|
Re: السرينكال و القوار لمحمد عبيد الفاضلابي (شعر (Re: Osama Mohammed)
|
السرينكال والقوار قطايا الحجرة
روقين في الظن .... روقين في الظن؟ روقين في الظن. طرقات الريق ترقال النوم المُجرى الحار قيفاتو تنز بطر الاحساس الوزّ الفتنة جبّاي القُطنة وسبينس القطر الوزة ساكن الخرطوم ..الضلفة ..الرزة.. مليان بالطين قعّاد الجِبنة المزّة .. يدي البلد روقين وظن.... يغبا الجنين الكل نحلف ندق السيجة في بطن البقر نقع القَرَيق نتوحدك زي الصَقَر .. الدايره يبقا . الناس شنو ؟ حاجة في الحاجة التحيجك!! أنا يدّي في خُرج البوابير البتاجروبن بيوت ما تتُرّي كي ما تزحفي بوريك عمايل التربية ! لِطيش بنات العنكبوت.. تُخن السراريق التموص الكسرة بي موية وتنوم. الحنضل الوطّاي من الجَرِح الكريم الصُفرة والآرش ..البيوت طابق وطابق طابق وطابق طابق وطابق طابق وطابق طابق وطابق للخِوَي .. تابا اللعينة الأرملة .. تُر لي ورا ... ازحف شوي تاوق تشوف صحة ولادنا المُهْملة .. معروكة في الواطا وتلايق في القوار .. وطار القطا الوزان ! بندان تويندد بندان يدد اتشن وي دنقدد أكج بين .... اشقلل في الوونس ..الا وير طوك ألا دج رج تيوك.. ألا جوبا اوقي دقشاي نياق... مو صُح يا خيل ؟ بلدي يا اب سقفاً حصير .. يا مَطوّل انتا من الاهل ومطولين نحنا المسير مانعني منك قلتالُن خلوني لي أب حيطاً قُصار جالوص كِرِك .. بلداَ نختها في العيون والعين بتنقدا النهار ... يا صالحة !! أها كيف ؟ كيف اصبحتو ؟ اصبحتو نيل ؟ يا صالحة !! !! أها كيف ؟ كيف اصبحتو ؟ اصبحتو نيل ؟ حَب الطير وصِل ؟ يا اربعين في السن وستين في الجريمة بتأمنونا الخرقاء عريانة وخلاص ؟ الفاقة لمَت ؟ الصوت محل ماشين غريب الفن مزورَب في القرع نطاق وسويلك دريب البيت مهم الجار وست البيت وطن إكّان قطايا الحجرة طار والأُمة مرقت من ضُلُمّات الودار نبقا نحنا الأُمة .. نحنا الحَجرة نحنا البيت وست البيت ونحن زمن كشف داركي عوينكو مطلقات شيفكك كيف تعاين ؟مالكا خي وريق ختاك مالكا داير تعرف تدُسها ؟ مالكا حبوبات كُبار كيف التبلدي العندنا ! يا خي بصيرتك هي حدا الجبل الفسيح قاور تلُمها جُب وننطيك الحُجاب ! ما تشيل نجيماتن ولض (؟) النحيب بيضاب.. كِن أكلّن خشم الهِدي !! يلزمكو فينا صمغ يدفنن في الرمل توسخ هديماتن .. هدماً مقطع شمل والشملة قدر النوم صوت الحنين الشابكن ..عندنا بتاً ما نبخل بالفرو. لو ها الدِقيرات والأيا من ضو ندسها في القِليب نونايه غبنها تهملو وقبل لكي قبِّل لكي شجر الهشاب الصي سهل عينيك عريسين في القمر تقرابن الدود والحصيف .. فص الكرو .. الوارم مسوس كل صيف.. يختا اللبيب يرجا التكارين البخوفو شفعّك.. الندّ عطورك في التُكُل والحرمل الخابزينو سيف يا قاوت المرض العُضال يا مُنتهي عند البدايات الرِجال قايلنو ضيف.. يا قاوت المرض العُضال يا مُنتهي عند البدايات الرِجال قايلنو ضيف.. يا قاوت المرض العُضال يا مُنتهي عند البدايات الرِجال قايلنو ضيف.. زمنك يموص في الحر والحر يموص زمنك.. صَحَنَك فِضا وترحل ارحل بَطُن صَحَنَك ألحس عَقابك لو فَضا أهي دي البُكانات بين يديك.. ين في الريال جيبها وتعال المؤتمر في عطبرة .. الحقني بالقلامة نقلع كل يوم عصفور نجنحو واللعب زيرين وموية مَعَكّرة وانا وانت ننبرم الصباح في الليف وتنبرم البنات في القافية وينبرم المرض في العافية وتنبرم الرياح في السيل وتنبرم العقول في الضيق .. تشَدّ.. وتنبرم العقول في الضيق ..تشَدّ.. وتنبرم العقول في الضيق .. تشَدّ.. تنبرم البلاد دي كُلها بُرمة واحدة .. يا نحنا ... يا بُرم الخياسة ...مشو
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: هشام كمال)
|
المُجرى الحار قيفاتو تنز بطر الاحساس الوزّ الفتنة جبّاي القُطنة وسبينس القطر الوزة ساكن الخرطوم ..الضلفة ..الرزة.. مليان بالطين قعّاد الجِبنة المزّة .. يدي البلد روقين وظن.... يغبا الجنين الكل نحلف ندق السيجة في بطن البقر نقع القَرَيق نتوحدك زي الصَقَر .. الدايره يبقا . الناس شنو ؟ حاجة في الحاجة التحيجك!!
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: هشام كمال)
|
يا اربعين في السن وستين في الجريمة بتأمنونا الخرقاء عريانة وخلاص ؟ الفاقة لمَت ؟ الصوت محل ماشين غريب الفن مزورَب في القرع نطاق وسويلك دريب البيت مهم الجار وست البيت وطن إكّان قطايا الحجرة طار والأُمة مرقت من ضُلُمّات الودار نبقا نحنا الأُمة .. نحنا الحَجرة نحنا البيت وست البيت
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: هشام كمال)
|
وادى الطرابيل فى اسرايل ـــــــــــــــــ...ـــــــــ. فى المارثون معاى لقطتّ تاليتك وصوت الريح عجز عن دخلة العشب الغلوس بين كل قيف حامل ضحيتو على هشيم بين كل حامل ونصها التانى الهديم بين السراب على طالما مصّ المزامير الغراب بين المسيح وفضايل الماره الخنيته الفاهمه عكس ودامه جوزـــــــ... ناديتك يا شيل بلا حسّد دوانى المد على حبل الدقون والدود برمت الشب معاى سجل غفير الصحرا ديراتى التلات ومرقت مانى حسيس انا والبلابل الخيره فى طوق النجاه وفى صرة البطن الجبان فى السغيرين البطلوا على المساس والشينه فى سهرة مريس دكّيت بساتين الحليب والدنيا ما وقفت تعض بى سنها المديون وكم سافل هرس بينات ضلوعو الشك وكم ظن البخت نادانى نادتنى الظروف الدون ...مادام على حنكة سجين سودانى خيرك ما احتلبت الشاربه من طين العصم ولا قدرت الحوت تربطو مع الغسق تشبهبو ...ما اختلف اللسان وتضيق طلعت على الغلط مصلوب وراك نكتب ودايما محرجين نتفشّ فى البصغ التراب بى نهره فى الحارق الطيابا حريق وراك ريحة المطر مى غيث ولا وطن الغلابه الميس وقدامك شره النقعه وسوس المكر كاتل حيلو كاتل حيلو كاتل حيلو ... ما فى الحفره من شمعه وقدامك طرحت براى مفاهيم الوطن سبعه :تقبل بى الهزيز والخيت :وبى المشى الورانى :وبى الطقش الخريف لو جيت :وتبقى براك لا ..هزّ المسام الود ولا تسمع صدى الكربون :وتقبل بى هجيم الليف :وبالتخويف :وبالعاصر على حلق الشدر مصرانى ماك اسيف ...وطظ من تانى فى البوبار وفى الخج البسيط الطب وطظ فى الاخرين فى الشوق وفى الحبل النزل من فوق وفى مهبل نهار السرقه فى السارقنى والهارى الخليقه السوق وطظ لحدى مل نعرف نقول الحق... فى المارثون معاى لقطت تاليتك وصوت الريح عجز عن دخلت العشب الغلوس.
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: هشام كمال)
|
أكثر ما يميّز الشاعر محمد عبيد الفاضلابي اضافة الي إلقائه المتميز ... ذلك الجرس الشعري أو القافية الداخلية . شعره جُلّه بالعامية وهو ما يزيده قربى لأوساط فئات بسيطة من هذا الشعب ... الجرس الداخلي نراه جلياً في كل قصائده خصوصاً عندما يلقيها بطريقته القوية المعهودة .. المفردات يختارها فاضلابي بعناية فائقة إذ لا يكتفي في احيان كثيرة بمفردات (شعر البطانة ) القوي بل يتعداها ويدخل مفردات (شبابية ) وهي مفردات يستخدمها الشباب عادة مما يكسب قصائده قبولاً في الاوساط الشبابية . الاصوات التي يستخدمها فاضلابي ليست مفردات تعني اصوات بل حوارات ما بينه وبين نفسه ، او ما بينه وبين شخصية ما او يدخل حواراً حميماً مع شخصية (طارئة ) تضيف بعداً انسانياً للقصيدة . داخل قصائده ينتقل فاضلابي بحدة بين المواضيع التي اختارها لقصائده هذه الحدة تعكس القلق المسيطر على فاضلابي كشاعر وفاضلابي كسوداني مهموم بقضية الحرية ... هذه القضية التي يعتبرها فاضلابي حداً يفصل مابين الانسان وانسانيته إذ( لايكن )الانسان انساناً إذا لم يكن حراً . فاضلابي شاعر من الشعب بدوي اللغة حضري الهندام ..
للحديث بقية
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: فاروق أبوحوه)
|
أنا يدّي في خُرج البوابير البتاجروبن بيوت ما تتُرّي كي ما تزحفي بوريك عمايل التربية ! لِطيش بنات العنكبوت.. تُخن السراريق التموص الكسرة بي موية وتنوم. الحنضل الوطّاي من الجَرِح الكريم الصُفرة والآرش ..البيوت طابق وطابق طابق وطابق طابق وطابق طابق وطابق طابق وطابق للخِوَي .. تابا اللعينة الأرملة ..
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: هشام كمال)
|
اولا شكرا على كل هذا التقدير وعلى الكلام العرفانى المسؤول خالص شكرا للاخوات والاخوان الاحرار هذا الفن البسيط يرجع اصله للجماهير تكتبوا عن الفنانين وتنسوا انفسكم؟ الجمهور المتزوق للفن فى اعتقادى هو الفنان الاصل المنتج عبر الفنان للماده الفنان يتغمص حالته وحالات الاخرين ليعبر عنها وهذا ايضا نوع من الفن بس الاصل فى الامر انكم انتم لابد ان تدركوا وتعرفوا انو ما هيى مواقعكم من انتاج الفنون
القصه ببساطه ذى مسالة البلد والحاكمين البلد الرئيس بخت نفسو فى حته صعبه وبصدقها انو هو الريس وهو الناهى والامر وهو القائد... والصحيح ان هذا الريس لا يستطيع ان يكون الا من خلال صناديق الاقتراع يعنى انتخابات وكده... طبعا ده حيثما كانت الدمقراطيه الشى ده حصل اهمال من الجماهير فى متابعت حقوقها بادوات المراقبه الفكريه والكتابه المستمره والحديث فى الاعلام عن حقوق الجمهور الاصليه لانو لولا الجمهور مل كانت هنالك انتاجات على كل المستويات التحيه لجمهور وطنى العريق ـــــــــــــــــ ثم التحيه للذين يعملون بصمن فى كل المجالات شكرا للاخ اسامه محمد عشان تعبيرك هذانى وابكى فؤادى ما يكتبه الاخوه عنى استحقه بعد ان تكتبوا عنى كجمهور اولا وكمجرب واداة تعبر عننا فى الاخر ـــــ فى الاخير شكرا لهشام كمال وتانى شكرا لهشام كمال ما تفرطوا فى حقوقكم كجماهير صنعت التاريخ لو خليتو الفنانين تشكروهم وتقدروهم مع تراكم الايام تضيع الحقوق الاصل وتبكون كما هو فى السياسه حاليا الريس خادم الجماهير والفنان خادم الجمهور ومرايتو البتعكس الصوره كل هذا الصور مقلوبه والان عرفتو قصدى مش؟ ياللا نكــــــــــــــــــــــــــــــــــــــــــــتب عن الجماهير ودورها فى المجتمعات ثم ناتى للذين يخدموا الجماهير حتى لا ننسى حقوقهم ايضا
| |
|
|
|
|
|
|
Re: السرينكال و القوار لمحمد عبيد الفاضلابي (شعر (Re: Osama Mohammed)
|
Quote: يا مُنتهي عند البدايات الرِجال قايلنو ضيف.. يا قاوت المرض العُضال يا مُنتهي عند البدايات الرِجال قايلنو ضيف.. يا قاوت المرض العُضال يا مُنتهي عند البدايات الرِجال قايلنو ضيف.. زمنك يموص في الحر والحر يموص زمنك.. صَحَنَك فِضا وترحل ارحل بَطُن صَحَنَك ألحس عَقابك لو فَضا أهي دي البُكانات بين يديك.. ين في الريال جيبها وتعال |
الحس عقابك يا الفاضلابي لو رجعتا لينا بالهنشل ..... مشتاقين ليكو حااااااار .. عيسي زين(عيسي لط)
| |
|
|
|
|
|
|
Re: السرينكال و القوار لمحمد عبيد الفاضلابي (شعر) (Re: هشام كمال)
|
الاعزاء هشام وكل المتداخلين
تحية لكم ولذا الابداع الجميل الاخ فاضلابي جدير بهذا الاحتفاء وهذا التكريم الجميل فهو مسكون بحب الحرف والوطن القضية القومة ليك فاضلابي والانحناء تبجلا
شكرا لامتاعنا وشكرا هشام على هذا البوست الرائع
لكم (خيزران الفرنجة) بصوت الفاضلابي
وارجو الضغط على الملف لتشغيلة
| |
|
|
|
|
|
|
Re: السرينكال و القوار لمحمد عبيد الفاضلابي (شعر) (Re: هشام كمال)
|
كتب الفاضلابى
Quote: اولا شكرا على كل هذا التقدير وعلى الكلام العرفانى المسؤول خالص شكرا للاخوات والاخوان الاحرار هذا الفن البسيط يرجع اصله للجماهير تكتبوا عن الفنانين وتنسوا انفسكم؟ الجمهور المتزوق للفن فى اعتقادى هو الفنان الاصل المنتج عبر الفنان للماده الفنان يتغمص حالته وحالات الاخرين ليعبر عنها وهذا ايضا نوع من الفن بس الاصل فى الامر انكم انتم لابد ان تدركوا وتعرفوا انو ما هيى مواقعكم من انتاج الفنون
القصه ببساطه ذى مسالة البلد والحاكمين البلد الرئيس بخت نفسو فى حته صعبه وبصدقها انو هو الريس وهو الناهى والامر وهو القائد... والصحيح ان هذا الريس لا يستطيع ان يكون الا من خلال صناديق الاقتراع يعنى انتخابات وكده... طبعا ده حيثما كانت الدمقراطيه الشى ده حصل اهمال من الجماهير فى متابعت حقوقها بادوات المراقبه الفكريه والكتابه المستمره والحديث فى الاعلام عن حقوق الجمهور الاصليه لانو لولا الجمهور مل كانت هنالك انتاجات على كل المستويات التحيه لجمهور وطنى العريق |
| |
|
|
|
|
|
|
Re: الطندبة (Re: هشام كمال)
|
هشام كمال صديقي سلام اظن الزول ده اقصد الفاضلابي قد سكنك وفاض داير تغرقنا معاك ... الزول ده كسح كلامو سمح
| |
|
|
|
|
|
|
|