مسؤول ايرانى يقول " لايمكن اقالة الولى الفقيه خامنئ لان شرعيته من الله"

Quote: ياخي إنت الأيام دي ماشي كويس شي كرامات اطلاع على مافي الصدور وشي علم غيب وحاجات تانية حامياني :) الله يسألك أهل السنة ديل دايرين ليهم زول ييستعمل ضدهم قنبلة نووية؟ ماهم براهم مولعين في نفسهم هسع صدام حامي البوابة الشرقية هو الضرب أهل السنة الأكراد في حلبجة ولا الشيعة الضربوهم؟ والكويت السنية دي احتلاها صدام السني ولا إيران؟ وبلاد الحرمين القصفها بالصواريخ ايران ولا اسرائيل ولا صدام حسين السني؟ وناس دارفور ديل سبب مأساتهم ايران الشيعية ولا نظام البشير السني؟ والثورة المهدية ودولة الخليفة التعايشي أبادوها الصفويين الشيعة ولا الانجليز بالتعاون مع الخديوية السنة؟ ودولة التوحيد السنية في الدرعية دمرتها ايران الصفوية ولا الدولة العثمانية السنية؟ دولة الخلافة العثمانية دي زاتها السقط حجرها منو؟ ايران الصفوية ولا تامر العرب السنة مع الانجليز في الثورة العربية الكبرى؟ بعدين تعال داير تفتح مسجد سني في طهران ليه ؟اليست المساجد لله وجعلت لنا الأرض مسجداً وطهورا ليه الطائفية والتفرقة؟ هسع في مسجد شيعي في الرياض؟ في القاهرة؟ في الخرطوم؟ ياخي شوية كتب ايرانية في معرض الخرطوم ناسك عملوا مناحة؟