|
نيويورك ** تؤجل حفل الفنان عمر احساس لظروف الطقس الي مارس 2010
|
الاخوة الاعزاء في نيويورك وما جاورها من مدن وولايات
لكم تحياتنا وسلامنا
كنا قد اعلنا لكم عن مهرجان الفن والطرب والغناء
حفل الجمعة الخامس من فبراير و بعد اكتمال كل ترتيباتنالاستقبال كل ضيوفنا
من نيويورك وما جاورها من ولايات ومدن الا ان ظروفا طارئة خارجة عن ارادتنا
ادت الي جعلنا ننوه لكم أسفين عن عدم الامكان بقيام حفل الغد الخامس من فبراير
لظروف الطقس والتي يعلمها الجميع
الاعزاء الذين هاتفوني من فلادلفيا ونيوجرسي وفرجينيا والذين اكدوا لنا بانهم حاضرون
ولآحبابنا في نيويورك نقول لكم ان الفنان الكبير عمر احساس والموسيقار الاستاذ ماهر تاج السر يقدمون
اعتذارهم للجميع ويعدون بأقامة حفلين في مارس بمشيئة الله تعالي ونحن نقدر ظروف كل الاخوة الذين ياتون بمركباتهم
ونخاف عليهم من عواقب الطريق
اعتذر والاستاذ علي محمد الحسن عن تاجيلنا لهذا الحفل وسنعلن لكم ان شاء الله في مارس عن حفلنا القادم
|
|
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: إحسان عبدالمتعال أحمد)
|
اصالة عن نفسي وانابة عن الاستاذ علي محمد الحسن
اتقدم بشكري الجزيل لاعضاء بالمكتب التنفيذي بالرابطة السودانية الامريكيه
والذين نجد منهم دائما كل الدعم والمسانده
شكرا الفنان الكبير سفير النغم عمر احساس علي سرعة الاستجابة لاقامة حفل نيويورك رغم أرتباطاتك ومشاغلك
شكرا الاستاذ الموسيقار ماهر تاج السر وقد هيئت كل ظروفك لتكون معنا امسية الجمعة
شكرا لكل الاعزاء الذين هاتفونا مؤكدين عزمهم علي الحضور
وكما وعدنا الفنان عمر احساس بحضوره في مارس فنحن نؤكد ان اراد الله باننا سنعد العدة
لاقامة حفلة في بداية جولته الفنية والدراسية واخري سيختم بها زيارته الي امريكا
اتمني لكم السلامة خاصة الذين يقودون المركبات مع ظروف الغد المناخية
ونودع الفنان عمر احساس وامنياتنا بوصوله سالما للسودان ولاهله واحبابه
ولكم احبتي التحايا والمحبة والتقدير
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: إحسان عبدالمتعال أحمد)
|
يا احسان سلامات
وعساك بخير وكتاكيتك والدكتور.
كده حلوه...اصلا في سري كنت حساداكم(هههههه)
اها مارس ده حلوى وفيه عطله صغنونه لو وقتها معاهو
يانا الطبينا عليكم وعملنا المردوم و العاجكو وكله(هههههه).
يلا يا عمر تمشي ويجيء بالسلامه ان شاء الله.
وضحكتونا يا احسان بعبارة (لظروف الطقس)
اصلا انتو جرسه.....لو شوفتوا الردم النحنا مردومينا في كندا حتعملوا ششو؟؟؟
(ههههههه) و الله نحن ما زينا الا ناس بفلو وشيكاغو قولي بس يا معين.
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: Kostawi)
|
الاخ العزيز كوستاوي
ازيك يا شمتان يا حاسد ناس احسان
الظاهر عليك قعدت ورفعت ايديك والمره الوحيدة الحصلت ليك فيها استجابة هي (البوزت علينا مهرجاننا )
وان شاء الله (الريسيت ) تكون اتقطعت عشان ما يرجعوا ليك حق البدلة (هاهااااااه)
والا تكون مستلفها من ناس نيويورك الانيقين ( مثلا ابو عمار صاحبك )
طالبنك جية وخميس وكمان جمعة ( اصحي يا بريش )
لك تحياتي
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: إحسان عبدالمتعال أحمد)
|
أنا عاد ما ود فقرا و عمر إحساس حاسي بالحاجة دي و حاسي بي
(ياخ ذكرتينا الأستاذ الرائع جدا و الفنان دبل رائع جدا محمد ميرغني...حاسي بي)
بالمناسبة يا أستاذة إحسان حصل لي الشرف بلقاء زوجك, الزول المهذب جدا و الما بشبه (ناس الزرائب) في ندوة الأستاذ دالي بواشنطون....و قلت ليه بالحرف الواحد....أنا أول مرة أقابلك و أقابل الأخت إحسان في واشنطون (بلد زرائب الحب العفيف و الورد اللاهوتي) في إحدى إحتفائيات (ضلنا) مصطفي سيد أحمد و التي أبدعت فيها المذيعة القديرة (بت زريبة الفحم) في إدارتها و تقديمها و إخراجها....في ذلك اليوم: غنينا بكينا رقصنا تفاكرنا و زرعنا الحب و تعاهدنا و مع الوعد...لا بتمحي يا ضلنا القلتو للبنية
يا زولة عليك الله طلعينا من جخانين الحزن الأبا يقيف دا
أمال كنة ماجدولين معتصم
و يومداك مصطفى سيد أحمد
غني يا عمر إحساس غني و أردمنا بتراب أهلنا في دارفور
و قول للبنية ما تحزني لأنو ما بتمحي
مااااا بتمحي
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: Kostawi)
|
الاخت المتالقة ابدا احسان عبدالمتعال الاخ على محمد الحسن والاخ حسن عيسى والاخ عبدالرحيم منصور والحبيب حبيب زرايب النغم الاخ كستاوى وكل الاخوة السودانين بنيويورك- جرسى- وفلادلفيا وكل من اظهر اهتماما بحفلنا المزمع قيامة اليوم الجمعه 5فبراير ااشكر لكم احاطتى بكل هذا المقدار من المحبة والاهتمام والذى كنت سارد جميله فنا وابداعا بامتداد ليله الجمعة ولكن (تاتى الرياح والعواصف بما لا يشتهى عمر) لكن هى مشيئة المولى ولايد لنا ولكم فيها ارجو تقبل اعتذارى ووعدى الذى قطعتة لمنظمى الحفل عاليه على اقامته فى مارس المقبل باذن الله وكان يمكن ان يحدث نفس الموقف لحفل دنفركلورادو ولكن بلطف الله ثم جهد منظمى الحفل بدنفر تم وفى هذا الجو العاصف تدبير سفرى من نيويورك الى واشنطون فى اخر لحظه والان انا بدنفر بحمدلله وهمة منظمى الحفل الذى سيقام غدا. اكرر شكرى وخاصة لصديقتى العزيزة والزميلة احسان مقدرا تكبدها الاعلان للحفل والاعلان بالاعتذار ولا يحدث هذا الا من شخص يقدر الغير ويراعى ظروفهم وشكر خاص للاخ الموسيقار ماهر تاج السر والذى تاثر بخبر اعلان العاصفة وخشيته من ان يؤدى ذلك لالغاء الحفل حتى خفت عليه شكرا جميعا عمر احساس
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: Moawia Mohammed)
|
استأذنك احسان للرد
على العزيزة تراجى
اولا عاصفة نيويورك
shower بالنسبة ليكم
فى كندا, وبالنسبة
لينا فى السودن
القيامة قامت يعنى
الانسان ابن بيئته
وتقولى لى المفارق
عينو قوية؟يا بت
ام كدادة انا لى
اخر ساعات سفرى
بودع فى الناس
بالغنا,ومن امس
بديت اودع فى الناس
بالتلفون وانشالله
لما اصلك ما القى
التلفون مشغول
وبرضوليك الشكر
با ام حازم على
جليل مواقفك معى
فى جولتى الفنيه
هذه وكنتى نعم السند
. نتكلم......
تنويه للاخ معاويه
الحقيقة ان سفرى
لدنفر كان مرتب له
من نيويورك بعد
انتهاء الحفل هناك
ولكن للظروف المعلومه
للجميع لم اسافر الى
نيويورك لذا كان مجهود
الجهه المنظمه فى تحويل
سفرى ليصبح
من واشنطون حيث اقيم
ووصلت دنفر مساء
الجمعه بحمد الله
اكرر شكرى للجميع
واسفى واعتذارى
للاحباب عاليه
| |
|
|
|
|
|
|
Re: نيويورك ** تؤجل حفل الفنان عمر احساس لظروف الطقس الي مارس 2010 (Re: Moawia Mohammed)
|
استأذنك احسان للرد
على العزيزة تراجى
اولا عاصفة نيويورك
shower بالنسبة ليكم
فى كندا, وبالنسبة
لينا فى السودن
القيامة قامت يعنى
الانسان ابن بيئته
وتقولى لى المفارق
عينو قوية؟يا بت
ام كدادة انا لى
اخر ساعات سفرى
بودع فى الناس
بالغنا,ومن امس
بديت اودع فى الناس
بالتلفون وانشالله
لما اصلك ما القى
التلفون مشغول
وبرضوليك الشكر
با ام حازم على
جليل مواقفك معى
فى جولتى الفنيه
هذه وكنتى نعم السند
. نتكلم......
تنويه للاخ معاويه
الحقيقة ان سفرى
لدنفر كان مرتب له
من نيويورك بعد
انتهاء الحفل هناك
ولكن للظروف المعلومه
للجميع لم اسافر الى
نيويورك لذا كان مجهود
الجهه المنظمه فى تحويل
سفرى ليصبح
من واشنطون حيث اقيم
ووصلت دنفر مساء
الجمعه بحمد الله
اكرر شكرى للجميع
واسفى واعتذارى
للاحباب عاليه
| |
|
|
|
|
|
|
|