|
|
 ثرثرة
|
ثرثرة مشتاق
*********
باغتني الحنين ليك .. جريت أجفاني علي عيني وشبهتك بقصيده حبيته .. العصاري اوقات الشوق المخيف بذات إذا كان الشتاء بتاوق .. إتخيل الدنيا عصر والشتاء بتاوق لينا ليو أيام .. إسترجعت معاك خطاواي و قصص قلته (أنا الجابني هنا شنووووووو !!!!) ضحكته وخفته عليك من الغربه ...... الجواك. مشيت قدام مسافة شارع وبيت بيت في قصيده قلناها سوا (بين ريتا وعيوني بندقيه) ديشااااك زمن البنادق الفي زنادن طقطقه وريحة حريق .. كل ما أتذكر ذاك الموقف اتذكر اني أخرق (أني اتنفس تحت الماء إني أخرق أخرق) والأخرق هو من لا يحسن التصرف حسب علمي نحنا سوا خرق (خرق وجسور) خرق وجسور الموده البينا ما بتنكسر مش ؟ كالعاده بسألك وعارف ردك .. هل يا ترى عرفته الشوق ؟ رب أخ لك لم تلده أمك .. رب أحدا خلقه الله ليكون انت لي انا لك.
|
|
 
|
|
|
|
|
|
|
 Re: ثرثرة (Re: مرتضى احمد عبد القادر)
|
عذراً حبيت أثرثر ليكم في أول بوست فإستحملوني وأخترته ثرثرتي وأنا مشتاق عشان أبعد من النقاشات والشكل وياريت ثرثرتي تنزل برداً وسلام عليكم وتذكركم بناس مشتاقين ليهم وبتحبوهم
التوقيع: زول ثرثار
| |
|
|
|
|
|
|
|
|
 Re: ثرثرة (Re: مرتضى احمد عبد القادر)
|
والله لاني اشم فيك رائحة حبيبتي وصديقتي وتوأم روحي نازك لها شآبيب الرحمة واشم فيك روح امي البتول ربنا يحفظها ويخليها لينا
حبينا نسلم يا مرتضى ونبل الشوق يا عزيزي ومرحبا بك في سودانيات الذي يسع الجميع بكل الحب وبكل ادب الخلاف
فضفض وبوح وهات ما عندك
وقبلاتي لبنتي سحر وابنائي غسان واحمد وقول ليهم سها وسارة بسلمو عليكم
ودمت يا مرتضى
| |
|
|
|
|
|
|
|
|
Re: ثرثرة (Re: مرتضى احمد عبد القادر)
|
| Quote: مداخلتك فتحت أعظم باب شوق وغلبني الكلام والبوح |
أعاود الثرثرة من جديد وبما إنها ثرثرة مشتاق في عدد من أعضا المنبر الزول بيشتاق لكتاباتهم ومداخلاتهم مع إني عضو جديد بالمنبر لكن حفظت أسماءهم بسرعة وبقيت بستناهم يكتبو .
| |
|
|
|
|
|
|
|
|
|
Re: ثرثرة (Re: مرتضى احمد عبد القادر)
|
أحد أولائك الذين أحب كتاباتهم الخال أمين محمد سليمان له مني كل الحب والإحترام أستمتع جدا لقرأة مداخلاته الظريفه ويضحكني كثيرا وفي المواضيع الجاده يدهشني بالهدوء وطول البال ومدى إحترامه للآخر
أسي ياعمو أمين أنا كان ما ثرثرته هنا كنت حتعرف إني بشتاق لي حروفك؟؟
| |
|
|
|
|
|
|
|
|
|
Re: ثرثرة (Re: مرتضى احمد عبد القادر)
|
مرتضي الثرثار 
Quote: أحد أولائك الذين أحب كتاباتهم الخال أمين محمد سليمان له مني كل الحب والإحترام أستمتع جدا لقرأة مداخلاته الظريفه ويضحكني كثيرا وفي المواضيع الجاده يدهشني بالهدوء وطول البال ومدى إحترامه للآخر
أسي ياعمو أمين أنا كان ما ثرثرته هنا كنت حتعرف إني بشتاق لي حروفك؟؟ |
والله الذي لا إله إلى هو ، امبارح كتبت ليك مداخله طويله و لمن جيت أرسلها لقيت مداخلة أم سهي فيها كميه كبيره من الغم والجديه فآثرت إنو أجلي الموضوع لانو مداخلتي كانت ما جاده بصوره كبيره ....
-----
ممكن تعملو لي صفحه للمعجبين في الفيس بوك لانو شايف العدد كبر بصوره ما طبيعيه !!
| |
|
|
|
|
|
|
|
|
|
Re: ثرثرة (Re: أمين محمد سليمان)
|
| Quote: ممكن تعملو لي صفحه للمعجبين في الفيس بوك لانو شايف العدد كبر بصوره ما طبيعيه !! |
وانا بقترح إنضمامك لي قروب رواد دار الرياضة  أمدرمان
| |
|
|
|
|
|
|
|
|
|
Re: ثرثرة (Re: مرتضى احمد عبد القادر)
|
مواصلا ثرثرة المشتاق
********************
وينك بفتش فيك ما لاقيك أنجدني من هادي البلاد الذهللة، بعاين لأي شي بلقاهو مختلف، حتى وأنا بعاين للمرايا بلاقي زولاً غريب ما أنا البعرفو وبيعرفني!! عندك أسم للحاله دي ؟ (حاله أغا) دا الجا في بالك مش؟ ياخ الموضوع أكبر من سخريتك (سخريتك في الطين مرمية كوريتك يابسة ومجدوعة ) رحم الله الفنان مصطفى سيد نفسو. أي شي بقى مختلف، الناس المفاهيم إييييك بقيت أحس انو في حاجات كتيره شكلو كنا فاهمنها غلط، أديك مثال ؟ (أعطني مثالا أعطيك أُمه) هاك: إتخيل البت مريم الشجاعة بتاعة كتاب المطالعة إتضح انها بت مطلوقة ساي وإلا ما كانت حايمة أنصاص الليالي يوم ولعت النار في قضيب القطار المكسور عشان توري سايق القطار انو القضيب مكسور، حتى ناس التربية والتعليم لاحظو للموضوع دا وحذفوها من المقرر شفتا قدر كيف كنا بريئين ومساكين وقايلنها بت جدعة، خليني من مريم بغض النظر إنها شجاعة ولا مطلوقه وبغض النظر عن انو أنت أسمك منو دا ما موضوعنا المهم أنت إتغيرته برضو زي باقي الدنيا؟ ولا لسه لذيذ ورايق؟ أبوك سفن آب انت !!؟ ياخ مشتاقين.
| |
|
|
|
|
|
|
| |
مرتضى احمد عبد القادر
أم سهى
أمين محمد سليمان
فيس بوك
تويتر
انستقرام
يوتيوب
بنتيريست