|
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان (Re: ياسر يحى عبد الله)
|
الكريم زهير
التحايا والسلام
Quote: وزعوا تذاكر المباراة علي المواطنين |
بالله عملوا كده ، اول مرة اسمع القصة دي ، يعني هم كانوا ضامنين انو التذاكر الشالوها ح تكفيهم وتزيد !
في نقطة مهمة هنا : لو انا باشجع الهالال - وانا كذلك - وقمت اديتني تذكرة مجانية عشان اشجع المريخ ممكن اشيلا لكن لما ادخل جوه لكل مقام مقال ....
Quote: جالوا في الأسواق ، جلسوا لجوار ستات الشاي وأكلوا في المطاعم الشعبية ... عرفوا قاع المدينة وأحياءها الراقية .. |
فعلا ، وانا شخصيا كنت مستغرب للقصة دي ،
الجماعة ديل كانوا في شارع النيل شايلين كاميراتهم وبيصوروا ولافين بالامجادات في السوق العربي واحياء المدينة ،
Quote: تحدثوا مع السودانيين رغم حاجز اللغة |
غايتو دي في رايي حصلت في حالات محدودة جدا ،
الجماعة ديل الاكسنت بتاعم ما مألوف بالنسبة للاذن السودانية ،
في السوق العربي جو جماعة جزائريين وهم بيكوركوا : باش نربحوهم ... باش نربحوهم !
زول في الناس الواقفين ديل فهم انهم قاصدين ح نفوز عليهم مافي ،
لكن اهو : ردوا عليهم : جزائر ... جزائر ....
Quote: عزفوا علي كل الأوتار الحساسة .... مباراة تشاد في القاهرة ... وحلايب ,, والدراما المصرية وتناولها للسوداني .. |
اختلف معك هنا ،
مثل هذه المواضيع تتطلب ناصية في لغة التواصل وخلفية ثقافية جيدة ،
والاثنتان في ظني لم تكونا متوفرتين ، خاصة الثانية لعوامل منها البعد الجغرافي للسودان عن الجزائر وخروجه عن دائرة اهتماماتهم ،
وسبب تاني انو الجاي دا جمهور كورة ما جمهور مثقفاتية والا سياسيين ، خاصة انو مسألة انهم يلعبوا في السودان ما كانت واردة في حساباتهم - قصدي الجزائريين -
الي ذلك يا زهير هل تعتقد باننا كسودانيين بهذه البساطة والسذاجة ؟
يجي واحد من الجزائر يعزف لينا كما قلت - علي بعض الاوتار فننبسط منو ونغير موقفنا لصالحو ؟
Quote: بعد المباراة لم تتضح الرؤية لعدد كبير من السودانيين , لمن ينحازوا .. لم يجدوا أمامهم سوي مناصري الفريق الجزائري |
تاني باختلف معاك يا زهير يا صديقي ،
للمرة التانية بتصور الجمهور السوداني بصورة ضخمها وعزف عليها الاعلام المصري ، وانا لا اقصد بالتأكيد تبنيك للخطاب دا ،
فقط ابدي ملاحظاتي التي قد تكون خاطئة ،
المهم ، الفكرة دي غير سليمة ، كل الناس كانت محددة خياراتا من بدري ،
ضد منتخب مصر لأسباب مختلفة وعديدة تحدث عنها الناس في المنبر هنا كثيرا والبوست دا ما موضوعا ،
مع الجزائر او ضدها لأسباب برضو مختلفة ،
من الاكيد انو في ناس غيرت رايا لاسباب تراها وجيهة ، لكن الغالبية كانت محددة خياراتا من بدري ....
Quote: عكس الجزائرين الذين أستغلوا كل عربة أمجاد وهايس أو ركشة |
فعلا يا زهير , قبيل كنت باقرا في جريدة الاحداث في لقاء مع سواق امجاد قال انو العائد بتاعو تضاعف 100% ،
ولما سألوه عن الركاب قال انو كل الركبو معاه كلهم جزائريين ولا واحد مصري ركب معاهو !
دا قد يرجع فيما بدا لي لصورة السودان في اذهان المصريين ،
الي ذلك قرأت ان وزارة الصحة المصرية حذرت مواطنيها الذاهبين الي السودان من البعوض والاكل غير المامون وكذا !
اخيرا يا زهير
Quote: خسرت مصر بالإضافة للأسباب عاليه وكما تفضلت ... 1/ وقوف الحكومة السافر معه ... مما جعل عدد من الناس نكاية في الحكومة يقفون ضد مصر .. 2/ إقامة المباراة في إستاد المريخ دفع اهل الهلال للوقوف مع الفريق الجزائري وأكتمل الأمر بعد أن جلس الجزائريين في مدرجات الهلال ولمن لا يعرف أهل الرياضة فهذه الأشياء لديهم أهم من إسم الفريق نفسه . وأما إذا ما أدركنا أن الفريق المصري يرتدي اللون الأحمر تكون الكارثة ثلاثية الأبعاد دون شك. |
في 1 دي باختلف معاك ،
ودا برضو بيدخل في اطار التنميط النحنا بنساعد علي دمغنا بيهو ،
يعني هل تعتقد انو الحكومة لو كانت مع الجزائر الناس كانت ح تكون مع مصر ؟
اعتقادي انو الشعب السوداني ما بالبساطة دي ،
ما هسه صور الرئيس عمر البشير دي في ناس كتار معلقنها وهم ضد الحكومة !
النقطة 2 دي طبعا بالنسبة لي غريبة جدا ، وارجو انو اهل الرياضة يفتونا فيها ، فانا علي كل حال هلالابي من منازلهم ،
لكم ما باتذكر انو مر علي قبل كدا انو الواحد يغير فكرتو في تشجيع فريق معين عشان غير لون فنيلتو !
يا عزيزي زهير ، كمواطن سوداني لا يهمني سلوك الاعلاميين المصريين بقدر ما تهمني مواقفي الميدئية تجاه بلادي ،
اها الاعلامي القال صحوا البشير دا انا لو البشير ما عاجبني هل ح يعجبني سلوكو ؟
ابدا وفي النقطة دي اسال اي سوداني معارض للحكومة ح تلقاه ممتعض منها ،
يا زهير نحن اكبر مما يحاول الاعلام المصري دمغنا به ، فساعدونا بالجكة .
ومودتي الأكيدة .
|
|
|
|
|
|
|
العنوان |
الكاتب |
Date |
لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | زهير الزناتي | 11-19-09, 02:56 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | زهير الزناتي | 11-19-09, 03:02 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | زهير الزناتي | 11-19-09, 03:12 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | عبدالكريم الامين احمد | 11-19-09, 03:06 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | زهير الزناتي | 11-19-09, 03:18 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | ياسر يحى عبد الله | 11-19-09, 03:27 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | الوليد محمد الامين | 11-19-09, 11:47 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | Amany Elamin | 11-20-09, 11:11 AM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | omer osman | 11-20-09, 01:02 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | welyab | 11-20-09, 01:05 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | السيد أحمد إبراهيم | 11-20-09, 01:38 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | هواري نمر | 11-20-09, 01:39 PM |
Re: لماذا إنحاز معظم السودانيين للجزائر .؟ وما سر الحملة الإعلامية المصرية ضد السودان | الوليد محمد الامين | 11-21-09, 03:03 PM |
|
|
|