|
|
 كلاب الخرطوم ..يا خوانا الكلام دخل في اللحم الحي ..
|
السلام عليكم ..
كثرة الاقاويــل في مدينة الخرطوم - امدرمان -بحري ...حكايات الكلاب المذؤوبة ..والكلاب الثعلوبة ..والكلاب السعرانه والكلاب المفترسه ..كلها لاتعدو كونها ضربا من التخريفات الناتجة عن عدم وجود جهة توضح للناس حقيقة هذه الكلاب ومصدرها مما يجل علامة الاستفهام قائمة حتى ظهور الحقيقة للناس.
لم نسمع حتى الان عن ظهور تلك الحيوانات في ولايات الشمال ؟؟ ولم نسمع عن ظهورها في ولايات تحادد ولاية الخرطوم شرقا او غربـآ.
هل هذا سوء في اجهزة الإعلام؟ مما يزيد من تدحرج الاشاعة بين الناس حتى تصل الى كرة ثلج كبيرة يصعب تذويبها.
الامر دخل مراحل متقدمة في خوف السكان على ابنائهم وعلى انفسهم وحيواناتهم الاليفة والداجنة. كيف الحل؟ سلسلة من التساؤلات تنطلق في كل اتجاه ..
الوصول الى الحقيقة يحتاج تضافر الجميع لمعرفة الحكاية من أولها :
كنت قد عايشت حدثا عن الكلاب عندما كنت في القاهرة في العام 2005م
تناولتها الصحف المصرية وتحدث عنها الناس كثيرا
حدثت ظاهرة غريبة في منطقة المقطم او الجنوب ومن مدينة نصر بالقاهرة ظاهرة كلاب كتلك المذكورة الآن .. وبدأت الجرائد بالكتابة ..الأمن المصري حاصر تلك الكلاب وقام بي ابادتها التي قتلت كثير من المواطنين المصريين في منطقة الصعيد وحوصرت في جهة الجنوب حتى اختفت تمامآ...جنوبا أي قادمة الى السودان وليس ذلك بعمد إنما تركوها في العراء من بقى منها حتى تموت عطشآ وجوعآ جهاز الأمن المصري وجهاز حماية الحياة البرية وغيرها من الاجهزة المعنيه قوية جدا .
الخرطوم الآن:
الجرائد تكتب ..والناس تقرأ وعدو الإنسان الآن هو الإعلام اي كان ..عموما ..يقال انها اتت من الشمال ويقال انها قدمت من ليبيا ..ويقال في الرواية المتداولة الان ان رجلآ كان يربي هذه الكلاب وقام بي تهجينها وتدريبها وتكاثرة في مزرعته ولم يستطيع إطعامها ..لانها متوحشة وقام بي بفتح باب المزرعة ورحلت !!!!!!!!!!!! ((طيب ياخي عليك الله موش كان احسن تجيب البوليس ويكتلن ؟ ولا خايف انها تكون جناية لو عرفو الحاصل ؟ طيب ياخ كتلن براك !! إشاعة طبعا عامله سحابة غيم في الخرطوم الايام دي وكثيرة جدا)) ..يقال ان احد مربيين الكلاب تركها في الخلاء ذكور وإناث وعادت مره اخرى بعد ان أكملت أكل الجرذان والحشرات وغيرها من المأكولات الخلوية !!مضحك :-))> ..شرطة امن المجتمع وغيرها من الشرطيين (نحن على حما المواطن ..ونكثف حملاتنا لي إبادتهم) ممتاز ..برافو ..((وجايبين اول امبارح 6 عساكر فرحانين ماسكين ليهم كلب ومصورين معاهم في جريدة الدار وبعض منكم اكيد شاف المنظر ..واشك انو يكون ده هو !!!.فلاحة الإعلام وفلاحة الشرطة ..مبروك ربنا يوفق .وشكرا لجهودكم .! ))
أمس البارحة الساعة 1 ليلآ بمدينة أمدرمان وفي الحي الذي إقطن فيه تمنيت ان اكون مستيقظآ عادتي السهر الى 3 صباحا فقط تلك الليلة غفلت مبكرآ ..فإذا بجنايني الحي عمره 70 عامآ مساكآ بهراوة وعتلة وقتل واحد من تلك المفترسات امام منزلنا الذي يكن على الظلط الرئيسي من الحي ولم استطيع اخذ الصور او حتى دم المفترس امام منزلنا لانو عرفت متأخر والتراب غطا الدم (الحقيقة) .
...الله يكون في العون .
:-((
|
|
 
|
|
|
|
|
|
|
|
Re: كلاب الخرطوم ..يا خوانا الكلام دخل في اللحم الحي .. (Re: محمد حسن بشير)
|
تحياتي وسلامي محمد حسن بشير
يسعدني في البداية أن أرحب بك في عالم سودانيزأونلاين
اختيارك للموضوع وعرضك له يبشراننا بالقادم من عطائك
وفي الموضوع
سبقتني في طرحك وعرضك لهذا الموضوع الهام والهام جداً
كنت في حديث مساء أمس مع أهلي في الخرطوم بحري . نقلوا لي كثير مما رويته في ثنايا بوستك
الإضافة كانت عدد الضحاياواختلاف أماكنهم فلم تعد الظاهرة في الأحياء الطرفية ( على أهميتها ) بل وانتقلت كذلك حتى وسط المدينة ( طفل الختمية مثالاً )
أصبح الناس في حالة طوارئ حقيقي حيث لا خروج من المنازل بعد المغرب وحيث المنازل مضاءة طوال الليل ، شعارهم الجديد " الجمرة الخبيثة أرحم من الكلاب المتذئبة أو المتثعلبة "
هى دعوة إذاً للأخوان والأخوات
البياطرة
الشرطة
لجعلها حملة لتبيان ماهية هذه الحيوانات التي روعت أهلنا
من يقف وراءها ؟؟
كيفية محاصرتها والقضاء عليها ؟؟
______________________
لا يفوتني أن أحيي الصديق ناذر الخليفة فقد كان أول من قرع جرس الإنذار
وقال لنا إنه " يرى شجراً يسير "
فما صدقناه
| |
|
|
|
|
|
|
|
|
Re: كلاب الخرطوم ..يا خوانا الكلام دخل في اللحم الحي .. (Re: عاطف عمر)
|
.
.
.
تعرف ياود البشير
المجنني الناس دي شالته الهاشميه ولمت ليك في الكلاب دي من طرف
حتى الكلب النايم تحت الزير داك لما مرات تشك انو ميت برضو كتلتو !!!
ولسه الشتاء ما كمل ونحنا نومنا تقيل اكانت الكلاب دي مساعدانا مع الحرامية
وهسي الشتاء يادوب بدى يسخن يعني امشير وطوبه وشنو ما بعرف
ونحنا علينا تقل نوم تقل بطانيات
يعني الحرامي ممكن بي بساطه يسرق السرير النايمين فيهو
والله غالب
البصاص
| |
|
|
|
|
|
|
|
|
|
Re: كلاب الخرطوم ..يا خوانا الكلام دخل في اللحم الحي .. (Re: أبو عبيدة البصاص)
|
هههههههههه فعلا اخي البصاص كما ذكرت ..الهاشمية دي زاتو انا كنت بفتش فيها كلابنا زاته بقت ما فاهمة حاجه تخيل بقو بالليل وعلى مستوى مجموعات بقو يتحركو ..حتى الكلاب زاته بقت خايفه من البحصل يعني الموضوع اخد محور ومنعطف غريب ..واسهل حاجه بقت الإشاعة في البلد دي مع انها صحيحة لكن معاها حبت صواريخ نووية تفبركا دي المشكلة ..وياما وياما سمعنا وشفنا وطرحنا ونضمنا ..والله غالب وشكرآ اخي لإطروحك ..لك الود ..
| |
|
|
|
|
|
|
|
|
|
Re: كلاب الخرطوم ..يا خوانا الكلام دخل في اللحم الحي .. (Re: كمال ادريس)
|
اكيد اخي كمال ..كما وضحت ..وكما ذكر ايضا اخي عاطف (ماهية هذه الحيوانات التي روعت أهلنا من يقف وراءها ؟؟كيفية محاصرتها والقضاء عليها ؟؟) تساؤلات لابد من العمل الجاد من الإخوة المسؤليين لإجابتها ..لكن نحن بطبعنا برضو بنفهم ونقدر نعرف ونقدر نكون اهل ثقه لحماية انفسنا والغير ..والحمدلله على كل حال ..شكرآ الأخ كمال للمداولة ..نواصل ...
ويبقى الســؤال وطرح الأخ عاطف ..
ماهية هذه الحيوانات التي روعت أهلنا
من يقف وراءها ؟؟
كيفية محاصرتها والقضاء عليها ؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
| |
محمد حسن بشير
ashraf mukhtar
عاطف عمر
أبو عبيدة البصاص
كمال ادريس
فضل الصادق
فيس بوك
تويتر
انستقرام
يوتيوب
بنتيريست