|
|
|
 Re: حميد شاعر الجماهير ....فى سجن القفص الذهبى ...مبروك لكل اهل نورى (Re: abubakr salih)
|
حمتو .. رائعة حميد الجميلة ...الزمان الساعة سايرة
المكان فوق ارض دايرة
الحديد والواطه فايره
سيل عرق نازل يغرق
راسو مقطوع حيرتو حايرة
والحادادي الفيها قاعد
من جهنم جاتو طايرة
فكرو واقف بين يطرق
وبين يشيل جالون يشرق
يمسك المنجل يطرق
ينقر الشاكوش يطربق
حمتو شَرِّق حمتو شرق
حمتو منا وليك تشرق
تاني منا وليك تغرب
حمتو ما ولدوك مهندس
حمتو ما خلقوك مدرس
فيك بوم الهم معشعش
ولا متين للراس تنكس
يطرا لامن كان ابوهو
يدي ردمة من الحديد
وياما قام زير عرقو نقع
وجسمو نبق بالحديد
ماب يهمو قميص مرقع
والله سروالا جديد
حمتو مرة سال ابوهو
لم شفع كاتلوهو
زرزروه ونهروه
يابه وين طينا وارضنا
وين دواليبنا واوضنا
قام ابوهو انضارا غادي
ورش بي دمعو الحدادي
حمتو صاقع وين ارضنا
ووين دواليبنا واوضنا
تاني ابوهو انضاري غادي
ورش بي دمعو الحدادي
انت مالك يابه ساكت
يابا مالك الدقاك منو
قام ابوهو اسغفر الله
وشالو قرشين قالو يالله
اشتريبا حلاوة يالله
حمتو راح باع الحلاوة
في الطريق حاشوهو شفع
من قبل يصل الحدادي
نوحو كان سباق واسرع
ورا ابوهو سبب بكاهو
وبي عقاب صوتا مقطع
قام ابوهو عشان يحصل
لاحظ الخطوات بترجع
لي طويقات غلبو قفل
وكفلت القلب الموجع
في جنينة سيدي حايم
بين ضلال الرامي يرتع
جنب بهيماتا تقنقت
كايسي حن اماتا ترضع
حمتو برطع للحدادي
لم فجاءة لمحلو شفع
قدرو جاي من القرايه
للفطور شان تاني ترجع
في الصريف انضاره لابد
والنفس حاميهو يطلع
بي بشيش دودر كلابو
وفوق خطاهم ليها شكع
حمتو قرقر لم قرقر
الضحك دنقربو صنقع
ما انتقم من خصمو هسع
وبكره لي كلبينو ودع
حائط الايام تكسر
حمتو شب وحمتو يكبر
وكل مايكبر الصراع البينو يكبر
حمتو سب ووه زمجر
وكلما يودر هم
قبل ما حمتو ينسر
يلق تاني التحتو بنقر
جا المطر في ليلة هظر
ولي كرارق حمتو كسر
لي العفيش والعدي شتت
والحديد الراجي صقر
في جنينة سيدي صنقر
تحتو كوم اطفال مغبر
يطرا لامن ماتت امو
مالقا الناس البحمو
لا لقا الزول البصيح
ولا لقا الناس البجمو
لا لقا الناس البعزو
ولا لقا الناس البصلو
ولا لقا الناس البدفنو
رغم انو وانو انو
هم ما مقصر كلو كلو
مرت الايام درايش
وحمتو محتار كيف هو عايش
جاري في الارزاق يحاوش
روب وقع بيناتا دايش
حمتو مات مع انو عايش
مات وما بكت غير الحدادي
ونعشو شيعتو الانادي
مات وما طقالو صايح
لا خبيرو طقشلو رادي
مات وما نعتو الجرايد
لا بقتلو قبير بلادي
مات مع الانسان وسطنا
يوم صبح عالمنا مادي
لامن الصلاي تبول
في قفا الجامع عبادي
لم صوت الرب تكسر
والقيم باتت قلادي
حمتو في الاخرة ويعاين
للبيوت روق الجناين
زي لنيبة وسط رتاين
حمتو بس يسكت يعاين
بس يعاين لي الجناين
| |
 
|
|
|
|
|
|
|
|
Re: حميد شاعر الجماهير ....فى سجن القفص الذهبى ...مبروك لكل اهل نورى (Re: حيدر بشير)
|
الله يا حبيبنا
اسعدني الخبر حد البكاء
واندفقت ذاكرتي وجوها وحكايا
الان يا صديقي اطلق لدمعي العنان كما لم افعل منذ زمن طويل اغسل كل الشوارع التي عبرناها واعزاء لنا اقالد كل المنابر التي ارتدناها في ذلك الزمان كل الاغنيات التي حاولناها وكل القصائد التي قطعنا حبلها السرى ونحن نعبرشوارع المدينه الي همومنا المشتركة والي انسان مازال حلم ابداعاتنا التي تشكلت تفاصيلها في ذلك الزمان
الى الي ايها الاصدقاء من كل دروب الدنيا
اليلة افتقدكم جميعا
وانا اتنفس رائحة الحناء
واسمع ذلك الصوت الجميل
سرج ريدتك مو اول سرج وقعني
ولا حيكونلي اخراني
اقع لكن علي حيلي
واروب بالجلد ليلي000000000000000000000000000000000000000000000000000000000000000000000000000
| |
|
|
|
|
|
|
|
|
|
Re: حميد شاعر الجماهير ....فى سجن القفص الذهبى ...مبروك لكل اهل نورى (Re: awadharoun)
|
اخيرا قررالشاعر الكبير الصديق محمد الحسن سالم حميد دخول القفص الذهبى ليقترن باحدى قريباته من بنات نورى المحظوظات ..
سوف تتم مراسم الزواج اليوم ...والعريس معروف بالمثاليات فى سلوكه العام والخاص ..
..
الف مبروووك منى ومن كل معارفه واهله واصدقائه فى دولة الامارات
بيت مال وعيال طبعا حميد لا يرغب فى المال ويكرهه لان سبب مشاكل بين الناس وهو يسعى دوما للابتعاد عنه
مبروك
هذا اجمل خبر للعام الجديد 2010
الكيك ست الدار من شعر حميد كانت مقنعه لى فيها ما فيها ابارك لصديقى الحميم حميد انا اعتبره عرس متاخر جدا
ولكن نقول مبروك
| |
|
|
|
|
|
|
|
|
|
Re: حميد شاعر الجماهير ....فى سجن القفص الذهبى ...مبروك لكل اهل نورى (Re: مدثر محمد ادم)
|
المبدع محمد الحسن سالم حميد
كان أسـتاذنا بجامعة الخرطوم عملاق الأدب المقارن البروفسيور غـنيمى هلال يقول:
"إن روعة وجمال شــعر عمر البنا فى معلقته التى يقول فيها الحرب صبر واللقاء ثبات هى أنها كانت صـدى لوجدان حبيس. غاص فيها الشاعر فى أعماقه ونثر مكنونات نفـسه تعبيرا صادقا لما يشـعر به"
فأمنا على قوله. ولكننى أضفت إلى ماقال أن "معيار إنسانية الشاعر وأروع شــعره وأصدقه هـو إحساس الشاعر بمشاعر الآخـرين معايشـة لها ودغما لها فى وجدانه وإحساسة؛ فيصورها وهى تنساب من قلبه فى كلمات نحسها وكأنها مشاعرنا نحن."
وشاعرنا الصادق حميد واحد من أولئك النفـر القليل من الشـعراء الذى يوحى اليك بأنك تعيش فى دواخلك إحساس الآخرين بالحزن والأسى، والفرحة واللوعة، والإستبشار بالأمل فيصير شعره وكأنه إنعكاس لدواخلك وتعبيرا عما يجيش فى صدرك ولا تستطيع أن تعبر عنه إلا فى صدى كلماته.
فكما علمتنا "حميد" إحساس الحب الذى لاحدود له لإنسان السودان، نتمنى أن تحس بصادق فرحنا معك وأطيب أمنياتنا لك بواحة زوجية سعيدة تسبغ عليك فرحا دائما و تزيدك إبداعا وعطاءا
| |
|
|
|
|
|
|
|
|
|
Re: حميد شاعر الجماهير ....فى سجن القفص الذهبى ...مبروك لكل اهل نورى (Re: بدر الدين الأمير)
|
الاخ الكيك سلام
هذا اجمل خبر
ألف مبروك للعروسين
يوم زواجك حميد اخويا شفت كل الدنيا رقصت
وكل زهور نورى مالت
وكل طيور الدنيا غنت
والقمر فى سماه هل
والنجوم من حوله سجدت
والشمس يوم داك خسفت
لي جلالة قدرك انت
عايز اقول لك حميد اخوي
ومن اوخر الدنيا ديك
ومن قلب فرحان بيرقص
الف مبروك ليك انت
ولى اخيتك ولى اخوك
ولى شباب حلتنا ديك
ومني ليك اغلي التحيايا
وفى البداية وفى النهاية
الف مبروك ليك انت
| |
|
|
|
|
|
|
|
|
|
Re: حميد شاعر الجماهير ....فى سجن القفص الذهبى ...مبروك لكل اهل نورى (Re: بدر الدين الأمير)
|
الاعزاء المحتفين والمحتفلين بعزيز الشعب وود القبيله : حميد
له ولعروسه ولللاهل وللحبان الاف التهاني والتبريكات.
ولطينا وجروفنا التي غني لها له المنها الامتنان.
ويا ناس نورى ليكم زغروده تصل عنان السماء.....وللحباب علي ضفتي النيل ليكم الشوق والمحبه والمحنه من جبل البركل وكريمه بقربه ولناس الكرو والزومه والدهسيره ومفاشي والمقل والحجير واهلي بالاراك ولناس جلاس والبار والغريبه وكورتي والباسا وضفتنا الاخرى : اوسلي وما جاورها ومن مساوى للقرير وتنقاس ومروى قلبنا وقالبنا وحتي نصل لنورى مره اخرى.
التحايا لكل الضفاف في الشمال لمن نصل حلفا.
النحيه والمباركه لللاخرين في سوداننا الحبيب الذين حياهم فردا فردا.
| |
|
|
|
|
|
|
| |
الكيك
Shaker Hamid
بدر الدين الأمير
سلمى الشيخ سلامة
HAMZA SULIMAN
abubakr salih
Saber Abdelhadi
عفاف ابوكشوه
امال حسين
إخلاص محمد أحمد
محمد الفاتح خالد حسون
صديق الموج
Ahmed Alim
Osman Musa
Yasier Elsayed
Yassir Tayfour
محمد سنى دفع الله
Emad Ahmed
عفاف الصادق بابكر
اكرام الصادق الحسن
Bushra Elfadil
awadharoun
خالد المحرب
عبدالرحمن إبراهيم محمد
mahmed alhassan
باسط المكي
Aymen Tabir
فيس بوك
تويتر
انستقرام
يوتيوب
بنتيريست