|
Re: أنا فقير، ومن أسرة فقيرة من عامة الشعب مضيفا في نبرة تباه أنا تربيت بـ«الحلال» ! ولد دااا! (Re: البحيراوي)
|
Quote: وقال «الذين يتبجحون بمجانية التعليم، لقد كانت مدارسهم خاوية من الكتب والكراسي».
|
المدارس الخاويه من الكتب و الكراسي خرجت افضل السودانيين و خرجت اجيال يندر ان يجود االزمان بمثلها و كفاات نادره في العالم كلهم الان مشردين في انحاء الكره الارضيه او توفاهم الله غبينه. زمان كان الطلبه بيقعدوا في الارض و عشره بيشتركوا في كتاب لكن ما سمعنا بطالب بيدفع قروش عشان يكون دكتور, لا سمعنا بمليون جامعه خرجت مليون غير مؤهل ولا في طفل طردوه من الامتحان عشان اهله ما عندهم رسوم يكفي جوله بس في شوارع الخرطوم عشان تشوف اعداد مهوله من الاطفال في سن الدراسه الابتدائيه في الشوارع بيغسلوا العربات او بيبيعوا السجاير, الخرطوم القريبه دي ما تطلع بره و لو بعدت شويه امشي سوق بحري, شيل كراسيك و كتبك يا البشير و معاها جامعاتك الفاشله و خلينا نقعد في الارض ثاني و خلي اطفالنا يرجعوا المدارس ثاني متفنيين لكن على الاقل ما اميين. و انت شوف حنبدع كيف و نتفوق.
|
|
|
|
|
|