|
Re: أغنيه جميله من الزمن الجميل (اهداء للجميع وخاصه ناس الدوحه) (Re: محمد طه الحبر)
|
حليوة ليلة المولد بقول غنوات وأقول غنوات فى البلد لبسير جنياتها لى قدام ولى الولد البتل ضرعاتو فى العرضة ويطير فى الدارة صقرية ولو السمحة تلت إيد ومدت جيد يقوم شايلاهو هاشمية ويشيل شبال ختفة ريد وفرحة عيد وريدة روح وحمرة عين وايدية ويالولد البشيل مدقاقو قولة خير على القمره يقابل الجاية متحزم ويدارك الجاية متلزم كلام فاسك على أرضك يبقى عديلة يا بيضا ويبقى زفاف تزغرد ليه قمرية وقبال حول تغّيم غيمة قِبلية ترش الدارة والحدبه الصعيد الحلة ويا فرحة بتطارد الصفقة فى النسمة الصعيدية ويا جهرة نهار الليلة بدرية رحيح جنياتنا فى الحدبة الصعيد الحلة يا سمحاتنا هو لبلب ويا قمحاتنا هو لبلب وياللوز الفتق فى الوادى هو لبلب ويا سمحاتنا هو لبلب ويالبحر الطمح مدّادى هو لبلب سألتك بالذى ركز الارض معبد وسوى الفاس عليها مقام سألتك بى حشا الأُمات ودمعاتنا سألتك بى كبيداتن ودعواتنا شليل وين راح يكون ضل الخريف فاتنا شليل وين راح وزى برق السماك الجابها دغشية وزى زغرودة البطن الكبارية مرق من شامة القمره ومقدم بالعديل يبرا تعالوا أبشروا آجنيات شليل ماراح شليل ما فات شليل عند المسورو حرق بقالو حصاد شليل فوق التقانت قام خدار وبلاد شليل مسدار شليل مشوار شليل أرضنا يا جنيات شليل قايم نصاصى الليل يتمتم ليلو وردية حرازنا شليل شليلنا دليب شليلنا دليل على البلدات بعد درب التبلدية شليل ما راح شليل ما فات شليلنا ونحنا همباتة ومهاجرية مزارع بات على عشقين تراب بلدو وسماح فوق بت مزارعية
| |
|
|
|
|
|
|
Re: أغنيه جميله من الزمن الجميل (اهداء للجميع وخاصه ناس الدوحه) (Re: محمد طه الحبر)
|
يا طة الحبر الله يرضي عليك يا حبيب احترموا إنتاج مطربينا خاصة إذا رحلوا .. و أخص لو كان مصطفي فقد انفق عمره حتي تخرج اعماله بالشكل الذي يليق ليس عدلا ان تبتسر الحدث بهذه العُجالة و كأنما مصطفي لسه قاعد في الامتداد !!!!
اعمل بوست يليق بالحدث و التسجيلات النادرة
نزل اغنية واحدة بتشتغل اوتوبلي + بايوغرافي حول تلحينها و تسجيلها و مكان تسجيلها (بتفاصيل) العازفين المشاركين منو !! تاريخ تلحينها و تاريخ تنفيذها ... الخ
قومت نفسي يا الحبر ياخي الله يهدينا و يهديك
اسحب واحد من التسجيلين و اضبط البوست خليهو يكون جاذب .. القارئ ماعندو وكت لي جهجهتك دي .
| |
|
|
|
|
|
|
Re: أغنيه جميله من الزمن الجميل (اهداء للجميع وخاصه ناس الدوحه) (Re: محمد طه الحبر)
|
يا محمد يا ود طه ود الحبر الله يديك العافية استراحة ولا اروع بصوت من سبق زمانه وتفرد بغنائه (الماعندو متيل) مصطفى مثل البرق او الشهاب اضاء سماء الاغنية فجاة ورحل عنا بنفس سرعة تالقه كل ما أستمع لغنائه تنتابني رعشة لذيذة من ذلك الصوت البهى الشجى الفخيم واللحن الجاذب لدرجة الالتصاق بوسيلة الاستماع .. بس لو كملت جميلك وجدعت لينا لينك للحفظ تلاقى دعواتنا الطيبة سابقاك كل صباح لينك للحفظ لله بالله عليك
| |
|
|
|
|
|
|
|