقص وزنو بعد العمليه ويثبت على وزن معين لكن بالنسبه للصحه , فهي عال العال يا خالتي دوما,, شكرا لاهتمامك بابنك علاء ..
| |
|
|
|
|
|
|
Re: غســـلوا عند يوســـف .. !! (Re: Hadeer Alzain)
|
Quote: برضو أحلى حاجه المراه تسويها انها تكون ست بيت ..(وش غامز) |
يا داليتنا الزول المعطاء زيك كدا يا أميرة حرام يبقى ست بيت فقط (إلا إذا أصر سي السيد ) بعد داك عاد ببقى ما عندنا أأييي كلام ... لووول
محتاجين ليك ياخ تبقي لينا أخصائية عشان في المستقبل تسلكي لينا أنا وأعمامك الفي المنبر ديل شرايينا من الدهون والعولاق الحا يتراكم فيها
كدي تمي أفراحكم دي (ربنا يديمها عليكم) وبنتفاهم ..(وش غامز)
Quote: تحياتينا اليكي ,, عــلاء وأنـا ,, |
تحياتي وتقديري لأجمل الحلوين
| |
|
|
|
|
|
|
Re: غســـلوا عند يوســـف .. !! (Re: Hadeer Alzain)
|
عروستنا الحلووووة وسميى الجسور الشامخ (يوسف) وحبيبنا المفقود
التحية لكم يا حلاوين حلاوة
انا ما بقتح كثير الكلام لكن فى حاجات حلوة طلعت منكم مين السبب ما عارف انتو حددوا
جهلها فى ميزان حسناتكم وكفاكم بها مصيبة الدهر عمل جميل ونبيل يستحق الاشادة
لكن اولاد المسلمى الله يجزيهم خير نقلو المقر بسرعة الى الكرين
وعشان نشوف يوسف لازم نشترى سيارة والله شغلة ......
انشاء بكون يد واحدة مع الجميع
تحية خاصة للعريس المفقود ...........الخميس قرب هههههههههههه
| |
|
|
|
|
|
|
Re: غســـلوا عند يوســـف .. !! (Re: Yousif A Abusinina)
|
داليا كباشي
نظرت إلي يوسف مليا ...مليا
وتذكرت بعض الذين إلتقيتهم يسألون الناس وصحتهم زي البمب
تحدي الفقر والإعاقة في آن
امر شاق لايقدر عليه إلا من كانت عزيمتهم قوية
وإحترام النفس وقيمة العمل
يعني هذا الموضوع بداخله تفاصيل ماهينة ياداليا
دة زول بالجد محترم
زميلي في المكتب طالع معاي البوست وعندنا فكرة صغيرونة كدة أضربي لينا
| |
|
|
|
|
|
|
Re: غســـلوا عند يوســـف .. !! (Re: doma)
|
بوست واحة إنسانية .. ورسالة روح للعندو روح ومعنى لوجوده .. وعبادة . حتى الزياره هنـا والإبتسام ليوسف ( ومع يوسف ) عبادة .. هي العباده دي شنو غير إنو روح الدين السمح تتحكر في روحنــا .. وتغلغل جواها ويرسل لينا الرسائل والإشارات بأن حمدكـ لله قولاً لا يكفي لإعطاء الخالق حقو .. الحمد لله وشكره يكون أيضاً في إحساسنا بالآخر .. وإبتسامة هذا الآخر رغم ضنكـ عيشه تذكير بالكثير إن كنا نرضى بالتذكير .. ويا داليا وعلاء أنتم أخوة دم وإضافة لدنيتي التي يحفها أمثالكم ..
| |
|
|
|
|
|
|
Re: غســـلوا عند يوســـف .. !! (Re: Yousif A Abusinina)
|
ابو سنينه يا صديقي .. تحياتي ..
يوســف لسه شال في نفس المكان , جمب الجامع الكبير , واقتاح الكباشي البكري جميل لكن لسه ما ادانا نجيضه فيهو ..
عموما ضروري توري اي زول يجي يغسل عند يوسف , وماشالله في كميه من زملاء المنبر , وكمان المتصفحين مشوا غسـلوا عند يوسف ,,
--------- الخميس في عينك ! (وش بدا البكا من اسسسي)
| |
|
|
|
|
|
|
|