مباراة مصر و الجزائر بالسودان ( الحقيقة الغائبة )

Quote: Spanish Eyes 42 minutes ago اول شئ بحب اهني السودانين جميعا بالانجاز الحققو السودان في استضافة المباراة دي ومع العلم انو المدة حقت التنظيم كانت قصيرة كلها 3 ايام فقط لا غير ولم يحدث فيها اي صابات خطيرة ولا حالات وفاة و ظهر السودان بمظهر محترم شعب ودولة وامن اشاد به الكثير من الاعلامين العرب والفيفا ودا وسام يعلق علي صدورنا ولو لم يعترف البعض بذلك مع العلم بانو مباربات تدار في اروبا بهذذا الحجم ويتم التنظيم ليها في اكثر من شهر وبموتو فيها ناس تاني شئ ما فعلة المصرين ليس الا اعادة لسيناريوو مسرحية شاهد ما شفش حاجة كان ابطالها ممثلين وفنانين مصرين والوجوه الجديدة الجمهور المصري ودا كلو نتيجة لخسارتهم امام منتخب الجزائر بهدف بدون مقابل ...وكون المباراة كانت منظمة ولم تحدث فيها اي حالة شغب من اولها لي نهايتها ...ما لقوو طريقة يبررو بيها خسارتهم فلم يكن منهم الا ان ان يجدو حجة يرجعو بيها لي بلدهم بعد ما كانو متأملين انهم يرجعو ومعاهم تأشيرة التأهل لكاس العالم انا ما شفت الحصل شنو وممكن اقول الجماهير الجزائرية اعتدت عليهم وممكن يكون غلط بس يا جماعة المباراة كانت عندها خطة معينة ومنظمة ...الخاسر يخرج ويخلي الفريق المنتصر في الملعب يحتفل مع جمهورو وكان خطة الاخلاء بانو المصرين يسلكو طريق بحري والجزائرين كبري الانقاذ ...يعني ما في اي مجال انهم يتلاقوو وزي ما قال احد الضباط انو 3 باصات من البعثة المصرية طلعت من خط السير وسلكت طريق تاني ودي الباصات الاتعرضت للاعتداء طيب اسألو نفسكم لي الباصات دي طلعت من خط السير الكان مأمن ليها حماية عسكرية وامنية ؟؟ لي مشو محل الجزائرين لو ما هم عايزين مشاكل ؟؟ الناس دي جاية بي فنانيها وشخصيات كبيرة فيها ...ترجع بخفي حني بعد ان وضعت مصر كرامتها واسمها في هذة المباراة ... واعتبرتها المباراة التاريخية المحددة لمصير مصر والهيلمانة دي كلها مستحيل طبعا لازم يكون في مبرر ... وكان السودان الضحية اتهمو انو ما قادر يدير حفلة عيد ميلاد خلي حدث قدر دا ... وقالو نحنا شنو الخلانا نختار السودان !! ... وتعرض الاعلامي العار علي الاعلام العربي عمروو اديب ...للسودان وامن السودان ومطار السودان ورمز دولة السودان ... واهانات كثير ما عايزة اقولها كلنا عرفينها وفنانيهم الذين يدعون الشهامة والرجولة بعد هروب رجال الامن السودانين خوفا علي ارواحهم من الجزائرين علي قولهم الناس دي زعلانة عشان اتغلبت ولو كلامهم صحي لي ما جابو لحدي اليوم فيديو واحد يثبت انهم اتعرضو للاعتداء في السودان لي ما عرضوو اشخاص اتعرضو للاعتداء والبت المصرية البقولو عينها اتشالت ...وين لي ما جات ورتنا ووين محمد فؤاد المتشرح في الشارع دا !! عايزين نشوف الجروح الاتصاب بيها ...كاذبون منافقون ... ناكرين للجميل ...اقول ليك يا مصر خسرتي تعاطف الشعب السوداني للابد [/