|
خوازيق البلـــــــــــــد كم ؟؟
|
والحال يغني عن السؤال !! تذكرت مقولة التاجر الفلَس وبدأ يفتش في جيوب الملابس وكراس التلفونات أو الـ (Phone memory) .. ضاقت بيهو قال ( نلملم ) .. ان شاء الله ( حُترب ) ** أها نحن يا كافي البلى نلملم شنو ؟؟ ( الحُترب ) زاتو ما نافع .. ده أصلاً لو كان في ( حُترب ) من يوما خوازيق وماشة زايده !!! بلد مليانة خريجين من زمن حفرو البحر ، البحر زاتو حفروهو ( ماعونو ضيِق ) .. تقوم تنزل مطره وتملأ الماعون ، ويفيض الماعون يكسِر باقي بيوت الزباله الساكنه جنبو !! ويكسِر شارع الظلط ( التامنو ) مويه .. خريجين في أيِ حاجة ، العلمي والأدبي والصناعي والتنظيري .. المحسوس وملموس والليهو علاقة بالخيال والسما البعيده
يلا نعمِر بلدنا ، لافتة ( برضو من زمن حفرو البحر ) .. والبلد تعميره يتم بمزيد من الخوازيق .. كلما ظهرت لافتات ترحيب بافتتاح خازوق جديد .. تأكد بأنه خازوق جديد . وكلما ظهر (نشيد) جديد .. تأكد بأن البلد فيها خازوق جديد ماسكـ رقاب الناس .. ويلا حوالينو الناس الكانو ( متخوزقين ) زمان .. جايين يخوزقوالناس الكانوا مخوزقنهم .. وهاكـ يا خوازيق ... كل يوم نظرية ( خوزيقية ) جديدة !! . زمان الخوازيق تجي بالدس ... يسمعوا بيها ناس الحله .. ولامن تمشي لي ناس الحله التانية ويسمعو بيها ، يظهر خازوق جديد في حلة جديدة ... وتلف الخوازيق من غير خبر .. حسي الخوازيق لايف وحصرية في كل قنوات الشمار . ونحن طبعاً حيطة قصيره ، خوازيقنا ( يفلفلوها ) في الأخبار وكان قلنا ( بغم ) يقولو لينا القصار طالوا !! خلي مثلاً يكون عندنا ناس ( بدون ) مثلاً ... ما الدنيا الحولنا دي فيها بدون كتيرين !! ما تمشوا ( تفلفلو ) الخبر ده ؟؟؟ وهاكـ يا خوازيق تنمية خوازيق !! سياسة خوازيق !! كوره خوازيق !! أدبخانات خوازيق !! غنا خوازيق !! ( الغنا الواحد ده !! الفيهو شعر وملحن ومزيكه !! اتخيلوا غنا يكون خازوق .. حسي راجل المره دي ما خازوق ؟؟ رقشات خوازيق !! أراضي خوازيق !! إغتراب خازوق !! وده كما خازوق عينه . تاكل وتشرب وتتغوط وتستحمى ويشيلوكـ باقي عمر تمشي تشحد حق كفنكـ الناس يجوا يلموا حق العيشة ( البدون خوازيق) في وطنم ، يلموها لمة من عرف خازوق الجوع ... ونحن ( نفرتكا ) فرتيك من لم يعرف خازوق الجوع .. وهلمَ خوازيق .
|
|
|
|
|
|
|
العنوان |
الكاتب |
Date |
خوازيق البلـــــــــــــد كم ؟؟ | عمران حسن صالح | 12-19-09, 04:06 PM |
Re: خوازيق البلـــــــــــــد كم ؟؟ | محمد كابيلا | 12-19-09, 04:20 PM |
Re: خوازيق البلـــــــــــــد كم ؟؟ | Faris Mohamed | 12-19-09, 04:35 PM |
Re: خوازيق البلـــــــــــــد كم ؟؟ | ismeil abbas | 12-19-09, 04:45 PM |
Re: خوازيق البلـــــــــــــد كم ؟؟ | عمران حسن صالح | 12-19-09, 05:01 PM |
Re: خوازيق البلـــــــــــــد كم ؟؟ | عمران حسن صالح | 12-19-09, 04:52 PM |
Re: خوازيق البلـــــــــــــد كم ؟؟ | عمران حسن صالح | 12-19-09, 04:42 PM |
Re: خوازيق البلـــــــــــــد كم ؟؟ | Amira Elsheikh | 12-19-09, 05:12 PM |
Re: خوازيق البلـــــــــــــد كم ؟؟ | عمران حسن صالح | 12-19-09, 05:23 PM |
Re: خوازيق البلـــــــــــــد كم ؟؟ | عمران حسن صالح | 12-19-09, 08:19 PM |
Re: خوازيق البلـــــــــــــد كم ؟؟ | عمران حسن صالح | 12-20-09, 12:08 PM |
Re: خوازيق البلـــــــــــــد كم ؟؟ | عمران حسن صالح | 12-21-09, 04:29 PM |
|
|
|