|
Re: خلاص بدينا الجرسة و الحمبكة و الخرخرة .. (Re: عصام دهب)
|
لا ما بقاطع
عارف ليه ..المقاطعة كان ممكن تكون لو نحنا في وضع سوي والناس ما مقفولة 20 سنة وفي جيل كامل ما حضر انتخابات..المشاركة اول خطوة باتجاه تفكيك دولة الحزب الوحد ....على اقل تقدير الجماهير بتكون اخدت خبرة في التعامل مع الانتخابات ... الشئ التاني الانتخابات دي ختت السودان تحت المجهر ..والنظام لحد ما داير يعكس انها انتخابات نزيهى وفي حرية ... يبقى على الاحزاب تستغل الوضع ده وتستفيد منو وتتحرك بحرية اكتر تجاه الجماهير
من جهة تانية في تزوير ..ايوة في تزوير... الانتخابات ما حرة و نزيهة ...نعم ما حرة ونزيهة ...واتحدى اي زول يقول غير كدا من المعاش و اليومي في ايامنا دي ... بس مقاطعتها تسهيل لعملية التزوير وترسيخ للمناخ الما حر و ما نزيه ده... يعني يتوفر على ناس المرتمر الوطني تعب وقروش وتديها ليها باردة... ده ما صحيح ... نكاتل حتى لو مانزيهة عشان المرة دي ونحنا بنكاتل نسبيا برانا الجاية بيكون في وعي اتخلق عند الجماهير وبتكاتل معانا
وبعدين الناس بتقاطع عشان تفضح النظام وتضغط علىهو ..وده في الانظمة البتخجل او التحت ضغط دولي... نظامنا ما كدا لا بيخجل ولا مصالحوا بتتضارب تماما مع النظام العالمي ..قادر يتلون حسب حاجات العالم عشان كدا هو ما مزعج شديد للعالم عشان يضغط عليهو... التغيير قضيتنا تماما والسلاخ بتاع المقاطعة لا بودي ولا بيجيب... عشان كدا لحدي اخر رمق نحن نار
لك تقديري
|
|
|
|
|
|
|
|
|