|
** طرائف البورد** 2010**
|
هذا البوست اهديه للاستاذ كمال أوسلي والذي كان يكتب في المنبر بإسم osly2 ، وقد إشتهر بالطرفة والكتابة الرشيقة ، ومن أجمل ما كان يكتب بوستات تحت إسم (طرائف المنبر) يجمع فيها عددا من المداخلات الطريفة ويضع روابطها للفت الانظار إليها ..
اخونا كمال أوسلي تم الإستغناء عن خدماته في هذا المنبر العام قبل الفائت ونقل للمعاش الإجباري ، ولهذا فهو لن يكون مشاركا معنا في هذا البوست إلا بالتصفح وهذا أضعف الإيمان ..
ومن كلماته التي سأبدأ بها هذا البوست تلك التي كتبها في بوست (طرائف المنبر 2007) :
Quote: البوست دا سبيل للغاشى والماشى حق الناس كلهم من طرف
البوستات مليئه بالقفشات والطرائف اذا اردت ان نشاركك الضحك احضرها هنا
لا تتوقع رد على مشاركاتك فانت صاحب البوست واذا اردت ان ترد على روحك انت حر |
عليه فهذا البوست سيكون أيضا سبيل للغاشي والماشي ..
|
|
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
سلام يا ناذر انا كنت من القراء الخفيين لبوستيك السابق لكن الدور ده، لازم اعلن اعجابي الشديد :) والله قبل كم يوم كنت محتاجه اقراهو بشده، كانت الزهجه حاصله، و اتذكرته متابعه شديده، و كان الله هون، بنكوت و نجيب
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
ميادة ..
Quote: مالها سعاد الفاتح كدي عيبها لي !!!!!!!!
إنتو موش قبل كم يوم كنتوا بتتباكوا على نقد إشمعنى حلال عليكم حرام عليهم طيب على الاقل اعملوا بالحديث اللي في ما معناه (لا تشتموا اباءهم حتى لا يشتموا اباءكم)... ما متذكرة الحديث بالضبط
|
جني :
Quote: جانا اسلام الحناكيش! قريتى كمبونى ولا شنو! قوقلى وطلعى الحديث دايرة ليها درس عصر كمان قال رسول الله صلى الله عليه وسلم (( من الكبائر شتم الرجل والديه ! )) قالوا : يا رسول الله ، وهل يشتم الرجل والديه ؟! قال : (( نعم ؛ يسب أبا الرجل ، فيسب أباه ، ويسب أمه ، فيسب أمه )) وانتوا مالكم ومال القران بتحلفوا فوقو زى الدكشنرى!!
|
Quote: وشنو كانت شيوعية وبقت علمانية! انا ظاطى علمانى وليبرالى والبشير ديكتاتور! عليك الله المسلمين ديل كانوا بقدروا يعيشوا فى الغرب دا لو ماكان الغرب علمانى! يكوركوا ليكم ما تجوا يجوكم تكوركوا! صليبية واك شيوعية واك علمانية واك يسووا ليكم شنو!
|
من المصدر السابق ..!
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
عماد عبد الله
Quote: ؟؟؟؟؟ إنت يا بكري وصلت المرحلة دي ؟ بقيت - حمانا الله - ترسل لنفسك ؟؟
....... نحنا السبب .. قسم بالله نحنا السبب .. يا حليلك يا بكري .. كنت زول تمام و الله . |
ود الصائم
Quote: يا عمدة عمكـ قاعد يخت التراب تحت البورد عشان يشوووووت للمكتبات وكــدا ياخ! |
رجاء مهم
| |
|
|
|
|
|
|
Re: ** طرائف البورد** 2010** (Re: Munir)
|
ناذر يافنان البوست ده والقبليه بنفس المضمون بعبر بشكل جميل حياة الناس في البورد ده طبعا كل كم دقيقة الزول بخش البوست عشان يلقي في زول متابع في اتجاه واصطاد ليه موقف
تحياتي وكل عام وانت طيب
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
أبو النيذ يا قريبي سلامات وكل سنة والأهل طيبون.. يا حليل الصديق الغائب كمال أوسلي، له ولأسرته الكريمة كل الأماني بعام سعيد وموفّق.. ____ نطرب ونشجع اللعبة الحلوّة، فبالله ساعدونا بالتكويت؛ ونتوقع مساهمة فاعلة وسريعة من كل المهتمين، لأن البوستات أصبحت أكثر من المداخلات، فمن الصعب جداً متابعتها..
| |
|
|
|
|
|
|
Re: ** طرائف البورد** 2010** (Re: انتصار محمد صالخ بشير)
|
كتب دكتور بركات في بوست هل خليل فرح كان شيوعيا
Quote: إتقانه للعمل السري حيث كان من كوادر اللواء الأبيض وحركة 24 ومعروف أن العمل السري حرفة الشيوعيين اين ما كانوا |
رد ليه وهبة
Quote: والله يابركوتة دي قوية مافاضل ليكم الا الارقم بن ابي الارقم تعلنوه أحد الكوادر الشيوعية السرية الهامة في مرحلة انطلاق الدعوة الاسلامية وصدر الاسلام |
مع تاكيد شوقنا لود العم اوسلي ليته يرجع
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
شكرا الامين غلى رابط بوست أوسلي
التاريخ يعيد نفسه بعد مرور أربعةأعوام :
كتب سوباجو في بوست أوسلي :
Quote: اتعودنا ندخل العديد من البوستات و نستمع لبعض الموسيقى المرفقة في البوست ..
و لكن تجد ان هنالك حرية للمتصفح في ايقاف الاغنية لمواصلة القرائة و التركيز ......
و ذلك عن طريق البحث عن مشغل الاغاني المرفق في المشاركة و ايقافه ...
ولكن ..
ما تخش لي بوست بتاع ناذر الا تلقى غنية شغالة ..
الغريبة تفتش البوست فوق تحت ما تلقى المشغل عشان تقدر توقفها ...
و تضطر تمشي تقفل السماعة لو ما حابي تسمع و تركز في كلامو ... |
فكان ردي :
Quote: ياخي حرية شنو للمتصفح !! هسي عليك الله مصطفى محمود دا ما ملصق ليهو قصيدة في طرف الماوس وراشي بيها المنبر دا كلو لمن عمل بيها اربعة الف مداخلة .. ولا على كيف اصحاب البوستات .. في واحد قال ليهو بغم !! ولا هارشين منو |
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
خد وهات بين بدرالدين الامير واحلام وهبي..!! في بوست عضوة جديدة كرتون كرت كتب بدرالدين الامير
Quote: بيان من عطبرة المقصودة الظلامية د.بيان البتشلخ بالكبك ياحليها وحليل شكلها الرومانسى ... جاتكم احلام من عطبرة علمانية جندرية كادت ان تودينى في ستين داهية وتتسبب في إغلاق الشركة حين كانت تعمل معنا وحين جاتها واحدة قطرية من (السلفيات) وقالت لاحلام سودانية سافرة ولا تحطين حتى طرحة تعالوا شوفو احلام حين أنبرت لتلك الوهابية وبدت بالسقف الحلفاوى المعروف (د) ثم اكملت تحدثها عن الله والحريات الشخصية و صاحبت النصيحة تسمرت في مكانها وهي ترجف مماتسمع ثم غادرت المكان ... في ذلك الوقت كنت اسكن مع احلام والسنى في منزلهم قلت لاحلام انهيت خدماتك ومش داير اشوفك في الشركة وزي ما بقولو نالنى من الطيب نصيب فردت بقولها هو لو ماجور الزمان انا الحلفاوية اعمل تحت مدير عربى جزيرة تغور انت وشركتك ... الغريب في الامر ان تلك الوهابية جات في اليوم التانى تبحث عن احلام وهبى قلت لها فنشناها قالت ليش قلت لان لسانها متبرى منها قالت بالعكس تلك انسانة الفي قلبها على لسانها وانا عكسها بودى اتعرف عليها
|
ردت احلام وهبي في نفس البوست
Quote: صديقي بدر كما احب ان اناديه مسكاقمي وهكر في ( طبعا يا عربي الجزيرة الوثائقيه: ما حتكون فهمت اي حاجه ) وانت عارف العرب بيتقسمو لنوعين عرب سات وعرب نيوز وبعدين مافي اي واحد يجي يصصح لي العربي بتاعي ويعمل لي فيها مصحح املائي لانو نحنا من الناطقين بغيرها . وبعدين انا تاني ما حكرر غلطتي واشتغل تحت مدير عربي لكن صدقني انا حافتح لي شركه واجيبك تشتغل معاي يعني انا حاكون مديرتك . وبعدين تعال شنو ياالسني العروسه والمزرعه وماعارفه كده .لو ده عشمك ! عشم ابليس في الجنه (كرت كرتون دي لغة الرندوق في السودان)(فبالله ماتمسك بينا زمن ) لو عايزني اكتب ليك باللغه النويه والله يا بدر اجهجهك واخليك تلف صينيه . اعمل حسابك انا معتز القريش بالنسبه لي حمل وديع . ولاعذر لمن انذر
ــــــــــــــ تنهدات : انا ولا مثقفه ولا عندي علاقه بالمثقفاتيه |
الرابط.... Re: تضامنوا مع الفنان محمد السنى في محنته ومعا لطرد ال...احلام وهبى من المنبر
| |
|
|
|
|
|
|
Re: ** طرائف البورد** 2010** (Re: Magdi Ahmed Elsheikh)
|
ويواصل بدرالدين الامير نوادره عن احلام وهبي زوجة الاستاذ السني في نفس البوست...وهو بوست موبالغة في خد وهات ...وطريقة ودالامير المبتكرة في التعريف بالاخت احلام لجمهور سودانيزاونلاين ..الرابط مقدما.. Re: تضامنوا مع الفنان محمد السنى في محنته ومعا لطرد ال...احلام وهبى من المنبر
Quote: يابش اسمع هذه الحكاية والله حقيقة حصلت لنا مع قريبتك احلام كان وصلت الدوحة عروس وبعد ما غادرو الفندق ذهبنا لهم في الشقة لقينا السنى قاعد ممحن مالك يازول قال احلام مريضة ورافضة الاكل والشراب قلنا خلاص نوديها الكتور قال دكتور شنو دي مرضانة عشان ليها تلاتة ايام مارطنت مشينا كلمنا الاخت ميمونة دهب زوجت الاخ محمد سليمان جات رطنت معاها حتى زولتك فرهدت وجات سلمت علينا |
| |
|
|
|
|
|
|
Re: ** طرائف البورد** 2010** (Re: Balla Musa)
|
Quote: محمد طه الحبر :
ابحثو معي عن استاذي الصحفي عمر الجعلي
لقد درسني اللغه العربيه بمدارس الافريقي ببحري
فايز ود القاضي :
انا شخصياُ وباعتباري خارج السودان مابقدر اخدمك
لكن لوعندك مشكلة في اللغة العربية بقدر اخدمك .. |
والله ياناذر قطعت مصارينا بالضحك الله يجازي محنك ... بوست روعة
| |
|
|
|
|
|
|
Re: ** طرائف البورد** 2010** (Re: Moneim Malik)
|
في بوست ناذر الخليفة طرائف عوض دكام وأبو داؤود .. تداخل كوستاوي متسائلاً وكان السؤال ليس له علاقة بموضوع البوست
Quote: يا ناذر الحاصل شنو في الخرطوم? كدي شغل الموبايل و نحن منتظرين
sorry for the interruption |
فاجابه ناذر
Quote: سلام كوستاوي ..!!
الحاصل شنو هنا ؟!!
والله ما عارف ..!!
كدي النعمل رفرش للصفحة الاولى وأجيك تاني !!!
الظاهر أنا ما متابع ..!! |
واردفه (بعد ما عمل رفريش) بـ
Quote: كوستاوي ..!!
الخلعة ليك شنو ؟!!
الصفحة الاولى ما فيها حاجة غير حريق منزل حمور والإنتخابات المضروبة وبوستي دا ..!!
إنت سمعت ولا جابو ليك ؟!! |
فقام كوستاوي بايراد الرابط التالي (وكلو برة موضوع البوست)
Quote: عاجل جدا .. انباء تتحدث في الخرطوم عن اختفاء البشير وا...تباكات بين متنفذين! |
فكان الرد الاخير لناذر
Quote: كوستاوي ..!!
إنت قايل البشير دا بابو فاتح علي بابنا ولا شنو ؟!!
أخوك ليهو الله وعيشة السوق .. بقوم دغش بكابس السوق وبرجع مع فرة الوطاويط ،، باخد نومتي وبجي بترزع قدام الكمبيوتر دا ..!!
عندي أولاد بربي فيهم يا كوستاوي ولو قعدت إتجغمس جاي ولا جاي بجي أخر اليوم بلاقيهم ميتين عطاشى وناشفين على ضفاف النيل الما بيبعد ميتين متر عن محل سكني دا ..!!
صنفرة :
إنت عندك مشكلة مع أبو داوود وعوض دكام ديل ولا شنو ؟!! |
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
شكراً يا ناذر والله يديك العافية
تعرف الليلة من الصباح زهجان، والمنبر لقيتو ليك كلو تعازي وأمراض، زهجني زيادة
والله البوست بتاعك دا فرق لينا شوية بس مشكلتو شكلو كدا يا دوب بدأ وفى انتظار المزيد وركز لينا على محمد إي سليمان لوول
| |
|
|
|
|
|
|
Re: ** طرائف البورد** 2010** (Re: جعفر محي الدين)
|
ناذر في بوست بريمة المساليت عرب وهذا تاريخهم الاخ العضو محمد سليمان كانت عنده اول مداخلة ردعلى بريمة عجيبة والتي يسخر فيها من زعم بريمة عن رحلة القبائل العربية من الجزيرة واستيطانهم في افريقيا.
| |
|
|
|
|
|
|
Re: ** طرائف البورد** 2010** (Re: معتصم ود الجمام)
|
في هذا البوست معـجبة كتب ذو اليد لراوية:
Quote: لكي من الاعجاب ورود من الياسمين وانت خالدة فى ذاكرة الوطن وكل عام وانت بخير |
فردت:
Quote: ياود هه* ذاكرة الوطن شنو كمان أصلي نفيسة كامل ولا مهيرة بت عبود وعموما كلماتك المنمقة وجميلة دي مشكور عليها لكن خليها واقعية شوية |
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
ناصر البطل :
Quote: أكثر ما أحزنني من أول دقائق أيضا هو الكم الهائل من الشعر المستعار الذى لا تخطئه عينك عند الوقوع علي أول إمرأة جنوبيه تقابلك فى المطار, تسائلت حينها لماذا و هن يمتلكن تسريحات إفريقيه غاية فى الجمال علي شاكلة مشاط بتعابير مختلفه |
زكريا جوزيف :
Quote: و هل شعر إخواتك الشماليات صممه الله انجلوساكسون? |
جـوبـا... من رأى ليس كمن سمع
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
عمر الفاروق :
Quote: ده كلللللللو كوم والموزع التاني داخل الفرقة عازف الاورغن مظفر اظنو كوووووم تاني.. شغال برااااهو برضو بيوزع يقبل على الكورس ويوقف العزف عشان يأشر ليهم واصلو واصلو .. يعزف بي يد ويأشر لي بتاع الساكس مرة إنو يشتغل.. ومرات يطلع الصولة برااااهو بدون لا إحم ولا دستور.. |
بكري عباس :
Quote: مظفر دا مرة في حفلة الدوحة عمل ليك كم جلطة كده ابوهو قعد يعاين ليهو كده وفي سرو بكون صرف ليهو كم دين كدا
هم ما غلطانين غلطان ابوهم البخليهم يعزفوا وراه
|
إنتو أولاد وردي ديل جادين ؟
| |
|
|
|
|
|
|
Re: ** طرائف البورد** 2010** (Re: حمور زيادة)
|
في البوست اعلاه ( و شكلو ماشي على حذف ) كتب علي محمد علي بشير عن وهبة :
Quote: غايتو يا عمو وهبه قاعد تبالغ عديل كدا كراع فى الجبهه وكراع فى الحركه الشعبيه |
فعلّق عمر عثمان تعليقا مسطولا :
Quote: يابخت الاتحادي ............. |
| |
|
|
|
|
|
|
Re: ** طرائف البورد** 2010** (Re: ناذر محمد الخليفة)
|
.. . ياخى انا قاصد البوست دا .. متين المنبر بقى عندو 3 بوستات طرائف ..
المهم .. رغم الاحزان بالله ركزوا فى الطرفه التى اقصدها ولن اشر اليها الا بعد ظهر غد
_______
حتى الحبشي بقى دمو خفيف
والله عجايب
| |
|
|
|
|
|
|
|