|
|
 احـــــــــــلام فـــــــــــأر ( يوجد شاكوش )
|
الفار وقف.....
جنب القفص ...
سافر خيالو سرح بعيد
لو اكرمو رب العباد
جكسوية واحدة من الجداد
يتزوجا .. ويعيش سعيد
تكفيهوا لا شركاً يصيدو
ولا كديس
تحميه من حظو التعيس
فطورو بيض
وغداهو بيض
وعشاهو بيض
أحلامو بيض
صاحبنا ما اتردد وقال:
قال لي الجدادة تعالى جاي
انا عندي ليكي كلام كتير
قالتلو هاي يالفار اخوى
انشاء الله خير
قال ليها خير
بس منكسف
قالتلو قول ما تنكسف
الفار رجف
طقطق اصابعينو ووقف
قال للأسف
انا ما بقول
احساسي وضاح
ومشاعرى ما عايزة الفضول
الجدادة استغربت
اتنفضت واتهوززت
قاتليهو
ياخ ما تقول يا فار
صاحبنا قام
قال ليها طمعان في الجوار
الجدادة اتدللت
قاتليهو هيي ما انت جار
الفار سرح
راح الكلام منو ووقع
قال لي الجدادة بلاش دلع
لو جاكي فار طالب القرب
طالب ايديك
طالب الغرام من مقلتيك
رايك شنو؟
قاتليهو اييييييييييك
ما يسمعك في الحلة ديك
الفار كضم شم الوضع
شتت مشى
وعيونو من كتر الزعل
ما شايفة حاجة مطششة
ومشاعرو كيف متخربشة
حرد الفطور
حرد العشا
ورسم على جدار الزمن
صورة الجدادة ونقشة
وقال الجدادة قست علي
وعملت علي متحنكشة
باكر بعرس ستها
تمسح دموعي تقشقشة
منقوووووووول
خالص الود
|
|
  
|
|
|
|
|
|
|
|
Re: احـــــــــــلام فـــــــــــأر ( يوجد شاكوش ) (Re: ياسر بيناوي)
|
إزيك يا بيناوي
فار مشوكش دهـ فار ما محظوظ
هاك دي
ثلاثة فئران بيتونسوا ويستعرضوا فى امكانياتهم:
الاول قال ... أنا سم الفار دهـ آكله عادي مع الاكل
الثاني قال ... أنا الشرك ابو حديد داك عادي بنطه كانه ما حصل شئ
الثالث قال ... عن إذنكم أنا ماشي ... الفارين الاوائل قالوا ليه مالك ماشي وين؟
قال ليهم مجكس لي كديسة وباقى على الموعد دقيقتين
| |
|
|
|
|
|
|
| |
ياسر بيناوي
الفاتح شلبي
مزمل خيرى
عبدالله كع
فيس بوك
تويتر
انستقرام
يوتيوب
بنتيريست