|
|
 Re: مجموعة قصص قصيره(فاطمة السنوسي) (Re: خالد العبيد)
|
خالد العبيد
كل سنة وانت طيب سعيدة بك هنا ساحاول جمع مجموعة قصص قصيره(فاطمة السنوسي)هنا معا نبحث عن فاطمة السنوسي
يوم الاثنين الموافق 1/9/1986 جلست المبدعة فاطمة السنوسي كاتبة القصة المتميزة الى طفل وحاورته في السياسة .. وكانت اجاباته صادقة .. احتفظنا بهذا الحوار لاعجابنا به ولم نكن ندري اننا سنكون في مكان يسمح بنشره مرة اخري لكن ها قد حدث.. انا استأذن الاستاذة فاطمة وطفل يومذاك - 9 سنوات - فتي الىوم ذو الـ 27 سنة لنعيد نشر هذا الحوار ونرجو ان نلتقيه مرة اخري بعد كل هذه السنوات لاجراء حوار آخر في نفس تلك الموضوعات.. ليتصل بنا او من يعرف اين هو؟ إلى حوار يومذاك:
الاطفال وهموم الوطن - فاطمة السنوسي
اخترته كانموذج للاطفال من جيله الذين شاءت لهم الاقدار ان يتفاعلوا مباشرة او غير مباشرة مع احداث كبيرة تشكل الحياة السياسية والاجتماعية لهذا الوطن، حاولت الدخول الى عقله الغض لاعرف كيف يفكر وكيف يتفاعل مع هذه الاحداث ، سألت عما تعني الىه بعض الكلمات التي يسمعها كثيرا خاصة في الفترة الاخيرة..ونقلت الىكم اجاباته دون تعديل وبالكلمات التي اختارها لتعبر عن الطفل محمد تاج السر المبارك يبلغ من العمر تسع سنوات كثير الحيوية حاد الذكاء..
الديمقراطية؟ يعني الناس يتحدوا ويتعاونوا.
الحرية؟ الزول يمرق الشارع على كيفو.
الانتفاضة؟ يعني الزول خلعوه من الرئاسة.
البرلمان؟ الكلمة دي سمعت بيها لكن مافكرت فيها.
الجمعية التأسيسية؟ محل يتجمعوا فيهو ويأسسو حاجة.
رئيس الوزراء: الصادق المهدي.
رئيس الدولة: الميرغني.
الفترة الانتقالىة؟ الفترة البينقلوا فيها الرئيس..
جون قرنق؟ جنوبي عايز الرئاسة.
احسن سوداني؟ سوار الدهب.
اكعب سوداني؟ نميري ومعاه جون قرنق.
احسن مكان في السودان؟ ا لمطار - ثم غير رأيه وقال القاعة والمنتزه..
الوطن؟ يعني البلد.
الدائرة الجغرافية : افريقيا.
دوائر الخريجين؟ دوائر ما عارفا يعني شنو لكن الخريجين الناس الطلعوا من الجامعة وعايزين شغل.
المؤتمر الدستوري؟ ما عارفو شنو.
الحزب الشيوعي؟ يعني حزب ماقوي في الاسلام.
الاتحاديون؟ رئيسهم رفع علم الاستقلال وطرد الانجليز والمصريين من البلد.
حزب الامة؟ ما عارفه شنو لكن رئيسهم المهدي .
حزب البعث؟ سمعت بيهو لكن ما عارفو شنو.
الجبهة الاسلامية؟ حزب الناس الفاهمين الاسلام.
جنوب افريقيا؟ تقصدي ليبيا يعني.
نلسون مانديلا؟ زول سجنوه الانجليز وهو رئيس افريقيا ومرتو اسمها حاجة كده مانديلا.
كوكادام؟ كلو كلو ماسمعت بيها.
السلام؟ يعني الزول ما يكون جاياهو حاجة كعبة.
طيارة مدنية؟ طيارة ما بوليسية ضربها جون قرنق.
الوزراء؟ ما سمعت بي زول بعد الصادق المهدي وقبلوا الجزولي دفع الله وتاني ما عارف زول لكن بعرف الرقيب والا النقيب ما عارف اسمو.
المعتمدية؟ الرئاسة.
حاكم الاقليم؟ الزول البيحكم حاجات ما زي الخرطوم يعني زي مدني ، سنار، القضارف.
بتقرأ شنو في الجريدة؟ الرياضة والسينما.. الصفحة الاولي ما بقراها بس بشوف صورة الصادق المهدي سوار الدهب والجزولي واي حاجة.
لاجئ سياسي؟ بعرف سياسي لكن لاجئ ما بعرفها.
نميري وين؟ في مصر.
مظاهرة؟ يعني الشعب ما عايز الرئيس عشان عمل حاجات كعبه.. زمن نميري انا شفت مظاهرات كتيرة عشان نحنا جنب الجامعة.
البمبان؟ دخان يسيل الدموع انا ضقتو في المدرسة وأنا جوه الفصل زمن نميري.
غلاء المعيشة؟ يعني الزول يعيش كويس.
ويبقي السؤال عزيزي القارئ ماهي العوامل التي اثرت في تشكيل آراء هذا الجيل من الاطفال؟ ماهو دور الاعلام؟ المدرسة؟ البيت؟ .
ونحن ان واصلنا مثل هذا الاستقراء نستطيع ان نحدد نوع الثقافة التي تتراكم لتشكل خلفية ذهنية للاطفال الذين هم رجال الغد.
المصدر:http://www.alsahafa.info/index.php?type=3&id=2147491127
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست