|
جديد .. رندوك ومصطلحات الشباب السوداني موديل 2010
|
كما جاءتني بالبريد
آخر مصططلحات الرندوك موديل 2010
ولاهمية الموضوع حتى يفهم الواحد ونسة شباب اليومين ديل او ونسة اولاده مع اصحابهم لازم نفهم هم بتكلموا كيف ......................................
ضفادع+نحل+دبايب +ضهب + مظلات = شخص يفرض نفسه ويتواجد فى كل مكان. زول ما معزوم
مرطّب= مرتاح أو بحاله ممتازه.
ربه=حفله.
دكاكينيه= خاصه.
هلوز+حسس + مزز+ جكس + بلوم + حمام = بنات.
ياعمك= ياأخونا.
كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.
شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.
قائد الاسطول= مسطول < B> سكروتا + مسنن = سكران .
ورل= اكبردرجه من(دبيب ونحل وضفادع) .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له < B>
شرط للأرض == سمحة شديدة .
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو
بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور
نار منقد + نجاضه + شديدة = يعني بت سمحة شديد < BR>
الاستكش + الخدرا + بشرب الشديد = البنقو او سجاير البنقو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة
احييييييييييييييي كدي النديكم نكت بي الرندوك علشان ما تزهجو
القاضي للشماسي : أنت الجابك شنو هنا ؟؟؟؟
الشماسي : والله يامولانا كنا بنلعب طره كجنق بالشرتيت ،، ، ، فجأة الجمتي كبس... اثنين تفتيحة كبوا الزوغة ،،،
وواحد فارة ماثل أمامكم ..... هههههههههههه ه ههههههههههههههههههههههه
واحدة عملت الحبيب بورقيبة لواحد ... قام الواحد عمل الضوء قدم الخير لأهلها.... وأهلها لما عرفوا ا نو ما عامل
كمال شغيل ... عملوا ليه الجزيرة أبا .... الاثنين قاموا عملوا الضوء الشارد... وعملوا عقد الجلاد... أم البت عرفت
الخبر عملت احمد الدوخي ... هههههههههههههههههههههههه
..........
تسلل :
مطلوب من الجميع مدنا بالجديد الثورة
عشان نتواصل مع الجيل الجاي بسهولة
|
|
|
|
|
|
|
|
Re: جديد .. رندوك ومصطلحات الشباب السوداني موديل 2010 (Re: محمد عبد الماجد الصايم)
|
سلام يا جمال السنوسى يا حبيب,,, يا صاحبى رندوكك دا موديل 2000 تعديل 2005!!! دى عينة مجانية,,
2010 دا بالنسبة ليك يا عمك..
صاحبنا دا قال شغال مراقب مالى فى دال,,
قال ليك واحد زاغ من قرية الأطفال,, واحدة من المشرفات قابلتو بالصدفة فى ميدان ابوجنزير شحدة تقيلة!!
قالت ليهو الكلام دا ما عيب عليك تشرد من القرية عشان تشحد!! قال ليها طقطقة قلتو حرام قرع ما ندقو كمان!!!!!!!!
تحياتى ..
| |
|
|
|
|
|
|
Re: جديد .. رندوك ومصطلحات الشباب السوداني موديل 2010 (Re: جمال السنوسي)
|
......
Quote: مطلوب من الجميع مدنا بالجديد الثورة |
قال:
كنَّا أنا و (الفردة) دا
ماشين نعمل (عشة الفلاتيَّة)
جانا ليك (الفارة) دا
(رندك) (رندوك) كدا ما (دسِّيس)
(إتعافن) معانا
إتعافنا معاو
طلعتا (الجُقُدِّى)
جقدتو ليك جقدتين
قام (إتعَقَد)
جانا ليك (البُمبة)
ركبنا (التونسية)
.......................
الفردة : الصاحب أو الصديق عشَّة الفلاتية: وجبة العشاء الفارة : زول سجمان الرندوك : الحديث أو الكلام دسِّيس : جميل أو سمح ، قابلة للنفى بما .. إتعافن : بمعنى سلوك غير لائق الجقُدِّى : السكين إتعقَد : مات البمبة : البوليس التونسية: سكة اللى يروح ما يرجعشى
أو كما قال
..........
| |
|
|
|
|
|
|
Re: جديد .. رندوك ومصطلحات الشباب السوداني موديل 2010 (Re: الوليد عمر)
|
كان خالي عمر خليل الله يرحمه قد اعد طبيخ فاصوليا لاولاده حيث كانت ام الاولاد في زيارة للبلد.
وعند رجوعه من الدوام اراد ان يختبر طعم الفصوليا على شفاه اولاده فقد رد عليه احدهم والله يا بابا ((الفاصوليا في السلك)) للدلالة على مذاقها اللذيذ.
الا ان والدهم رد عليهم باستغراب ليه كبيتوها في السلك ولا شنو (والسلك منطقة مجاورة للكلاكلة شرق).
شكرا جزيلاً
| |
|
|
|
|
|
|
Re: جديد .. رندوك ومصطلحات الشباب السوداني موديل 2010 (Re: الوليد عمر)
|
السنوسي ياجميل ياصاحب صاحبي
موضوعك جميل ولزيز والز مافيه انو اللغه دي بقت طلاب الجامعات الاولي واقرب دليل عندنا صاحبنا اسمو ...... شريف ده استاذ في اللغه الرندوكيه دي وباسلوب احترافي مهزب بعيد من بتاع الشماسه ومن امثله كلامو عشه الفلاتيه واتزحلق والحلنقي وعامل تمنين وماشه معاك ......كلب تتخيل انا مشيت لاققيتو مشيتي الفاتت للسودان والكان قابلتك فيها بجوهو بنات الجامعه عشان يوريهم وبستمتعو جدا بالونسه معاه وتلقاهم اخر انبساطه وشغالين وادي المضيحك وخشم القربه مبتسم واخر انبساطه
علي العموم في حاجات هنا ماحتفهموها تحياتي للمريخابي المعاك داك
| |
|
|
|
|
|
|
Re: جديد .. رندوك ومصطلحات الشباب السوداني موديل 2010 (Re: محمد الطيب حسن)
|
سلامات يا جيمي و الرندوك دا اجمل حاجة و بيثبت خفة دمنا كسودانيين
Quote: سكروتا + مسنن = سكران |
و برضو سكرامنتو شفشنكو= الزول البيشف في الامتحانات بتذكر سنة 2001 كان في دورة رمضانية اقامها شباب مربع 42 في الصحافة شرق قاموا سموا الفرق باسامي حسب أحداث الساعة في الوقت داك و بتذكر بعضها كان فريق القاعدة, تورا بورا, قندهار, الجزيرة, طالبان و سموا الميدان الذي كانت تقام عليه المباريات بـ (لوكربي)
بالمناسبة اكتر حاجة ضحكتني و انا في موقف المفروض ما اضحك فيهو لما قريت عنوان بوستك بعد هلال مريخ بتاع الوصـــــيـــــف تــــربــيـــع ... يا بطيخاب سكوووووت... حنوصّف و الله ضحكت مع اني مريخابي وما كنت عارف نتيجة المباراة و فتحت صفحة المنبر عشان اشوف الخبر شنو لكن الجواب كان باين من عنوان البوست بتاعك الله يجازيك ياخ
| |
|
|
|
|
|
|
|