|
عم عبد الله وصلتوا العجله .. وقال ليكم الله يفتحها عليكم .. شكرا لتجـاوبكم ..
|
عم عبد الله .. حـارس مدرسه ابتدائيه في الدروشاب شمال .. وعندو عجله بيتواصل بيها .. وداقي فيها صندوق بيبع فيهو شويه فول وتسالي وترمس .. جــا زول ما عندو ذمه ولا اخلاق .. سرقها من قدام بيتو ..!! عم عبد الله وهو راجع من صلاه الصبح ما لقى العجله .. ولا شويه البضاعه اللي فيها واللي سعرها ما بتعدى ملاليم .. لكنه يسدق رمق صغاره .. عم عبدالله راجــل ما ساهــل .. احتسب عند الله وواصل شغلو .. لمن خالتي (مديره المدرسه) عرفت الحاجه دي .. اتأثرت جدا .. بالمناسبه .. عم عبد الله كنت بسمع بيهو كتير منها .. انو راجل مثابر ومجتهد ومؤمن .. والاهم من كده نفسو عفيفه .. وامين جدا .. كلمتني ماما بالموضوع ..وكتبت كلام عنو في بوست الجالات الانسانيه .. وفعلا .. ناس البيت دا ما خيبوا ظني .. جات الاستجابه باسرع ماكنت اتصور .. من بوردابي .. فاعل خير رفض ذكر اسمه ..
ومشيت جبت العجله ووديتها ليهو ... واداني وعد يدعو ليكم كلكم كل يوم .. موش بختنــا ..؟؟؟
|
|
|
|
|
|
|
|
Re: عم عبد الله وصلتوا العجله .. وقال ليكم الله يفتحها عليكم .. شكرا لتجـاوبكم .. (Re: ismeil abbas)
|
عمو اسمــاعيل عباس .. ماي فيفرت بوردابي افر .. لوول انت عارف انو الزول دا عجلتو اتسرقت وهو بيصلي بي الناس الصبح حـاضر ...؟؟ (ومن يتق الله يجعل له مخرجا ويرزقه من حيث لا يحتسب).. وبالجد امورو كانت مسهله جدا .. الاستجابه كانت سريعه جدا .. وكمان صاحب المحل لمن عرف انو العجله لي عمل خير .. ادانا منفاخ هديه !! وعرض انو يوصلها لينا .. شكرتو وقلت ليهو معاي امجاد . . لكن كان بشوش جدا في التعامل ..السودانيين ناس جميلين ..
شكرا على كلامك الحلو اللي ما بستاهلو .. وربنا يكرمك في الدارين .. احترامي انا الاشد .. --- ما عندك وصيه من هنـا ؟؟ لوول
| |
|
|
|
|
|
|
Re: عم عبد الله وصلتوا العجله .. وقال ليكم الله يفتحها عليكم .. شكرا لتجـاوبكم .. (Re: اساسي)
|
Quote: يا عتيق ما شايف انه تعليقك دا سخيف وفيهو نوع من التريقة والسخافة المافي زول طالب منك تكتبها هنا. بعدين دا عمل خير كل القدرك عليهو الله انك تستخف بيهو؟ طيب ما دام شايفهم قصروا دق صدرك وابقي قدر تركيب صندوق التسالي او اتلهي اسكت |
يا شيخنا لا سخافة ولا هم يحزنون .... فعلا كنت مفكر انو يكملو جميلهم ..او اني اساهم بالموضوع دة ..ليس الا ...
وليس من طباعي الاستخفاف بفاعلي الخير ....
| |
|
|
|
|
|
|
|