|
بلا نيل بلا نيلة ... ! شئ عجيب
|
العنوان أعلاه طالعته في إحدي المواقع الالكترونية لكاتب مصري بعد الهزيمة التي تعرض لها الأهلي من الهلال السوداني في النسخة القبل الأخيرة للأندية الأبطال . تذكرت العنوان أعلاه وأنا أتابع تداعيات سقوط الفراعنة أمام مقاتلي الصحراء بالأمس بمدينة أمدرمان ذلك عبر القنوات الفضائية المصرية ومن يتابع هذه القنوات يعتقد إن هناك معركة حربية تدور في شوارع الخرطوم ومطاردات و(سيخ وعصي ومدي وسيوف ... إلخ) . وهي بالطبع لاتدور الا في رؤوس الموهومين .
طيب ياخوانا الجزائريين ديل دقوا كفر عديل وغلبوكم التهكم والسخرية علي الشعب السوداني والسودان بشكل عام فوق كم ؟ الصعلقة وقلة الادب التي يتحدث بها عمرو اديب وابراهيم مقدم برنامج دائرة الضوء لزوموا شنو ؟ الحديث عن أمجاد مصر وديونها التي علي رقاب العالمين حيفيد في شنو ؟ ياخ شلتو حالنا كسودانيين استقبلوكم وشالوكم علي كفوف الراحة بتصريحاتكم المنفلتة وبسلوككم الغير منضبط سياسييكم علي دستورييكم علي اعلامييكم . التهاني أحرها للشعب الجزائري بفوزهم المستحق وهاردلك لابوتريكة ورفاقه وعقبالنا في حلايب وشلاتين وبلا نيل بلا نيله .
|
|
|
|
|
|
|
|
Re: بلا نيل بلا نيلة ... ! شئ عجيب (Re: خضر حسين خليل)
|
بعدين انتو حكاية المذيعين البيدوا أوامر لرجالات الشرطة وسكرتير الاتحاد السوداني واعملوا وكده واعملو كدة وأعملو كدة دي شنو بالضبط مهانة ولا حقارة ولا شنو ؟
ياخ قفلو تلفوناتكم لو ما قادرين توقفوا المهازل البتحصل دي مرضتونا الله يمرضكم
| |
|
|
|
|
|
|
Re: بلا نيل بلا نيلة ... ! شئ عجيب (Re: خضر حسين خليل)
|
في اتصال بين الفنانة سهير المرشدي ومقدم برنامج دائرة الضوء الزول ده بقول لسهير يا سهير الناس دول لوعرفو المصريين عملوا ايه في ستة اكتوبر كانو عرفوا مقدراهم وحجمهم وطولهم وكان اي واحد وقف علي بعد امتار لما يتكلم مع مصري ؟
ـــــــــ هوذا الاعلام المصري فتأمل ؟
| |
|
|
|
|
|
|
Re: بلا نيل بلا نيلة ... ! شئ عجيب (Re: فيصل أحمد سحنون)
|
والله يا فيصل تجدني متفق معاك خالص خالص في حكاية طيبتنا الزائدة دي ياخ والله تتفرج علي البرنامج ده يتخيل انو في مجزرة حصلت بعدين ياخ ياهاديك الجزائر نحنا حاشرننا فوق كم ؟ ياخ في مشجع قال المباراة دي لو كانت في جنينة حيوانات كان احسن تخيل المهانة دي ؟ ياخي كويس زاتو بعد كده اي زول ينوم علي الجنبة التريحوا
| |
|
|
|
|
|
|
Re: بلا نيل بلا نيلة ... ! شئ عجيب (Re: بدرالدين كاجوري)
|
يا خوي ما نِحنا بِنْستاهل يِشتِمونا ويِشتِمو الخلفونا كمان ... إذا كان هُم -المِصرِيين- مُحتلين لينا أرض -حلايِب- ورِضينا نستقبلهُم إسْتِقبال الفاتِحين ... ظنك حيظِنو شنو؟ غير إنو نِحنا شعب < أهبل > و< عوير > ... أبو التحكيم الدولي ... السفير المِصري في السودان -تخِيل المَوجود في السودان- قال في تعليقو على طلب أهل الشرق (البِجا) في إحالة مَوضوع حلايِب إلى المحكمة ... قال : < ده طلب فج >
والله أنا مبسوط غاية الإنْبِساط مِن شِتيم المِصرِيين لينا ده ... علشان الشعب السوداني الفضل ... يِصحى ... ويُترُك الأحلام
| |
|
|
|
|
|
|
Re: بلا نيل بلا نيلة ... ! شئ عجيب (Re: عزام حسن فرح)
|
إبن الخال خضر مسكاقمي و مشتاقين و الله
قبل ساعة من الآن كنا في نقاش محتم و نحن نستمع لعمرو ال ما أديب دة و كراهيته البائنة بينونة كبرى للسودان و عنطظته .. كان معنا سعودي .. فقال للمصري الجالس بجانبي و هو يستمع للمتحدث بإسم الشرطة السودانية : ياخي المبارة هذي في المطار ولا إستاد المريخ ؟ بلاش جعجعة فارغة لأنو المباراة دي لو كانت في تونس كل المصريين كانوا رجعوا على نقالات ..
حاجة تفور الدم
| |
|
|
|
|
|
|
Re: بلا نيل بلا نيلة ... ! شئ عجيب (Re: ابو جهينة)
|
العزيز ابو جهينة تحياتي يامحترم والله يا ابو جهينة الجمهور السوداني كان في استقبال المصريين حتي قبل المباراة بساعات وآخر تصفيق وآخر احترام واي مصري يجي مارق كان بهتف (نحنا بنحبكم) طيب القصص بتاعت شراء السكاكين والماعارف شنو المصريين وكت عندهم علم بيها ليه رضوا اساساً بلعب المباراة الحصل ببساطة انو المصريين كانو حاشدين حشد اعلامي وجماهيري مبالغ فيه وكانو جايين وضامنين الفوز وسمعت شخصياً المطرب سعد الصغير وهو بقول انهم حيحتفلوا في حالة الفوز مع الشعب السوداني في استاد المريخ حتي الصباح طيب الحصل شنو ؟ الحصل انو في بص تم قذفه بطوبتين تلاتة لتقوم هذه الهليلة . ياخ القصة دي بصراحة محتاجة وقفة لو علي المستوي الشعبي ولا علي المستوي الحكومي . الناس دي قاعده في فنادق الخرطوم وشغالين بكا وكواريك ونحنا محبوسين ونحنا مطاردين في الشوارع . وزارة الثقافة والاعلام مفروض يطلعوا بيان رسمي يوضحوا فيهو حاصل الحاصل الداخلية السودانية مفترض تكون اكثر انضباطاً وان لا تردخ لاستفزازات هؤلاء الصعاليق ياخ نحنا زاتنا ما بنشوف في الدنيا دي زول بملأ عينا بلا سبعة وستين بلا كلام فارغ
| |
|
|
|
|
|
|
Re: بلا نيل بلا نيلة ... ! شئ عجيب (Re: عزام حسن فرح)
|
عزام ازيك ياخ والله بي صراحة انا بشوف انو الحكومة دي ترخي شوية حكاية امريكا وماتعرف دول الاستكبار والصهيونية والمعارضة وتحتوا شوية كدة مع المصريين ديل ونبداها بي حلايب ياخ ده ده أغرب شعب شوية طوب وشوية قزاز واجلاء وفرق طبية وتهديدات بالدخول لحماية مواطنيهم طيب ياخ وكت هم فالحين كده ما ينقذوا المحجوزين في وهران ديلاك
شجع مصر بتلعب مين قدك ههههههه
| |
|
|
|
|
|
|
Re: بلا نيل بلا نيلة ... ! شئ عجيب (Re: بدرالدين كاجوري)
|
كاجوري والله حقوا من دربنا ده نمشي نقبض الجزائريين ونصلبهم عرايا لما أنزلوه من هزيمة بالمنتخب المصري ياخي هو الحاصل شنو زاتو والله الزول الاسمو ابراهيم ده لبشنا عديل والواحد بقي مافاهم الحاصل شنو بخصوص الناطق الرسمي باسم الشرطة تمنيت لو لم يرد الغاظني برضو في زول اسمو مجدالدين مرافق الوفد البني ادم ده اتكلم كلام موضوعي ومنطقي وقد يثبت حقايق محدده المهم حاولو الاتصال به وبشكل مستفز المذيع كان بتكلم مع الكنترول وبقول ليهو اطلبلي الاسمو ايه ده امقد ولا مقدي ولامين ده ؟
الذ مافي الموضوع تسمية السودان بالجبهة يجي اتصال يقول ليهو انت معانا من القاهرة ولا من القبهة سنة ياقبهة
والله قصص والواحد ماعارف يلاقيها من وين ولا من مين ولا من شنو زاتو
| |
|
|
|
|
|
|
Re: بلا نيل بلا نيلة ... ! شئ عجيب (Re: خضر حسين خليل)
|
Quote: والله بي صراحة انا بشوف انو الحكومة دي ترخي شوية حكاية امريكا وماتعرف دول الاستكبار والصهيونية والمعارضة وتحتوا شوية كدة مع المصريين ديل ونبداها بي حلايب |
وهى الحكومة قالوا ليك ما راخية؟ دى منبرشة عديل وبتبكى بمخاخيتا عشان يرضو عنها حكومات الكبت الذكية لما تشوف رصيدها صفر عند الشعب بتفتعل الحروب لإلهاء الشعب عنها. ولو ديل كانوا ذكيين اهو عندهم فرصة كانوا المفروض يدوروا الحرب فى حلايب ويحرروها من اولاد بمبة ديل على الاقل كانوا ح يلقوا تاييد مؤقت من الشعب وفازوا فى الانتخابات بدون تزوير. ديل لا عدل ولا ذكاء ما عندهم بل جبروت وحرمنة وغباء بس
| |
|
|
|
|
|
|
Re: بلا نيل بلا نيلة ... ! شئ عجيب (Re: خضر حسين خليل)
|
قبل قليل مصري مواطن مصري يدعي محمد من الاسماعيلية بخالدالغندور مقدم برنامج الرياضة اليوم بدريم وسأله الآتي : هو مين ياخالد الاختار السودان ثم إستطرد (محمد بتاع الاسماعيلية) قائلاً ده السودان ما بيعرفش ينظم عيد ميلاد
شكراً يا محمد بتاع الاسماعيلية ما منك
| |
|
|
|
|
|
|
Re: بلا نيل بلا نيلة ... ! شئ عجيب (Re: خضر حسين خليل)
|
سلامات يا صاحب
يازول والله انا مبسوط بسطة تكفيني عدة أيام ،
مبسوط للسودانيين المساكين الكانو بشجعوا مصر وهي محتلة بلدهم ،
تعرف يا خضر الايام الفاتت دي كلها اخوك كان موضوعو الاساسي هو الموضوع دا ،
ناوي اكتب لي بحث او دراسة في الوضوع دا : تهافت التهافت ، او في رضي الدونية من بعض السودانيين !
غير ذلك مشتاقين يا زول .
| |
|
|
|
|
|
|
|